河內大娘越南餐廳 (已結業)

其實一向都好喜歡品嘗不同國家既特色美食 尤其是亞洲菜 不論是星馬泰日韓越都各有特色美點 真的令人食指大動~ 最近就愛上吃越南菜 不過做得正宗而又出色既越南菜卻是很少 呢間位於尖沙咀既河內大娘 評價多而且好 餐牌上菜式多樣化而且選擇眾多 糾結了一段時間後決定了點炸自家製手打蝦餅湯檬、生牛肉湯檬、煮大蜆、炸軟殼蟹米卷、蓮子龍眼冰 炸自家製手打蝦餅湯檬味道清淡可口不算濃郁 湯檬內配上洋蔥更覺口感 蝦餅彈牙口感不俗 新鮮熱食更是味滿 煮大蜆味道清淡但不失蜆肉既鮮味 蜆肉厚身大隻而且有咬口 不過略嫌仍有沙在內 炸軟殼蟹米卷味道就更清了 軟殼蟹脆卜卜配合在一起 喜歡清淡既朋友會好喜愛 熱蓮子龍眼冰味道清甜可口 熱飲感覺美味不過就略為甜味濃了點 若果可以選擇減糖 那麼應該會更大眾化更多人可以品嚐得到~ 河內大娘 尖沙咀漆咸道南17-19號帝后廣場地下7-8號舖 就此，謝謝喔~

順化粉唔係好多越南餐廳有得食，呢度都只係逢星期二、三先限量供應，啱哂我呢啲鍾意食辣嘢嘅人！真心覺得好好味，依家每個星期都要嚟食🤤🤤真係上咗癮，唔食會心掛掛，已經介紹咗好多朋友嚟食🤣湯底好好味，份量夠👍🏻

想食越南菜，見呢間評語唔錯，特地來一試。食物味道唔錯，但又未去到超好味既程度。我地兩個人叫左三道菜加兩杯飲品。講到越南菜，當然要食河粉啦。因為鍾意食牛，叫左個大娘皇牌火車頭，有生牛肉，牛展，牛丸，牛柏葉，牛根。但有少少失望，湯有點淡，而河粉就有點軟，而牛肉食材方面就普通。大娘皇牌三文治， 裡面夾左豬頸肉，d豬頸肉應該有烤過，幾好味，個法包就好脆。呢個炸蝦都值得一讚，蝦肉好彈牙，味道好好👍🏻左邊既係蓮子龍眼冰， 呢個推薦大家點，好足料，好多龍眼同蓮子，好好飲😋右邊既係凍青檸茶，青檸味幾出，所以幾清新。職員服務態度ok, 但有點chur, 會積極叫你點菜。

星期六晏晝買完嘢同另一半覓食，見到對面馬路有呢間越南餐廳就走入去試，午市時間唔使等位即刻入座。星期六都有套餐，我哋一人叫一個餐再加個小食。叫落單都要等一排先有人得閒，好彩上菜就好快。最先上嘅係生牛肉河，食越南粉當然要先飲啖湯試試碗粉嘅靈魂先啦，不過⋯係冇味嘅，所以另一半就叫人俾多喲辣椒⋯我呢碗春卷撈檬，春卷有點炸過龍，食落又唔係好香口，撈檬嘅汁加極都唔會話令人好開胃咁⋯好彩份量適中都食得完。呢份加左$19蚊嘅小食⋯⋯味道都係淡，可能係入面多素菜⋯呢個價錢加佢真係唔多值。我倆本身見到凍檸菜係青檸都有點期待，事關好少餐廳會咁⋯但飲落⋯冇青檸味⋯又冇長匙羹俾我地督下個檸⋯又唔可以伸手落去拎個檸上嚟擠下啲汁⋯總括嚟講⋯都係只會幫襯一次。

第二次到河內大娘享用晚餐了因為上次食過 大讚今次決定再帶朋友去食今次比之前多左兩個特別推介既菜式聽服務員話順化粉係中辣 都算幾辣我地就決定要個鮮茄酸辣米線🍜身子弱弱地都係要杯熱飲算了 雖然好想飲下珍多冰 三色冰個d呢杯野特別適合女仔飲 蓮子養顏依然咁足料 熱飲比凍野再好飲先說沙律 豬頸肉烤得剛剛好青瓜清脆爽口 十分開胃 肉同菜既比例都分配得好好再來就係香茅炸雞翼 牛油味都幾重 熱得黎又唔會燙口上次叫既拼盤都有雞翼依然保持住水準呢條炸魚 我要比滿分鹽焗烤魚 魚入面放左好多香料 令魚更有鮮味服務員都好細心 一刀就將魚皮起左出黎魚肉仲保持住水份 一點都唔乾身肉質鮮嫩令成條魚再加分既當然唔少得佢個秘製醬汁酸酸甜甜 最後特別推介上菜了湯底絕對值得一贊 酸同辣係黃金比例酸就係用左我最愛食既蕃茄作為酸味食個陣係完全停不下來肉料同札肉就係食越南米唔少得既材料 總括來說，一定會再去第三次想食越南野 口痕個陣一定會再去

