泉章居

营业中

休息中

尋晚一班朋友去食飯，點咗套餐加一堆食物，點知嚟咗四個餸之後餐廳越食越熱，主動問之下先知道原來跳咗電掣，廚房不能開爐煮嘢食。客人唯有焗住等，侍應完全沒有交代要等幾耐。等完又等，等完又等，等到頂唔順就話不如走啦。只係嚟咗四個小菜，係套餐入面嘅四個小菜，點知餐廳要我哋按單點原價收費，即係仲貴過原本。爭取之下，佢先話可以免茶錢同免白飯錢兩碗咁大把。冷氣冇晒焗左成粒鐘，仲要唔主動交代發生咩事，到我哋頂唔順自己走竟然要收+1服務費？好唔合理掛。部長非常冇禮貌，態度囂張，所有人都覺得，佢另外兩間分店執笠真係有原因。

佛誕日來到泉章居，本來想食羅漢齋炒麵應下節，但見到餐牌上有陳皮鴨腿湯飯，即時凡心未盡未能食素，便柯打了陳皮鴨腿湯飯。 落單不逾五分鐘便送上枱，鴨腿湯及飯分別以燉盅及大碗盛載上枱，湯盅内有一大片陳皮、厚身冬菇、連皮冬瓜、西洋菜及鴨腿一隻，㷛過的鴨腿肉不黐骨，用筷子稍用手一夾便可夾開，先嚐一口湯，带有陳皮的清香味，為免浸過湯的飯身過腍不好吃，我將白飯分段放入盅内，而索滿湯汁的冬瓜入口也带著陳皮的香味，冬菇雖然細隻，但卻厚身濃味。 取價六十八塊不算平宜，比茶餐廳賣的貴上不少，但用料及質素都值回票價，還包埋茶錢，你重想有什要求？佛誕執迷不悔！ No regret!

泉章居已經執淨上環店，如果唔係老人家話想食，我地都唔會去！五個人，我地無叫套餐係散叫：霸王雞半隻炸大腸梅菜扣肉東江豆腐煲白果豬肚湯椒鹽鮮魷（後加）2個白飯埋單$1048叫完餸個阿姐好好咁仲要複我一次單，我哋到晒所有餸連後加個椒鹽鮮魷都到埋但係個湯都未到。梅菜扣肉就唔洗講炸大腸以前下面鋪酸白蘿蔔，而家只有幾舊無味嘅罐頭菠蘿🍍到隻霸皇雞，阿媽話霸王雞點解上面無薑蔥！？一問之下原來佢比咗沙薑雞，個阿姐仲話加番啲薑蔥上去咪就係=霸王雞囉，！真係吹到「啤」一聲！😤個東江豆腐煲仲搞笑，平時上應該係砂鍋之類比較像樣嘅煲，今晚上菜竟然上咗個好大嘅湯煲入面有好多水同幾舊釀豆腐。問個姐姐點解會咁奇怪嘅，佢仲答我哋：「唔知呀，個廚師好古怪」OMG😩😩😩仲有仲有…..唔知大家有冇試過呢～～～食食吓嘢，個碗仲有成大舊餸，無啦啦比其中一個侍應姐姐收咗個碗！當我地食到七七八八，但係個湯仲未到，我就專登搵返幫我地落單個侍應阿姐追返個湯，我話如果冇落我想取消，佢拎咗我哋張單就咁行咗去，亦都冇答我究竟佢頭先有冇落到單😤好明顯佢就無落到再去加單！但我嬲係嬲佢連一個交代都無就咁行咗去，隔咗陣個湯就咁到咗。最後我地都食完，枱面

每年初一都會嚟泉章居，但係今年質素真係令人失望😞 可能之後都唔會新年嚟啦…🍀🍽️ 霸王大肥雞 $420全晚最值得食，所以叫咗兩隻！雞肉嫩滑，大隻，唔太鹹👍🏻🍀🍽️ 濃湯蝦乾淨豆苗 $218唔講都唔知係豆苗😅 平時豆苗應該係好嫩，但係今晚啲豆苗好似冇摘過咁，同埋好老，呢個價錢係絕對唔抵…🍀🍽️ 香芒果松露脆蝦球 $238很甜的沙拉醬味，唔係完隻炸蝦，二百幾蚊得8舊細細的，不多說了，大家自己衡量下啦…

