沁沁麫 (已結業)

人蔘雞湯我本身都好鍾意飲，之前聽朋友講話西灣河有間人蔘雞湯麵不含味精，而且仲好好食，今日咁岩嚟到附近，所以黎食個lunch。小小的店子放有五張枱，開放式廚房，顧客可以睇到整個製作過程。有幾種款式可以揀，不過我都係揀返最正宗嘅人蔘雞湯。沁沁麵 $41秘製人蔘雞湯面，內有肉絲、溏心蛋、西蘭花、黑木耳，麵可以改其他，不過我照食返上海拉麵。先嚐人蔘雞湯，味道清甜可口，感覺不含味精，原來是老闆自家制。人蔘採用朝白蔘，未經加工所以不會燥熱，可以補充體力和元氣，促進新陳代謝及血液循環，令人保持青春常駐。溏心蛋帶有滷水味，流心感覺十足。餃子$13本身拉麵已經有餸，不過我另外再加左餃子，都幾好食，好足料。自家製羅漢果茶 $5店內自家製，具有清肺止咳、涼血止血、生津潤腸的功效，夠哂健康，味道甘甘甜甜。從來都冇諗過食車仔麵會係一樣健康嘅事，估唔到喺呢度食到有屋企嘅感覺，老闆仲話食完之後第日會好精神，想食得健康值得黎試一試。

番工成日會去西灣河，但冇理由成日去太安樓掃街，間中都想慢慢坐低係餐廳食晏。所以呢日趁早左放lunch，試左間橫街入面嘅港式麵店。舖頭細細間，見大部份顧客都係熟客仔，同店員同老闆有講有笑。沁沁麵（秘製人蔘雞湯麵）（$41）+ 秘製肉丸（$8）去到餐廳一定要試下佢地個Signature Dish ，沁沁麵。配料先有肉絲、溏心蛋、西蘭花、黑木耳，然後揀咗配烏冬。講真個秘製人蔘雞湯底🥣嘅人蔘味唔係特別突出，感覺好似係用左平日屋企飲嘅湯去煮麵咁😆飲落係舒服嘅，而且唔油膩，但又未至於好特别🤷🏻‍♀️。溏心蛋就煮得過左火，所以己經唔流心Lu，變左食水滷水蛋🙈另外仲加左個秘製肉丸，口感唔係傳統彈牙肉丸，係結構散散地肉碎球，感覺一般般啦。∴食完總結係有種番左屋企食飯嘅感覺😂另外仲叫左款小食醉雞卷（$23）醉雞卷係小店主打菜式之一，見到好多人嚟到都有叫，草根一於又試下。有別於平日嘅醉雞卷，呢到嘅雞肉實肉有咬口，酒味比平日食到嘅更濃郁，真係唔錯！👍🏻比同店主打嘅沁沁麵好似更出色😝價錢唔係貴，住係附近嘅平日冇煮飯都可以試下，食落都冇咩味精，以出街食嚟講算係幾健康，但未至於要遠道而來特登去食啦😌

求其係西灣河既時候，經過沁沁面見到一碗蕃茄湯面既圖，身為蕃茄愛好者既我，就入左去試一試，入到店就聞到淡淡既人蔘雞湯味，但我仍選擇左蕃茄湯面，店中有米線、烏冬同拉麵簡，我就簡左拉麵，小食我就簡左炸肉丸，飲品我就簡左羅漢果茶，拉麵黎到既時間我嚇左一跳，竟然有半個蕃茄放左係面上面，蕃茄吸左蕃茄湯味，加上原來既清甜多汁，變得好好食，而湯底有超濃既蕃茄味，但係好清甜而唔係死甜，加上拉麵好好食，而炸肉丸就外脆內軟，羅漢果茶好重料，唔會好似加左好多水咁，希望下一次有機會試下主打既沁沁面－人蔘雞湯麵

