沙田新強記燒鵝海鮮酒家

营业中

休息中

最近同屋企人食酒樓，揀咗一間朋友推介嘅餐廳，唔係最近屋企但係都算方便。個門面好大，感覺唔錯，入到去都間得比較開，感覺上都安全穩陣。首先開咗個普洱，茶質素過得去。聽朋友講呢度最出名係雞粥同埋乳鴿，兩樣都試吓！金牌燒乳鴿$38 佢個外皮都真係好香脆，整到好有鹹香，就算不點上任何醬汁都已經好好味，吸引。沙田新強記雞粥細 $98雞粥有大有細，我哋就揀咗細嘅，估唔到都已經好大舊，裏面有好多雞，而且仍然保持滑滑地的質感！雞粥粥底都好香，唔係普通白粥，質感綿綿，輕微咸香帶有鮮味。椒鹽鮮魷魚$98魷魚好爽，外皮金黃，香脆有咸香，椒鹽味道好吸引突出。MENU

假期同家人一行四人到沙田行街，先去大圍醫左肚先~大圍朋友介紹必試新強記既沙田三寶~2點左右黎到，差不多坐滿，侍應安排的地坐靠邊位，都幾舒服~佢既招牌三寶係燒鵝，乳鴿同雞粥，見到差不多每枱都每人一隻乳鴿，我地因為又想食點心，諗左一論決定今次先試半隻燒鵝皇，下次再試其餘二寶吧~燒鵝一上枱就聞到好香，色水亦好靚，食落皮脆肉嫩有肉汁，肥瘦適中，加埋酸梅醬就是絕配~鮮蝦腐皮卷 外皮金黃香脆，很香口，裡面蝦肉很足，咬下去都是啖啖蝦肉~百花釀魚肚一籠是三大件，圖中是偷吃一件了，魚肚軟滑，吸盡了湯汁~鮮蝦菜苗餃皮薄餡飽滿，菜苗與蝦肉比例平均，口感豐富，味道很鮮~豉汁蒸魚雲魚雲每件都是大大件的，肉多，每口都滑嘟嘟的，豉汁惹味，沒有一點鯹味~總結，燒鵝名不虛傳，真的好吃~點心價錢不貴，但份量很大，味道也是很不錯~環境亦舒服，每枱之間空間很足~期待下次吃乳鴿呢~

上星期五有事要慶祝，上咗foodpanda及Deliveroo的平台都找不到沙田新強記燒鵝海鮮飯店上架，今日端午節終於在Deliveroo的平台見到了，點了我哋一家人最鍾意食嘅上湯龍蝦伊麵試吓，嘩！真係冇得頂，係用澳洲巨龍做的，啲肉好厚好實，鮮甜香噴噴好味道！而且餐廳一點也不吝嗇，有很多舊龍蝦！👍👍👍我和爸爸兩個人食午餐其實已經好飽，我喺屋企加咗啲英式芥辣落去啲伊麵度，嘩！簡直係絕配！因為連啲爪（餐廳只係用上段）啲肉都好多，所以就算有少少吉手痛痛我都忍唔住用鉸剪剪開佢兩邊食埋啲肉，車手認得我同我say Hello，所以我喺Deliveroo加多$19貼士俾佢！下次我都叫下佢其他菜式試吓先！👍👍👍$380，原先運費是$38，但係因為我入咗Deliveroo的會，每月頭五次免運費，所以今次買單是$344，當然未計事後先俾嘅$19貼士啦！

朋友家在大圍站，適逢晚飯時間，就到沙田新強記燒鵝海鮮酒家，可能時間比較早，6點鐘，Walk-in 就可以了，基本7點後要麼就等位，要麼就是預訂了位置三個男人叫咗四個飯餸，加了一個白飯，埋單$500有找原本還叫了聖子的，但因為食到一半仲未黎，追問之下，發覺還未下單就取消了，建議對一下落單紙。餐廳環境比較傳統，枱與枱之間分隔有座地膠板，今次晚飯坐在大廳，都唔特別噪。食物方面，都中規中矩，賣相都是傳統酒樓，茶水都普普通通，因為價錢也相對不貴。乳鴿色澤金黃、脆口；燒鵝味道恰好，都正常發揮。炒飯份量都足，上湯雜菜煲足料，蝦米瑤柱均有，不足之處就是最後追單才來，感覺食到斷纜，因為有人等位，8點就走了。

