沙田新強記燒鵝海鮮酒家

营业中

休息中

因為疫情關係，好耐都未同一班朋友去過茶樓飲茶，今日難得嚟開大圍，朋友便推薦去佢屋企附近既新強記共進午餐。首先我地點左新強記既有名菜式：乳鴿。乳鴿皮脆肉嫩，非常juicy~ 一人食一隻都唔會覺得膩～必叫之選！其後亦叫左各式各樣嘅點心，我最欣賞嘅係酥炸豆腐同埋燒賣。點心都係新鮮出爐，上枱時都係熱辣辣，特別是燒賣上枱時，好似流沙包咁大粒，好震撼！我地嗌到成枱都係點心，最後食唔哂要打包，真係好滿足嘅一餐~！

屯馬線開通咁耐都未有幾會搭，放假同屋企人搭過去睇下有咩玩，緊係上網揾下有咩好玩好食。就係咁就去左大圍，試下新強記既雞粥。大圍站一出已經見到新強記，個招牌有D古式，好似以前大戶人家既裝潢，一睇就知老字號，上網做左功課，知道佢地最出名既係雞粥，燒鵝同乳鴿緊係要叫黎試下。雞粥叫左例牌，燒鵝就叫左下半庄半隻例牌，乳鴿本來叫一隻，太好味食食下又叫多隻，再叫左點心食。估唔到例牌既雞粥我地4個人食，可以一人有2碗😚，勁足料，粥好香雞味，又夠晒綿，雞肉又好滑，個女不停添雞件食。燒鵝肥瘦適中，咬落唔肥膩，又滑又多汁。 乳鴿即叫即炸，炸到個皮脆卜卜，好怕食家禽食到鞋烚烚痴晒牙，佢地既果然係出名餸，3款都又正又好食。其餘飲茶點心有鵪鶉蛋燒賣， 鮮蝦菜苗餃 鹹水餃等 ，都好正，不過叫太多食唔哂要打包😅下次再黎食過，識叫就唔怕喇👍🏻

媽媽一直都話呢間好出名，想試下佢嘅燒鵝 & 雞粥，所以今日就同媽媽 & 老婆一齊過嚟食，大圍地鐵站 G 出口過對面馬路就到，非常方便~沙田新強記燒鵝皇，燒鵝皮香肉嫩，好少食得到，醬汁嘅味道都係一流！沙田新強記雞粥，個粥好綿密，有雞肉嘅香甜味，而家雞肉都好鮮嫩~金牌燒乳鴿，非常香口，皮脆肉鮮~新強記蝦餃皇，皮薄餡靚，大大隻蝦係入面！香煎蘿蔔糕，外皮有少少焦脆好香口，配合醬汁一齊食，不錯~碧綠鮮蝦腸，同蝦餃一樣都係大大隻蝦，非常爽口彈牙~香滑流沙包，一打開鬆軟嘅包皮就見到入面嘅奶黃準備流出嚟，濃濃嘅蛋黃奶黃味充斥住整個口腔，正！豉汁蒸鳳爪，醬汁香濃惹味，係老婆嘅最愛蟹子燒賣王，大大粒燒賣，真材實料~啲野食真係好好味，比一般酒樓高質，我哋都好滿足，下次想食燒鵝、雞粥一定會返嚟！媽媽最鍾意都係強記三寶燒鵝、雞粥同埋乳鴿。話說佢返到屋企即刻約佢啲朋友再去~

想食炸乳鴿一定會諗起大圍新強記，今日鴿癮大發，約埋朋友去嘆返餐，中午去到唔使等位就入得，侍應啲服務仲好殷勤，感覺唔錯！環境好有懷舊的感覺，餐椅是舊式的木椅，已經好耐無見過，好懷念！ 今天的主角係炸乳鴿，仲叫咗雞粥、叉燒腸、山竹牛肉、珍珠雞！ 主角乳鴿先上場，1隻切開4件，新鮮炸起熱辣辣，醃得好入味，唔使點淮鹽和喼汁都夠晒味，食到手指都舔乾淨。 雞粥雞件切得較細容易入口，粥底偏稀身，如果稠密啲仲正。 叉燒腸一客三件，腸粉偏厚但夠滑身，不過不失 山竹牛肉一客三件，脹卜卜好鬆軟，好味 珍珠雞細細隻，一客三件，內裡有少少蛋黃，2啖就可以KO 最後叫多一隻炸乳鴿和咖哩牛腩打包，拎返去比屋企人試下，佢地都大叫YUMMY！新強記已列入收藏名單，下次再去先得！

