沙田新強記燒鵝海鮮酒家

营业中

休息中

屋企住大圍，親戚聚會，都會揀沙田新強記燒鵝海鮮酒家，因為坐得舒服，食物質素唔錯，所以今日都唔例外。 脆皮燒腩仔(小) 乜嘢先係一個完美比例嘅脆皮燒腩仔？ 就梗係要用上好嘅五花腩，肥瘦部分要均勻，豬肉有好香肉味。最上邊嘅外皮好脆，食燒腩仔我最鍾意就係食咗個脆皮先， 就算係晚市食都係脆， 新強記嘅食物係真係好有保證。 沙田新強記雞粥（例）雞粥香甜，入口回味無窮，雞粥表面沒有雞油的脂肪，可能係餐廳大家開始食得更加健康，所以將雞油撇走咗，對人非常之有幫助。特別而家冬天，食下粥，身體感到非常和暖， 非常舒服。 金牌燒乳鴿 (例)紅色嘅乳鴿外皮好脆，餐廳有提供膠手套，方便食用，好窩心。撕開乳鴿，食落肉質好嫩，炸得好香口，聞起來幾香，食落好入味。  

之前踩單車經過見到呢間餐廳古色古香裝修嘅餐廳 我俾佢嘅裝修吸引咗所以想入去食返幾味店員同我講呢一度嘅乳鴿同埋雞粥係最出名 所以我就叫咗乳鴿（$48）上到嚟熱辣辣 外表充滿油分 咬入去超多汁 水同埋油已經分唔出 佢好貼心可以俾你揀一開四或者一開二雞粥例牌（$98） 第一啖聞落去係好香嘅紹興酒味 跟住食落去係淡淡的雞肉味 啲粥煲到開晒米花 棉滑非常 雞肉唔會鞋口 超嫩滑 果然係呢一度嘅名牌菜鳳梨咕嚕肉（$128）咕嚕肉酸酸甜甜 佢除咗菠蘿之外仲加左白桃肉 青椒紅椒比例適合 咕嚕肉係非常多舊 而且仲要有略帶肥膏 外面脆亦都非常掛汁 實屬高水準小菜一碟新強記燒鵝王例牌（$130）皮脆肉嫩 火候燒得剛剛好 外皮紅潤透亮 皮脆干香 剛出爐時仲冒著熱騰騰的熱氣 實屬誘惑 值得一試總結近地鐵站🚉地理位置方便店員服務態度良好與時並進用上掃描code點單值得一試

每次在大圍租單車，也人留意到新強記燒鵝海鮮酒家，這次住在大圍的好姊妹放假，趁機會感受一下著名沙田雞粥及沙田乳鴿的威力😱🙏🏻酒樓仍然保持着傳統風格，裝修保持著一定的歲月痕跡，乾乾淨淨，大部份都是一些公公婆婆光顧，好像進入了另一個年代。我們先來一壺鐵觀音，茶夠香且不過濃烈，一邊飲茶，一邊聚舊很輕鬆！侍應姨姨們做事乾淨俐落，反應較快，不消一陣就將所有點心及小茶送上來。沙田乳鴿$48外表炸得香脆的BB鴿不太厚肉，但咸香味濃，不用點醬汁也是非常入味！沙田新強記雞粥$98生滾雞粥口感軟綿細滑，與雞油混在一起令粥底非常香口，雞件嫩滑而量多，粥底份量大，適合多人享用😋叉燒腸粉（大點）：正常發揮，腸皮略厚而滑，味道可接受！百花釀魚肚（頂點）：是我必點的點心之一，這裏魚肚吸盡海鮮精華，鮮香味甜，蝦膠彈牙入味，加上蟹子脆卜卜的口感，味道很好！👍🏻菜苗鮮蝦餃（大點）餃皮略厭厚身，但餡料豐富，滿滿的蝦肉及菜苗混在一起，不錯！這裡每個座位空間有一定的距離，坐得舒服，食物質素中上，本人比較喜歡沙田雞粥，下次想試試燒鵝🥰