呢間全盛時期有好多分店，而家執剩上環嗰間，最估唔到佢午市竟然有碟頭飯，唔使+1唔使茶芥，都係六七十蚊，啲餸同飯都係分開上！同事有叫炒嘢，都好有鑊氣最正係坐得舒服，唔會坐得勁迫，唯一遺憾係冇奶茶咖啡飲，不過可以開壺茶飲都OK啦

和長輩約了去經典老舖的泉章居吃飯，才發現只剩下上環主鋪了，這些老鋪會有很多經典菜式，我屋企家人都很喜歡，我哋最鍾意嘅就係脆皮炸大腸，真係外脆內軟呀，清理得很乾淨沒有豬臭味，其他餸都很大碟，吃得很滿足 😄

本人平時好懶惰，唔會寫食評，今次的起心肝寫，係因為唔想有人再中伏。上一次幫襯泉章居係五年前左右，當年係幫襯旺角嗰間分店，味道的確唔錯。今晚去咗上環嗰間（因為冇得選擇，只係整得呢一間），去之前已經有朋友同我講話呢間嘢唔好食。我抱着爛船都有3分釘嘅心態去試吓，叫咗四餸一湯，點知得到以下結果：梅菜扣肉嘅扣肉係好”鞋”，同埋又好鹹，啲梅菜中帶點酸味。炆煎釀豆腐嘅豆腐都係好”鞋”，讓啲肉落去又好少，冇乜味道。魚肚羹又冇乜魚肚，直頭少到食唔出，感覺好似係用好多粉開啲好杰嘅糊出嚟。啲莧菜食都好”老”。碟雞又冇乜雞味，好明顯係雪藏雞。本人一定唔會再嚟幫襯。

這是一家著名的中式菜館，其餐點以精湛的廚藝和新鮮的食材而聞名。筆者曾多次到店堂食，這次則是與朋友共用外賣套餐，共享美食。這次的套餐包括了多款中式菜式，其中沙薑雞讓筆者印象深刻，鮮嫩入味，香氣四溢，繼續保持了店內菜式的水準。其他菜式也十分不錯，包括中式牛柳、鹹魚雞粒豆腐、雞湯和西蘭花等，全部合口味，讓我們一行人都非常滿意。雖然我們只點了外賣，但食物的份量和品質都十分充足，而且價格十分抵。這次的套餐價格只有六百多元，而且足以供應四個人享用，十分經濟實惠。總括而言，上環泉章居的中式菜餚非常值得推薦，無論是堂食還是外賣都非常美味。如果你想品嚐正宗的中式美食，這裡絕對是一個不錯的選擇。

去吃下午茶，真係食到一肚氣，點解：1. 樓下無位，被安排上一層，比一張有污積枱布嘅枱我哋坐，因為大把枱，所以我哋要求坐隔離嗰張，嗰位態度極其惡劣嘅男部長用D負氣態度話嗰邊唔開，迫我哋坐有污積枱布嗰張，話D積係洗唔去喎，好啦，之後見到有對老夫婦黎，話識得嗰厨師要揾佢，嗰個男部長就比佢哋坐窗口位，因為識人嘛，幾好服侍2. 見到嗰對老夫婦比咗D少費嗰態度極其差嘅男部長後，有傾有講之餘，當嗰對老夫婦話D湯同d鷄凍左，佢就二話不說，即刻攞入厨房同佢哋返熱，嘩！真係好服務到呢！3. 下午茶時段5時先完，我哋都未食完（大摡2:50）就吹我哋埋單，原因並不是有人等位（大把枱），係因為要比嗰收銀同事落埸，最好笑係另一個女部長話可以走時係下面埋單，但另一個員工就攞緊張單埋黎吹我地比$，下午茶想食得舒服D都唔得，相反，嗰對老夫婦可以唔駛趕住埋，因為嗰男部長同收銀同事話佢哋食完先係下面埋單，此剛好印證正其中一個食客嘅評語，無小費，彩你都傻今時今日噤嘅服務態度，真係無語了，佢哋應該無睇劉華廣告相比係隔離嗰間“大頭蝦“餐廳，佢哋D員工態度好過泉章居真係好好好多囉，嗰次我哋已經叫左下午茶餐，但又想食想越式春卷，叫

