沙田新強記燒鵝海鮮酒家

营业中

休息中

相約朋友去食飯，近近地揀咗地點方便大家嘅大圍～ 呢間餐廳中菜幾抵食～有古式風味！～～揀咗海鮮孖寶餐$268， 有清蒸沙巴龍躉仔及蒜蓉炒菜，套餐仲送金牌乳鴿一隻！清蒸沙巴龍躉仔好新鮮，魚肉質結實，相當唔錯！食得出新鮮靚魚！蒜蓉炒油麥菜，勁多蒜茸，好香好好食！條條菜都有蒜蓉！乳鴿皮脆，夠香口，果然招牌菜！！西檸雞球好大碟，脆口酸酸地，雞肉滑～椒鹽鮮魷用避風塘風味整，香香辣辣～加個白飯食，好開胃！4個人食到飽飽，埋單$600左右，抵呀！

今次大圍食沙田三寶燒鵝、乳鴿、雞粥✨呢到係最出名燒鵝外皮夠晒光澤皮下脂肪只係薄薄一層平時好多太肥肥到皮都唔想食但佢地只係好少一層最緊要佢皮脆可以食埋都唔覺！鵝肉肥瘦適中肉汁豐富一啲騷味都無每一淡都新鮮嘅鵝肉肉嫩多汁！✨乳鴿即叫即炸火候掌握得好好層外皮好脆，熱辣辣肉質好嫩滑好多汁一啲都唔乾。✨雞粥綿滑嘅粥加埋新鮮雞件粥都煮成金黃色而且份量好足夠98蚊價錢一大碗真係好抵食！如果一班朋友黎你叫呢個98蚊size都夠可以試下其他唔同食物✨鳳梨咕嚕肉咕嚕肉無骨而且炸得好香脆甜酸汁味道調得岩岩好唔會好酸汁醬都唔會好杰做到剛剛好掛上咕嚕肉上面酸酸甜甜好開胃如果大家唔想去太遠又想食到高質燒鵝、乳鴿、雞粥的話呢到近近地絕對值得大家黎！👍🏻

成日都聽到有人講東鐵線都有出名字靚燒鵝唔一定要去深井今次就去左大圍探下路黎到呢一到當然就要點傳說中沙田三寶燒鵝、乳鴿、雞粥當夜係7點半左右先前都打過電話黎想話book定位先但職員就話黎到walkin就ok唔洗book呢段時間客人唔多所以上菜都好快第一道上嘅係乳鴿出名當然唔可以放過即叫即炸上菜時仲係熱辣辣香味撲埋黎淨係睇到層外皮已經知道好脆食落去真係好多汁肉質好嫩滑，一啲都唔柴。火候掌握得好好！再講個燒鵝啦同行朋友都話呢到係最出名講燒鵝真係數一數二一上菜，淨係睇外皮夠晒光澤，肥瘦適中，皮下只係一層薄薄油脂唔會一大團脂肪，食到滿口油再睇肉質而且、肉汁豐富我本人少食燒鵝印象中都係食到一陣騷味但呢到每一淡都係充滿驚喜絕對係在水準之上而且師傅刀功都好好斬得好好，唔會食到骨碎我地都點左雞粥金黃色嘅粥煮得好綿滑雞肉嘅味道同粥已經融入晒一齊而且份量好足呢個98蚊價錢呢個份量真係好底食，最後我地都係食得晒！仲有叫左一個鳳梨咕嚕肉咕嚕肉炸得好脆加上汁醬甜酸度岩岩好唔會太酸醬汁只係掛係肉上面唔會蓋過肉嘅鮮味真係以佢地食物質素、材料、新鮮度真係唔洗去到深井咁遠呢到已經好好絕對值得再幫襯唔好以為佢地茶樓咁就無服

