沙田新強記燒鵝海鮮酒家

营业中

休息中

難得疫情緩和d,終於可以約齊舊同事食飯，大家又想食傳統菜色，所以就去大圍試下開業已久既新強記。雖然疫情下好多餐廳晚市都會比較冷清，但八點鐘左右嘅時間餐廳都坐滿八成，相信菜式一定唔錯！講明舊同事聚會，叫餸唔洗就住記住，叫左五個餸，大食特食。1.新強記燒鵝王餐廳招牌菜，燒鵝甘香可口，皮脆肉滑，肥瘦適中，入口無街外食個d咁咸，唔會太油膩，加埋酸梅醬，一絕2.金牌燒乳鴿另一款招牌菜， 食乳鴿最緊要夠熱，夠熱皮先夠脆，皮脆卜卜先至好食😋廚師貼心地破左邊，揸上手岩岩口，啖啖肉加埋准鹽，好味3.椒鹽鮮魷本身想叫椒鹽九肚魚，但因為休魚期，無得食😭唯有叫椒鹽鮮魷止癮，份量充足，炸得金黃色。自己最怕出去食魷魚硬過橡筋，呢度出品肉質剛剛好，唔韌，一咬就食到，點埋喼汁，如果有朋友鐘意飲啤酒，椒鹽菜色記住要叫！4.櫻花蝦海鮮炒飯呢樣其實menu 無🤣 但同事好想食炒飯，伙記話推介櫻花蝦海鮮炒飯，就試下呢味隱藏菜色。飯炒得乾身，粒粒分明，有大量炸左嘅櫻花蝦，配埋蝦米粒同好少見，炸到勁金黃嘅炸雞蛋粒，仲有菜芯粒，香口之外味道亦非常適中，好彩同事想食炒飯先有機會食到5.魚湯腐皮浸芥蘭有海鮮有肉梗係要叫碟菜中和下，芥蘭

今日去到大圍搵食，睇吓有啲咩好食。見到呢一間好似有啲懷舊嘅酒家，望望門口就決定一試。坐低叫咗茶好快就有。睇吓餐牌，選擇都有好多。有唔同嘅小菜。見到周圍嘅人都有叫雞粥，我哋亦都想試吓。就叫咗一個雞粥。雞粥份量都幾多，入邊都有好多雞，夠足料！有雞味，米同水嘅比例都好恰當，唔錯！去食中菜，我都會叫咕嚕肉。咕嚕肉賣相好靚，色彩好夠！鍾意佢有菠蘿酸酸甜甜；又有水蜜桃。咕嚕肉脆好食！揀咗個百花煎豆腐。呢個豆腐嚟到有啲驚喜，原來係炸嘅豆腐面上面有少少蝦膠。點埋個豉油鹹鹹地，都幾特別。呢度嘅乳鴿$38/隻，幾抵食，叫咗兩隻。乳鴿真係唔係好多酒樓有得食，都幾難得！乳鴿點埋鹽及醋，味道幾好！

呢間海鮮酒家開業多年，聽聞相當有歷史；而且最出名嘅係雞粥同乳鴿。今次就同屋企人嚟食！我哋三個人嚟食，揀咗細雞粥。店員話細已經相當夠食，估唔到真係好大煲。每個人分到三碗左右。呢度嘅雞粥煲得好綿，而且啲雞都算幾滑，真係唔錯。另外叫咗呢度嘅乳鴿。乳鴿細細隻唔算多肉，但係個皮夠香，乳鴿肉都夠幼嫩，非常有老店嘅風味。再叫咗個菜，揀咗竹笙扒時蔬。揀咗菜心，菜夠翠綠而且又夠甜。竹笙又爽口，清清地相當唔錯。見到有鳳梨咕嚕肉，配菜有鳳梨、有蜜桃。咕嚕肉夠大舊，啖啖肉。酸酸甜甜幾好食！

沙田這間好出名嘅新強記燒鵝海鮮酒家，果然是名不虛傳。出面好大嘅門面，更有很多生猛海鮮。入到去雖然目前限聚令，每台最多容納四人，但是入座率都超過七成，深受街坊歡迎。沙田新強記雞粥（小）$98雖然是細size都好大煲，煲得入味有雞香，粥口感夠綿，相當不錯，亦有啖啖雞肉。金牌燒乳鴿$38燒乳鴿外皮充滿油香，帶有輕微香脆口感，有足夠的鹹香，不用點上任何醬汁同樣好吃。菠蘿生炒骨$98菠蘿生炒骨外皮香脆，仲有菠蘿，三色椒等等嘅配料，酸酸甜甜甚是開胃。絲苗白飯$13茶芥$12 x 2 最主要是座位坐得舒服，侍應爽手有禮貌，是值得多次光顧的酒家。

