沁沁麫 (已結業)

呢次去食呢間裝修簡單，很舒適和清潔，環境不錯的。我點左特大冬菇，口感十分好，十分滑，多汁美味，實屬佳餚。另外有叫左一碟大胃王沁沁飯的餸，肉和菜也有吸收了很多汁，很入味，配白飯很匹配。至於另一個是鮮茄茸濃湯拉麵，湯夠濃底夠鮮，微酸帶甜十分夠味! 豬肉夠大件又美味，很大片番茄也新鮮，好吃! 而麵的質感也夠軟滑，口感很好。仲叫左的一道菜就是蒜香檸汁鯖魚，鯖魚有脆脆的魚皮，口感佳，酸甜的檸汁和柚子醬，加上香香的蒜片， 也是很夠味的。飲品是羅漢果茶是真材實料，很抵飲。呢間的地點位置方便，地方舒適，而且奉上的食物好味，價錢合理。老闆nice，很好。

呢排趕Project，每日由朝早9點忙到無停，今晚仲OT到9點鐘，終於收工啦！就諗住喺公司附近搵間餐廳食嗰飯，返屋企早啲休息。行下行下，就見到呢間西灣河沁沁麪，見到幾多人食，就入去試下，點知又真係幾掂喎！沁沁飯 (秘製臘味雞油焗飯)一嚟到就香味誘人，有臘腸、潤腸、臘鴨同滑雞件，非常足料。飯底唔係普通白飯，而係沾滿醬油嘅糯米，煙煙韌韌。滑雞件大大件，入口鮮嫩，加埋臘腸、潤腸同臘鴨，真係份外惹味。蠔油時菜為咗A姐，為咗健康，等我叫嗰油菜啦！菜心清甜爽脆，配埋鮮味蠔油，正。自家製羅漢果茶呢杯羅漢果茶真係真材實料，非常濃味，雖然無落糖煲，不過好甘香清甜，飲完嗰喉嚨都舒服晒。

作為一間細舖，真係幾驚喜間舖頭仔都有好多食物選擇。重口味既我，叫左個鮮茄茸濃湯拉麵。個麵足料之餘，個蕃茄真係大得誇張。另外，有樣野都幾特別，就係間舖除左有米線食，仲有烏冬同上海拉麵揀，甚至連飯都有得食。清哂!咁我作為雞翼控，緊係唔少得要叫埋佢個鹵水雞翼啦！一試，超入味！好難想像冇味精都咁入味，肉又夠熟又好咬口，真係要比足200分佢！難得入左間主打健康既舖頭，順便叫個羅漢果茶和應下。飲落都幾好幾易入口。最後緊係要講下個價錢啦，食咁多野咁飽重有自家制羅漢果茶都唔洗$60，性價比非常高！

今日同好姊妹又去搵好野食。今次黎到西灣河這間出名食人蔘麵的餐廳。入到餐廳，燈好特別而又明亮，坐位都舒適唔會好窄，開放式廚房。老闆及服務員都好有善，主動親切，更推介美食予客人，好親民有禮餐點有不同選擇，有麵有飯，也有小食及飲品選擇。我們叫了：1. 沁沁麵店中出名的沁沁麵，是用這個朝白蔘-不燥熱又營養豐富； 在碗無添加的沁沁麵是用上海麵，都幾大碗，麵吸了蔘湯的味道，有木耳、糖芯蛋、西蘭花及雞肉配料，木耳爽口大片，可以通血管；糖芯蛋煮得剛剛好，好入味；西蘭花好爽脆好健康蔘味不會太濃烈，清清蔘味，好補身，對女士好適合的選擇，一點也不咸，飲完不會口渴！2. 大胃王泌汁撈麵這個撈麵好大碟又好多料，男士就一定夠飽，有豆卜、雞翼、冬菇、西蘭花、豬排、雞肉腸，麵好吸醬汁！入味的撈麵3. 醉雞卷好好味道！超推介的小食！酒味香又不會過濃，雞卷好入味、好腍，凍凍的口感，配合一流噢3. 鹵水蘿蔔牛坑腩 好腍的牛坑腩，入味香濃鹵水，牛味重；蘿蔔好腍，吸了鹵水汁這裡有自制羅漢果汁，有熱暖及凍選擇，對身體好又清熱，凍熱天都好適合；也可選擇性蔘湯，保健對身體好！