第一次和朋友來試河內菜式，大約6點半到達，無預約，估唔到咁full，好彩侍應都幫我地安排到枱，雖然只有45分鐘時間食飯。最鐘意蝦餅，生牛肉河，仲有好香脆既越式法包，好足料既蓮子龍眼水，樣樣都好食，下次要記得book枱😆

於尖沙咀街頭走著，伴侶想吃越菜，便上OpenRice 尋找越式餐廳，看見此餐廳好評很多，但因聽說OpenRice 水份post不少，已有定心理準備才走進餐廳。坐定後，由於不太肚餓，點了一碗生牛肉湯河、一碗鮮茄蟹肉湯檬及蒸粉卷。店員熱心推介海鮮菜式，但我們對海鮮不大興趣，因此沒有選擇推介菜式，店員立刻黑面，連我們想要兩杯水的對話還沒說完便黑面離開，剩下一臉愕然的我們，但心諗算吧，可能店員只是心情不好。湯檬先到，味道尚可，肉丸算是比較有驚喜。生牛肉湯河，生牛肉片質素還可，但湯底味精濃得只剩下咸，河粉一夾即散，算是食過最差的牛肉湯河。粉卷一到，傳出陣陣惡臭油益味，心諗蒸法也有油益味？原來是蒸籠的臭味，心諗又唔係要食個籠，將就下啦，可能舊粉卷好食呢！夾起一擺埋個口......陣陣臭味傳入我的鼻....相信係蒸嘅時候啲臭味蒸埋入去.....即刻冇晒胃口....但堅持嘅我照將佢擺入口，試埋啲餡，絕對可以用難食尼形容......離開餐廳嘅時候，我決定睇一睇OpenRice 啲食評內容，懷疑當中有不少水份post.....係度奉勸各位........要向垃圾說不，入去衰硬。本人忠於自己，只會陳述事實真

是咁的， 小弟有日慶起突然想嚟D異國風情， 上open rice揾左呢間好多"好評"既越南餐廳， 諗住呢鋪實冇死啦， 點知原來係金玉其外，敗絮其中， 差D搞到小弟對越南美餐直插谷底， 永不超生一入到個餐廳， 見個裝修都幾好，幾舒服，加埋咁多正評，諗住d嘢食實冇死啦。叫左個生牛肉湯河加個蒸粉卷， 同個大媽侍應講要杯水唔叫飲品， hi你呀， 我連句唔該都未講完， 佢塊面黑過剛果d土著， 一嘢轉身就走左去。 我心諗， 我個樣毒啫，唔洗連大媽都咁對我呀。 都算， 碗粉黎到， 索左啖湯 , 哇， 咸過成龍王晶， 成碗野都係味精， 仲唔係逼我叫埋d特飲？ 正當我好努力用指功夾緊d散過我褲袋既神沙既河粉， 一陣臭味傳過黎， 原來係個侍應一野轟左個粉卷落黎。 hihi, 碟野臭到依為自己去左越南既貧民窟到做探訪， 為左錢， 我只好當做個善事食左佢( 仲要係唔好食). 我由間小店行出黎， 望住間鋪， 我明白咩叫越南風情， 我更加明白食咸野冇水飲既感覺。 冇嘢既話我呢個毒L都係走先， hi!