今日終於有機會試到呢間由細到大搭火車出九龍都會經過見到，慕名已久但從來未試既酒家。呢度出名既沙田三寶我都好想試。但因為得我同朋友兩個胃，我地又想試埋其他撚手小菜，所以我地揀左手撕乳鴿一試。奇香手撕乳鴿真係冇改錯名，一放落枱已經聞到果陣乳鴿既油香，到真係咬落啖啖肉既鴿身時候，果啲熱辣辣既肉汁帶出既油香更加係香到隔幾張枱都肯定聞得到。不得之了。鳳梨咕嚕肉咕嚕肉必須要送飯，鳳梨同埋桃肉既配搭又係一絕。兩樣都係超開胃，咁都俾佢諗到擺埋一齊原來咁好食。咕嚕肉炒到岩岩好，做到外脆內軟，酸度適中，開胃到白飯都食多碗。茄子牛仔骨煲呢個餸就超抵食。首先個煲係熱辣辣咁上香氣四溢已經加好多分。再黎就係茄子同牛仔骨份量一啲都唔細。更重要係2樣食材都做到好好味，茄子夠淋夠入味，牛仔骨當然都係好入味啦，肉質仲係嫰口易咬真係幾驚喜。簡單一句就係冇得輸啦。抵食又好食！

今日難得同老公放假，去咗大圍呢間好多年歷史嘅酒樓，最重要佢唔係連鎖式嘅酒樓，佢有幾樣招牌菜就係乳鴿/燒鵝同埋雞粥。呢度點心即叫即蒸全部都好新鮮，而且都好多種類，聽聞佢哋啲小炒都好出色，不過今次中午時間食所以就冇嗌到小炒，淨係嗌咗點心。新強記點可以唔叫佢哋嘅招牌雞粥（沙田新強記雞粥）,我哋兩個人食所以嗌咗個細鍋，點知嚟到發覺原來咁大鍋，咁嘅價錢咁嘅size真係超值。講番個雞粥，超級甜好重雞味，唔係求其啲頭頭尾尾，入面好多雞肉。嚟到酒樓想知佢啲嘢好唔好食，試一試佢地啲燒賣就知。蟹籽燒賣皇~粒粒都超大粒，又好足料，d蝦超級彈牙，要幾啖先食得晒，因為好大粒。沙嗲金錢肚~佢哋啲金錢肚好爽口，沙嗲味好濃，而且個底做用咗我最鍾意嘅豆卜墊底，好野味。金蒜蒸排骨~粒粒排骨都有金蒜，仲要係好大粒，唔似出面咁又細粒份量又小。椒鹽鮮魷~老公突然話想食d炸物，所以就叫左佢地既椒鹽鮮魷，即叫即炸，d炸漿厚薄剛剛好，魷魚有底味，外脆內爽。食後感：依d小店真係要多d人支持，保留番佢地既味道，因為真係出面食唔到咁既質素同價錢。

今日突然好想食雞粥，所以一收工沖入大圍😂🤣😂🤣 為的就是 雞粥。乳鴿。酒樓大廳有一福突大油畫，懷舊味濃，但也不失整潔感覺。「金牌燒乳鴿」熱辣辣，小小脆，正呀🥰🥰「沙田強記雞粥-小」份量估計3-4人也可，我地2個人可每人食4碗😂🤣😂 雞肉滑滑，配上薑絲， 可口🤭「新強記燒鵝王-例」例牌都大大碟呀😌肉質厚厚👍🏻👍🏻「茄子牛仔骨」好好味😋❤️ 平時出面多是茄子多，肉少，相反🤫 這間店份量十足，多牛仔骨，多茄子🥰 肉質滑滑，黑椒味濃👍🏻備註：🔺每道菜式都份量十足🔺員工有禮👍🏻