今日嚟到大圍食好嘢，一於去呢間老字號新強記酒家試吓佢最馳名嘅燒鵝同乳鴿先。首先叫左兩隻乳鴿，皮都幾脆而且多肉，唔使醮淮鹽已夠曬入味。之後叫了1/4 下燒鵝皮薄香脆，肉質夠厚，最緊要係唔會話太肥。粟米斑塊用真正石斑肉做，連我啲平時唔係幾食魚嘅人都覺得ok好食。椒鹽魷魚炸得酥脆，魷魚肉質彈牙。琵琶豆腐平時喺出邊都好難食到，因為好考功夫，呢度有得食真係喜出望外！食飽飽後還有紅豆沙或綠豆沙作甜品，真是大滿足最後要一提係侍應服務態度好好，很殷勤兼有人情味，抵讚👍

作為大圍街坊，就不時就會係附近覓食，今次就同屋企人去左老字號新強記。個個黎到都一定會叫金牌燒乳鴿，呢度既乳鴿醃得好好食，外脆內嫩，令人食唔停口。沙田新強記燒鵝皇，係另一新強記名物，同樣外脆內嫩，油香同肉汁並存恰到口處，加埋酸梅醬更開胃。椒鹽鮮魷好有咬口，即叫即製，加埋椒鹽好惹味～琵琶豆腐，內裡既豆腐好滑溜，個汁都整得好入味，粟米斑塊好有魚味，送飯一流最後壓軸既仲有甜品紅豆沙，味道超濃，超足料，好耐無食過咁好食既紅豆沙啦～不得不提呢度既服務好有人情味，野食都好食，一家人食得好滿足！

放假同屋企人出去周圍行下順便去搵食，今次就去了新強記飲茶。燒鵝：比乳鴿更好味，鵝皮皮下有一層薄薄的脂肪，入口令鵝肉更添油脂甘香，鵝皮燒得香脆，即使食到最後都保持到脆口，鵝肉無雪藏味，處理得很好，而且十分juicy。乳鴿：入口juicy，而且皮脆肉嫩，細細隻鴿肉唔算多，但一人半隻剛剛好，加些喼汁食落無咁油膩，$38隻真係值回票價。燒賣：肥膏不多，豬肉新鮮，結實彈牙。薑葱牛柏葉：牛柏葉炆得入腍又入味，入口爽脆，還有薑葱香味，下面的芋頭又綿又腍。胡椒鹹菜豬肚：胡椒味濃郁，入口帶點辛辣，鹹菜應該浸過，去掉多餘的咸菜，入口清爽，豬肚則未夠腍身，比較有咬口。馬蹄糕：裏面粒粒爽口馬蹄肉，馬蹄糕煙煙韌韌，帶點清甜。蝦腸：外皮未算太薄，但中間包著大大隻新鮮爽口的蝦仁，腸粉皮較有黏性。新強記雞粥：粥底煲得很綿滑，食到最後都唔會起水，真材實料去熬煮，雞件嫩滑，不過略欠點雞油香，所以雞粥都比較健康。

這間位於大圍以燒鵝聞名的酒樓，平日午市都全場爆滿，而且點心比連鎖酒樓便宜，款式很多。蝦餃皮薄且晶凝通透，中間蝦肉新鮮彈牙。古法千層糕平時甚少見到的點心，千層糕中間的蛋王香味十足，入口軟綿。鮮蝦腐皮卷炸至金黃香脆，中間大大隻爽口蝦肉。翡翠炒伊麵伊麵爽口不會味道略咸，還有些椰菜等配料。乳鴿皮脆肉嫩且多汁，完全無紅肉的血腥味，本身已經有調味，所以無需無何醬汁都已經好美味。燒鵝例牌的份量都十足，而且比了鵝胸肉，皮脆肉嫩，而且啖啖鵝肉，外皮還帶點焦香，燒鵝不算太肥，唔怕食到滿口油。

