泉章居

营业中

休息中

4月30日晚，－家三口往泉章居晚飯，因已很久沒有光顧，點了一個二人餐，包括例湯，鹽焗雞、西檸芝蔴蝦球、蟹肉扒西蘭花，再加一個煎炆釀豆腐，並要了一碗白飯及一碗魚湯米線，鹽焗雞都是一貫水準，蝦球可能是預先炸定，只待有柯打才淋上檸檬汁，西蘭花及豆腐都是非常一般，埋單時$780，正當預備離開酒樓時，發覺其他檯的食客有免費糖水黑芝麻糊，向部長詢問我們為何沒有，部長答覆是⋯⋯下次啦！不是不想支持本地食肆，但這樣的服務及食物質素，難怪北上消費的港人只會愈來愈多，跌入惡性循環

這裡的鹽焗雞，十年如1日的好味👍🏻👍🏻。今次叫了一款新菜，叫做冰鎮咕嚕肉，賣相非常特別，是將一些咕嚕肉藏在很多冰內，但最奇怪的是，整個賣相好像一個放啤酒的冰桶，咕嚕肉長期放在冰碗內，肉質變得硬掘掘，這是我們吃過最奇怪的咕嚕肉。在其他餐廳，如果我們點這款拔絲咕嚕肉，無論是賣相，或者口感方面都比他們優勝，可能他們要努力一點做好外觀上的upgrade了😊另外，他們推介我們點爵士湯，可惜，這個湯味道比較淡，雖然都有落有落哈密瓜，沙篸，雞件，以及各種配料， 但味道很一般，有點失望。留意在服務方面，他們是舊式酒樓的服務，所以侍應們都比較健談，不妨跟他們多交談，了解一下舊式的飲食生意吧！

當失去才知重要，人總會這樣。可能已失去了太多，多到麻目和善忘，今天才發現泉章居在香港已剩餘一間，有無底的難過，但又慶幸自己原來麻目已過，再懂得難過。是快到下午茶時間，挑了靠窗有一大盤大顆大顆黃色蘭花盛放着的枱，細細讀了幾遍菜單，許多東西也想吃，也喚起許多回憶，可是肚子極有限，擾攘一番，點了鹽焗雞肶飯和涼瓜班腩炒河。雞肶竟是雙肶，是新年大贈送，還是好運？要聲明這不是試食或任何形式的款待，是真金白銀付費的午餐。雞肶非常嫩滑，但咸度太收歛，配點沙羌吃，仍可以大口大口吃完一碟飯，友人的班腩肉不多，但有骨啃的班也令人吃得非常滋味。静静逝去的太多了，要珍惜。

僅剩一間— 上環泉章居時為四十年代，泉章居由廣州遷至深水埗開店，由陳奕泉及陳日章在廣東省興寧市創辦，所以泉章之名因此而來。後來陳日章創辦了醉瓊樓 ，1956年4月在銅鑼灣樂聲戲院旁開設第一間醉瓊樓，其他醉瓊樓，有些是陳氏經營的。現泉章居就是醉瓊樓後人經營的。泉章居的題字，由時任中華民國監察院院長的名書法家于右任於1954年所題，店樓房外墻的招牌題字有于右任的簽名和蓋印，是香港少有的草書招牌。店家稱當年于右任喜愛泉章居的鹽焗雞，因而題字相送；又有說，第一代老闆陳奕泉是國民黨的忠實支持者，堅持所有食材及用具均需產自台灣或有關之商號，可能因這關係獲于右任題字，所以來到這裡非要吃霸王鹽焗雞不可。雞肉嫩滑可口，吃下有嚼勁。而且那沙薑醬十分好吃，磨得均稱。果然是招牌菜。杏汁白肺湯，杏汁磨得順滑，亦是出色，湯料可吃。豬肺洗得均稱潔淨，少了一份擔心。而且火候適中，燉出來不油膩，肉汁杏汁在一起竟沒有違和感。上次喝的天麻烏雞湯，藥膳味道十足，今次潤肺一流，喝一口湯，十分暖和，很好。菠蘿咕嚕肉是考師傅功力的菜，惜在香港能煮得好的買少見少。咕嚕肉的山渣酸醋醬汁做得好，但梅頭肉不夠均稱，且醬汁混得不夠均勻，青椒