今日發現原來在西灣河地鐵站附近有間小麫店-沁沁麫。有四款主食、兩款湯和好幾款小食可以配搭。招牌人蔘雞湯上海麫 + 鯪魚球 配羅漢果茶 淨係賣相已經覺得好足料。上海拉麵，煮的時間啱啱好，軟硬適中，吸收湯的精華。雞胸肉雖然沒有半點肥膏，但十分嫩滑。溏心蛋 十分入味，蛋黃香甜，蛋白的部分有鹵水的咸香。這裡竟然選用西蘭花🥦作為麫食的配菜，很少麫店會這樣做，是健康人之選，仲有住家的感覺。西蘭花🥦仲係翠綠的，不會過腍。兩大塊含豐富鐵質的爽口木耳。大大個的新鮮鯪魚球。至於個湯底，一飲就已經感覺到沒有味精的那種天然的甜、濃、香。雖然係人蔘雞湯，不過絕不油膩，啱晒啲keep fit OL。湯料方面仲有朝白蔘、杞子。吃得出是花心思、時間煲的。連平時出街食麫唔飲湯嘅我，都飲晒啲湯，之後仲唔會覺得口渴。真材實料自家制羅漢果茶 足料的羅漢果茶不需要加糖已經有天然的清甜味道。同自家煲的一樣味道。啱晒啲成日出街食飯，清清熱解解毒。*平過飲汽水ga

我和朋友琴日到了沁沁麵，門外有不同的相片去介紹出名的食物。我和朋友吃了沁沁飯，大胃王秘製撈麵，蜂蜜芝士雞槌以及自製羅漢果水。沁沁飯 入面有臘腸潤腸雞同埋鴨🙈好似好重口味咁樣 但食落又唔係太油膩 呢個飯老闆話佢自己諗 入面我覺得鴨係最好味 聽老闆講係喺元朗黎😂飯就咁岩煮好。食完沁沁飯 我哋就叫咗呢一個撈麵 原本我同我朋友話想食米線 但係老闆好好人咁樣同我地講米線會比較易斷 建議我哋食烏冬或者拉麵 我覺得老闆好好會比建議我哋 再加上佢自製嘅羅漢果茶清甜非常係等食物嘅過程中，老闆亦都親自問顧客想食啲乜嘢 又會介紹比顧客 老闆態度都十分友善👍🏻 服務吾錯👍🏻

叫咗沁沁飯，即秘制臘味雞油焗飯，係店主自己研究架！入面有臘鴨，豉汁蒸滑雞，潤腸，臘腸，份量十足。最欣賞個臘鴨，鹹度適中，肉質一啲都唔韌。只係個飯有少少淋，如果硬返就完美。芝士蜜糖雞槌，芝士控必叫。外脆內軟，芝士睇落好少但勁香芝士味！加埋甜甜地既蜜糖，100分冇得輸。大胃王秘汁撈麵，今次叫左烏冬，好掛汁，索曬啲瑞士汁，配菜好多，有肉有菜，夠曬健康，而且所有配菜都係用個汁煮過，大胃王重口味都一定要試！自家製羅漢果茶，店主話冇落糖，飲落去好清甜。

沁沁麵是西灣河出名的良心小店，用大眾化的價錢可以吃到材料豐富而且健康的湯麵。沁沁麵是以人蔘雞湯作為湯底，用來補充體力和強身健體，真是一流。餐廳位置十分方便，就是位於西灣河站出口不到3分鐘便可到達。店員很貼心，主動向你介紹餐廳的招牌湯麵。今天我沒有點人蔘雞湯麵，而選擇了濃郁滋味的鮮茄蓉濃湯烏冬。因為我是一個番茄控，對於番茄做湯底的都很喜歡。看見牆上的食物照片，只需＄13就可以吃到兩隻特大冬菇，真的很抵食。便馬上點了為我的湯麵加料。滷水特大冬菇 $13冬菇十分入味，滷水味道滲入冬菇之中。老闆說做這個冬菇需要很多功夫，由浸冬菇開始，再到滷水汁，再燜燒，的確需要幾天時間。冬菇很香滑，亦都夠腍，滷水味道在口裡爆發。鮮茄蓉濃湯烏冬 $41一上枱，就知道湯底用了很多的番茄濃縮製成。每啖湯都充滿着番茄的鮮甜味，湯麵的材料還有黑木耳，豬肉，西蘭花和糖心蛋。黑木耳很爽脆，豬肉亦都很新鮮。鮮茄味道滲入豬肉之中。糖心蛋中間很香，配上湯汁，很滋味。老闆用心經營，而且價錢大眾化，難怪不少街坊都支持。餐廳還有一個臘味雞油飯，下次我必定來試！