今日同個女仔朋友黎開西灣河附近做野 行到去街市個邊已經有啲餓 見到有間裝修幾靚既餐廳就入左去 一去到老細就出左門面落單 推薦幾個菜式 之後我地叫左沁沁飯同沁沁麵同醉雞卷加羅漢果茶 沁沁飯好足料 有臘腸臘鴨潤腸滑雞 特別要講下個臘鴨真係整得好好食 唔會好乾 食落好香臘味味 沁沁麵就叫左人參湯 飲落好清甜 估唔到入面真係有人參 個溏心蛋好入味同出面日本餐廳有得fight 不得不提個醉雞卷 好驚喜 上檯已經有酒香味 賣相同相一模一樣 個雞好入味而且好滑 最緊要係冇骨架 好細心 啱晒啲唔中意食骨既人 最後叫左個自製羅漢果茶(心心眼)叫左室溫 都係微暖 飲得出羅漢果天然既甜味 易入口 大大杯$5好抵好好飲 落單之後老細好細心咁俾左2個碗仔 方便我地share食 去個陣唔係晏就時間 但都好幾多街坊客 牆壁貼住雜誌介紹既相 支持有心機既小店~

今日同朋友2個人去西灣河沁沁麫 係明記糖水隔離 出地鐵好快到！老闆好親切同我地介紹呢到嘅招牌沁沁飯（臘腸、潤腸、臘鴨、滑雞）聽講係用咗10幾種材料秘製，飯係偏軟身 好足料 呢到嘅臘味都好出色 特別係臘鴨！沁沁面（秘製人參湯，有肉絲、蛋、西蘭花、黑木耳）呢個係上海面 煮得都係軟身嘅 特別要讚下個湯底 真係好好味 有點似媽媽煲嘅湯 仲有人參係入面 不錯的！醉雞之前都有食過 水準中上 佢有紅棗同杞子做配料 幾入味 酒味唔錯自製羅漢果茶好味過我屋企整果d 講到明係冇落糖同防腐劑 入落口都有甜味 仲有得選要溫室/熱/凍 我見每一台都飲 真係每一台！都係5蚊一杯 幾推介飲呢個一路食一路見到有客人入泥 走之前仲見到有外國人過泥食！睇泥都遠近馳名～總括泥講都幾滿意 10分有7.5分 特別想講老闆真係好好人 係用心經營嘅小店！

西灣河除左有太安樓，其實其他橫街小巷都有好多美食既！就例如漸漸有人氣既沁沁麵，主打沁沁麪 秘製人蔘湯麪怎可錯過？沁沁麪 秘製人蔘湯麪 $41湯底餐廳真材實料用心泡製，濃厚人蔘味，香味撲鼻，湯色澤深且帶點濃稠，內有秘製人蔘湯雞肉絲、糖心蛋、西蘭花和黑木耳，配上海麵吸滿人蔘湯，麵夠煙靭彈牙。特大冬茹 $13冬菇都食得多，鹵水冬菇反而少食到，而且冬菇足足有手掌般大，都幾誇張，鹵水汁不會搶走冬菇的鮮味，入味之餘還把味道提升不少，口感夠實在，$13蚊簡直超值，十分推介。自家製羅漢果茶 都只是 $5原汁原味完全無沖淡，十分好味！

