沁沁麫 (已結業)

自從上次試過招牌沁沁麵之後，對那個足料人蔘雞湯底一直念念不忘，今日又返嚟幫襯下啦。人天生就係好奇，明明一心想返嚟回味沁沁麵，見人哋外賣兩個撈麵又心思思想試... 叫咗個大胃王秘汁撈麵。當然唔少得跟返杯清甜羅漢果茶 。大胃王秘汁撈麵，真係無改錯名，足足6款配料(特大冬菇、雞翼、雞扒、雞肉腸、西蘭花、豆卜)，款款都有兩件。上海拉麵底軟硬適中。所有配料以及拉麵底都經過秘製醬汁調味，食落有啲似鹵水汁，整體偏鹹，不過勝在份量十足，一個女仔真係未必食得曬。食慣濃味嘅朋友可以一試，不過沁沁麵始終係my favourite。

叫左佢地最出名既沁沁麵，湯底係佢地自家秘製既人蔘雞湯，我一向對呢類型嘅湯底都特有興趣，雖然人蔘味唔突出，但係飲得出唔係味精，係清純雞湯味，會另人忍唔住飲多幾啖，最終食完成碗麵都無覺口渴配上拉麵顯得有點兒清啖，可能拉麵不掛湯的原故，不過分開品嚐是不錯的麵上付上的溏心蛋更是有驚喜，流心程度雖不算出色，但意想不到的入味另外重頭戲係佢地既用心之作- 特大炆冬菇食落爽口彈牙，而且非常入味，果然係店長無介紹錯加5蚊會有自家製羅漢果茶，非常足料，正

上次食過番茄濃湯麵已經回味無窮，今日終於有時間再去食今次叫左蕃茄蓉濃湯另外追加白飯，鹵水蛋同羅漢果茶...番茄濃湯內有鹹豬腩肉、鮮肉片、黑木耳、西蘭花、鮮蕃茄，味道依舊好味，豬腩肉略有點鞋口，蕃茄湯底味道濃郁略帶甜味，最重要係無味精！！！...估唔到白飯都有驚喜，問問老闆，原來係用金鳳米，唔怪之得好食咁多，仲要勁大碗都係$8炸...蕃茄濃湯伴飯，好開胃，perfect match ...鹵水蛋係冷盤，唔會太鹹，蛋味幾香...唔錯唔錯XD

上次食過番茄濃湯麵已經回味無窮，今日終於有時間再去食今次叫左蕃茄蓉濃湯另外追加白飯，鹵水蛋同羅漢果茶...番茄濃湯內有鹹豬腩肉、鮮肉片、黑木耳、西蘭花、鮮蕃茄，味道依舊好味，豬腩肉略有點鞋口，蕃茄湯底味道濃郁略帶甜味，最重要係無味精！！！...估唔到白飯都有驚喜，問問老闆，原來係用金鳳米，唔怪之得好食咁多，仲要勁大碗都係$8炸...蕃茄濃湯伴飯，好開胃，perfect match ...鹵水蛋係冷盤，唔會太鹹，蛋味幾香...唔錯唔錯

西灣河比我既印象係偶遠又無咩野食，今日去西灣河探朋友，六點幾就肚餓，一個人又唔想出旺角食，就係西灣河行咗一陣，見到一間鋪頭名幾趣味嘅食店-沁沁面，就一於試吓。店鋪座位幾舒服，一坐低老闆就主動介紹俾我聽佢哋嘅食物，佢哋主打全部都係手工嘅食物亦都絕無任何添加劑，佢哋有個特大嘅冬菇老闆同我講整得非常之入味之餘仲非常之爽口彈牙，仲有一個沁沁飯，油鴨唔油之餘我聽到已經覺得非常之有興趣！特大冬菇好快就上左，第一眼睇到個下都非常之驚訝，個冬菇足足有半隻手掌咁大，個厚度亦都非常之頭我諗都有一節手指咁厚！咬落去冬菇嘅質感非常之彈牙，咬落膠質亦都非常之重，真係要一讚嘅係味度真係好入味！之後就到沁沁飯，見到成隻油鴨脾我隻眼真係發出金光！不過佢哋嘅油鴨髀就真係唔油膩，處理功夫做得非常之好，飯粒一食就知道係金鳳米，老闆聽到都話係呀食得出喎，真材實料真係唔同啲。飯吸收左油香，食完非常之有滿足感！

