沙田新強記燒鵝海鮮酒家

营业中

休息中

因為平日實在太忙一到假期奶油包就好想唔出街但咁岩朋友有野俾我所以奶油包就大長征入大圍咁岩又到中午時間就同朋友去飲下茶朋友係沙田同大圍既地膽佢就帶左奶油包去「新強記燒鵝海鮮酒家」呢度午市非常之多人要等一陣先有位位呢度有好多唔同嘅點心基本上點心、炒粉麵、小食、甜品都有因為得2個人就唔係叫左好多野食我哋揀咗蟹子燒賣王原籠馬拉糕古法千層糕家鄉煎薄餅蜜汁叉燒腸脆皮燒腩仔叉燒河嘢食叫佢一陣好快就已經到咗而且全部新鮮熱辣辣最先到嘅係脆皮燒腩仔一份有好多件而且個皮好香脆肥瘦適中蟹子燒賣王好多蝦好爽又大粒家鄉煎薄餅較傳統薄薄地多蔥花煎得好香脆最好薄薄地一件一件食唔會太飽蜜汁叉燒腸腸粉厚身幾滑叉燒唔肥又夠多夠香叉燒湯河叉燒亦都有好多而且多蜜汁冇肥肉又夠淋身馬拉糕好巨大甜甜地鬆軟好食古法千層糕一層層奶黃真係唔錯

午餐喺度食飯，本身諗住食燒鵝飯，但係朋友話想食點心，所以就決定叫啲點心。另外亦都諗住叫個飯一齊食。一入到去嘅時候，無論係碗碟嘅安排都同一般酒樓無異。打開點心紙，有非常多款點心揀，以午市黎計，平均價係20幾蚊一個。金珠鹹水角，外型漲漲，非常大顆，裏面包着係熱辣辣鹹肉，幾好食。之後叫咗點蔥花蝦米腸粉，呢一碟腸粉係煎，雖然佢餐牌上面冇寫明，但係我覺得煎係會比蒸更加好食。蝦米亦都大粒，腸粉都大碟，都只係20幾蚊。蝦餃喺呢度嘅招牌菜，大大粒，蝦肉香，皮唔算厚。呢個係鮮竹卷，但係特別就係，佢寫明左係龍蝦湯，所以我特別一試，一籠有三個，夠晒我哋幾個人分。但係仔細食落去嘅時候，龍蝦湯就唔係好食得出，杞子有心思，但係唔係好食得出佢嘅作用。蒸排骨非常香，肉好食，亦都大碟。最後我哋叫咗個湯飯，勝瓜肉碎湯飯，呢個飯除返勻，我覺得夠四個人食，特別喜歡係佢嘅勝瓜爽脆，消暑，而且個湯底落咗麻油，非常香。

抵食下午茶今日太晏食早餐，所以就去飲下午茶！去到2點，剛好下午茶！下午茶有特價點心，更優惠抵食！當中我叫咗啲特價點心：家鄉咸薄餅、蜜汁叉燒腸、白灼菜心、原籠馬拉糕。家鄉咸薄餅煎得好香，最緊要夠脆！ 白灼菜心清清地，菜又幾新鮮！蜜汁叉燒腸皮薄餡靚滑嘟嘟，勝在夠熱！原籠馬拉糕超大個，好鬆軟！ 蟹籽燒賣係飲茶必食，大粒好滿足！南乳蒸豬手，南乳味唔會太重，豬手幾林。包類點左幾樣，當然唔少得流沙包，好香奶黃味！古法千層糕，一層層，甜甜地好食！珍珠雞有3隻，蒸得夠時間，料都唔錯！見唔少人食雞粥，叫左一位食！都有成一小窩，雞粥有雞香味，好熱好正！

一行3人 黎到大圍老字號酒樓新強記燒鵝海鮮酒家啲間老字號酒家 裝修保持舊式酒家風格選擇困難症 所以叫4人套餐$488 計落又抵食啲 上菜超快手沙田新強記雞粥(大)雞粥用鍋底上枱 粥好正 粥夠綿 帶有咸雞味雞肉唔鞋 又唔會無哂味 份量大 好夠食菠蘿生炒骨顏色鮮艷 睇落已經感受到酸酸甜甜生炒骨唔算大粒 不過勝在熱辣辣上菜 而且炸得剛剛好 菠蘿仲係有菠蘿味粟米龍躉石斑塊斑塊係真材實料 咬開發現有魚皮既 唔係雪藏斑塊 魚肉白雪雪 唔會有骨 粟米汁都好足夠送飯一流沙嗲牛肉芥蘭牛肉份量都幾多 重要的事 牛肉肉淋 唔會過分煙銀 芥蘭亦唔老 加沙嗲又幾有鑊氣楊州炒飯炒飯粒粒分明 有叉燒粒蛋絲蝦仁份量多 老實講已經好飽 食唔哂話晒都三人食四人餐套餐份量真係好足夠 最後仲有甜品上紅綠豆沙 每人一碗相信長輩都好滿意 下次可以試吓燒乳鴿