燒鵝要做得好真係唔容易想食靚燒鵝既，唔一定要去深井既黎大圍新強記都得啦樣樣都好吸引，而且價錢都唔算貴QR CODE落單，方便新強記燒鵝皇（半隻）首先當然要叫呢到最出名既招牌燒鵝先啦呢隻燒鵝果然不得了半隻已經咁大隻咁多分分鐘三四個人食都得鵝皮燒得岩岩好，金黃又香脆，脆到好似食薯片咁聞落去已經聞到陣陣鵝香而且皮脆之餘，肉質依然嫩滑肉身既鵝香更加係濃郁因為佢有層層既鵝脂加上佢地咸香有層次既秘製豉油成個味道都口感都令人好滿足沙田新強記金牌咖哩皇（牛腩）我對咖哩牛腩要求好高，而呢間既咖哩牛腩就係我少數會爆食既咖哩牛腩最大原因當然係佢既咖哩汁呢到既咖哩唔係一般餐廳或茶記入貨返黎果種佢應該係真係有自己調製既因為你會好明顯食到佢有唔同層次既香料味而且佢唔會辣，咩人都可以感受到佢既美味牛腩同牛筋更加係又淋又入味將成個咖哩既精華都索晒入去漁香茄子煲天氣咁凍，又點可以唔食返個熱辣辣既漁香茄子煲呢呢到既漁香茄子煲勁足料不論係豬肉、茄子定係咸魚都勁足令你一入口會食到勁香咸魚味而個醬汁惹味香濃得黎又唔會過咸味道更加係會食到唔同調味既層次呢個漁香茄子煲加埋咖哩牛腩，我相信已經夠你食起碼三四碗大白飯

呢間燒鵝都已經可以話係成個大圍甚至沙田最出名既一間食過包你唔後悔小菜多人套餐好多都好抵食不過今日我今日係衝住燒鵝而黎新強記燒鵝皇（半隻）超大隻既燒鵝，半隻已經咁大隻而且佢既鵝油係超多一咬落去豐盈既油脂香大爆發最難得既係佢真係燒到皮脆肉嫩鵝皮咬落去索索聲，就連鵝肉都唔會鞋口真不愧係金牌燒鵝皇金牌燒乳鴿食完燒鵝，都意猶未盡，但又唔想叫多半隻咁誇張咁就再叫左一樣好馳名既乳鴿，一樣咁高質呢到既乳鴿都幾多肉最緊要係佢既鴿皮又薄又脆鴿肉仲要冇咩騷味，有陣陣鴿香漁香茄子煲呢個都可以話係食小菜必食之餸啦一上台已經聽到炸炸聲個煲超級熱令Ｄ咸魚香飄晒出黎，已經流晒口水入面有大量既肉碎同咸魚成個汁散發住咸魚獨有誘人既咸香淨係Ｄ汁已經夠送幾碗飯鮮艷既茄子索晒味，又唔會油膩真係越食越好味

今次介紹間好近大圍站嘅燒烤海鮮專門店，就腳得來又好食，啱晒一家大細齊齊去🔥〘 豉汁蒸鱔片 〙HKD168鱔片夠熟又夠滑，配上蔥花同辣椒嘅豉汁令魚肉更有鮮味；分量方面就啱啱好，十分足夠兩個人share。〘 豉油王海蝦 〙HKD88嚟到最香口嘅一碟：外殼脆卜卜，入面爽脆又入味嘅炒海蝦！雖然外表簡單，只有少許蔥花作裝飾，但係食落的確有驚喜。〘 芋頭臘味煲 〙HKD98鍾意芋頭嘅朋友一定要試！煲入面嘅臘味可以轉排骨，再配上暖笠笠、軟綿綿又香噴噴嘅芋頭，係冬天必點嘅菜式。

朋友推介大圍嘅老酒樓新強記，佢話酒樓有做好多舊式點心，所以一於去朝聖。 入座已經係下午茶時段，識食當然睇咗有乜特價筍嘢，點心，粥，粉麵，飯，糖水都有。第一樣當然係新強記必試嘅招牌燒鵝瀨，鵝油香濃，皮感微脆，肉質嫩，雖然係下午茶，但粉嘅份量都算多。另外芋絲炸春卷，同想象中有啲偏離，因為平時食開嘅餡會較乾明顯食到芋頭條狀口感，而呢度嘅餡會偏軟糯，有少少芋角嘅感覺，外皮亦炸得十分香脆而不油膩，所以感覺幾好。接落嚟就係無食等如無嚟過沙田嘅雞粥啦，口感綿滑，清雞湯嘅味道加上姜葱提味，小時候食宵夜嘅味道反晒嚟。懷舊點心出場啦，豉汁蒸魚雲，沙爹金錢肚，黑椒牛仔骨，都係比較多功夫，而而家較少酒樓會做嘅點心。魚雲賣相好似全部骨，但係用心食落都好多肉，而且魚雲肉質亦都較滑，豉汁又唔會太咸，我都中意食。沙爹金錢肚味道惹味，炆嘅時間夠長沙爹汁嘅香辣入晒去，正。黑椒牛仔骨就有少許失望，骨嘅比例較多，同埋肥嘅部分都過多，所以多食會有啲膩。仲有其他嘅點心都做得唔錯，例如蝦餃皇，燒賣皇我就唔逐樣講，總括員工服務態度好，用餐環境都舒適，乾淨。用餐體驗好，會再來。