長假期緊係有一個搵食日！睇雜誌介紹呢間沁沁麵就黎試下啦飲羅漢果茶，微甘，足料羅漢果味，自然甜，比媽媽自己煲更重味，而且價錢好親民，讚！第二揀人蔘雞湯上海面，麵算煙韌，木耳有一大塊，湯底真係一絕，似自家媽媽煲既靚湯，無味精，好鮮甜，同認知既韓國版唔同，見佢貼既宣傳單張係用白蔘，不過我唔識分，哈哈~至少飲完唔覺得口渴，係誠意老火濃湯！流心蛋較深色，略咸，蛋黃略熟，唔算流心，不過都幾滑。餓底食得一樣主菜緊係覺得唔夠，於是加左碟秘制肉丸。即炸，心好熱，店員話豬肉同餐肉混合，好有肉味，食肉獸之選整體黎講值得推薦，誠意小店黎，大推人蔘雞湯麵！！

難得有個小假期唔想煮所以落街食，一於決定試下平時成日經過既沁沁麵。可能因為閒日中午，舖頭唔多人坐得幾舒服。一見menu就覺得幾開胃。佢寫好多野都無味精之後揀左店員推介嘅沁沁飯，本來一見到雞油焗飯四個字就想試，好似隔住本書都聞到香味咁XD 一送到上枱到果然無失望，聞落油香，食落甘香，我覺得油膩度剛好（利申：本人接受到較油的食物），夾埋啲餸好惹味！佢哋話個飯有十種香料！我只知道就咁食飯都覺得好食，臘鴨係新鮮既，肉唔鞋，臘腸唔係死甜，似半肥瘦質地，我覺得剛剛好，雞塊好嫩滑，入味！另外加左個芝士雞膇，食到蜜糖味，同芝士塊略溶係面，作為小食都ok ge對個飯好滿意，估唔到有個高質平民小店係到，可以黎多幾次，下次試下其他麵食先~

西灣河除了著名的太安樓美食外， 還有健康又有營養的湯麵小店選擇， 價錢實惠， 難怪吸引一眾街坊支持。 沁沁麵 $41湯底以正宗人蔘熬製， 配上雞肉絲，杞子， 西蘭花及半邊入味的溏心蛋， 藥膳湯有淡淡藥材味， 入口不會油膩過咸， 整碗喝完很舒服不會口渴， 果然無添加味精。麵底可另選米線，烏冬， 我沒有特別要求， 便呈上了上海拉麵， 樸實而不搶風頭， 質感爽滑彈牙。醉雞卷 $23麵食以外， 小食也相當吸引， 醉雞卷製作精細， 肉質鮮嫩帶酒香。

今次係第一次食沁沁面一開始因為想食米線，但西灣河又冇食米線既專門店，所以就諗住求其周圍行下就算，點知經過沁沁面既時候見到門下貼左幾張雜誌既推介，見到佢係主打食人蔘雞湯米線既一間店，覺得好新奇就入左去食野店面唔大，但一入到店就聞到人蔘雞湯既味，我就叫左佢主打既沁沁面，仲有啲小食，我淨係叫左滷汁大冬菇，沁沁面就係人蔘雞湯面，本來就想像唔到人蔘雞湯可以煮成湯麵，一開始就諗住係韓國既人蔘雞湯，但飲第一啖湯，先發現同韓國既人蔘雞湯唔同，佢比一般飲既人蔘雞湯清甜，但人蔘獨特既回甘味仍然保留，加入米線後唔會好似一開始想像既好怪，加上湯冇加味精，所以唔會死鹹而滷汁大冬菇超級入味，但唔會死鹹，茹好軟身唔會好難咬，必食推薦!

人生第一次踏足西灣河 除左太安樓外依間小店都好值得試👍🏻見到佢麵嘅湯底係用人蔘雞湯就即刻點咗因為有少少肚餓就試埋佢個特大冬菇大約等左五分鐘食物就嚟到~首先介紹佢嘅招牌—沁沁麵 ($41)麵底我揀咗上海拉麵內附肉絲、滷水溏心蛋、西蘭花同黑木耳食麵前 飲咗啖蔘雞湯佢地所用嘅係朝白蔘可以補充體力同元氣對於我呢個連續通頂咗兩日嘅人嚟講真係夠哂補XD重點推介佢嘅溏心蛋滷水味滲到入蛋入面都有而唔係單單得個蛋表面有啲顏色做得仲好過啲過江龍拉麵店然後就到 — 特大冬菇 ($13)同溏心蛋一樣咁入味整體味道十分不錯❤️下次再去試埋鮮茄茸濃湯！

