沁沁麫 (已結業)

第一次黎，老闆好好人，態度好，笑容好地方唔算大但坐得舒服，地方乾淨。叫咗老闆推介既臘味雞飯，真係好好味好香！好多料，排得靚靚，夠晒熱，誠意十足。另外叫咗碟秘製撈麵（好多餸呀）同埋巨型滷水冬菇。一黎到就即刻相機食先因為賣相真係好吸引，見到都開心，而味道亦非常好，入味但唔會太鹹，特別喜歡麵既質感，唔會太硬或太軟。最後仲叫咗羅漢果茶，見到價錢真係嚇一跳，只係$5！下次黎想試下湯麵，人蔘雞湯好似好正良心小店，好味抵食希望繼續加油保持水準，真心推介！

天寒地凍，本身諗住是但整碗車仔面暖下胃就算。點知見到有間沁沁麵，賣人參雞湯麵同埋好多款鹵味，好似好補好暖身咁，就試試佢。嗌左個人參雞湯麵同醉雞卷，個湯出奇地好好味，入得出冇味精，堅有藥膳feel，仲有勁大舊西蘭花同黑木耳，係幾正既！不過我就中意食硬d嘅麵，所以d麵如果再彈牙d就好。食麵食到個人熱熱地，就整舊醉雞卷(原來係凍食lol)係ok既，d肉都算實淨，幾濃花雕味，廿幾蚊黎講都算抵。整體黎講真係唔差，可以一戰~~

西灣河和筲箕灣向來出名多特色地道小食店，也是吃貨們的理想覓食地點之一。今次跟兩位家住西灣河的朋友周圍覓食，來到一間以人蔘雞湯麵為主打的小店，店內裝修簡約，座位還算寬敞舒適，進門後放有電視，不停播放著時事新聞，還有幾位員工在開放式廚房內默默地工作，蠻有本士家庭小店的風味。細閱餐牌，發現這裡除了人蔘雞湯麵外，還有幾款其他特色小食和主食，我們幾位吃貨當然不會錯過盡點啦。首先登場的是醉雞卷，賣相精緻，似足高檔食肆的出品，雞肉去骨後捲成圓柱形，並以自家的醉雞汁醃製後切片上碟，肉質爽滑細嫩，帶著淡淡的酒香和藥材清香，酒味不會過濃，清爽鮮甜。蜜糖芝士雞鎚，雞鎚炸得皮滑肉嫩，面頭鋪上芝士並以火槍炙燒，半溶狀態下入口帶淡淡奶香焦香，蜜糖味反而不太突出，雖感覺不太貼題，但其實味道還算不錯的。繼續到醬汁炆特大冬菇，冬菇超大隻厚肉，每隻直徑足有三寸之多，菇身炆得軟腍彈牙，醬汁完全滲入其中，醬香爽口，用上刀叉切開來吃，感覺將炆冬菇捧上了另一層次。鹵水蘿蔔牛坑腩，一端上來已滿有期望，只因見到連蘿蔔也煮得呈深啡色，想必十分入味，入口果然不負期望，清甜無渣，滿有醬香，而牛坑腩則鬆軟味濃，鹵香十足。特色炸肉九，肉丸炸得

最近朋友告知西灣河有一家特色的麵店，今日剛好在附近工作，一於去試一試。西灣河本身都是一個美食的集中地，尤其是太安樓一帶，今次的餐廳稍遠離這個位置，於較少人的橫街之中。餐廳的地方唔算好大，一坐底立即看看點餐紙。人參雞湯麵，鮮茄茸濃湯都是麵店的主打，還有臘味飯和其他小食。沁沁麵 $41以秘製人參雞湯麵配搭上海拉麵，人參雞湯標榜不加味精，而且有滋補功效，特別適合最近嚴寒的天氣。至於人參雞湯麵配搭上海拉麵效果也不錯，兩者沒有貌合神離。上海拉麵口感順滑，而且每一口都嚐到人參雞湯的味道。配料還有肉絲，溏心蛋，黑木耳，西蘭花，非常豐富。自己還加了雲吞，一咬已經有濃郁的蝦味，而且雲吞夠薄。自家製羅漢果茶 $5見天氣凍選了熱羅漢果茶，羅漢果味香濃。吃過沁沁麵後的確沒有口渴的感覺，而且感覺溫暖又舒服，在嚴寒中的確沒有選錯。