同朋友相約到西灣河，尋覓靚湯車仔麵，真係無諗過一個車仔麵都可以咁講究！最岩要養生既朋友❤️雞湯啖啖清甜，選料精妙令到湯既味道，香濃帶著淡淡的人參味。如果想試曬撚手鹵水的話，推介大家叫大雜燴撈麵，每件都炆得好冧入曬味！如果豬扒用豬軟骨就更好啦❤️醉雞卷更是巧手制作之一，去骨的雞件卷成圓柱體，再用藥材花雕酒，半煮浸，令每一吋肉都有香𣶷既酒味，再加上雞肉外層的醉雕啫喱，令人一試難忘👍🏼鹵水牛腩好入味又香濃，蘿蔔清甜軟滑，夾埋人參雞湯，令整個午餐形成一個完美的句號。

居住西灣河要在附近找食非常容易，每一家都是有名氣的，平常在港鐵站外見到廣告，今天終於走到沁沁麵一嚐冬天當然要點一份暖肚的，所以點了一份沁沁飯，就是秘製臘味雞油焗飯，店員告知焗飯是剛剛煮好，內裡的材料有臘腸，潤腸，臘鴨同滑雞，每款兩件由於是用雞油焗飯，每一粒白飯煮成金黃色，白飯帶點雞油香又會太乾身-臘腸/ 潤腸 - 兩者夠香又不會太油膩-臘鴨 - 夠鬆化又不會過份咸-滑雞 - 夠大件整碗飯風味十足，帶來家的感覺吃到一半的時候，聽到有檯檯客人讚羅漢果茶好飲，所以我都點了一杯自家製羅漢果茶，有分熱/常溫及冷，飲一水，的確比起出面的濃味，非常潤喉，最後聽到入手的羅漢果要批發地方才能買到，$5/杯羅漢果茶跟紙包飲品同價，當然要來一杯羅漢果茶

​ 前幾天行街行得累了，想找個地方坐下與友人聊聊天吃點東西， 但街上又沒太多安靜不嘈雜的餐廳，走過這間看到環境尚不錯，便進去坐下。 店內人不多，環境特別乾淨，讓我對這間餐廳頓時心生好感， 而且老闆態度也很好，一進去就笑著招呼我們坐。 坐下來後看餐牌，作為選擇困難症重度患者，很多想吃的，又只有一個胃 。 所以遲遲不能下手選，最後還是朋友幫我選擇了大胃王秘製撈麵。 一上台的大胃王秘製撈麵， 裡面有特大冬菇（切成兩半）、雞翼、豬扒、雞肉腸、西蘭花、豆卜等食材， 配上用秘製醬汁撈勻的上海拉麵，一口下去，口齒留香，讓人想一試再試。 拉麵面質比較爽口，醬汁也很入味，而且這間的湯麵全部不落味精， 比起外面的餐廳，這間感覺上十分健康。 除了拉麵質素好之外，其他食材也口感不俗， 如我最喜歡的雞翼和雞肉腸，非常新鮮， 最主要的是醬汁配上食材，從簡單的搭配中可見老闆對顧客的用心。 價錢也親民適中，這樣的口味卻不是太貴，實屬難得。 值得一讃的是小食牛柏葉，非常爽口， 不會和其他餐廳一樣特別硬，而是軟軟地易入口， 這道小食也是餐廳的加分項之一。 總而言之，環境乾淨清雅，價格也親民，菜式更讓我吃出驚喜

本身住柴灣，勁耐冇去過西灣河搵好西，今次咁岩喺西灣河收工，被我搵到e間鋪頭仔，一入到去個staff就推介個臘味飯，肚餓冇理乜野啦就試試佢先🤷🏻‍♂第一個驚喜係臘味飯舊雞，平時食嗰d都係勁鞋，佢竟大大舊仲要係嫩滑嗰隻lol好正，最衰得2舊，而臘腸同臘鴨同好夠味😎btw，個飯雖然濕左d，但都幾香雞油味~第2個驚喜係個好足料好飽既3色蛋，好似有咸蛋定唔知皮蛋，好濃味，但幾濟下，可能我已經啪左個飯啦，2個人share會岩岩好😂🤷🏻‍♂Btw 佢個羅漢果茶幾濃味，5蚊杯嚟講性標比好高，整體野食質素都幾高，下次試下佢個麵先🤔

