沙田新強記燒鵝海鮮酒家

营业中

休息中

乳鴿好脆身，新鮮即炸！咖喱雞煲同平時食開嘅雞煲真係好唔同，勁濃咖喱味！好入味！椒鹽魷魚我覺得可以再咸d，有啲唔係好夠味西蘭花炒蝦啲蝦大大隻，同西蘭花個體積差唔多，唔錯！蝦醬唔係同呢一碟餸一齊炒，我覺得有啲驚奇，點解唔係一齊炒嘅？要另外點個醬😂海蜇同普通食開嘅就冇乜辣味，普通。雞粥♥️♥️♥️♥️♥️呢個真係超級好味！啲粥有雞味，而且勁濃郁雞味！鹹鮮鹹鮮！啲雞嘅份量真係好多！每次添食都會有雞👍🏻👍🏻

難得放假，同朋友去周圍搵嘢食，餐廳係正大圍站隔離，好易搵。食物選擇多，上菜快。.估唔到叫最細份嘅燒腩仔都咁大份，又脆皮，抵。叫小食但有例牌份量。.燒鵝係餐廳三寶之一，一試，唔錯喎，入口甘香，但個人覺得甜咗少少.呢個焗蠔不得了，超級大隻，係真係超大，大到誇張，成個手掌咁大，可能仲大啲添。加咗薑蔥煮都好香口。今次係同朋友兩個人食，其實份量比想像中多。最後仲爭啲食唔晒添，相信即使兩個男仔去食都一定夠飽。

好耐冇入大圍食乳鴿，前兩日一行四人特登去食馳名乳鴿。本來大家都想點出名嘅雞粥，但係侍應姐姐推介海鮮精選菜單，於是我哋即管試試海鮮菜式。首先，菠蘿咕嚕肉是朋友的必點飛弗。果然無令大家失望！咕嚕肉上台香噴噴，離遠已經聞到酸甜味，而且熱辣辣，火候十足！咕嚕肉炸到脆卜卜，無骨啖啖肉，建議大家趁熱食！😋接着乳鴿上枱，同樣是熱辣辣！兩隻乳鴿皮香脆之外，肉質不會太硬和實，仍然保持高水準！建議可以開半不用斬件更可以大口大口吃。😍另一個朋友點了沙嗲粉絲蟹煲，我絕對是一名粉絲控，啖啖粉絲都有濃濃的沙嗲香味，絕對是酒樓才吃到的味道。肉蟹亦不輸蝕，尤其是蟹鉗部份，經過廚師細心敲碎蟹殼，食蟹一點也不麻煩。👍🏻最後，就是重量級焗大蝦伊麵，伊麵完全足夠四人分享，最喜歡就是上湯非常足夠，配合蝦和扇貝肉令伊麵更加貴格。這款菜是$188，絕對物有所值！值得一試！🤗

很久沒有幫襯過新強記，以前印象食物偏油膩，見佢改咗名試吓叫點心糖水，點了6個點心，山竹牛肉，蝦餃，鳯爪及馬拉糕都很不錯，點心俾我對上一次10年前好食好多，不過腸粉皮就唔夠薄，但係用外賣app叫都只係$160，希望佢哋以後可以keep住水準

去到沙田 一定要食沙田馳名又地道嘅雞粥 一坐低唔理三七廿一叫咗煲雞粥先 熱辣辣嘅雞粥由專人用手推車送到 並且即時分派 服務一流沙田雞粥卻不會把雞視為配料 而是整鍋粥的主要成分 所以雞的分量不能太少 雞件嘅質素是高質素的 吃一口熱辣辣嘅粥 再咬一啖鹹香嫩滑的雞件 懷舊的 沙田雞粥是許多港人的回憶雞油嘅香味已經同粥底融為一體 呈現咗雞油嘅金黃色 粥底鮮香嫩滑 綿中帶香 幾乎是每一台食客都會必點的 大鍋$168,細鍋$98金銀蛋時菜$88 濕濕潤潤好下飯 皮蛋和鹹蛋獨特嘅香味滲透在上湯之中 炸蒜香味沒法擋 所有鮮香味完全被蔬菜所吸收 最後連上湯都可以喝得一乾二淨燒味拼盤 叉燒拼燒腩仔$146 本人超級推介叉燒 上枱嘅時候仲係熱辣辣 蜜糖醬汁非常濃厚 黏附在叉燒之上 叉燒肉質淋嫩 味道帶點甜 好吃非常 燒腩仔肥瘦適中 入口有種即溶的效果 外皮依然脆口 配合黃芥辣一起吃 別有一番風味瑤柱蛋白炒飯$88 個炒飯炒得好乾身 每粒飯與飯之間都是粒粒分明的 又唔會好油 上枱嘅時候仲好香添 個個食完都讚不絕口我哋一家人經常都會嚟呢度食飯 每次都必食佢個雞粥 同埋佢啲餸都好大碟 價錢又抵 食物味道很好 唔會