由全盛時期做到得返一間鋪，但侍應態度咁多年都係一樣麻麻。餐廳成日話香港人返內地無生意，其實都要檢討一下自己服務，野食都無當年咁好食，以上純粹個人觀點醉瓊樓真係好好多

上次行完工展會去見到有羊腩飯$72，諗住老字號應該好正咪試下，點知俾得幾塊皮同一舊好鞋嘅肉，D好肉嘅唔知係咪俾晒D熟客? 食左果次之後都唔去啦，不如鹽焗雞飯好過。

今天起床後折騰了一陣子，錯過了早餐時段，想起甘香豐腴的梅菜扣肉，便決定去泉章居來一客濃油赤醬的梅菜扣肉飯作午餐，這是客家菜中的代表食物，有些人怕太油膩及太多脂肪，多對此物敬而遠之，但我想偶然吃一次也不會傷身吧！ 開了壺鐵觀音同時柯打了梅菜扣肉飯，相隔了七分鐘伙記便送來一兜梅菜扣肉和一大碟白飯。先攆了梅菜汁上飯面嚐一口，梅菜汁甜香而不腻，中和了梅菜的鹹味而带出更多甜味，更加中和了肥美的扣肉，入口只感受到扣肉的油脂豐腴而完全沒有膩滞感，真的做到了入口即化的效果，這個梅菜汁最能下飯，約了的朋友還未到，我便吃至碟底朝天，呷著鐵觀音茶來解滞養胃，今天天氣晴朗萬里無雲，此時此刻正有天清氣朗惠風和暢的感覺。

佢哋晚飯後係有糖水送的，諗住叫糖水，跟住隔一陣行出嚟話已經送晒，話口未停，跟住見到前邊佢已經派緊糖水，最搞笑就係跟住有個侍應行出嚟我後邊枱係咁問後邊食咗糖水未啊？有西米露糖水送喎！如果冇糖水送咁問你係咪多舊魚？咁即係擺明揀客送啫！下次費事再嚟，揀客招呼的！😓😓😓

一頓充滿懷舊味道的晚飯，家人預訂了冬瓜盅，足料厚肉夠消暑、霸皇雞肥美肉嫩，自製沙薑粉佐料更提味、冰鎮咕嚕肉外脆內軟有咬口，兼可大玩尋寶遊戲、錦鹵雲吞個甜酸汁，師傅識用叉燒魷魚蝦... 做材料，係小時候吃過的味道，是老師傅才會做到、大大隻黃金蝦碌，碌了殼仍然係啖啖肉、豬心腩肉煲炆得入味夠淋，配搭埋香芹介菜更加惹味，餐後還有木瓜雪耳糖水送，部長待應殷勤招呼，好美味的生日飯；下次再光臨，品嚐其他懷舊菜式。

今天來到一家名為「泉章居」的飯店，專門供應正宗客家菜。之前港九都有分店，現在只剩下上環這間。今晚每道菜都充滿了客家菜的特色：首先上桌的是招牌菜——**客家梅菜扣肉**。肥瘦相間的五花肉，肉質軟嫩，肥而不膩，與香氣撲鼻的梅菜完美融合，令人回味無窮。接著品嘗了**招牌霸王雞**。雞肉皮脆肉嫩，鹽焗的香氣滲透到雞肉的每一處，鮮美多汁，讓人忍不住一口接一口。**客家小炒**也是一道經典菜餚。以蝦乾、魷魚、青椒、蒜苗等食材炒製而成，口感豐富，讓人胃口大開。另一道三鮮骨髓，骨髓選用的是牛骨髓，骨髓的香氣濃郁，口感醇厚，入口即化，與海鮮的鮮味完美融合，令我印象深刻，回味無窮。豉汁蒸大鱔，吃得出是新鮮，與豉汁配合得天衣無縫，讚！最後，來一碗**生磨杏仁露**作為結尾。。非常滿意的一餐客家菜！

晚上9:00，啲嘢未食晒，侍應們已經係咁想收碟。9:15，逼你埋單。9:45，趕晒全場啲人走。仲要大門口已經落閘，唔俾行樓梯，一定等𨋢。所以真係唔好怪人用腳投票，唔留港消費。一定唔會再幫襯！