有朋友住喺大圍區，佢約我食飯，就想揀返佢嗰區，想坐得舒舒服服飲茶食個晚飯，就揀咗沙田新強記燒鵝海鮮酒家。裏面都幾大，可以容納到好多枱，同埋防疫都做得好好，裏面有好多透明間板，有美感之餘亦都實用，靚過其他酒樓。餐牌選擇豐富，有好多海鮮，亦都有啲係佢哋嘅招牌菜。孖寶A餐$298龍躉大斑兩味翡翠炒班球裏面有西蘭花同埋龍躉球，鹹香十足，而且冇乜骨，方便食用，西蘭花口感香脆又翠綠。蒜蓉蒸頭腩呢個裏面有好多蒜蓉，粉絲同埋豉油，質感香滑而且啲皮好彈，鮮味十足夠肥美！金牌燒乳鴿（1隻）外皮香脆，食落有鹹香，果然係招牌。兩個人食個餐已經好夠，而且可以食到好多健康嘅魚，自己喺屋企整唔到。

經過大圍一定會諗起新強記燒鵝酒家，所以決定入去試一試。首先我大家大家都推介乳鴿，38蚊一隻，一上到枱佢就幫我分開咗一半，比我想像中多肉，個皮燒到好香，好咬口！食到停唔到口，推薦！另外，當然係有馳名雞粥，一食落去好香雞味，粥底綿密，仲要用瓦煲上枱，保持溫度，仲比我想像中大煲！另外因為係晚市所以叫咗兩個海鮮嚟試吓，買咗豉椒炒大蜆，蜆好大隻，仲要冇沙，個汁好濃味，而且炒得好有鑊氣！最後一個餸係金銀蒜蒸班頭腩，班頭腩好滑，而且蒜蓉炒得好香好入味，再加埋粉絲撈飯，好食！不過唯一有啲唔好就係有少少鱗片，呢個可以改善一下！最後仲送咗兩碗糖水一碗綠豆沙一碗紅豆沙，好好客！

去咗大圍無數次除咗踩單車 第一次嚟到呢度飲茶 因為星期六 早晨七點鐘 時間太早 酒樓廚房部未有 要十一點鐘先至可以食到呢度遠近馳名嘅沙田雞粥 同埋乳鴿 十一點前先可以食呢度嘅點心 要數到沙田比較有特色嘅酒家通常都會係龍華酒家 同埋沙田新強記燒鵝海鮮酒家 當然唔係同佢哋賣廣告 自費光顧 新強記因為可能係自置物業 所以可以繼續經營入去 入面唔算太大約30張枱 呢度入面光顧嘅人都係上咗年紀 價錢同出面嘅酒樓一樣 早餐呢度有晨早孖寶比較優惠40 蚊鳳爪排骨飯可以選擇十多款點心 埋單五六十蚊左右 平日食會比較抵 因為疫情關係 枱之間都用咗透明嘅板分隔 呢度嘅空間都比較大 點咗兩套早晨孖寶分別係鳳爪排骨飯同埋梅菜肉餅飯 冇食到呢度嘅沙田雞粥 叫咗個皮蛋瘦肉粥 不過味道一般 反而值得推介呢度嘅四寶雞扎同埋金錢肚 比較好味 兩個人最後埋單170蚊 仲有叉燒腸 出面可以泊車不過小心抄牌 希望呢啲特色嘅傳統酒樓繼續營運落去 拍攝當日星期六早上7點亦都有差不多七成嘅入座率 算係唔錯 部長侍應亦都反應好快 同蓮香樓相比真係冇得比 (服務方面講緊) 

強記雞粥和乳鴿都一向出名，小時候開始就已經有幫襯，一踩完單車後好想食乳鴿，一於來到沙田新強記燒鵝海鮮酒家，嚟到叫咗一煲大的雞粥和五隻金牌燒乳鴿，另外還叫了兩碗濃湯雞煲翅。雞粥嚟到熱辣辣的而且飲落去好鮮甜，雞味好濃，而且一啲都唔油，雞件亦都好滑，肉質很嫩，而且雞件份量都很多！👍🏻金牌燒乳鴿你都大大隻，而且燒得剛剛好，出面的乳鴿皮很脆，又香又嫩，還有很多汁好Juice，唔似得出面食嘅好乾身，水準保持得好好！推介濃湯雞煲翅，碗湯嚟到金黃色的，聞到已經好香，湯裏面魚翅有兩大片，魚翅好有口感，而且湯裡還有津白和雞件，瘦肉，碗湯$168都好大一碗，簡直一碗兩個人份量，推介！ 新强记烧鹅乳鸽海鲜酒家 🍜美食推荐：雞粥，金牌燒乳鴿，濃湯雞煲翅