越菜一向是受香港人歡迎的菜式之一，皆因它健康不油膩，味道清新，酸酸甜甜，加上烹調時用上香調和海鮮，故特別受女生歡迎。河內大娘越南餐廳，裝修純樸很有地道越南特色。越式烤豬頸肉木瓜沙律，豬頸肉給人肥膩的感覺，但這間餐廳用燒烤處理豬頸肉，使它油份倍減。配上酸甜爽口的木瓜沙律，非常嘢未可口。蒜蓉蝦，爽口彈牙的蝦肉配上蒜蓉的香味，激正香茅烤魚，新鮮桂花魚用香茅醃製後燒烤，魚味立刻提升，配上酸辣醬汁吃，更是令人一口接一口地吃到不停。越式燒雞，香料味十足入味，雞肉嫩滑多汁香茅牛肉撈檬，牛肉鬆軟，肉味十足，檬粉淋上酸汁，十分開胃。

經過多次都說下次要試，這天終於來到這間河內大娘吃越南菜。這裡裝潢設計滿有越南風味，座位也算寬闊舒適。藕苗大蝦沙律 $69職員推介的安南的名菜，藕苗質地軟身但口感爽嫩無渣，切面的小孔有助吸引酸味醬汁，加上鮮味紮實的大蝦，整道沙律清爽醒神，作為開胃菜適合不過。大娘皇牌烤乳豬 $238乳豬來自越南，即叫即烤，上桌已聞到香氣，烤到皮脆肉嫩，皮層香脆不乾硬，肉質軟嫩得一咬即撕開且很juicy ，沒有多餘調味，入口啖啖豬肉香，點上蜜糖芥末醬更覺香甜惹味。酸子煮大蝦 $169完全讓人驚喜的一道菜，酸子即羅望子，酸子蓉加上黑椒、乾蔥爆爆香，未上桌已經傳來一陣酸香， 濃稠的醬汁均勻地掛在大蝦上， 入口酸中帶微辛，把大蝦的鮮甜都提了出來。鮮茄蟹肉湯檬 $89絕不馬虎的一碗湯檬，內有份量不少的自家手拆蟹肉，以及香甜帶微酸，味道濃郁但不會太稠身的鮮番茄湯底，再加上大蝦、扎肉、豆卜，還有香蔥和炸蔥頭，味道豐富。而幼身的檬粉把湯中精華都盡吸收，真的很讚。新鮮芒果冰(左）$39味道香濃鮮甜而不假，喝後不會覺得甜膩。新鮮菠蘿冰(右）$39味道清甜可口，加上粒粒菠蘿肉，更添口感。整體來說菜式有特色且質素不錯，服務也好，

越南很少有肥人，所以我認為越南菜應該算是比較健康的菜式，最起碼少油。河內大娘越南餐廳也不例外，這裡的菜式，味鮮少油，是我的最愛。珍多冰，椰汁味十足卻不甜，好喝👍🏻燒豬頸肉青木瓜沙拉，豬頸肉被燒得香口多汁，一點也不鞋口。青木瓜爽口，配上自家製的沙律醬汁開胃可口，把整碟沙律一下子都吃進肚子裏。蒜蓉蝦，蒜蓉提升了下的鮮味，蝦肉爽口彈牙。香茅燒魚，香茅香味十足，魚肉鮮嫩肉滑，配上特製的醬汁，十分嘢味好吃

又再一次黎到河內大娘食飯啦🤗，幾中意呢度嘅味道同埋坐得幾舒服，尖沙咀越南野隊長B都幾推介呢度🇻🇳今次試啲完全不一樣嘅嘢先😽～先來一隻燒乳豬度嘅皇牌🐷！名符其實，不單乳豬皮燒得脆烙烙，好香口，肉質都好嫩滑🙈，完全入口即融，即使近骨嘅位置都一樣滑口，果然好「乳」呀🤣！ 跟住就係介紹搵食兵團都比十個讚嘅酸子蝦🦐～賣相鑊仔上已經幾有趣，雖然知道梅子是酸的🍋，但見到咁沈色本來以為會咸啦（雖然無道理無根據可言😂）但食落先知係酸酸甜甜超級正👍！ 蝦超級新鮮，吸左梅子巧妙的酸味更加吊出當中的鮮甜😽，好有驚艷的感覺！而且蝦好多膏，實在難以言喻咁享受🤩🤩～就連蝦肉都已經完全吸透精華～青芒果沙律同生牛肉河同樣不錯🤤～沙律酸甜，好開胃，青木瓜絲爽脆🥗；生牛肉河則好嫩滑，湯底清甜，果然正宗越南野係要食呢啲😌 --------------好味指數😋：8/10翻啅指數🙆🏻：7.5/10人均消費💰：201-400服務態度👨🏼‍🍳：6/10乾淨指數🌝：6/10