住大圍的街坊無人不知老字號<<新強記>>，主打雞粥，燒鵝，燒乳鴿。每次到大圍探朋友，指定動作先去嘆乳鴿，雞粥，一盅兩件，再上朋友家打攪一番。椒鹽魷魚鬚炸得金黃酥脆，熱辣辣非常香口惹味。蝦餃皮薄晶瑩，啖淡蝦肉。芋絲春卷外皮香脆，內裡是熱呼呼的芋頭肉碎餡兒，每口都非常滿足。雞札用上真真正正的魚肚而不是豬皮，十分足料。千層糕小時候最愛點心之一，心機之作，很多酒樓現在都會做了，在這裡可以吃到，甜甜的奶黃咸蛋香，是兒時的味道。雞粥點了一人份量的，想不到份量頗大的，雞味鮮，味道很不錯。乳鴿最後必點這裡馳名的燒乳鴿，要求原隻上原汁原味，店家也細心的附上手套。熱呼呼的乳鴿一撕開有肉汁流出來，外皮又香又脆，肉嫩，真香！今餐真是大滿足~

今日同老公一齊放假，去大圍行下，行下行下，去到一間以前同拍拖老公撐枱腳食嘅酒樓，所以決定入去回味下過去。入到去裝修同以前一樣好有懷舊風味，睇下佢啲食物有冇唔同，個餐牌同以前一樣都係啲懷舊菜。唔講咁多畀大家睇下我叫咗咩餸。招牌乳鴿：即叫即炸，外皮好脆，入面充滿肉汁，而且醃得好入味，同我以前食嘅味道一模一樣 。菠蘿生炒骨：食過咁多間都係覺得大圍呢間老牌酒樓最好食，佢啲炸漿唔會好厚，而且唔會炸到過曬火，粒粒都包住曬甜酸醬，好餸飯。金銀蛋浸時蔬：唔好睇少咁簡單嘅菜，要煮得好食一啲都唔易，佢可以當菜食又可以飲埋啲湯，一味兩食。瑤柱蛋白炒飯：又係一啲簡單但考手工嘅錯，炒飯炒到粒粒分明，一啲都唔油，配以簡單嘅食材，做到出色嘅效果同味道，真係一啲都唔簡單，好考廚師嘅手勢。咁耐冇嚟估唔到大廚餘一同以前一樣咁有水準。所以大家一定要多啲黎幫襯等佢可以長做長有，我哋可以一路都有得食。

大圍出名食乳鴿，今日專登嚟到食。乳鴿卜卜脆，又夠熱，外皮有油光。咬落去有鴿香，燒過之味道。飲返杯熱茶的確好正。是日羊腩煲大賣，我地都唔執輸叫返個，估唔到大大煲好抵食！食完個人暖笠笠，羊腩炆得夠林，連湯汁送飯非常惹味。加埋菜入去滾，有羊香。呢度小炒都唔錯，炒左碟四季豆，有肉碎，肉碎香辣更惹味。海鮮有鮑魚，我地3個人一人兩隻剛剛好呀！ 鮑魚都好新鮮呀！坐下食下肉下茶，都食左兩個鐘。再嘆下茶食埋個紅豆沙，捧住肚子回家去！

秋冬最好就係食羊腩煲，本身諗住嚟食乳鴿小菜。店員話出咁羊腩煲、呢個天氣真係岩哂！古法羊腩煲送時蔬$368羊腩味道唔錯，好香，羊夠林，有皮又有肉。入面仲有支竹等。份量都幾多，羊肉都好夠食！另外仲有菜，放落煲滾熱食。海鮮孖寶揀咗鮑魚$268仲送乳鴿！鮑魚有6隻，新鮮好食，面上仲有啲果皮～ 另外跟四季豆，夠味又健康。乳鴿夠油香，皮幾脆口。幾個人食都好夠飽了。最後仲有糖水送、紅或綠豆沙，夠足料多豆，好味！～