為什麼會山長水遠去大圍吃午飯呢？因為奶奶說新強記的雞粥和燒鵝超有名！一間酒樓東西好不好吃當然重要，但茶也是重點之一，如果茶太淡倒不如喝水，太濃的話又會有苦澀味。我們點的是鐵觀音（我的最愛🤧）茶味香濃並不苦澀，未吃點心前已喝了兩大杯！我們去的時段剛好還有點心，奶奶點了超多😆因為她超愛飲茶！香滑流沙包甜甜的超好吃，而且裡面的餡料真的是流心的呢！之前有試過別家完全不流心🙉加分加分！豉汁鳳爪味道很正宗，豉汁夠濃郁！而蘿蔔糕的很足料！不會一夾起就散掉。蟹籽燒賣皇超驚艷！！！好～大～一～顆！！啖啖肉好好吃耶！蝦腸的蝦仁也太大了吧😍而且真的很鮮甜！腸粉皮又夠嫩滑！登登登凳！最期待的菜色出場了！新強記強粥好甜好綿密(❁´ω`❁)感覺熬了很久！雞件也很甜，份量亦夠多！！奶奶說這窩粥超好吃～難怪是這裡的招牌菜！另一道招牌菜就是燒鵝皇！醬汁100分，超級好吃！肉質軟嫩，燒鵝皮帶點煙韌，沾著專屬的燒鵝酸甜醬，好入味好好吃！老公說既然嚐了招牌二寶，不如也嚐嚐同樣很有名的金牌燒乳鴿！乳鴿皮好香脆，但又不會覺得很油！基本上不沾醬料吃已經很好吃！乳鴿真的很邪惡😆小小一件根本叫人一件接一件吃！新強記真的太好吃，奶奶回家

沙田新強記燒鵝海鮮酒家星期日同朋友行山 我哋由九龍獅子山郊野公園起步 行到紅梅谷 已經係下午三點幾啦 突然間想食乳鴿 就嚟到新強記🥰呢間老字號 已經有一段時間冇嚟過啦 仲保持到水準！椒鹽魷魚鬚$58 香脆可口😄XO醬煎腸粉$48煎到少少燶燶哋，好味😋香滑流沙包$28ok好食古法千層糕$28呢款千層糕而家好多地方都冇得食啦😎見到呢度有得食 真係好開心🥳朋友中讓左成舊俾我食添😍金牌燒乳鴿$48/位當然要食佢嘅招牌乳鴿啦 燒得好靚 好入味 唔使再點其他汁 已經好好味😋強記雞粥$48/位招牌雞粥都係嚟到新強記嘅必食之選🥳茶介$12/位#hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

細細個已經聽過《新強記》呢個名前排同屋企人去開大圍,見到佢地既霓虹燈亮起.. 懷舊嘅裝修風格,當時就好想試下。畢竟而家咩都係新派,有時想搵返7-80年代既野已經買小見小。咁今日就趁住平日放假,就帶埋屋企人黎飲返個午茶試下先。就咁睇門面都相當大,離遠已經見到呢度咁搶眼既牆磚。呢度平日午時點心既價錢小點至頂點由$15-$31。比起出面時下既酒家,價錢都算抵新強記除左雞粥好出名之外..仲有燒鵝同乳鴿..見到menu上有寫「沙田三寶」,但因為食唔哂既關係..所以就叫左碟燒鵝飯。燒鵝飯🦢 $68-以碟飯黎講燒鵝既份量十足..仲咁岩有髀位添☺️燒鵝肉質嫩..皮下脂肪個鵝油好香.肉質唔會太乾身。 燒腩仔飯 🐖$40-燒腩仔肥瘦剛好,皮脆而且味道唔會太咸。新強記蝦餃王🦐 $28-極推介,蝦餃大大隻..咬落啖啖蝦肉一隻平均有2-3隻蝦..好足料👍🏽 五柳炸雲吞$23-咬落唔油膩..好香脆..點埋個酸甜汁好夾。 豉汁蒸鳳爪$23-每次飲茶都必食既豉汁蒸鳳爪傳統酒樓風味。 豉汁蒸魚雲$31-最特別係呢個..而家好小酒樓有得食呀！一盅大約有4件.. 熱辣辣黎到..魚雲食落唔腥,如果有埋剁椒就仲正堂灼西生菜🥬 $