沙田有間餐廳同朋友踩完單車去食估唔到d手藝真係唔錯入到去坐低已經有好氣派既大玻璃燈大致上感覺氣派同埋舒服而且到處都打掃得很乾淨最緊要係呢一樣登登登登乳鴿終於上枱 最快樂的是 met乳鴿食旁邊有汁同埋鹽 俾我哋點住食但其實本身已經好夠味唔需要點已經好好味第二樣嘢讚嘅係佢嘅燒鵝(例）一上到枱佢嘅燒鵝非常之有光澤一見到就知道一定係好老練嘅師傅悉心炮製嘅即刻想叫多碗白飯呀油和肉嘅比例平均食落好順口 真係好啱配飯食特別係上枱仲熱辣辣嘅時候第三樣嘢要讚嘅係超級新鮮嘅豉油王虎蝦大大隻嘅虎蝦 佢吔嘅味道好香食親都要 lam曬d殻既汁先至會擺休佢彈牙既肉 我諗就唔使再多講啦鮮甜又美味 我一直都係感覺好新鮮 唔會霉霉爛爛嘅仲要大大隻咁上令我食指大動兩個人食咁多好西一個人$200唔使 又有海鮮又有燒鵝又有乳鴿再配埋白飯 簡直係飽到郁唔到呢間餐廳的確係抵讚

呢間嘢唔好畀個裝修門面呃咗以為好差除咗環境同擺盤 其他都幾好乳鴿真係好抵食 超平 但即整得好好好香 皮脆肉嫩燒鵝都正 份量好多 切嘅位好完美 啖啖肉仲有雞粥都超大碗 飽到癲服務好好 啲姐姐係咁過嚟幫手 裝粥 倒茶 推介咁

平時路過大圍已經留意左呢度好耐，成個門面裝修都令我諗起深井老字號，今晚就黎試下。燒鵝皇好有水準，鵝皮脆得黎完全唔會乾，啖啖肉冇乜碎骨，由醃料去到醬汁都好惹味，食完會想再帶媽媽嚟食多次。芝士焗西澳龍蝦伊麵賣相滿分，啲肉爆曬出嚟好易食，芝士汁好夠，食到尾都係每條麵都有汁。 龍蝦好鮮甜，炸粉唔會好厚，貴少少好過食嗰啲厚粉又冇肉嘅龍蝦伊麵多多聲。雞粥煲得出雞嘅鮮味，食咗好幾碗都仲有好多料，份量亦比想像中多好多，兩個人真係食唔晒。 打包左俾屋企人之後，佢哋都大讚好味。整體來講都幾滿意，會有興趣再嚟食。

一直心心念念大學時期食過嘅宵夜雞粥，大熱天時又冇心機去大排檔，於是搵咗呢間大圍幾出名嘅酒家。想一次過食晒呢度出名嘅嘢又想食龍蝦，計黎計去就揀咗晚飯三寶C ($438)，一次過滿足晒三個願望。芝士焗西澳龍蝦伊麵賣相係有啲驚喜，龍蝦件全部都大大件好厚肉，令人食慾大增。 龍蝦肉質紮實彈牙，幾有鮮味，芝士汁杰得黎有鹹香，真係有海鮮酒家嘅水準。燒鵝皇 (例)估唔到係全晚最好食，餐廳真係冇改錯名。 燒鵝皮脆肉嫩有鵝味，最鍾意皮下脂肪唔係太多，食到鵝香得黎都唔會太油膩，感覺幾健康，滷水亦都做得好好。金銀蛋浸時蔬較為普通少少，勝在幾足料，金銀蛋多到滿瀉。雞粥 (小) ($98)其實係平時食開嘅一大鍋，雞件食極都有。 雞肉醃得好入味，粥底亦都食到雞油香，可惜調味輕手左，自己加少少幼鹽之後好味百倍。尤其欣賞呢度坐得好闊落，枱同枱之間更加放咗無限透明長身隔板，食得好安心。