走到西灣河，肚餓當然可以選擇太安樓，食物選擇多，不過既然人人去太安樓，我就打算去另一面找其他食肆。令我留意的是門口的易拉架，寫著沁沁麵（應該是招牌菜吧），還寫著秘方人蔘雞湯麵，於是決定入去一試究竟。小店最好的是夠小，容納不到這麼多客，但我偏喜歡可以靜靜地食飯，亦幸好過了午飯時間，能避開一群上班族。坐下後，還不及看枱上的點餐紙，老闆已經向我介紹店舖的招牌菜，果然是沁沁麵同沁沁飯，最可惜是沁沁飯原來只是午市供應，老闆只好向愛飯的我表示下次早點來，不過離遠亦嗅到一股香氣，老闆說因為正準備沁沁飯，下次必定要來試！我點了一碗沁沁麵加雲吞，食麵不可或缺的當然是湯底，特別是這裡標榜人蔘雞湯湯底，湯底果然有濃郁人蔘味，而且不會太鹹，不錯。再試麵底，軟硬適中，麵的份量亦不會太少，配菜有雞絲，溏心蛋，西蘭花，溏心蛋值得一讚，太生就不適合不食生蛋的我，太熟又失去溏心的意義，這裡的蛋就剛好半生熟之餘，蛋黃又不會漏出來。想不到西灣河除了太安樓外，竟然有這間特色小店，看似一般車仔麵，卻有平時車仔麵缺少的健康湯底，還有老闆慇懃的招待，誠心向大家推薦，以後去到西灣河都可以來一試啊！

沁沁麵真係要比足五個心心佢平時我都好鍾意食車仔麵啊麵線啊但就好少留意健唔健康 而呢間就好唔同 主打健康同不含味精 所以一經過就已經好想入去食我叫左人蔘湯麵試下 湯唔會太重中藥味 同個麵都好夾 食完又唔會覺得渴 真係應該冇味精 麵又爽 又足料 有溏心蛋 雞肉絲 西蘭花 同大雲耳 真係正另外貪得意叫左個鹵水雞肶食 老闆好細心 提醒我個肶好大隻 所以要等廿分鐘左右 不過冇乜所謂啦 應該食完個麵就岩岩好有得食個肶一黎到 真係大到忍唔住嘩左聲 雞肶真係好抵食 $18大大隻 仲要勁入味啖啖肉 下次剩食雞肶都得了！另外叫個羅漢果茶黎消下滯 感覺又幾好飲wo下次如果冇咁飽應該會叫埋個三色蛋冷盤 望落都幾正

平時我都已經係麵線控。一經過見到呢間麵舖係主打健康冇味精，所以就已經好奇衝左入去食。間舖都幾細，但又幾驚喜佢有好多食物選擇。我同男朋友就叫左個鮮茄茸濃湯拉麵。味道比較甜。同埋叫左人蔘湯麵。湯唔會太重中藥味，同個麵都夾。不過男朋友就覺得冇乜人蔘味。2個麵都足料，各有大蕃茄同大雲耳！間舖除左有米線食，仲有烏冬同上海拉麵揀，都幾細心。咁我作為雞翼控，當然叫左佢個鹵水雞翼食啦！幾入味！好難想像佢真係冇味精。我地順便叫杯羅漢果茶飲，都幾易入口。總括，食咁多野咁飽平均每人都唔洗$60，性價比算高。

之前食過👍🏼人蔘湯底 同埋👍🏼蕃茄湯底已經覺得好出色 🎨 4十幾蚊有交易 仲要標榜真材實料冇味精 只係這點已經好抵食💰蕃茄湯底甜 人蔘湯底堅不過肉唔算好多 （男仕可能要叫多份小食）個上海拉麵底都正！+$5 可是自製羅漢果茶（甜）（出面加親咩自製野都要成十幾蚊）今次我試埋▶️秘汁大胃王撈麵$48個秘汁撈埋個麵 牛腩同雞翼都好入味一定係濃味友既😍至愛