今日帶2個侄女去大圍踩單車，直落食晚飯。我哋兩個人叫咗3個餸1個白飯，食到好飽呀。金牌燒乳鴿：我見到餐牌介紹係招牌菜，所以叫咗1隻黎試一些。侍應好細心，落單時已經問定洗唔洗幫我地剪，分幾份。乳鴿比想像中大，可以分到4份，每份啖啖肉，色澤均勻，肉質滑，不油膩，最緊要無沒有燒過火得黎又夠脆，可遇不可求。蒜蓉蒸龍躉頭腩：龍躉鋪滿蒜蓉，蒜香味濃，龍躉頭腩肉質滑嫩。我侄女本食好抗拒食魚，怕魚醒味，但佢都好鍾意食呢碟魚，應該係啲蒜香味夠濃，條魚完全無醒味，真係小朋友嘅恩物。薑蔥焗桶蠔煲: 啲桶蠔比一般街市、超市賣個啲大隻。一碟有6隻，我覺得真係好足料。個薑蔥味爆得好香，啲蠔油汁好均勻每隻都有。我地食到連啲蔥都食乾淨! 整體，食物質素高於水準，直得一試。

一直都冒名好想試下新強記燒鵝嘅招牌菜🥢， 一入到餐廳感覺非常好，餐廳好闊落好干淨， 成個餐廳都係傳統中式嘅設計，所有嘅碟都好有心思同中國特色。雖然 佢哋嘅餐廳燒鵝最出名，我哋大概八點幾去到嘅時候好可惜燒鵝、燒鴨同埋好多其他菜式已經賣曬， 侍應就推薦我哋食另外一啲招牌菜，乳鴿、 鳳梨咕嚕肉、 椒鹽鮮魷🦑、 粟米石斑塊🐟。 我哋覺得最正係乳鴿，因為好新鮮， 啲肉多汁鬆軟、外層好脆🤤，佢哋嘅粟米魚塊 同埋椒鹽鮮魷都好好食🤤， 魚肉同魷魚都好新鮮， 魷魚外層脆脆地裏面炸得好鬆軟，啲魚肉配上粟米味道非常之夾🤤。 以佢哋菜色嘅質素，價錢合理， 如果想食佢哋嘅招牌菜一定要早啲到。☀️

朋友知道我好鍾意食粥，曾經推薦過呢度嘅雞粥，話味道好好，呢日喺大圍，就決定去試吓😆叫咗「沙田新強記雞粥」，呢個雞粥用埋店家名字，應該係招牌菜😆，有三個份量可以選擇： $40/位，$98/小，$168/大，我咁鍾意食粥，一位份量應該唔夠喉，咁就叫咗個 $98 嘅「小」😆，落單嘅時候，Reception 姐姐仲話「小」其實係好大碗，好心地勸我叫「一位」，但係我驚唔夠喉，一意孤行叫咗「小」😆；再加 $118嘅「脆皮燒腩仔」，$26嘅「白灼菜心」😆「脆皮燒腩仔🐷」上枱嘅時候仲熱熱哋，可能係啱啱燒好👍，真係脆皮😋，咬落有聲😆，兼肥瘦適中，好甘香😋。「白灼菜心☘️」軟腍腍，簡單好食，感覺健康😋「雞粥🐓」最後上，真係好大一鍋😆，粥底軟綿綿，加上雞油滲透咗喺粥裏邊，又香又滑，真係正😋；仲有好多雞件可以食，雞肉都幾嫩滑😋。朋友真係冇介紹錯，呢餐真係「大滿粥」😆

今日去到大圍做野，發現真係好耐冇飲過茶聽住大圍既朋友講佢地平時都經常會去新強記飲茶於是就順便約埋佢地一齊試下估唔到真係幾多人，點心選擇都幾多仲有燒乳鴿食，即叫即燒都係 $38， 個乳鴿肉好嫩又多肉汁的確幾出色除左乳鴿之外，佢地既燒鵝都好出名所以我地就叫左個燒鵝飯試試！的確幾香，個皮都幾脆，$58黎講份量都幾多朋友好鍾意呢度既三色糕，因為一次過可以食哂唔同味當中最鍾意就係芋頭糕，因為真係啖啖芋頭絲，唔係粉多過芋頭另外我地仲叫左流沙奶黃包， 豉汁蒸鳳爪同埋蟹子燒賣王味道都唔錯，埋單都係200頭，幾抵食下次有機會同屋企人黎飲個茶