2021年7月24日 星期六今日難得早起身，決定同老婆去沙田既新強記飲個茶，搬咗嚟沙田咁耐都未試過呢間沙田嘅地標酒樓，老婆話最少都有30年歷史去到好快就有位坐，再慢慢睇返時間同餐牌，原來已經過咗11點，所以冇咗早茶特惠時段，不過午市嘅價錢都係貴幾蚊左右，都唔算太貴，老婆話最出名嘅係乳鴿，咁我哋當然唔會放過啦，之後再加幾個點心，唔夠先再加單等咗大約10分鐘左右，新鮮熱辣嘅燒乳鴿就送到，仲細心咁幫我哋分開咗每隻有四件，乳鴿嘅外皮燒得好脆，而且肉質好嫩滑添，最後我連乳鴿頭都唔放過點心方面，有香煎蘿蔔糕，蘿蔔糕每一塊都好厚切，煎得啱啱好，唔會太燶之後當然唔少得飲茶必叫嘅蟹籽燒賣皇，大大粒燒賣，每粒裏面最少有一兩隻大蝦，爽口彈牙之後有酒樓嘅推介點心，古法千層糕，之前完全冇食過，原來中間黃色嘅部份係鹹蛋奶黃，食落去夠晒鹹香，希望呢啲傳統點心可以一直傳承落去最後仲有家鄉煎薄撐，同樣地煎得好香，食落去唔算太油膩，每一啖都食到葱粒添整體來講無論點心同乳鴿都唔錯，難怪可以喺沙田咁多年仲有咁多人幫襯

新強記係大圍嘅歷史非常悠久，佢老字號嘅大名相信好多食貨都一定識😋佢哋最出名嘅就係乳鴿、燒鵝同雞粥，晚飯套餐總有一款名物係入邊俾你揀👍🏻同朋友都唔太肚餓，所以散叫幾個小菜。🔸沙田新強記雞粥 (小)（$98）沙田雞粥就聽得多，今次真係第一次食。味道比我想像中更出色，雞件肉質嫩滑，而粥底色澤金黃綿滑，帶有濃郁嘅雞香，亦比平時坊間嘅雞粥帶有更重雞味，份量都好足夠。🔸上湯勝瓜粉絲浸花甲（$128）花甲份量都唔少，可以鋪滿碟面，惹味嘅上湯配勝瓜及粉絲都好夾，但有少少辣。🔸菠蘿生炒骨（$98）生炒骨好靚仔，配上菠蘿同青紅椒，每粒色澤金黃，賣相好好。而且個酸汁調得啱啱好，酸酸甜甜，都幾大碟。

今日突然間想食下沙田新強記嘅紅燒乳鴿，雖然我哋住咗喺沙田超過30年了，但係唔知點解從來都冇食過新強記馳名嘅紅燒乳鴿同埋雞粥，因為細窩雞粥一窩要$108，我哋兩父女應該一餐食唔晒，所以暫時叫紅燒乳鴿食住先，沙田區只有app有這個品牌叫，發現餐牌上面有一個乳鴿餐，有兩隻乳鴿及一個小菜還有兩個白飯，今日決定試吓。不過我貪得意，預早喺早上10:30鐘用App手機應用程式預訂這個紅燒乳鴿餐下午1:00送到，後來發覺原來最好臨食之後佢叫餐最好，否則就好似今次咁唔夠熱：1. 紅燒乳鴿每人一隻，真係超好食！啲乳鴿應該唔係雪藏嘅！因為好有鮮味！酒家用咗紙盒裝，所以保持脆度，因為唔會焗出啲蒸氣出嚟整稔左啲乳鴿👍👍👍，不是浪得虛名。因為爸爸行動不便，所以幫佢帶咗3M即棄食物手套嚟食乳鴿，但係佢話袖口嗰度太鬆，驚會甩，我咪攞兩條橡筋箍住個袖口囉。2. 豆腐炆火腩小菜一碟 - 呢個嘅芡汁都搞得好，豆腐也炸得靚，但係因為只係煮已沒有炆，啲燒肉好硬吓，加上唔夠熱，食落咪冇咁好食囉！3. 白飯兩碗 - 如果唔係叫餐，係唔可以單點白飯跟其他小菜的，每次我叫小菜或者燒臘食的時候都要係屋企自己煲飯。酒家用咗一個兩個格的盒子