今日又去開西灣河，之前食過一次人參湯底麵，好特別。今日經過見到有人排隊，心郁郁又黎試下~餐廳有好多不同食物有埋圖介紹好吸引呢~今次 一於食番茄麵啦~先黎一杯自家製羅漢果茶$5好濃羅漢果味，又唔太甜，清熱氣最好~今日選了鮮茄茸濃湯拉麵$41再加配鯪魚球$13鮮茄茸濃湯拉麵包含了多款配料, 包括肉片、溏心蛋、西蘭花、及黑木耳。全部用料新鮮，溏心蛋美味又流心，配上配菜夠均衡呢~鮮茄茸濃湯底非常鮮甜，茄味濃鯪魚球有鮮魚味又唔腥，夠彈牙~ 我選配了烏冬，麵質柔軟又夠彈牙煙, 有口感，不錯！ 值得推介~

今天到西湾河，偶遇这家本土小店。很少写评论，但是觉得应该支持一下本土的优秀餐厅！一碗香港的小麵，健康為尚，人參雞湯可以飲完。以前一直欣賞日本的食品，有質素，份量剛好，既不浪費，口感又恰到好處。但是日本的拉麵湯一般過於濃厚，不宜飲落。如今，香港的麵食亦開始走向健康，注重食材本身的純味。實有著數！品質+低價，一定是市場先鋒啦！#hkfood #hkfoodie

西灣河有數間車仔麵，食了無數次，只因其湯底及餸菜吸引我。是晚經過街上看見易拉架，覺得食物挺合心，於是二話不說同朋友試試！選擇雖則不多，不過簡而精反而更好！有麵、飯、湯及小食飲品。沁沁麵(秘製人蔘雞湯麵) - 湯麵送上時侍應貼心地說湯底可以一併飲，麵條幼身彈牙，掛湯力頗強，湯底入落舒喉，也許其無味精及以白蔘煮成的關係！溏心蛋蛋味挺濃，流心度也不錯！黑木耳食落爽口，而西蘭花清綠幼嫩。大胃王秘汁撈麵 - 麵條索滿鹵水汁及醬油，食落份外惹味！配料有雞翼、雞肉腸、豬扒、豆卜、冬菇、西蘭花🥦。雞翼與麵條一樣同樣索滿醬汁，肉質幼嫩。豆卜體積的的骰骰，雖則冇爆汁的效果，不過勝在入口卜卜脆。豬扒預先剪成幾份，方便進食。入口軟綿綿，肉質細膩！個人覺得與叉燒都有幾分相似。自家製羅漢果茶 - 入口不算太甜，甜度合我心！飲完喉嚨真的舒服了！

呢日入左西灣河做野 完左之後搵左間地鐵附近嘅小店食晚餐揀左呢間以人蔘雞湯麵為主打嘅鋪頭 名字好易記 叫沁沁麵❤️❤️我就叫左招牌 沁沁麵（人蔘雞湯麵） 再另加醉雞卷沁沁麵本身以經有好富豐嘅配料 有肉絲 溏心蛋 西蘭花 黑木耳 講下個湯底先 好濃厚嘅鮮味 飲得出係無添加 好真材實料👍🏻👍🏻👍🏻麵底係上海麵 唔會煮到過淋 每走配料都好正 最鐘意係溏心蛋同黑木耳 黑木耳勁大塊❤️❤️❤️ 而且溏心蛋都好入味😋普通女仔食一碗沁沁麵都好夠飽 但我咁為食 所以要叫多樣小食😝醉雞卷 首先個形好靚 食落有少許酒味 唔會太濃 最重要係完全無雪味👍🏻👍🏻而且都好大份下 抵食😆😆

同朋友去西灣河太安樓就食得多，其他餐廳真係冇試過🤣於是就去附近揾下有咩食，咁就揀咗呢間地點好近地鐡嘅👨🏻‍🍳餐廳大胃王秘汁撈麵（$48）餐廳主打係沁沁麵，但係草根姐妹仲另外叫左個大胃王秘汁撈麵，其實秘汁=滷水汁。滷水汁鹹鹹甜甜，味道都唔錯既~要讚下個撈麵(上海拉麵🍜) ，麵質彈牙、有口感，唔會軟腍腍成碗糊仔咁👍🏻話明大胃王，所以配料有幾款，包括滷水特大冬菇🍄、雞翼、豬扒🐷、豆卜、雞肉🐥腸同西蘭花🥦，材料就普通左少少，味道其實都OKAY，只係🐷豬扒肉質太乾，呢點要改善下~醉雞卷（$23）🐥醉雞卷一客有6件，件件雞肉都相札札實實😍，仲食到好濃嘅酒香味🍶，估佢唔到又幾突出啊，草根姐妹都覺得呢個醉雞卷又平又好味道👍🏻推介～🍴成餐飯都令草根Feel到3個字「人情味」，大家都係街坊街里🙆🏻‍♀️感覺好熟絡，嚟得呢到都唔係食果種又貴又高級嘅食物，而係食果D普通得尼又親切嘅味道☺️