這天去西灣河探一位幾年無見面的朋友順便到沁沁麵食番碗佢地出名既招牌麵人蔘鷄湯麵($41)用上人蔘泡製的鷄湯底，绝無任何味精，配木耳茸，糖心蛋，時菜和鷄肉，加入上海拉麵(可自選米線或烏冬)，麵質幼滑。食後绝不口渴，但還是叫了一杯熱羅漢果茶($5)，因天氣寒冷乾燥，喝一杯熱羅漢果茶滋潤，便宜又有益。再叫了一碟炆得入味的冬菇($13)配人蔘鷄湯麵一起吃，最初奇怪為何叫一碟冬菇要用上刀义，冬菇上枱才明解究，原來二隻巨型冬菇的size可用刀义切開四片進食，冬菇雖然巨型，但炆得非常濃味可口，應該用上好幾小時炆製，用上這樣的時間，但衹需13蚊的價錢，值得推荐呢。食飽後就和朋友道别，希望下次再能跟同一友人光臨此滋味小店。

今日放假，所以瞓到好晏先起身。起身就落街食嘢補充下能量啦！之前行過，都見到呢度有間叫做沁沁麵既餐廳，但一直未有機會試，今日近近地就過嚟呢度開餐啦！餐廳唔算好大，但座位闊落，坐得舒服，仲有部大電視，好有街坊食堂既感覺。餐廳牆身貼滿左唔同食物嘅相，一目了然，唔使估估下，叫送好方便，岩晒我呢啲無物想像力，要睇圖既人。招牌醉雞捲呢一個真係超級食，一定要食！首先講個雞卷，雞卷扎捲成柱體，再切開，切得唔算好厚身，亦唔太薄，剛剛好。雖然係紮實、捲起啲雞肉，但係雞肉都仲嫩滑，唔會好鞋。因為係凍食，所以雞皮無物油，食落爽爽地。雞卷亦都好入味，好香花雕嘅味道，但係唔會好濃酒味，有微微地嘅甜味，味道調較得幾好！呢一個真係極力推介！我相信一個人可以食到兩碟！大胃王秘汁撈麵佢嘅餸菜好多，有滷水雞翼、大冬菇、豬扒、腸仔同埋豆卜。滷水好入味，滲入晒啲肉入面，仲有少少滷水汁俾你撈埋個麵食，正！要講下個冬菇，冬菇真係好大隻，好厚身，炆得又夠林，滷水味滲入晒只冬菇度，咬落去仲有少少滷水汁流出嚟，好食！食完之後飲番杯羅漢果茶作為完結，超配合今日咁凍嘅天氣。飲完個人好暖，好潤，喉嚨好清涼。值得一提嘅係，佢呢個羅漢果茶只係需要

喺附近做野行到攰攰地，就諗住搵間餐廳坐下，順便食晏啦。喺餐廳門口嘅玻璃見到佢貼咗好多食物嘅相，賣相好吸引，而且價錢都好抵，所以唔點諗就坐低左黎食嘢啦。行到咁攰好口渴，就睇吓有咩飲番杯，估唔到佢嘅飲品咁平！汽水同埋一啲自製嘅招牌飲品都係5蚊6蚊，超級抵。因為冬天，都唔點飲凍野，就叫左杯熱羅漢果茶。杯羅漢果茶好黑，雖然只係＄5 ,但佢嘅味道好濃，唔會淡晒，飲落有好濃郁嘅羅漢果味，好潤。跟住職員就介紹咗佢哋既招牌嘅秘制臘味雞油焗飯，佢話個飯用咗十幾種香料同埋泰國米製造而成，而啲臘鴨相比起其他既係林啲，而且剛剛煲起，推介我要試。既然係甘，我就本着一試無妨嘅心態叫咗一碗啦！果然無介紹錯！超好食！佢嚟到嘅時候真係好香，好有食煲仔飯嘅感覺。送方面，佢有雞、臘腸、潤腸同臘鴨。臘鴨真係好似佢咁講係林啲，好入味。雞肉醃過，肉質好嫩滑。一定要講下佢個飯，精華所在！臘味既香同肉味落晒啲飯度。個飯好好食，即使無送都食得晒一碗！我仲叫咗個滷水蘿蔔牛坑腩一如其他食物，佢嘅牛腩同蘿蔔都好入味，有啲筋痴住，有咬口！佢炆到好林，但係啲肉又唔會爛晒。蘿蔔都一樣，好入味，唔會爛晒，可以一嚿嚿咁樣食到。呢個鹵水牛坑腩都超正！餐

西灣河好野食多不勝數，平時喜愛試下不同的食物，今日行下行下見到呢間沁沁麫，入面都好多人食緊，應該唔差，所以入去試~招牌夠搶眼牆上有各式各樣的食物相及價錢，一目了然，吸引力大增~沁沁麫有秘製人參雞湯底$41故此有介紹人參的好處 MENU自選餐單有飯, 面, 小食及飲品, 夠多元化這個是招牌"沁沁麫" 內有肉絲,糖心蛋,西蘭花及黑木耳, 用料豐富濃濃的雞湯底滲出人參味, 不加味精，喝了也不會口渴呢另外點了猪腩肉，肥美又夠腍 加$8個人特別推介此特大冬菇 加$13濃郁的滷水味, 食落好入味好香口又好腍看圖就知有幾大隻啦~這個是店舖自家秘製的羅漢果茶$5味道濃郁得來又不會太甜埋單又飲又食都不算貴, 值得再次幫親的用心小店