今日特登同老公揸車入沙田食乳鴿 兩個人一人一隻乳鴿食得超豪爽 個人覺得原隻乳鴿上碟 邊食邊撕先最過癮 咁樣先食得夠痛快乳鴿上枱嘅時候仲係熱辣辣 38蚊隻算抵食 乳鴿體型大小適中 外皮燒到脆卜卜 點喼汁，淮鹽簡直係絕配 剪開隻乳鴿嘅時候仲出緊煙 趁熱食 超好味！新強記小炒王$118 充滿鑊氣的一道小炒 夠曬香口 有炸過嘅魚乾仔，蝦乾，炸過嘅腰果 等香口食材 最主要係佢炒得好乾身 海味嘅鮮味非常誘人椒鹽鮮魷$98 大碟又抵食 外層脆漿又酥又香 絕對係又熱氣又高膽固醇 但係不能抗拒的一道美食 香脆酥化嘅外層與鮮甜彈牙嘅鮮魷形成強烈對比 椒鹽非常惹味 忍不住讓人一口接一口啫啫雞煲$98 原煲煲仔上 熱辣辣 上枱嘅時候真係有 啫啫聲 因此命名為啫啫雞煲 熱力令到乾蔥，洋蔥，蒜頭等香料釋出香味 香氣沖天 雞件肉多肥膏少 部分就有雞皮 所以食落特別香 雞件好入味 而且好惹味 仲要件件都好多肉 肉質一啲都唔鞋店內提供嘅菜式非常多 有粥品，湯羹 ，燒味 ，煲仔，小炒…更有時令海鮮提供 龍躉，大蜆，元貝，鮑魚，龍蝦…一應俱全 而且價錢仲好大眾化 非常適合一家大小來用餐新強記過門口好易認 門口掛住兩大個紅色

約了朋友在大家的中心點大圍會面，選了這家價錢不貴的新強記，因為就想試他們的招牌雞粥，燒鵝，跟乳鴿！環境：就是酒樓的門面，座位闊落開揚，舒適感足選擇很多，大多都是傳統廣東中菜，但我們已經非常清晰我們的選擇！就沒有猶豫地選了服務：好細心，除了給我們搬椅子外，還幫忙用布蓋好，在酒樓實在少見雞粥（小）＄９８這就夠我們三人吃了雞粥粥底有米香，雞件非常多而且嫰滑，裡面的薑絲調了一些味道，這粥雞味濃郁，不會過油，不錯燒鵝拼盤（小）＄１９８這邊的燒鵝真的很不錯，外皮香脆肉質彈牙，難怪是招牌此外還有形狀不規則的海哲，瘦身的叉燒跟豉油雞，還有木耳作伴碟，當中雞件最嫰滑好吃，值得大家一試。燒乳鴿２隻＄３８＊２這個不推介不行，外皮超脆，肉質超嫰滑，口感細緻，沒有多餘的油脂，油香適中，非常好吃！薑汁芥蘭＄８８略為普通，但份量夠大，薑粒也多，讚

一家人外出覓食記-沙田篇大圍積運街2-8號海福花園47-50號地舖沙田搵嘢食一定諗起燒乳鴿同生滾雞粥 沙田新強記燒鵝海鮮酒家始創1978年 絕對是老字號 屹立不倒多年 陪伴許多香港人從小到大 的美好回憶裝修充滿氣派 牆上掛著超巨型山水壁畫 高高的樓底掛著巨型水晶燈 傳統的實木櫈配上圓枱 充滿香港老情懷就連碗碗碟碟都有山水墨畫 的印花 與牆上的水墨畫互相輝映 感覺統一 整齊新強記晚市主打廣東粵菜 除咗有多款鑊氣小炒之外 亦有海鮮，湯品，炒粉麵飯提供 最出名三寶:乳鴿，燒鵝同雞粥手撕奇香乳鴿$38/隻 乳鴿已經用數十種香料所醃製 因此非常入味 誇張啲講句連骨都有味 全部新鮮熱辣即叫即整 皮脆肉嫩 建議用手撕嘅方式進食 這樣才能保持原汁原味 邊撕邊流汁另外餐廳仲好細心 有提供剪刀同膠手套方便客人進食乳鴿 職員亦都好好 經常幫我們更換碟子 服務態度一流另一名物 沙田雞粥(小)$98 四個人食大概每人分到兩碗左右 職員會主動幫我們分好 我哋只要坐喺度等食就得啦 我覺得唔使加胡椒粉 已經好夠味 煲雞粥可以用鮮甜嚟形容 粥底好綿好滑 雞件嫩滑而且唔會太肥 相當出色今晚食咗店內三大名物中的兩款 乳鴿同