尋晚一班朋友去食飯，點咗套餐加一堆食物，點知嚟咗四個餸之後餐廳越食越熱，主動問之下先知道原來跳咗電掣，廚房不能開爐煮嘢食。客人唯有焗住等，侍應完全沒有交代要等幾耐。等完又等，等完又等，等到頂唔順就話不如走啦。只係嚟咗四個小菜，係套餐入面嘅四個小菜，點知餐廳要我哋按單點原價收費，即係仲貴過原本。爭取之下，佢先話可以免茶錢同免白飯錢兩碗咁大把。冷氣冇晒焗左成粒鐘，仲要唔主動交代發生咩事，到我哋頂唔順自己走竟然要收+1服務費？好唔合理掛。部長非常冇禮貌，態度囂張，所有人都覺得，佢另外兩間分店執笠真係有原因。

佛誕日來到泉章居，本來想食羅漢齋炒麵應下節，但見到餐牌上有陳皮鴨腿湯飯，即時凡心未盡未能食素，便柯打了陳皮鴨腿湯飯。 落單不逾五分鐘便送上枱，鴨腿湯及飯分別以燉盅及大碗盛載上枱，湯盅内有一大片陳皮、厚身冬菇、連皮冬瓜、西洋菜及鴨腿一隻，㷛過的鴨腿肉不黐骨，用筷子稍用手一夾便可夾開，先嚐一口湯，带有陳皮的清香味，為免浸過湯的飯身過腍不好吃，我將白飯分段放入盅内，而索滿湯汁的冬瓜入口也带著陳皮的香味，冬菇雖然細隻，但卻厚身濃味。 取價六十八塊不算平宜，比茶餐廳賣的貴上不少，但用料及質素都值回票價，還包埋茶錢，你重想有什要求？佛誕執迷不悔！ No regret!

泉章居已經執淨上環店，如果唔係老人家話想食，我地都唔會去！五個人，我地無叫套餐係散叫：霸王雞半隻炸大腸梅菜扣肉東江豆腐煲白果豬肚湯椒鹽鮮魷（後加）2個白飯埋單$1048叫完餸個阿姐好好咁仲要複我一次單，我哋到晒所有餸連後加個椒鹽鮮魷都到埋但係個湯都未到。梅菜扣肉就唔洗講炸大腸以前下面鋪酸白蘿蔔，而家只有幾舊無味嘅罐頭菠蘿🍍到隻霸皇雞，阿媽話霸王雞點解上面無薑蔥！？一問之下原來佢比咗沙薑雞，個阿姐仲話加番啲薑蔥上去咪就係=霸王雞囉，！真係吹到「啤」一聲！😤個東江豆腐煲仲搞笑，平時上應該係砂鍋之類比較像樣嘅煲，今晚上菜竟然上咗個好大嘅湯煲入面有好多水同幾舊釀豆腐。問個姐姐點解會咁奇怪嘅，佢仲答我哋：「唔知呀，個廚師好古怪」OMG😩😩😩仲有仲有…..唔知大家有冇試過呢～～～食食吓嘢，個碗仲有成大舊餸，無啦啦比其中一個侍應姐姐收咗個碗！當我地食到七七八八，但係個湯仲未到，我就專登搵返幫我地落單個侍應阿姐追返個湯，我話如果冇落我想取消，佢拎咗我哋張單就咁行咗去，亦都冇答我究竟佢頭先有冇落到單😤好明顯佢就無落到再去加單！但我嬲係嬲佢連一個交代都無就咁行咗去，隔咗陣個湯就咁到咗。最後我地都食完，枱面

每年初一都會嚟泉章居，但係今年質素真係令人失望😞 可能之後都唔會新年嚟啦…🍀🍽️ 霸王大肥雞 $420全晚最值得食，所以叫咗兩隻！雞肉嫩滑，大隻，唔太鹹👍🏻🍀🍽️ 濃湯蝦乾淨豆苗 $218唔講都唔知係豆苗😅 平時豆苗應該係好嫩，但係今晚啲豆苗好似冇摘過咁，同埋好老，呢個價錢係絕對唔抵…🍀🍽️ 香芒果松露脆蝦球 $238很甜的沙拉醬味，唔係完隻炸蝦，二百幾蚊得8舊細細的，不多說了，大家自己衡量下啦…