平時我都好鍾意食車仔麵架，不過今日就比我遇到間比車仔麵更特別既沁沁麵我就冇食佢地既招牌沁沁麵，反而就叫左個大胃王秘汁撈麵，仲試左鹵水蘿蔔大冬菇同醉雞卷，仲加埋杯羅漢果茶，認真唔錯大胃王秘汁撈麵有超多料，冬菇、雞翼、豬扒、雞肉腸、西蘭花、豆卜，秘汁撈滿哂成碟麵，所以D麵好有味，唔係好淡，有D有味有D冇味，而且軟硬中等，少少彈性，其實兩個人Share再食埋小食就係好夠豆卜炸得岩岩好，好香口又唔會濕哂水，雞翼豬扒冬菇好入味，尤其是冬菇超香軟，只差在我鍾意食軟林既西蘭花，口感偏爽口硬身點醉雞卷都唔錯，好香酒香而且藥材味適中，醉雞冇骨一啖食非常方便，肉質嫩滑，唔會好重冰鮮味至於蘿蔔滷水味好正，而且口感軟林，唔會好生，超級好味下次如果食厭左車仔麵，都可以試下黎呢到沁沁麵，食下車仔麵以外既選擇

自問經常出街食飯， 其實都很掛念住家飯， 一來自己懶惰煮， 二來都無從入手。 這一次有好朋友推薦我來西灣河， 吃這家比住家更住家的家常便飯， 店家標榜無味精，用心制作每一餐！ 這一次來沒有打算吃甚麼，但一來到就聞到濃厚的飯香，便向老闆查問是甚麼？ 原來是這店有名的沁沁飯，我便馬上點一個來試試！ 沁沁飯 沁沁飯是雞油飯，而且配料十足，有臘腸、潤腸、臘鴨和滑雞，雞肉十分嫩滑， 臘鴨亦是另一亮點，老闆說由元朗直送， 不會太咸而且軟軟的，一點都不乾，有飄香。 另外我們點了沁沁湯， 我個人很喜歡人參雞湯的， 因為正氣滋補又提神。 這裡的也很不錯，有濃厚的人參和雞味， 頗真材實料的，同時也會有少量湯渣（雞肉）雖然雞味都全滲入了湯頭，但我頗愛吃的😋😋 整體而言，這是在香港少見的健康湯品小店，對於很忙沒有時間自己下廚又懷念家的味道，不坊來試一試！

今次黎到筲箕灣，終於一試呢度馳名既醉雞卷($23)。一碟大約有6舊，每舊都係好滑嫩既雞肉，係無骨的！啱哂我呢啲為食懶人醉雞食得多，但呢度既醉雞係好滑仲要唔乾身，酒味浸到好入味但冇蓋過雞味同冇抽乾個本身既水份。好奇心驅使下問咗好人老板，先知道啲雞咁滑咁正係因為加咗蜜糖！鹵水汁雞翼($13/3隻)都好入味，入味得黎又唔乾。媲美文記既雞翼。但呢度雞翼好似再入味啲，正見到芝士蜜糖雞槌($23)又忍唔住叫埋，炸得好脆，芝士蜜糖都好夠，如果再燒溶啲芝士就更加好食完咁熱氣，整翻杯羅漢果下下火~

今天襯星期五，中午便從中環乘地鐵到西灣河來找朋友吃個快飯。西灣河地膽的她帶我來到這間沁沁麵，說是她近日的飯堂。我看看餐牌選擇不多，簡單易明，小店貴精不貴多。她點了店中最出名的沁沁麵（即秘製人蔘雞湯麵），而我就點了鮮茄茸濃湯拉麵。《鮮茄茸濃湯拉麵 $41》如非特別要求，店主會用上海拉麵做麵底，顧客亦可選米線或烏冬，剛巧我很想吃上海拉麵。即點即製湯底熱烘烘，滿滿的蕃茄蓉，湯底香濃清甜，不似用茄膏煮成，喝下去沒有口渴感，果然無味精。湯內附肉片、溏心蛋、西蘭花、黑木耳，湯料大件足以遮蓋麵底。溏心蛋清甜；西蘭花大年件但腍身易咬；黑木耳是整件上，坊間少有，很爽口掛湯；有瘦肉；拉麵一開始有點沒有熟透，但慢慢熱湯都把拉麵滾熟了，所以師傅控制得不錯，否則會過腍。拉麵幼身彈牙，都很掛湯。《蠔油時菜 $13》菜芯鮮嫩大碟，抵吃。《特大冬菇 $13》眼見每個食客都點，我也要一試！果然大隻，要用上刀叉來切開，並且份量足以放滿碟子。冬菇吸汁香濃而且完全不會偏咸，好吃。《自家製羅漢果茶 （熱）$5》實際是有冷、熱、常溫供選擇，很貼心。味道濃郁，因有媽媽煮的味道，有益之餘還只是5元，抵！