呢間飯店係幫襯網上外賣平台送餐的，今朝我哋叫咗四款點心👇1. 蝦餃，$40，好味道！一籠有四粒！好味過大圍新明記 豬骨煲的。2. 鮮蝦腐皮卷，$40，一碟有三條，好味道得嚟同大圍新明記豬骨煲的不同做法，兩者都好！有喼汁點住嚟食！3. 雞包仔，$30，個包嘅皮唔黐牙，餡料彈牙鮮香，正宗係薑汁雞包仔！有啲芫荽好香！4. 南乳蒸豬手，$36，抵！有三舊！有不少炆花生，好好味！應該係雪藏的豬手，但係烹調功夫了得唔會炆爛，正！免運費，總消費$133.4，平均每位消費$67，抵！

今日與家人來此店吃晚餐，地方寬大，每張枱之間有隔板分隔，注重衛生安全。另有電子板菜單，方便點餐。菜單上的菜式算多樣化，有不同套餐選擇。我們點了一個翡翠炒龍躉班球、薑蔥焗桶蠔煲和上湯海味雜菜煲 。薑蔥焗桶蠔煲：一碟有六隻蠔，蠔算肥美，以薑蔥蒜粒炒，配上蠔油老抽等醬汁，蠔的味道香濃入味。特別欣賞餐廳用煎炸的方式先處理蠔，令到口感更豐富，炸粉唔會太厚。上湯海味雜菜煲 ：雜菜煲有蘑菇、木耳、粉絲、西蘭花、菜心、蝦米等材料，上湯菇味比較出，唔係味精死咸味，可以當湯飲。翡翠炒龍躉班球：有西蘭花、黃椒、紅椒伴碟，賣相吸引，龍躉球肉嫩不老，夠鍋氣，欣賞佢啲配菜唔會搶左魚嘅鮮味。整體上菜速度算快、餸菜亦夠熱、份量亦充足。

以前黎親沙田都會食強記，可惜已經結業左。今日黎開大圍，發現原來有間新強記，真係好掛住佢個雞粥。細雞粥： 金黃色既粥底，雞既精華起晒入面。個粥超甜同好綿滑，個雞都算滑同咸香味好夠，加埋d 薑絲同蔥好滿足。燒乳鴿： 食既時候有手套提供好貼心，乳鴿熱辣辣好嫩滑，而且食落好juicy, 好彩叫左一人一隻唔使爭。上湯海味雜菜煲： 湯底清甜，蔬菜粉絲菜索晒湯汁。仲有雪耳，黑木耳，菇，粟米仔，蝦米，魷魚，都幾多料。食飽仲有糖水送，有紅綠豆沙，鍾意佢唔會好甜，整體野食都幾好食，雞粥乳鴿必食。

今日同伴侶兩條友食晚飯，雖然食中餐嗌餸就唔嗌得多，但係由於好想食燒乳鴿同埋生炒骨，就過咗嚟新強記度撐枱腳。金牌燒乳鴿，揀呢個紅燒乳鴿嚟做前菜真係最好不過，乳鴿燒到皮脆肉滑，味道恰到好處，大讚。菠蘿生炒骨，生炒骨炸得脆身，雖然佢叫做生炒骨但係啖啖肉，食完枱面一舊骨都無，抵讚；酸甜嘅味道令人相當開胃，真係飯都扒多兩啖。椒鹽脆豆腐，爆得香脆，比起外面食到嘅更加脆身，內裏質地柔軟，豆腐味出奇地咁龍郁，令人意想不到。今次兩條友食唔到太多餸，下次再嚟試埋佢哋個招牌燒鵝同埋雞粥先。

