好多朋友去過都話好食, 今次等啱人才去, 因為唔係個個喜愛食大頭蝦.  下午茶時段有75折優惠, 抵食啲  水缸內的蝦隻隻生猛游水, 供應不絶   唔游嗰啲, 應該比員工拎左入廚房煮熟了.  除了即場自己燒, 現場還有小量熟食, 雪糕和飲品任食任飲.

爐雖然唔大, 不過夠用, 因為我地主打蝦同海鮮, 所以比較快熟.  2.5小時我覺得幾好, 唔太chur.  不停食其實兩個鐘都夠反肚.  由於太忙, 手又唔乾淨, 所以只影了幾張相.  每人仲有一隻鮑魚送.

因為係置地租戶，download 個 app 後間中會有店舖優惠 今次係 Sift, 買滿$200 可以用 $100 優惠 二話不說，即刻執夠一人兩件，支持一下大家近日辛勞嘅工作 個人比較喜歡 Hazelnut Chocolate Crunch，Peanut Butter Chocolate Chip 同Red Velvet. 扣減 $100 後 $156 有 8 件。正啊！

路過見到麻辣香鍋，早兩日食完好回味，即刻想比較一下。 午餐價錢包一個餸，一碗白飯，一個例湯，和一杯飲品。$60真係好抵食！ 叫左麻辣田雞香鍋和酸菜魚片 因為係午餐份量，所以唔係用鍋上。嘩！我覺得好好味 食到唔識停，仲一大碗白飯食晒 相比酸菜魚，魚好像比較失色。雖然魚片都算多，但係味道比田雞鍋搶咗 例湯其實都大大碗ok 架。 $60真係無野要投訴，連鎖快餐店都要呢個價錢

上次食完特價午餐，覺得幾好味，今次帶朋友去食晚飯 我哋三個人食唔得多，叫左三個餸，份量都唔少。先來一個大嘅重慶田雞煲。 雞煲可以揀辣度。老闆娘好人，怕我哋食唔到，先叫少辣，之後主動問我哋夠唔夠辣，要唔要加辣，仲另加麻椒油比我哋。味道好好，鑊氣夠晒 另外叫咗個菜同豬大腸。兩個都屬濃味，食到好開胃。如果豬大腸乾身一點會好啲。 呢度有點似大排檔，客人都係叫啤酒食火鍋。下次可以試吓雞煲完火鍋

近年我都幾鍾意食辣，間中就要食一餐。呢度唔係特登去搵，只係跨區買餸時路過 坐底見到另一枱個鍋好香好吸引，就跟人叫 由於係星期六，無午餐收費。午飯時間食正餐牌價錢，覺得有點貴 😅 鍋底後逐樣加錢。最少要加5項。最後叫左兩個肉，三個配菜。單一個鍋$200左右。不包飯和飲品。 香辣鍋上枱。味道真係好有北方家鄉菜嘅風味。香料辣度，真係近期食過最好嘅味道 不過材料就孤寒啲，每樣都係得少少。加碗白飯，真係無得頂 食完有種齒頰留香同令人回味嘅感覺 食完想試吓其他食物，就叫左 涼拌豆花米線。初頭以為米線係用豆腐做 原來只係放上面。撈米線個汁幾開胃，酸酸辣辣的。都幾特別 總括然而，食物唔錯。不過以午餐來說就唔係太抵食。乜都唔包仲要加一服務費。好多人午餐都係只叫一碗米線，快快食完就離開。

星期四晚，漢堡配薯條$100一份。一份兩個人分剛好，可以留番啲位食其他野 呢度出名忌廉汁青口。個汁真係幾正 我哋叫咗個菜沾汁食，不過又試掛住食，唔記得影相 😅 另外加左 Caesar Salad。咸左少少，大大碟好滿足。 加埋兩個 Smoothie, 真係抱住肚走 餐牌寫星期一係青口任食，已經 check 緊 diaries 邊個星期一可以再來作戰 餐廳地點近 AIA, 好多人放工會落嚟 happy hour。想確保有位，最好預先預訂

星期四餐廳做 Steak Night! $388 有兩份牛扒 我哋都喜歡食牛，就叫左 tenderloin 同 Rib Eye. 個人鍾意牛柳多啲，好腍好有牛味。Rib Eye 其實都好正，有炭燒香味，食到唔識停 因為第一次幫襯，唔知份量，怕唔夠飽 加 $38 加左roasted vegetables。 另外仲叫左 Cob Chicken Salad 雞肉好好味好滑。大大份，好豐富，一啲都唔孤寒。 再加兩杯飲品，結果又要抱住個肚離開 餐廳環境唔錯，有啲音樂，令人好放鬆。早訂位可以訂窗口位。 埋單因為叫多咗其他食物，唔係 $388 啦 不過招呼同食物都好，開心就好 已經諗緊幾時有期食多次

