沁沁麫 (已結業)

中午去完聖十字架堂，行落去發現有間食店，好有親切感，因為我的初戀也是叫沁沁…. 就係咁，入左去呢間沁沁麵試食一下。唔肯定係咪新開張，上年尾好似唔覺佢的存在。坐低第一件事，不是睇下有咩食，而係好想知究竟邊個叫沁沁，會否是我曾經深愛那位已嫁作他人做老闆娘。好幸運地，不見她的存在，便開始認真點選食物。我咁大食，當然要叫佢個大胃王秘汁撈麵(有冬菇、雞翼、豬扒、雞肉腸、西蘭花、豆卜)，加多隻鹵水溏心蛋，飲品叫了常溫的羅漢果茶。麵選了上海麵，口感非常、非常、非常煙韌，好重要所以要講三次。食落口每一啖都有漿住你的感覺，想唔飽肚都難; 冬菇、雞翼、豬扒、雞肉腸、豆卜，全部都充滿鹵水味，如果你係鹵水控，應該會適合你，個人比較喜歡雞翼多過豬扒，同時亦建議大家最後才吃那一大舊西蘭花，畢竟吃了這麼多濃味的東西，最後舊菜正好有清新口腔的作用，希望大家唔會覺得我形容得核突，但事實如此。鹵水溏心蛋都ok的，涼涼地又入味，八蚊可以一試。推介大家叫呢個羅漢果茶，好清甜，一試難忘，我見有好多外籍人士都是飲佢，似乎已經成功俘虜人心。值得一提的係，我最注重的服務態度及環境清潔亦處理得不錯，最喜歡佢每次都次噴清潔劑響檯面先進行

之前黎食過一次大胃王秘汁撈麵，價錢平，味道又唔錯。不過其實最想試都係佢個秘制人參雞湯麵😳，好可惜上次感冒食唔到，所以今次經過再黎食過。原來湯底用既係白參，寫住話唔燥熱，性質溫和仲好補身添～～～我咁虛啱晒！✨沁沁麵（$41)： 店員話湯底係零味精，可以當湯飲晒佢，湯底除左白參仲見到有d紅棗。試一試啖湯，味道果然係幾清甜，仲帶有少少參既香味，都幾容易入口的👍🏻好有住家feel✨木耳超大舊，仲非常爽口。 西蘭花都係超大棵，不過我個人喜歡煮番熟d, 會更加索到湯既味道。✨上海拉麵係我幾鍾意既質感，咬落煙煙韌韌又有少少黏口，浸耐左感覺又多左一份軟綿綿。✨最好食係溏心滷水蛋，雖然唔係溏心，但都半生熟嫁，食落幾滑幾入味，仲有少少酒香。✨肉絲似係煲湯既瘦肉拆絲，肉質比較瘦同埋淡味，不過呢個麵靈魂都係在於湯底，感覺幾滋補幾健康既，食完唔係好夠喉都係要食番d 肉，所以我決定叫多個雞卷trytry😳✨醉雞卷（$23): 一碟有6件， 食落少少凍冰冰涼浸浸，個酒味都幾突出👍🏻 果d 雞精華既啫哩非常正，酒味勁濃，如果個雞可以嫩滑d 就更加分。

親民晚飯@沁沁面我是一個澱粉質怪，任何麵包飯麵一日食好多，要有飯麵落肚才覺得飽，平日自己出街都會找間街坊小店支持。大胃皇秘汁撈麵/飯$48，有齊大大隻冬菇，西蘭花，雞扒，雞翼，雞肉腸豆卜等，因怕飯太多食唔曬浪費，要求了小飯。冬菇勁大隻厚肉，咬落好似食緊肉扒架。另外食肉獸會好開心，雞扒雞翼一起來，醃得幾入味架。個秘汁味道撈麵或飯都滋味，開胃到不自覺會多吃了飯。$5 羅漢果茶冷熱同價，自家煲好抵飲，健康又唔會升血糖架！咁足料架飯連同飲品都只是五十幾蚊，實惠抵食，晚上一個人要多來幫襯下。

通常一個人繁忙時間搵食都想吃得簡單點，家庭式的特色拉麵可以吃得較健康，可以遠離味精雜質沁沁麵菜式帶來中日fusion的感覺簡單的室內裝潢，餐廳可容納20人左右點餐後店員會為你奉上美食鮮茄茸濃湯拉麵 $41 (另加配了油菜和蜂蜜綠茶)原汁原味的鮮茄茸濃湯超到位無添加味精特色拉麵，麵質柔軟滑嘟嘟的以為只是鮮茄茸濃湯，原來附上大大片新鮮蕃茄麵食還有肉片、糖心蛋、黑木耳等配料，全部都是健康食材黑木耳爽口降血脂，成日外食的香港人最適合食用!今日時令油菜—菜心，色澤翠綠新鮮