今朝搵咗app送咗四個粵式點心嚟我屋企做早餐，真係好正！1. 時菜鯪魚球 - $30真係有時菜的！係切咗粒嘅津白菜，啲鯪魚肉味道唔錯，最緊要係唔係好似一般啲酒樓嗰啲咁鹹到飛起，朋友話如果太鹹可能係因為啲鯪魚肉唔夠新鮮，啲廚房師傅落多啲鹽嚟去掩飾，雖然並唔係好彈牙嗰隻，但係落咗陳皮，除咗名貴啲之外令到鯪魚肉的味道提鮮！2. 豉汁蒸魚雲 - $40 師傅好明顯分配咗有啲多啲骨有啲多啲肉，唔會成碟都係多骨嗰隻，但係所謂多骨嗰嚿都唔係咁多骨，味道做得很好，唔會鯹！顏色也不會白舐晒，好好味！3. 潮州粉果 -$30係成個沙田嘅酒樓做得最好嘅潮州粉果，粉果的皮軟硬適中，厚度適中，餡料正宗！4. 煎三色糕 - $30頂呱呱！芋頭糕啲芋頭係一片片的，好有層次，味道很好！ 馬蹄糕好正！唔會甜得滯，好有馬蹄香味及清甜味，糕質地啱啱好！蘿蔔糕又香又鮮甜！今次app免運費，服務費兩蚊，合共$119，即係平均消費每人$60。

老公話好耐冇食過燒鵝同乳鴿，我即時諗起大圍有間老字號招牌食燒鵝同乳鴿嘅酒樓，呢間酒樓喺大圍已經好多年歷史，叫做新強記燒鵝火鍋海鮮酒家。地點都方便，地鐵站出嚟行五分鐘就到，入面環境都幾大，樓底好高唔會有壓迫感。酒樓入面全部都係老夥記，證明老闆好有人情味❣️坐低咗之後就睇下有咩好食，發覺佢哋啲小菜都好吸引，而且價錢都好實惠。我哋首先嗌咗個孖寶，燒鵝例牌+涼瓜炆黃立倉。點解叫依個？首先你到新強記唔食燒鵝點得呀，再加上我見台台都嗌咗呢個孖寶，我冇理由唔跟大隊。新強記招牌燒鵝：好快就到，我仲特登同個樓面講，燒鵝唔要肥，佢哋服務真係好好，即刻mark落張單度，嚟到隻燒鵝真係一啲都唔肥，超級好食😋涼瓜炆黃立倉：我諗住都係好普通，點知超級有驚喜，條黃立倉超級大條，豆豉炆苦瓜又炆得好入味，一啲都唔苦，又好餸飯。椒鹽鮮魷：炸得好金黃，炸漿剛剛好薄薄一層包住條魷魚去炸，加埋啲喼汁食超級好味。一啲都唔油膩，食完一嚿接住一嚿，但都食唔曬，因為份量實在太多。新強記乳鴿：佢哋有得揀成隻上/開邊/或者一開四，我覺得一開四係最方便食同最好食，佢哋啲乳鴿好新鮮，而且好有肉汁，同埋一啲都唔油。最後我哋兩個人都食唔曬，要打包返

今日媽咪生日🎂，媽咪最鍾意食中菜，佢最鍾意食燒鵝同乳鴿，我就上openrice睇下邊間嘅燒鵝同乳鴿好食，咁啱畀我搵到間喺大圍老字號嘅酒樓，見食評大部分人都讚，心諗差極有個譜。所以最後決定去試下。地點唔難搵，大圍地鐵站行五分鐘就到，原來新強記個名咁長，叫做（新強記燒鵝火鍋海鮮酒樓）。我哋五點幾就去到，所以未開始多人，入到去發覺環境好寬敞，樓底好高，唔會好焗促。睇完環境梗係睇下有咩好嘢食。媽咪最鍾意食燒鵝，咁首先緊係揀咗燒鵝先。原來佢有個叫孖寶嘅套餐，燒鵝例牌+豆豉涼瓜炆倉魚，都只係$188，即刻叫黎試下。😋😋😋新強記燒鵝🦢❤️❤️❤️❤️❤️一上枱已經知道隻燒鵝好靚，一啲都唔肥，仲好有光澤，例牌個份量都唔細。媽咪話佢食咗咁多年燒鵝嘅經驗，依間係佢嘅排名數一數二。豆豉涼瓜炆倉魚🐠❤️❤️❤️❤️諗住都係普通菜色冇咩期望，點知條倉魚好大條，再望下附近枱，原來台台都有叫依個孖寶，講返呢個涼瓜炆倉魚，炆得好入味，一啲都唔鞋，涼瓜又唔會話好苦，我唔好涼瓜都食咗好多。椒鹽鮮魷🦑❤️❤️❤️❤️本身想叫椒鹽九肚魚，點知賣曬，所以就叫咗個椒鹽鮮魷，估唔到佢個椒鹽鮮魷係咁正嘅，外脆內軟，炸漿夠薄魷魚夠爽口，而且又有底味，我哋幾個都

每次特登揸車黎大圍，就係食新強記乳鴿，好多年無加價，$38蚊大大隻，脆皮多肉，星期六日都係加$10。每次都一人叫一隻再原隻上，剩係食乳鴿都值回票價。小菜都唔錯，但性價比就係無咁高