真心中伏！大家食放題慎選！ 話說朋友有呢間餐廳既套餐coupon（$298串燒放題餐，每位減$100），於是我地又去試下啦 Weekday 放工都坐滿人，心諗應該都唔差。由於餐廳满坐，店員就帶我地去對面拉麵店坐。 一位朋友會遲d來，我地就叫店員上少一份前菜（套餐包每位前菜一份，凍豆腐，凍炸雞同海苔沙律），我地就叫左支酒邊食邊等。 朋友到後，我地就請店員上埋最後一份前菜，但係店員回覆話廚房做唔切，催左幾次，結果大半個鐘後，朋友前菜才到 等待途中，店員為我地每位上左套餐包既六片刺身，刺身係新鮮好食既。後來都上左套餐每人一隻明太子釀機翼，一串燒雞翼，一串燒雞皮，一串燒雞軟骨。雞翼還好，雞皮同雞軟骨燒唔乾，仲連住好多雞肉，感覺似食雞肉放題。接著，就是漫長的等待。。。 餐廳放題落單叫串燒要掃QR code，當時見上菜上得慢就分左兩輪叫（其實都係各種類每人一串）。望住個網上點單，order左17樣野，兩個鐘內上左3樣（雞翼，雞皮，雞軟骨），基本上只係上左套餐包嘅食物。催單時，店員話：「廚房忙緊架啦，你見唔到排曬隊咩！」，再等再催，最後為我地送上四粒日本甜薯......等到痴呆及饑餓的情況下，真心多謝晒 基本上在拉麵店坐緊嘅客人，個個都只可以用期待嘅目光望住主店鋪嗰邊，等待廚房出食物拎過來。又過了不知多久，店員捧住d燒烤入黎拉面店大叫：「有無人要燒粟米，有凡立貝呀邊個要，蝦黎啦蝦黎啦」。之後邊枱應機就比邊枱有得食，唔應或反應唔切就無得食。我同朋友們比較忍讓，無 "搶" 到 其實所有客人都到肚餓同燥底，有客人要求店員跟返落單分量上，店員回應：「廚房都做唔切，比你地要唔要丫，拿唔係我地無比你啊係你地自己唔要啫！」吓！？咁都得！？真係玩救濟式放題？！上菜上到好似要餐廳施捨客人一樣，真係第一次 餐廳好多客人都同我地一樣，等到10點幾都係無咩落肚，結果就死死地氣埋單走左。我們覺得是次晚餐極為不满，有需要跟餐廳經理了解一下情況。三催四請下又等了20分鐘，來了好幾個聲稱自己是經理的人，但係都比唔到合理解釋亦話唔到事。最後，經理終於出來了解事情及道歉：「啊唔好意思呀！今日廚房裡面真係太忙了燒唔切，其實呢餐咁既情況，我都唔打算收各位錢架啦！」跟住就放左我地走，連我哋叫支酒都無收我哋錢。 我地絶對唔係一啲食霸王餐啲人，唔鼓勵以高姿態去投訴，過往亦從來未發生過類似嘅情況。可想而知，當時店員和餐廳的情況有多差，以致經理作出呢個決定。餐廳其他人最後有無好似我地咁免單我就唔清楚了，但係氣氛同情緒就一定係差。 最後我們發現，原來連個餐基本上既食物都無上齊，真係太失望了。朋友屋企仲有十幾張coupon，不過今次伏到咁，佢都應該唔會帶家人去了。

Oyster Station 都唔係第一次食，不過之前係其他分店。新店好旺，無訂位，只係路過想食 要坐高櫈，因為小姐話入面訂滿晒。結果真係好多人出出入入，不停有客人。想確定有位，最好先訂座，因為我見到有人在門口食 例牌食左兩打$10蠔先。$10/隻，算幾好質素吖。 一人食左打蠔，咁食啲輕啲啦 叫左沙律同豬手。沙律個雞肉好好味，菜好甜。豬手我就覺得乾左少少，咬到我好攰。 因為多人出入，唔會係啲可以慢慢坐嘅地方，間中食下都無妨

今次食下午茶唔想只食甜，所以揀選了泰式，期望有新嘅體驗 由於唔太肚餓，三個人食一個 tea set 加一份沙律。沙律比想像中細，細到覺得唔係好值，好似只得兩片羅馬生菜。 Tea set 包飲品，叫左奶茶同檸檬茶。如果想要 Bubbles 就加 $6。麻麻地，得個甜字。 呢個就係個 tea set。少許炸物，重油味。串燒正常，唔吸引。最好食係個蛋糕同芒果糯米飯。 假日人流唔多，用餐時間90分鐘。我哋唔夠90分鐘就離坐，所以唔知佢會唔會趕客走。招呼基本上係無，唔會幫你加水。如果下午茶的話，應該唔會再來。