今日媽子生日，佢話想食燒鵝，我即時諗起大圍老牌酒家（新強記燒鵝海鮮酒家），可能我哋早到，唔使book位walk in就入得。呢間酒樓基本上係我哋經常去嘅酒樓，因為入面啲嘢食夠出色同埋價錢合理，啲侍應都好有人情味。唔講咁多先睇下有咩好食，媽子生日梗係要食好啲。燒鵝例牌：同佢講明要瘦d，諗住佢哋都係求其敷衍我，點知佢真係有聽我講，一啲都唔肥，外皮好脆，好香口，鵝味好濃，我阿媽食到停唔到口。椒鹽鮮魷：呢度啲炸物一向都出色，炸漿好薄，而且個底味好夠，個炸漿好脆好香口，魷魚好爽口。涼瓜炆倉魚：呢個菜係我知道阿媽黎親都食，由細食到大，充滿回憶，而且味道十年如一日。講返呢味菜，涼瓜炆到好淋好入味一啲都唔苦，倉魚好大條好新鮮。小炒王：好夠鑊氣，而且唔油，配埋腰果蝦乾魚仔惹味材料，我一連都送咗兩碗飯。總結：希望年年都可以喺度食生日飯，因為真係食都唔厭。

今日同屋企人去左大圍揾食，去左新強記飲茶，呢間野聽就聽得多，就係未黎食過。可能閒日關係，黎到唔駛等位直接坐就得。飲茶必叫叉燒腸，叉燒包，鹹水角炸雲吞，但係呢間出名既係燒乳鴿，雞粥同埋燒鵝，全部都叫晒返黎。雞粥粥底綿，有小小雞油，所以就咁食都食到好香既雞味。炸乳鴿，即叫即炸，黎到熱辣辣，香噴噴，脆卜卜，好味道。而今次隻燒鵝肥瘦適中， 配埋燒鵝醬，一陣就掃晒。點心都不過不失，值得推介既係鹹水角，勁正。下次黎開，知道可以食乜喇👍

午市去飲茶，同朋友去嘆茶傾計。呢度平日午市都已經好多人，好彩有位～餐廳傳統酒樓，點心多款式，仲有炒粉麵等等。整返個燒腩仔先，份量多，個皮又卜卜脆。新鮮夠熱，點埋芥辣醬幾正！食點心點少得燒賣，燒賣好大粒，蝦多又爽，燒賣肉夠新鮮，好味道！另外煎蘿蔔糕煎得好香，濃濃地金黃香脆，三件share夠哂數。炸雲吞有蝦，好香脆又唔會太油，蝦肉餡爽口！點埋酸汁正呀！珍珠雞蒸得夠林，餡料豐富～蒸牛腸，腸粉夠滑，牛肉飽滿！另外叫左個細炒麵，少少地一齊食，唔錯！最後叫咗馬拉糕做甜品，大大個，傳統味道，好好味！食完大滿足！

以前搭火車每次經過大圍，都會被新強記既招牌吸引住，細細個果時睇就睇得多，但係就係未食過，今日難得放假就向新強記出發 新強記燒鵝王(例-下庄) $180燒鵝下庄包含著腿肉 鵝油脂脂會比較濃郁 鵝肉燒得好靚又香口 鵝肉不乾 味道濃 嫩滑十分肥美 食出懷舊味道 金牌燒乳鴿 $48乳鴿肉質嫩滑 滷水味淡無搶走乳鴿味 如果個皮再脆d就更完美點餐時可以揀一開幾 我自己就幾鍾意1開4 又食得方便 點完乳鴨staff 比左濕紙巾我 都幾貼心  強記雞粥(位) $40雞油香融入左成碗粥入面 個粥都煲得好綿滑 入面既雞件份量不少 鵪鶉蛋燒賣(特) $28有鵪鶉蛋燒賣嘅地方真係買少見少，呢度嘅鵪鶉蛋比較大粒，keep到懷舊嘅味道 香煎芋絲餅 (中) $23芋絲餅食落完全感受到佢用料十足又夠熱 美國無花果杏汁燉白肺(位) $48豬肺湯味道鮮甜，杏汁無咁重飲到出豬肺獨特嘅味道 2茶芥 $20位飲茶價錢中等 多老街坊 期間亦見到有唔少年輕人 位置又近大圍地鐵站 去嘆茶都幾方便