今日返工好忙，隨便喺辦公室附近買個外賣醫下肚見呢間d食評都唔錯，就去買個外賣試下！呢間舖d嘢食主打無味精養生系列，麵有分撈麵同湯麵，湯麵嘅湯底主要係人蔘雞湯同蕃茄濃湯其實我都幾驚人蔘味，所以我就叫咗蕃茄濃湯米線啦其實佢有將湯同米線分碗裝嘅，不過我倒埋咗一齊先記得影相配料主要有瘦肉、西蘭花、糖心蛋同埋木耳，絕對夠食！湯底較甜，都飲得出有蕃茄味，不過就不太掛湯啦另外，我係鯖魚忠實fans！所以一睇到張圖，就叫咗個柚子汁燒鯖魚黎食個鯖魚雖然較多骨，但係燒得好脆，加上柚子汁係好新奇嘅配搭，大家都可以試下呀！

沁沁麵普通啦！雞蛋流心，西蘭花就生左d，雲耳好淡口，麵都彈牙，湯底都有人蔘同藥材味。我就覺得新款食法未必人人接受，有d格格不入。老闆好落力推介我地試沁沁飯。其中一碗就叫佢，係可惜定好彩呢？可能係最後一碗的關係，所有精華尋底，材料味道同油浸唒落飯，好重藥材味，但又好多油喎,雞好滑冇雪藏味，臘腸冇特別。醉雞卷幾特別，有好濃o既酒香，再一次雞冇雪味，都幾滑。羅漢果茶一如佢poster咁話,真材實料,真係好似飲緊阿媽煲個D,味道夠濃又甜。

今日屋企冇人得自己一個食飯，又唔想出街亂洗錢，所以諗住買個外賣返屋企煲刻算數，點知比我試到呢間好野, 下次又可以自己再食或者叫埋屋企人一齊黎食!!=] 超級肚餓既我叫左個大胃王秘汁撈麵 $48同埋 店長推介既 鹵水燜特大冬菇 $13。大胃王秘汁撈麵 $48名副其實真係好大碟，岩曬大胃王，撈麵係用左上海拉麵，如果唔中意仲可以轉米線, 烏冬或者飯，配料好多，有冬菇, 雞翼2隻, 豬扒數件, 腸仔一條, 西蘭花同埋豆卜。超豐富，我都驚訝自己可以食得晒全部餸同麵，個秘製汁好特別，有鹵水味，但又有小小藥膳味，感覺一啲都唔似味精撈麵。鹵水燜特大冬菇 $13另外加左呢個冬菇真係不得了!!除左大都係大!!勁大個菇呀，2粒菇佔左成個盒!!個冬菇燜到好霖好入味，個鹵水味應該同撈麵汁係一樣，有淡淡既藥膳味，食落好JUICY，我仲影左個橫切面，可以睇到粒菇有幾厚!!勁呀!!食完勁勁勁飽!!好滿足。老闆仲要勁好人勁好禮貌!!同啲街坊問好，好似大家都好熟落，對住我呢啲新客仔又推介一下食物，好貼心!!真係一間良心小店。要多多支持!!仲見到佢有個秘製人蔘雞湯都有啲吸引，下次一於試埋呢個沁沁麵!!

Last Monday after work, I passed by this restaurant and see those attractive pictures! Since I needa dine with my family, I bought takeaway to homeI bought three mains, two noodles and one rice with salted meat, and two side dishes. I didn’t try all mains but my parents gave average comments on the other two mains. I ate the rice with salted meat and sausages. Actually, I’m quite often eat these in winter. I think the rice with those meat and sausages is good and tasty, but a little bit oily at

咁啱同屋企人行過見到，無味精系列好似幾吸引但係因為要等位，所以就直接買外賣返屋企食囉我哋叫咗兩個面：番茄濃湯拉麵同埋人蔘雞湯米線，同埋兩款小食：醉雞卷同埋特大冬菇鋪頭好貼心，將麵同湯分開裝，咁就唔會令到啲面太林。番茄湯底比較濃味，湯底帶甜，配拉麵就可索多d湯！不過呢個面確實比較啱重口味人士，我就比較鍾意飲甜嘅湯底，屋企人就唔太鍾意啦另外個人蔘湯麵就比較清淡，雖然人蔘味唔重，但係飲得出完全冇加味精，係健康之選！兩個麵都配有溏心蛋、木耳、西蘭花等配料，即使吳家小食，都應該好夠飽！另外見到餐牌上面嘅圖片咁吸引，我同屋企人都叫咗個特大冬菇同埋醉雞卷試吓！兩舊冬菇都非常入味同埋非常林，索晒啲汁！而醉雞捲就好重酒味，屋企人非常鍾意，不過我就唔太喜歡咁重酒味，就冇咩點試啦佢其他小食都好似唔錯，等我下次都去時再試吓先！