入黎大圍探朋友, 一早上網搵左資料有咩好食, 搵到呢間中菜食燒鵝既, 好似幾出名, 咁就訂定位入黎食首先第一道菜上燒乳鴿, 脆身, 香口,  味鮮, 保持肉味 , 令我地胃口大增朋友對鵝興趣不大, 所以我地最終無叫到鵝, 於是叫左另一樣出名, 就係雞粥。第二道就黎左雞粥，雞的鮮味同粥既綿綿之下互相融合， 我地都唔洗３分鍾就食完一碗，要再舀多碗食。侍應推介今日有新鮮龍躉尾，於是我地叫左煲，我自己對呢個菜就一般，可能我對魚一般，不過朋友喜愛食魚，大讚龍躉足料，絕對唔係求其一兩件。另外仲叫了通菜炒牛肉及小炒王，都屬水平之上，用白飯黎送，我就食了兩大碗飯，其他人都各自食了一碗多。

之前食過呢度嘅點心覺得唔錯，晚市嚟咗呢度食，地點好近大圍港鐵站，只係5分鐘路程。佢有散叫，有海鮮套餐、有多款小菜套餐。嚟到呢度當然要叫返隻乳鴿，都好耐冇食乳鴿～乳鴿令我諗起童年回憶，乳鴿嘅肉特別香，帶少少油香～乳鴿皮幾脆！椒鹽鮮魷都係小菜必叫之一，炸嘢有香脆口感！賣相嘅金黃！西檸雞都係好耐冇食，而家唔多餐廳有！西檸雞有好多汁，炸得乾爽，檸檬汁夠酸，仲有一片片檸檬～呢度都有唔少海鮮揀，想食魚，揀咗沙巴龍躉仔～龍躉仔都幾大條，面上夠多蔥花，蒸得好香！龍躉啖啖肉好新鮮！當然唔少得炒返個菜，蒜蓉炒好夠味！呢度嘅食物鑊氣唔錯！

今日係中秋節，梗係要出去食啲好嘢啦.諗住係屋企附近有一間新強記燒鵝.呢一間除咗燒鵝仲有雞粥好出名繼續係11點打後開始供應，啲雞好滑啲粥好綿密食得出係煲咗好耐嘅入口即溶嘅感覺.仲嗌左啲點心有蝦餃、燒賣、牛肚、牛柏葉、芋頭糕、牛肉腸、鳳爪.不得不提嘅蝦餃係裏面有三隻蝦全部都係新鮮嘅蝦肉，食落鮮蝦味係個嘴裏邊.佢哋啲燒賣我自己覺的硬咗啲啲因為啲肉都好實唔似平時喺出邊食嗰啲燒賣.芋頭糕數於好多芋頭比較乾身㗎如果鍾意芋頭的朋友嘅咁呢樣嘢就推介俾大家啦.好多時候茶樓姐姐態度都好一般，新強記的姐姐各個都好有禮貌，中間我地有小小差錯，姐姐第一時間幫我地去溝通確認最後好快解決左問題.整體質素都唔錯，可以使用電子消費進行付款好方便.

沙田大圍嗰邊有一間好多年歷史嘅海鮮酒家，最近提前慶祝中秋，當然就去食個晚餐，而且價錢都好合理，可惜同行朋友比較有海鮮敏感，如果唔係可以食嗰啲海鮮孖寶就仲更加正！好多人叫！沙田新強記雞粥 $98 例本身雞粥都係佢哋王牌，估唔到咁入味，裏面仲有好多雞，啖啖肉，好香嘅雞香味，令到成個粥都好有吸引力。椒鹽鮮魷$98呢款我都覺得唔錯，外皮金黃香脆，裏面嘅魷魚都好彈性有足夠水份，表面嘅椒鹽鹹香十足，相當惹味。金銀蛋時蔬$88最近嘅時令菜係芥蘭，口感爽口，金銀蛋再加多一啲肉碎，令到成件事好有鹹香，有啲衝動想連個湯都飲埋。茶位$12@1 都ok la～～MENU環境

成日搭車都見到新強記,但係住左甘多年大圍都未食過,今日就同屋企人試下裝修懷舊,野食都唔錯叫左個孖寶套餐,另外加左個馳名既燒鵝原本打算加多個冬瓜盅,點知姐姐話早賣哂😓只好改為粟米魚肚羹啦