首先這店舖簡約美觀，環境好舒適。而當日點的每款菜式都很美味。我食了鮮茄茸濃湯拉麵，湯底鮮甜，令人食指大動，好開胃。麵很滑口，大大片番茄很新鮮，豬肉都很美味。另外是蒜香檸汁鯖魚，外脆內嫩，不錯。至於特大冬菇，有超好口感，滑滑的，嫩嫩的，汁多美味。還有大胃王飯，配料香味出色，特別是豬肉，有很濃的肉香，口感也很嫩。配上羅漢果茶，喝得出是真材實料，羅漢果味很夠，香甜可口。總而言之，食物質素高，吃得出沒有落精味，食後不會感到口乾。加上價錢相宜，店員和老闆也對食客很友善，令我有良好的經驗。很值得推介。

今日跟朋友到西灣河打波，之後他帶我到附近的小街吃午飯，看到這家店名初時看錯是「泌泌麵」，看真些其實是「沁沁麵」呢，而朋友正正就是想帶我吃這家的秘製臘味雞油焗飯。《沁沁飯 秘製臘味雞油焗飯 $41》一大碗香噴噴送上。有臘腸、潤腸、臘鴨和滑雞。臘腸、潤腸配焗飯一流；臘鴨有咸香，作提味實在不錯；雞件嫩滑。不得不提焗飯，粒粒香口有口感，濕度剛好完全不會有半點乾硬感，原來是用了金鳳米(泰國米王)呢！米飯香口是因為用上了十種香料炮製，加上雞油香惹味，實在好吃！《鹵水蘿蔔 $8 + 牛柏葉 $8》蘿蔔腍身，本身的清生味道蓋過鹵水味。牛柏葉吸了鹵水汁更提味，口感爽彈。《自家製羅漢果茶 $5》香濃清甜又健康。

去西灣河太安樓食到悶悶地，走上附近小街行逛。見地鋪沁沁麵一鋪鋪名幾cute，鋪面乾淨整潔。下午三時半又不用等位，去食個late lunch。樓面十多座位，店員親切，local 店人情味濃。見餐牌上推介，便點下秘製臘味雞焗油飯($41)；自家製羅漢果茶(＋$5) ，係食鋪實屬非常罕見。平時係連鎖店臘味之類就吃得多，本土店相信更慢功出細貨。秘製臘味雞焗油飯，熱騰騰上台，香油味騰出。有臘腸、臘鴨。新鮮肉質嫩口，吃落沒有肉渣，而且滲透濃濃油飯味。臘腸水分依然，無被焗乾，非常正！粒粒分明，沒有焦，MENU如下：

西灣河太安樓出名美食多，早前在網上發現這間店名叫'沁沁麵'主打人蔘雞湯健康車仔麵，岩哂平時食咁多肥膩野既我健康一下！餐廳裝修有點兒家的感覺，店員亦很親切餐牌選擇都幾多！黎到沁沁麵當然要試下招牌沁沁麵🍜我另加左雲吞，秘製肉丸，同埋特大冬菇沁沁麵湯底由人蔘雞湯熬製，內裡本身有雞肉絲，溏心蛋，西蘭花同黑木耳~ 先喝一口湯底，果然係冇味精，碗底裡有不少人蔘同杞子，配上海拉麵好好吃如果麵質硬一點會更好溏心蛋有驚喜，富蛋香且嫩滑秘製肉丸肥瘦適中，肉質偏軟雲吞有三粒，內裡有不少蝦肉，幾好味最後係另上既特大冬菇，果然係特大，有半隻手掌咁大冬菇炆得軟林，盡吸汁既精華，好入味

鍾意飲湯嘅朋友 你會好開心 因為呢度啲湯真係好好飲🤤🤤講咗唔好先 就係有啲細碗對一個女仔黎講只係啱啱好(可能我太大食)但好呢 就係個湯真係好入味 用多款材料煲成 仲真係有人參味老版仲好kind同我講包人參今朝新開😂😂對於我呢啲追求出街食飯想食得健康啲嘅人專訪黎試下個麵都真係幾值得而且價錢又唔貴 成碗麵嘅精髓係碗湯 所以黎食沁沁麵嘅朋友 可以放心飲矖碗湯 🤤