舊同事因疫情關係已經有一年多沒有聚餐，疫情前差唔多每個月都有一次聚餐，今次因放寬堂食限制所以立即相約一會，大家都好期待，為了方便大家今晚聚餐選了上環泉章居，一間主打客家菜又有歷史嘅餐館，八個人叫了個六人餐再加咗兩樣食物。食物評價如下：鹽焗雞- 雞肉嫩滑，唔點沙姜汁都好夠味，果然係招牌菜。粟米魚肚羹- 味道都可口，唔會話好稀。梅菜扣肉- 另一味客家菜經典，扣肉唔會好肥但梅菜就幾鹹下，有啲先準。檸汁魚塊- 一般般，如果換咗粟米魚塊可能會較好。椒鹽鮮魷- 鮮魷入口唔會靱，火喉掌握得唔錯，味道都幾好。支竹火腩煲- 味道幾濃下，稍鹹，火腩份量算多。錦滷雲吞- 雲吞應該有蝦同豬肉，但就食唔到有蝦，佢係用咗傳統嘅醬汁，有五柳絲、蝦肉、青紅椒絲、洋蔥末、豬雜等煮成，味道甜甜酸酸，味道唔錯。客家炒飯- 飯炒到粒粒分明，屬水準之上。

尋日新年第一日開工，同一大班同事嚟食lunch，今次係我地第一次嚟。我地一圍枱，叫左小菜同埋幾個白飯。食物質素好一般，雞好味，但其他小菜太鹹，唔算好差但絕對唔講得上好。我地落單後二十分鐘，叫左嘅小菜都嚟晒，但幾碗白飯仍然未到。我第一次問待應阿姐，阿姐都幾好人話會幫我跟，但阿姐太忙上完菜執完枱後轉頭唔記得咗。再過十分鐘，我又問另一個待應阿叔，阿叔問完我幾多個白飯就走咗。又再過十分鐘，我地枱面嘅餸都食得七七八八，果幾碗白飯都仲未到，搵到個經理問。我問經理白飯都只係裝出嚟，點解叫左40分鐘都未到。經理串我：「唉呀無辦法啦，我地d伙記好忙㗎，要忙住同客傾偈，無人得閒幫你地裝飯，無辦法啦」我都知新年好旺好忙，我地無俾利是服務係差D，但都唔係咁樣同個客講，擺明唔俾利是就連白飯都唔俾你，真係唔怪得過年期間附近所有酒樓都full晒但佢仲有位。

同阿媽去食生日飯食嘅回憶有湯有飯有沙巴魚霸王雞例湯小炒王落樓埋單$700 如果諗住特別好食，就去返大排檔-雞肉汁嫲嫲，但勝在有醬汁-小炒王始終都係大排檔嘅撚手小菜-例湯先至係佢哋嘅專長-沙巴魚算係一個高質選擇,肉質非常好,食落份量夠

叫了四人套餐，加了一個炆豬肉，一個斑片多士，都昰㕑師推介，足夠六人有餘。套餐有半隻鹽焗雞，三個小菜，例湯。所有菜式，無論味度、分量，都做得很好…斑片有魚味，似係用新鮮魚，雞肉雖厚，但不’鞋’，炆豬肉味度有層次，送飯最好😋😋睇嚟全場滿座，侍應雖忙，但態度良好，亦非常體貼，值得一讚👍🏻👍🏻👍🏻。價錢合理，開瓶費也祇是$40@😁😁😁可以各方面都保持水準的老字號不多，絕對應該支持💪🏻💪🏻💪🏻

聽電話Reception小姐服務態度非常差惡劣...冚電話！好想趕客囉！如果唔想收Booking嘅話就唔好做啦！泉章居真係要考慮一下呢係咪需要呢請啲咁嘅員工囉令到啲顧客受氣！

和相識30年的兄弟飯聚，朋友選擇了上環泉章居，因為之前是之前飯聚的老地方。但係執下一間又一間，旺角及銅鑼灣分店都已先後執笠。有啲食肆和回憶係要珍惜下。食咗一陣先記得影相📸️，所有菜式仍保留水準，而價錢亦十分合理。霸王雞，肉質又滑又有鷄味。與蔥油十分搭配。梅菜扣肉送飯一流。蒸魚的火候亦啱啱好。整體餸菜幾滿意，但是職員的服務態度需要改善，我哋叫了霸王雞，但上了鹽焗雞。但一名職員堅持係我哋order了鹽焗雞，之後check單先至換俾我哋。但仍沒有影響我哋聚會的心情。😆