沙田新強記燒鵝海鮮酒家

营业中

休息中

抵食下午茶今日太晏食早餐，所以就去飲下午茶！去到2點，剛好下午茶！下午茶有特價點心，更優惠抵食！當中我叫咗啲特價點心：家鄉咸薄餅、蜜汁叉燒腸、白灼菜心、原籠馬拉糕。家鄉咸薄餅煎得好香，最緊要夠脆！ 白灼菜心清清地，菜又幾新鮮！蜜汁叉燒腸皮薄餡靚滑嘟嘟，勝在夠熱！原籠馬拉糕超大個，好鬆軟！ 蟹籽燒賣係飲茶必食，大粒好滿足！南乳蒸豬手，南乳味唔會太重，豬手幾林。包類點左幾樣，當然唔少得流沙包，好香奶黃味！古法千層糕，一層層，甜甜地好食！珍珠雞有3隻，蒸得夠時間，料都唔錯！見唔少人食雞粥，叫左一位食！都有成一小窩，雞粥有雞香味，好熱好正！