沙田新強記燒鵝海鮮酒家位於大圍，喺大圍站出閘B出口。門口掛著大燈籠，好易搵到，諗起朋友住大圍，就想嚟大圍食燒乳鴿，原來呢間餐廳出名食乳鴿同雞粥。朋友想食竹笙海皇豆腐魚羹丶乳鴿同海蝦好鮮甜，乳鴿一人一隻，好抵食每隻38元。見到每枱人人食乳鴿，乳鴿份量不會太大隻，朋友話食一隻唔够添，不過少食多滋味。不過侍應介紹套餐，有乳鴿同海蝦138。真係好抵食呀。 孖寳套餐$138（海蝦同乳鴿）呢排天氣好熱無咩胃口，食竹笙海皇豆腐魚羹唔錯，魚羹有海蝦，有帶子同埋豆腐，清清地都幾好。海蝦竹笙海皇豆腐魚羹菜單侍應生實在太貼心服務，好勤力幫我哋換碟同埋分魚羹，最令我食得放心又開心嘅地方，因為它有足夠嘅防疫措施，枱同枱之間嘅分隔好開，而且冷氣充足，真係食舒服又安心的地方。下次想食中餐一定叫多啲朋友一齊嚟大圍新強記食乳鴿同雞粥。

燒鵝龍蝦晚餐😋是夜來到新界大圍呢間新強記燒鵝海鮮酒家開餐。門口掛住傳統的大紅燈籠🏮及金漆燒鵝，酒家設計有懷舊味道，光猛開揚，坐得舒服。晚市幾乎滿座，服務員態度親切，有舊式酒家感覺。2個人胃口都唔錯，不用多想，點了「晚飯三寶」（$438）+ 藍妹一支（$35）。1. 上湯焗龍蝦伊麵底：龍蝦🦞份量好多，舊舊都啖啖肉，肉質口感彈牙。伊麵軟林度適中又冇痴埋一餅，配合上湯去食，味道不俗👍！2. 新強記燒鵝王：雖則係例牌份量，但2個人真都夠晒。燒鵝上碟時仲係好熱的，皮脆香口，肉香味濃😋😋😋。鵝肉肥瘦適中又有咬口，咬落去時有少少🤏肥膏但又唔油膩，送啤酒食一流呀！話咁快就KO晒成碟😋～3. 金銀蛋時蔬：套餐當然要有個菜就完美啦🥳白菜仔配金銀蛋已經係不敗組合，清甜白菜配上大量皮蛋咸蛋+爆香大大粒蒜頭🧄，最啱用來送飯👍！晚市套餐有鵝有龍蝦食，呢個價錢絕對合理！如果一家大細來食，仲可以試多幾款小菜同著名乳鴿添😋！

成日聽人講大圍站呢間燒鵝好食，真係好難得今次會黎呢邊，緊係要同朋友去試試佢啦！聽講呢間新強記係大圍已經好多年歷史，裝修同餐具都好有90年代感呢。🍎燒鵝皇下半庄例牌 $150坐低唔洗諗即係叫份燒鵝先！睇到已經流哂口水🤤，望落好嫩好Juicy！皮薄香脆肉厚，滿滿既肉汁同油香，當然唔少得酸梅醬，超級開胃！呢到兩個人都夠清哂！🍎金牌燒乳鴿 $38皮脆肉嫩，只係$38一隻真係好抵食。🍎椒鹽魷魚鬚(例) $98本身想食椒鹽九肚魚可惜遇上休魚期，換左魷魚鬚，好彩都高質，炸漿上得幾薄，夠酥脆，魷魚彈牙。🍎魚湯腐皮浸芥蘭 $98食完堆煎炸既油膩野~叫左份菜湯清清，腐皮吸收哂魚湯同介蘭既精華，超級鮮甜！仲搶手過芥蘭🤣！🍎櫻花蝦海鮮炒飯 $108呢個好似係神秘菜色黎🤣，其實唔係大餐牌，問店員有冇炒飯先落到。比想像中有驚喜，炒飯粒粒分明，夠哂鑊氣！雖然睇落上哂醬油色，但其實唔會太咸，我覺得岩岩好~