上湯焗海蝦元貝伊麵：海蝦蝦殼脆口，咬下去鮮甜多汁，蝦肉爽脆彈牙，共有六隻大海蝦，性價比極高。元貝共有四大隻，同樣彈牙多汁，令到伊麵吸收海蝦和元貝鮮味，而且經過上湯焗製，伊麵滋味度爆燈。金牌燒乳鴿：名不虛傳沙田乳鴿，$38一隻。乳鴿大小適中，撕開見乳鴿汁流出，乳鴿肉質鮮嫩。由於即叫即製，大家小心燙口。沙嗲粉絲蟹煲：蟹煲內有一隻大肉蟹，肉蟹驚油炸後更能鎖住肉汁。肉蟹非常新鮮而且啖啖肉，配合沙嗲味一流。粉絲份量多，吸收肉蟹鮮味非常惹味！菠蘿咕嚕肉：絕對是招牌菜之一。咕嚕肉賣相極之吸引，鋪滿大量菠蘿和蜜桃，配搭鮮嫩咕嚕肉酸酸甜甜，開胃至極！炸漿非常脆口，做到外脆內軟的口感。極之推薦！

失望😞本人從外賣晚餐套餐同埋另外買咗兩個紅豆沙. 經驗10分失望紅豆沙已經變壞多次致電舖頭投訴舖頭竟然不斷收我線！竟然推卸責任！本來用意係叫佢唔好再買會變壞嘅紅豆沙比其他客人，舖頭竟然回覆我紅豆沙係廚師整的不關他們公司舖頭事！10分失望. 跟住有要求我親身到舖頭取會退款大約10至$20！我相信香港人冇乜邊個咁得閒可以揸架車落去攞返10囉！本人覺得有時食物變壞是不可能完全避免但係舖頭一定要接受自己的問題和改善不可以推卸責任！

大圍街坊不陌生的老店，雞粥乳鴿聞名，疫情後就好似重新開張咁，燈都特別光。一行三日食唔得多，就點最招牌幾款。1.乳鴿肉質嫩滑，皮薄夠脆，唔會太咸如果鐘意原汁原味推薦原隻上，啜啜下更過癮。其實都幾大隻厚肉。2.薑蔥桶蠔煲老豆指定，夠味，汁唔太油可以撈飯，粉漿不厚，肉仲好厚，肥美！大隻過羹，貨真價實3.雞粥唔會食完勁口渴，無成口味精嘅感覺。肉都有不少，粥底幾香，3人叫細离每人都有2碗幾，好在無叫大選擇都唔少，價錢相宜，外賣仲有優惠，不過乳鴿明顯堂食抵環境光過之前，所見都跟足規格幾安全，值得一讚員工好好禮貌，我地都係今年第一次去，下次再去支持。

👧🏻Wodafoodie in Tai Wai太耐無去酒樓叫小菜食晚餐 就算去都係去d連鎖酒樓食一圍圍既套餐食大牌檔有時又怕唔夠乾淨 所以今次就黎試一試呢間係大圍站附近的燒鵝海鮮酒家✨金牌燒乳鴿🐥 $38/隻原隻乳鴿上 燒得皮脆肉嫩 燒得好香又好夠味上菜時仲係熱騰騰的！附上剪刀手套方便你食 好貼心 呢個價錢有呢個質素算好抵食！👍🏻✨菠蘿生炒骨🍍 $98「嘩～」一上菜我同友人都忍唔住講左聲😆因為生炒骨炒得好靚！每粒色澤金黃配上菠蘿同青紅椒 個醬汁調得岩岩好酸酸甜甜～超級下飯😋仲要好大碟 好正！✨薑蔥焗大生蠔煲🦪 $168成晚最回味係呢個～因為太耐無食過桶蠔煲啦！每隻美國桶蠔都 超 大 隻！有半隻手掌或再大少少😱每隻蠔都漲卜卜 完全食唔到任何雪味加埋薑蔥去焗 好惹味👍🏻全煲有6-8隻 真係好誇張好似食極都有咁！😍兩個人叫左一個飯都食唔曬d餸要打包好滿意今次既小菜配搭 下飯一流😝呢到晚市唔多人 檯同檯之間都有易拉架隔住 感覺好乾淨 下次可encore😆📍 沙田新強記燒鵝海鮮酒家 (大圍)大圍積運街2-8號海福花園47-50號地舖

放假帶著兩老沙田一天遊，爸爸想食乳鴿，本來想去龍華，但佢條梯級對於兩老來講簡直係奧林匹克障礙賽，於是選了在新強記吃晚飯。論裝修， 10年不變，但服務很窩心，環境又舒舒服服。今天點了手撕奇味鴿、濃雞湯翅、杏汁豬肺湯、燒鵝、薑蔥焗大蠔及金銀蛋生菜。食完飯仲有糖水送。叫得太多餸，飯店仲要送糖水。三個人吃唔晒，唯有打包一隻乳鴿和燒鵝。成餐飯加埋啤酒都係860元，高性價比👍飯店仲有代客泊車服務，揸車或坐港鐵都好方便。