沁沁麵(人參雞湯麵) HKD48。先講碗麵嘅靈魂-湯底 參湯黎講佢嘅香味係比較溫和易入口 裏面有蔘肉 食落口會渗出更濃蔘味 苦苦地 會回甘(本身以為好似花旗參味咁 原來唔係好大分別😂😂。味道反而雞味比較香濃 仲有微微紅棗杞子味道 可謂鮮味十足🐥🍒。整體感覺就好似屋企嘅老火湯 唔似餐廳味精湯咁過鹹 飲得多都未覺得口渴 而且最近氣溫又下降返 飲左暖胃之餘 身體即刻暖返曬。聽侍應嘅介紹 原來我飲緊嘅湯係由13條15年既鮮白參熬成 大概只做到三十四十碗湯底 珍貴！而且佢地聲稱保證所以食物冇加味精 有少少似食藥膳咁😋😋。麵底我選擇左上海拉麵 而配料方面有肉絲溏沁蛋 木耳 瘦肉 雞肉 西蘭花。上海拉麵偏幼身 麵質爽口 冇乜額外蛋味 但吸收灑參湯嘅味道。雞肉嫩滑 西蘭花嫩脆得一件好似有d少 比較特別係溏沁蛋有少少酒香 個人少少執著係如果蛋白可以硬度高d 托得溏沁穩定d就更好lah😞。簡單調味出清甜湯底加上簡樸配料造出和諧嘅味覺享受。。羅漢果水 HKD5。既然汽水都要收五蚊 我寧願用五蚊去飲返杯自家製飲品 招牌飲品黎講絕對抵🙆🙆。冇諗過羅漢果茶竟然可以煮到如此深色 甘甜清潤嘅羅漢果甜味 清熱降火一流

裝修簡單，環境好乾淨，老闆也好好人，菜式當然十分美味。首先是鮮茄茸濃湯米線，最適合怕肥而又減緊肥的食家吃。湯底方面，飲落好清甜的蕃茄香味，而且米線爽口，另外，肉片無冷藏味，啖啖都有咬感，溏心蛋好有酒味，不會苦，甜甜地。而且碗看下來好細，但內裹食落好多。再上羅漢果茶，喝下去真材實料，甜甜地，沒有化學糖的味道，冬天飲用最適合。另外老闆利申沒有落糖，而且外面涼茶舖冇咁重羅漢果味。再叫個小食，滷水雞翼，肉好軟熟，亦沒有冷藏味道，重滷水咸香味，不落味精也有如此這麼重味，實在十分岀色。總括而言，價錢合理，在菜式中，會感受到老闆的温暖的味道，好有人情味，老闆會關心街坊的健康，可以一試再試的餐廳。

一直以來，食外面餐廳就是不健康，因為外面餐廳會落很多味精，見到餐廳外面寫著保證不含味精，便吸引了我入去吃，我叫了人蔘雞湯面和炸鯪魚球。首先一上枱是人蔘雞湯面，見到貼上了紙，上面寫著朝白蔘好多益處，第一啖先喝湯，重人蔘味，而且飲落冇味精味，之後還不會口乾，還有微微的甜味，不止湯，雞亦有人蔘味。另外米線亦好彈牙，好過吃坊間的雲南米線。配料還有杞子、紅棗和雲耳，全部都是藥材 ，好健康的米線，好吃到連人蔘片都吃下去了。之後則上炸鯪魚球，一上到枱，好香的鯪魚味，打得好彈牙，無魚腥臭味，配個甜酸醬剛剛好。根據老闆的說話，他說吃了味精會過敏 甚至咀唇會麻痺，合不上，眾所周知味精對身體不好，但依然在吃，難得有此健康的餐廳，值得一試，就算不落味精也十分之重口味，不會令人失望。