今日嚟到享負盛名嘅沙田大圍新強記食晚飯，餐廳門面相當古色古香，門口有一對大紅燈籠高高掛，入到餐廳除咗大堂有兩盞好大嘅水晶吊燈之外，牆上面仲有呢一幅綠油油嘅山水壁畫，好一個傳統嘅中式格局，我哋揀咗個四人套餐，有湯有羹有乳鴿兩隻有小菜三碟同埋一個炒飯，陣容鼎盛。金牌燒乳鴿兩隻，燒乳鴿率先送上，侍應一放碟乳鴿上枱即刻香氣四溢，乳鴿皮脆肉嫩，味道鮮美，加上熱辣辣嘅溫度，果然不愧為餐廳嘅招牌菜。黃金粟米魚肚羹，跟住嚟嘅係粟米魚肚羹，上枱時候嘅溫度係熱到要攤一陣先可以擺入口，魚肚切到一粒粒，好似肉丁咁樣，一啖幾粒口感唔錯，而且蘊藏量豐，鍾意食魚肚嘅我大愛。菠蘿生炒骨，生炒骨炸得酥脆，酸酸甜甜十分開胃，我食生炒骨通常連配菜都唔會放過，紅椒、青椒、紫洋蔥、菠蘿通通俾我掃哂，我覺得將啲配菜夾埋啲生炒骨一齊食係最好味嘅。沙爹牛肉炒芥蘭，芥蘭嬌嫩爽甜，牛肉嘅份量不少，配上沙嗲汁同埋薑粒同炒，可以餸到好多碗飯。椒鹽脆豆腐，呢個椒鹽脆豆腐令我非常驚喜，炸得外脆內嫩之餘仲帶有微甜，再加上椒鹽嘅加持，對味 味蕾十分衝擊。新強記嘅三寶除咗燒乳鴿之外仲有燒鵝皇同埋雞粥，下次嚟試埋呢兩樣先。

去食燒鵝唔一定要出到深井食，大圍都有一間食燒鵝好出名，今日我地去左沙田新強記燒鵝海鮮酒家 (大圍)，由大圍火車站D出口，行5分鐘左右到達，好方便餐牌有多款套餐和單點，個人覺得套餐係好抵食。新強記燒鵝皇（半隻）外皮香脆，鵝肉質吃起來不會太老，口感和味道都不錯，而且醃得夠入味，仲食到肉汁，油脂豐盈不膩。瑤柱蛋白炒飯好大碟，瑤柱蛋白炒飯得好香，炒得乾爽，炒得好有穫氣，粒粒分明，每啖飯都食到瑤柱絲，充滿瑤柱汁香，口感好豐富有層次。金銀蛋浸時蔬入面有咸蛋，皮蛋，波菜，味道清清地

自從搬走左之後就好耐冇返黎啦，細細個媽媽成日帶我黎新強記飲早茶，今日我帶媽媽黎食晚飯，所有回憶返晒黎，酒家環境裝潢依舊一樣好懷舊，好有味道。沙田新強記雞粥（大）比我想像中大兜好多，雞粥入面好足料，有好多雞件，而且連雞皮一齊煲，雞的鮮味與粥互相融合，加上粥底好綿，好鮮甜，令人回味無窮金牌燒乳鴿（2隻）即叫即燒，一開四，方便我地食，乳鴿依然保持表皮香脆，肉質好juicy 。椒鹽脆豆腐外皮炸得非常香脆，一點都不油膩，再加上椒鹽，味道更惹味

新強記本身聽名已經好老字號，去到之後見到招牌，果然有年代感！入到去內部裝修，有兩盞水晶吊燈掛係大堂，裝飾住闊寬的大廳，顯現出華麗尊貴的氣質！兩個人去食飯就係叫唔到好多菜式，驚食唔晒，造成浪費！思前想後，叫左四個菜式，有菜都有肉，均衡飲食，先會健康。乳鴿$38/1隻，兩個人食岩岩好。炸得好均勻，唔會一邊脆卜卜，一邊冇咁香口！齒頰留香，令人回味無窮！燒鵝例牌$120。呢個值得推薦，皮脆肉嫩，淋上秘裝既燒味汁，配合得唔錯，非常好食！雞粥(細)$98，見到一大窩粥，入面有好多雞，面都有一層層雞油，粥色澤鮮亮，入口潤滑，雞都好滑，肉唔會太老。另外，都有要多一個菜，金銀蛋時蔬$88，鹹蛋同皮蛋，再加肉碎上湯小白菜。呢個菜好多地方都可以食到，都可以維持同出面一樣水平，不過不失。食飽打算埋單時，送左紅豆沙作一個甜品，本身唔好甜浸，但都抱住唔浪費既心態食左。除左食物評價，個人都好想讚讚當日既員工，每個人都態度好殷勤，好細心！