食過河內大娘都要讚好，所有食物都有越藉主廚親自落手，因此味道十分地道，很有越南的風味，想吃正宗越南菜的人一定要試。首先我哋叫咗一份咖喱雞＄99加上薄餅＄32，相信有唔少香港人都唔食得辣，這兒的咖喱雞可以走辣，同時不失咖喱的香味，啱晒我哋唔食辣嘅人！咖喱非常濃郁之餘食完唔會口臭，雞肉非常嫩滑，份量也很多，加上口感香脆嘅薄餅，感覺有點像印度菜，咖喱薄餅超級好吃，最喜歡沾滿汁的薄餅～小食拼盤＄149包了春卷、蝦餅、粉皮卷和炸雞翼。春卷裏面夾雜着很多素菜，包括有雲耳絲和紅蘿蔔絲，口感非常爽口。蝦餅的口感是中等彈牙，可惜油膩了一點點，而且外皮不太脆。粉皮卷的粉皮厚度非常薄，唔會食到太悶，超級推介。炸雞翼味道都唔錯，外皮炸得比較乾身和鬆化，而裏面的雞肉非常多汁。之後仲帶咗一份生牛肉粉medium ＄69，味道都唔錯。牛肉相比起其他鋪頭較為生，嫩滑得很。而河粉非常爽口彈滑，口感不會過分軟林，湯底亦非常惹味，配料還有青檸汁和辣椒粒，味道非常正宗。仲叫左珍多冰＄39同新鮮菠蘿冰＄39，兩者都是非常清新，但是價錢貴了一點。。來得尖沙咀吃東西，也預了不會太平吧！果肉有很多很正宗！

尖東越南小店河內大娘網上食評不俗，就襯有機會去開尖東一嚐較冷門的越南菜。香港的越南餐廳比泰國菜館少得多，越南菜與泰國菜相比，味道不盡相同。越南菜深受殖民時期的法國影響，味道比較清爽不油膩，色香味兼備，烹調亦較細膩精緻。從網上食評得知河內大娘大廚乃越南人，食材及餐廳裝飾亦從越南入口，因此對餐廳抱有頗大期望。越南滴漏咖啡越南滴漏咖啡的香濃甜膩別樹一格，餐廳特別將咖啡杯放置到盛入熱水的碗中用以保溫。滴漏完畢後，將咖啡連同下面預先放入的煉奶攪拌均勻就可以享用，咖啡的香濃與煉奶的香甜攪拌在一起，一下子就俘虜味蕾。大娘真多冰此真多冰用上很多綠豆爽，感覺比較健康而且較少甜。藕苗大蝦沙律越南沙律牙車快很常見，但見餐牌有另一種沙律藕苗大蝦。蓮藕的莖部中菜甚少用來食用，此藕苗應為藕莖BB，中間通空，食用甚為嫩身爽脆，用上酸醋調味，十分開胃。香茅煮蟶子蟶子仔肉質鮮甜嫩滑，簡單以香茅同煮已經可以帶出鮮味，無需太花巧的煮功。西貢咖喱雞此咖喱與一般相比帶粒狀而且杰身得多，似是自家磨製，且帶有香茅香味。咖喱醬黏附著雞件上，咖喱味香濃又不太辣，甚少食到如此出色的咖喱。法式蒜蓉包有咖喱醬當然要叫上蒜蓉包點汁，此法包焗得

偶爾想吃越南菜，經過尖沙咀這間越南餐廳，進來吃個晚飯。餐牌選擇很多。鮮蝦米紙卷很厚的米紙卷，抵食夾大件，滿滿的米粉，沾了醬汁後酸酸甜甜的，米紙很彈牙，還有爽口的蔬菜。炸蝦餅這是我所吃過最好味的炸蝦餅之一，用料十足，很厚很多蝦肉，蝦味香濃，炸得外脆內軟，沾酸甜醬食更開胃。越式燒雞男友大愛這道菜，用的是新鮮雞，肉質香滑，雞皮炸得香脆可口。調味少少咸，足以帶出雞肉的鮮味。鮮茄酸辣米線這道菜真的是推介，它不是每天供應的，幸好今天有供應，因為我照愛吃酸辣米線的。湯底不算很辣，有濃郁蕃茄味，酸度很適中，竟然帶著冬蔭功的香味，冬蔭功又是我的最愛，超喜歡這湯底的。配料有札肉和雞肉等等，米線煮得恰恰好，彈牙又滑溜。越南滴漏咖啡男友說咖啡味很香濃，比一般咖啡更令人回味。新鮮菠蘿冰涼涼的菠蘿味凍飲，有很多菠蘿肉，酸甜的味道很消膩。