路過西灣河，除咗可以去太安樓覓食之外，其實附近都仲有好多唔同嘅選擇～而沁沁麫就係其中一間值得一試嘅平民小店，佢距離西灣河站大概只有2-3分鐘路程，亦都好近太安樓，所以都算幾就腳。佢最特別嘅就係以蔘湯嚟做湯底嘅麵食，嗱，老實講，我自己本身就唔太好蔘味，因為好怕佢嗰種太濃嘅甘苦味，但好彩沁沁麵嘅蔘甘味啱啱好，加上淡淡嘅藥材湯，夠味之餘又唔會有苦澀嘅感覺。對於平時食開腩汁車仔麵同埋麻辣米線嘅香港人嚟講，呢款湯底的確係幾破格，亦都未必一時之間可以接受。嚮大部分人嘅心目中，包括我自己，好多時都會將健康等同於清淡無味。但健康又唔一定要極端到無糖無鹽無油嘅，就好似呢碗蔘麵咁，只要落少啲味精同調味，靠多啲食材本身天然嘅味道，都已經可以做到既有味又健康。至於另外一款招牌小食－醉雞卷，亦都令人好驚喜。將雞肉捲成圓柱狀，切開一片片凍食，凝結成膏狀嘅雞皮同脂肪滑而不膩，肉質亦都好鮮嫩，酒味濃郁，加上米酒獨特嘅甘香味，一啖接一啖，話咁快就畀我清哂！食飽飽，再飲返杯暖笠笠嘅純天然羅漢果茶，嗰種獨特清新嘅甜味，直到我離開咗間餐廳，再上埋地鐵都仍然feel到淡淡嘅回甘，真係要用齒頰留甘嚟形容～最後補充就係，老闆好ni

成日心思思想食人蔘雞，但又唔知邊到抵食，今日行過呢間小店決定一試！沁沁麵 ($41)呢個既湯係人蔘雞湯底本身個人比較少食人蔘因爲驚會苦，不過呢個完全唔苦之餘仲可以保留至好香既人蔘味佢仲有d配料架，有雞絲、黑木耳、溏心蛋同西蘭花，超足料呀！仲有佢個麵會吸哂佢既湯，所以每啖都食到人蔘味！只係$41就食到人蔘雞湯麵，性價比極高！鮮茄茸濃湯拉麵 ($41)最鐘意食蕃茄湯既我地極推薦大家食呢個濃湯拉麵佢個湯底好濃而且唔會酸！唔好以為蕃茄濃湯好易煮！原來係用左好多個蕃茄煲架！唔怪得之咁好味！加埋d肉片、半舊蕃茄、黑木耳、西蘭花真係又健康又好味芝士蜜糖雞鎚 ($23)一上菜已經比佢吸引左唔係得芝士碎架，真係有一塊過既芝士！加上有燒過，有d焦味就更加香！食落塊直係食到蜜糖味架！蜜糖再加芝士真係無得頂呢個雖然係小店，但佢性價比超高呀

沁沁麵，聞名呢度既人參麵已久，今日見下午茶時間得閒，避開繁忙時間要等位，專程過黎食一食先😎 老闆好熱情，推介招牌沁沁麵（人參雞湯麵$48），經介紹下，原來湯底好猛料，由13枝15年既鮮白參熬製而成，一轉湯做到30碗麵喳，食落湯底性質溫和，唔會有好大陣參既味道，好易入口，而且湯底仲用左雞同紅棗杞子一齊熬，食落好養生👍🏻配料方面有肉絲、溏心蛋、木耳、西蘭花，成碗麵既感覺非常健康，另外選用幼身既上海麵，掛湯能力一流😊一場黎到梗係要試埋個特大冬菇啦，$13兩大隻，老闆仲擔心我食唔晒，點個我連汁都食埋咁滯😂😂第一次食麵加冬菇要食到搵刀叉切，冬菇仲要吸晒滷水汁既味道🙂滷水雞翼都夠晒入味，唔好以為佢地好細隻，其實係因為冬菇實在太巨型😍呢度既性價比真係超高，而且老闆好有誠意😆