沙田新強記燒鵝海鮮酒家 (大圍).今次帶女朋友屋企人嚟沙田好出名嘅新強記食雞粥.沙田新強記雞粥- 必叫菜式，雞粥非常入味，成個粥係金黃色，落少少胡椒粉可以更惹味麻香海蜇頭- 海蜇頭超級爽口，充滿麻香，好快就食咗一碟，忍唔住再叫多碟.肉絲炒兩麵王- 肉絲醬汁另上，雙面王大家都知兩面煎得香脆，肉絲另上可以比你選擇就咁食脆麵定加入肉絲汁，加點點紅醋味道全昇華.海鮮孖寶- 有十款不同的海鮮俾大家選擇，而每款都會配上一個時蔬，同埋仲會送一隻金牌乳鴿！我哋今次就揀咗蒜蓉粉絲蒸蟶子，配金銀蛋浸時蔬，蟶子嘅處理時間恰到好處，味道鮮甜爽口。乳鴿跟孖寶送一隻，四人食兩隻，一咬皮薄而脆，充滿肉汁！.清蒸沙巴斑-都算幾大條，魚肉都好香好滑，無腥味，肉質嫩實

沙田新強記燒鵝海鮮酒家 (大圍).▪️麻香海蜇頭▪️.性價比超高小食，海蜇頭好抵食，$45份量好多，大家都知海蜇頭唔平，所以我地四人encore左兩份！.▪️肉絲炒兩麵黃▪️.呢個好好食！ 我地要求肉絲同麵另上，咁就唔怕個汁整腍個麵，食前先將進食麵食嘅份量加上肉絲，加小小紅醋，正🥰.▪️金牌燒乳鴿▪️.單點$48隻乳鴿仔，因為海鮮孖寶已經會送一隻，我地叫多隻四人食剛剛好，即叫即炸，皮脆而且好入味.▪️海鮮孖寶:▪️.$248有三樣野，我地揀左蒜蓉粉絲蒸蟶子四隻配金銀蛋時蔬，再送一隻金牌乳鴿。蟶子好肥美，充滿蒜茸加大量粉絲係每隻嘅面，無overcook熟成程度剛好金銀蛋時蔬係菠菜，加上皮蛋鹹蛋雞蛋，不錯！.▪️沙田新強記雞粥▪️.呢間店嘅招牌，有印象兩個人飲例牌都太大煲😂所以今次就算四人都叫例，不過係真係好好味，唔落胡椒粉都好有味，雞件又多.▪️清蒸沙巴斑▪️.爸爸表示想食條蒸魚，蒸條沙巴先$168都唔算貴，魚肉滑溜，酒樓蒸魚豉油果然係特別甜！.最後店員仲好有心問我地飽唔飽，送上一人一碗糖水，分別係紅或綠豆沙，紅豆沙仲要食到有果皮！.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 沙田新強記燒

我哋嗌左四樣嘢 新強記燒鵝王、金牌燒乳鴿、椒鹽鮮魷 同埋沙田新強記雞粥 總共$376其實佢啲套餐嘅combination 望落幾吸引 但得兩個人就食唔晒 如果一家人嚟食嘅話可以試吓 唔太貴 上菜速度都好快 5分鐘倒就陸陸續續咁上菜 燒乳鴿 油脂豐富、香脆 啲肉仲好嫩😋 雞粥 個粥煲得好入味 好綿好香甜🤤 仲要40蚊倒一煲兩個人食！正！燒鵝 皮脆肉嫩 啖啖肉 冇膻味 例牌個份量比預期中多 飽到食唔哂添😂椒鹽鮮魷 啲魷魚好新鮮 好唸 一啲都唔會韌到咬唔開 炸粉又薄 好味！D waitress 友善又貼心 主動俾膠手套我地食乳鴿 食雞粥個陣又主動拎多兩隻碗俾我地 仲話已經幫我地用熱水洗埋👍🏻打算走之際 個waitress 竟然有甜品送 3百幾蚊兩個人食咁多野 抵到爛🤣綠豆沙 唔算好甜 有陣椰香 比起紅豆沙較稀 紅豆沙 陳皮味好香 仲有陣檸檬香 唔算好甜 紅豆好夠 口感豐富厚實 十分推薦大家試下紅豆沙最後係個環境都幾舒服 原本就咁聽新強記個名 以為係大排檔 點知係酒樓 仲要啲裝潢好新又光猛 衛生感覺上都唔錯