文房四寶或許聽得多，「沙田四寶」是什麼？四寶包括：沙田雞粥、燒乳鴿、燒鵝和沙田山水豆腐，不少人專程入到沙田都是為了吃這四寶。位於大圍港鐡站對面的沙田新強記燒鵝餐廳，在沙田屹立數十年，每逢經過大圍站一定會看到大大個招牌。經典名菜當然唔少得以上的招牌四寶，早市、午市、下午茶時段更有點心、炒粉麵、小菜等供應。金牌燒乳鴿（HK$38）👍👍👍👍👍這是人氣必食首選，差不多每枱都會點。燒乳鴿原隻上枱，客人可以用剪刀剪開，或者可以豪邁地用手撕來吃。乳鴿用了十數款香料和醬料醃製，然後再燒至外皮香脆，肉質鮮嫩。沙田新強記燒鵝皇（HK$120/例牌）👍👍👍👍👍燒鵝皇是鎮店之寶，當然要吃，兩個人叫一碟例牌剛剛好。肉厚皮脆的燒鵝皇，充滿肉汁，鵝油的油香滲至鵝肉內，加上酸梅醬的甜酸味，其味無窮。沙田新強記雞粥（HK$40/位）👍👍👍👍👍雞粥的粥底綿滑，雞件爆香後再放入粥內，雞油滲入粥內，令每口粥都吃到雞油的香氣，雞肉仍保持嫩滑。椒鹽脆豆腐（HK$48）👍👍👍👍👍喜歡吃香口的，點一個椒鹽脆豆腐，一粒粒的豆腐炸至外層金黃鬆脆，𥚃面熱辣辣，食的時候真係唔好心急，因為真係好熱。茶介（@ $10/午市）Storefront

今日放工就趕住去同屋企人慶祝母親節，媽媽點名要食大圍嘅新強記燒鵝海鮮酒家。佢話以前成日同婆婆去食，搬左之後就好小去食啦。我地去到嘅時間尚早，唔算多人。因為疫情關係，每張枱都用屏幕隔開左，唔驚同隔離台互相傳染。燒鵝皇黎到強記燒鵝點可以唔叫燒鵝食，我地4個人就叫左例牌下例。燒鵝份量好多，夠我地4個人食。燒鵝脾好夠肥，一上枱就比細佬拎左去食。奇香手撕乳鴿見到有人特登入嚟買乳鴿外賣，就叫隻黎試下。堂食$38一隻價錢抵食，乳鴿一開二上台，聞到有好香嘅南乳味，出面燒到脆卜卜，撕開入面仲會爆汗。入面肉質好嫩滑，啲皮就好香口，值得一試。上湯西澳龍蝦伊麵龍蝦伊麵係屋企係整唔到酒樓嘅味道，所以平時一家人去酒樓食飯都會叫。伊麵底最忌係太稔，但佢嘅伊麵索湯得黎仲好彈牙。龍蝦炸左再入湯，肉質keep到爽口唔老，真係好好食。

住咗大圍咁耐竟然唔知道大圍有咁正嘅酒樓，真係冇面原來新強記喺大圍已經有好多年歷史，入面啲侍應大部分都上咗年紀，但咁樣反而覺得仲好，覺得老闆好有人情味。中午食飯時間，超級多人。都要等左陣先有位。黎呢度之前已經做曬功課，知道呢度有幾樣名菜，就係燒鵝/乳鴿同雞粥。招牌燒鵝：果然冇令我失望，首先係隻燒鵝一啲都唔肥，因為真係好驚食到成層肥膏嘅燒鵝，隻燒鵝好滑好juicy，真係冇叫錯，果然係招牌。招牌乳鴿：佢哋同出面唔同，呢度係成隻乳鴿上，仲會提供埋手套同鉸剪，可以自己一手一腳搞掂，隻乳鴿新鮮炸起，外面脆，內裏保持肉汁鮮嫩，食多幾隻都唔會漏。五柳炸雲吞：雖然係炸，但一啲都唔覺得油，入面啲餡料都好充足。碧綠鮮蝦腸：腸粉皮好薄好精瑩通透，入面啲蝦仁粒粒都好大隻。香煎芋絲餅：超級好食，喺出面未食過咁嘅味道，個芋餅唔會太乾。鮮蝦腐皮卷：出麵食嗰啲腐皮卷又薄又油，呢度好唔同，腐皮卷好足料而且又唔油。總結：以後飲茶一定會再嚟呢間，食物質素同價錢都好相宜。

經常都聽人介紹食沙田雞粥，今日終於都食到了環境屬傳統酒樓，充滿著懷舊風味沙田新強記雞粥用砂窩上，可以保持到溫度粥底好綿滑，亦富有滿滿既雞油香重點係材料好足有齊薑絲、香蔥！果然係馳名雞粥金牌燒乳鴿呢度既乳鴿亦好出名，原隻手撕食，別有一番風味一撕開，好多肉汁呀而且係即叫即燒，外皮超脆不過可能係BB鴿既關係，所以肉質比較瘦，但$38一隻真係好抵食要食多一隻先夠喉新強記蝦餃皇蝦餃皮好薄呀中間既蝦肉亦脹卜卜，極力推介呢度既蝦餃！香滑流沙包每次去酒樓都必食的流沙包雖然個餡未算好金黃，但係蛋黃味好香濃而且又唔會太甜鯪魚肉煎尖椒煎得好金黃色，食落好香口五柳炸雲吞呢個炸雲吞好有童年回憶，細個時去親酒樓都會食炸得夠乾身，一啲都唔油膩，沾上五柳汁，簡單perfect香芋鴨腳札呢個點心好似唔係度度都有得食，鍾意食芋頭既見到咁大舊芋頭即刻心心眼好有睇頭！鴨腳肉質好實淨，唔會甩皮甩骨，味道亦夠哂入味陳皮紅豆沙最鍾意起哂沙既紅豆沙超香陳皮味，陳皮係紅豆沙既精粹仲有豐富既粒粒紅豆，好有口感！而且唔會好甜，岩哂我口味呢度既點心、雞粥樣樣都好高質

是日同小朋友踩單車去左大圍交車時決定食埋晚飯先回家裝修風格盡現90年代嘅老式酒樓屋企小朋友未見過嘅就要帶佢哋去見識下啦費事投訴成日食連鎖店好悶啦乳鴿好抵喎$38一隻！叫左隻比小朋友！因為真係出面好多地方都$6/70一隻仲有得原隻上，不過個仔好怕咁樣食，話恐怖😂都係切件上，形態上會易啲接受。雖然係細隻D，但係好入味，完全唔需要用淮鹽！另外叫左啲家庭小菜，咕嚕肉不過雞粥好鮮味、粥底綿、雞件又嫩滑必食之一所以我哋都叫左碗粥外賣比爸爸

今日忽然口痕想食乳鴿，於是走咗去大圍遠近馳名嘅沙田新强記燒鵝海鮮酒家。有咁上下年紀而又住東鐵沿線嘅朋友仔應該有啲記憶，因爲佢就坐落喺大圍港鐵站正前方嘅海福花園，每次坐火車經過大圍站都肯定會見到。由於到埗時間尚早，只係大約六點三，未算太多客人因此唔需要排隊。坐低見到第一眼吸引我目光嘅並唔係餐牌，而係佢嘅碗碟，非常有古舊中國色彩。今日未至於太肚餓，兩個人簡簡單單點咗"沙田新强記雞粥(小)"、西檸雞球、奇香手撕乳鴿。沙田新强記雞粥，雞件足料，粥底軟棉無燶底，點解特別講明無燶底！？因為有d舖頭真係連咁基本嘅嘢都做唔到😤西檸雞球酸酸甜甜，回憶滿滿嘅一道菜，童年時代媽媽只會喺大時大節，有親朋到訪至會煮嘅餸。奇香手撕乳鴿，終於到主角登場，皮脆肉嫩，味道咸香，滋味度滿分。雖然係星期一，但隨住到咗晚飯時間，酒家入座客人漸多，話咁快已全院滿座。為免阻住人做生意，食到飽飽嘅我哋都埋單走人😉

-約左個住大圍嘅朋友食飯佢屋企樓下就係火車站對面間強記有時坐車經過會見到我地貪近 今晚就食呢間！呢度最出名應該係燒鵝乳鴿同雞粥乳鴿$38/隻其實好平 但今天不做食肉獸🙅🏻‍♀️🙅🏻‍♀️睇左menu全部小菜都係散叫 係無set dinner嘅 , 另外10%SC, 茶芥$12@見到啲海鮮推介都唔係貴正常酒樓價錢～～見週邊都有人叫 可以試試喎目測當晚都幾多街坊家庭黎食飯 餐廳都夠大 完全唔洗怕1.5米嘅距離-芝士焗龍蝦伊麵底/$288上枱時都幾震撼 因為隻plate超大😂西澳龍蝦算厚肉加上濃而不膩嘅芝士汁撈埋伊麵食真係幾有驚喜其實我地都幾鐘意叫D係屋企自己煮會麻煩嘅dish加上近年嘅龍蝦都比較抵食 海鮮控-蒜蓉粉絲蒸聖子/$138(4隻)呢款唔係聖子王再大D個size好似可以加多幾十蚊都算蒸得岩岩好唔會un粉絲亦入晒味 除左日頭點心原來晚市食物D水準都好平均唔錯

今日去咗沙田新强記試試佢主打菜係雞粥 所以就嗌個大嘅黎試下真係好好味 個粥底有雞香味 雞肉好嫩口 我一個人食咗3碗翡翠炒蝦球即係西蘭花 有蝦醬配搭 我覺得唔加都夠味啲蝦都好大隻金牌燒乳鴿都幾好食 但如果有埋鹽仲正麻香海蜇頭小食黎講份量幾多 爽口 帶有甜味椒鹽鮮魷份量多 但如果無咁多粉會仲好食服務:唔錯 fill茶水都快捷 店員有禮