西灣河有好多出名嘅車仔麵，今次都係第一次黎呢間度食最近失眠都幾嚴重，老闆就介紹我飲呢個沁沁湯。其實佢係人蔘雞湯黎，入面都足料，有成隻雞脾，啲湯飲落好重人蔘味但又唔會好甘苦。沁沁飯，入面嘅蠟味種類都幾多，可以一次過食哂臘腸潤腸同臘鴨，而且仲有雞件，啲雞件好滑好嫩口。啲飯就加左雞油，聞落好香。特大冬菇，隻冬菇真係好大隻要好似据扒咁食。啲冬菇好入味，吸哂秘制嘅醬汁，一咬就汁就流哂出黎超級juicy。呢個秘制肉丸都幾特別，面頭炸到好脆，入面係軟林林嘅豬肉碎，同平時食開爽口嘅肉丸有小小唔同。食完炸野仲有涼茶飲，可以下下火天氣咁熱飲翻杯冰凍嘅羅漢果茶就岩哂，即便降溫

中午到家附近找吃，發現有間精緻的麵食小店竟然沒有試過。說它精緻，因為雖然只是麵食小店，但裝修絕不馬虎，有格調和氣氛。小店出名人蔘湯麵和滷味，於是我點了一個招牌沁沁麵和滷水蘿蔔牛坑腩。招牌沁沁麵湯的份量不多，但湯底淡淡的無味精，絕對可以喝到一滴不留！湯中有紅棗和枸杞，認真健康。上海拉麵剛上桌時未全熟，有咬口。吃到最後因為湯的熱力會令其變得軟淋。大大塊木耳是爽脆的品種。很讚的滷蛋。非常入味，而且香軟，配著淡淡的湯麵吃很夾！應該是湯渣雞肉絲，但經過熬湯，已經沒有甚麼味道了。牛坑腩細細碟，自己一個人吃都不嫌多。牛腩比較多肥膏，真正吃下的肉並不太多。蘿蔔非常入味軟淋。滷水汁是甜甜的並不太咸。一餐下來很夠飽，好吃又健康，而且價錢亦很宜人呢。

今天晚上就跟朋友下去試一下這一間店，看上去很平凡，價錢也得親民。在門口看到醉雞巻，就被佢吸引入去。因為我自己很喜歡吃醉雞。order完我地係等既其間，廚房已經傳出好香既味道，然後我同朋友也很期待。這邊的老闆他的態度也很好，也很友善。我們在等的時候也不停的推薦我們去試一下那個沁沁湯麵。我們最後都點了一個。來到的時候，那人參湯看起來不是太特別，但飲下去那人參味好出！有驚喜！40幾蚊有這樣是不錯。但我建議大家要order米缐，上海麵本身太粗糙同個湯晤夾浪費了這湯！所以十分建議叫米線。我們也一點呢沁沁飯然後那個鴨也挺好吃，就是有一點鹹！但是那個雞油飯好淡，所以這兩個夾起來我覺得剛剛好！然後我們也點了一個蜜糖芝士魚，我覺得不會太甜，不錯。真正要跟大家介紹的就是那個醉雞！23$！酒味夠，肉入味，晤係hea貨!有心既店！大家真係可以去試下！就係明記間離

色香味俱全‘沁沁麵’等待的時候就會有好香嘅滷水味～～沁沁飯-秘製臘味雞油焗飯味道比較淡但是雞肉的鹹味可以平衡伴菜嘅味道沁沁麵-各式各樣的配料，有黑木耳，肉絲，溏心蛋以及西蘭花，湯底是人參雞湯，老闆更大力推薦，這款麵很適合失眠的人食用，又健康又有效。香蒜檸汁鯖魚-有驚喜的鯖魚，用柚子味捌除了靖魚的腥味，這個配搭很好。醉雞卷-醉雞很入味，醃製時間應該很長，很出色。總括而言，這是性價比高的中餐廳，小食很出色，很多街坊也會幫襯，不防一試。

西灣河出晒名多平靚正既野食，但食極太安樓都好快會悶。所以今次就唔食太安樓，改為去附近搵好野食。平時我都幾鍾意食麵線類既野，咁岩條街就有2間麵舖。比較左2間之後，就決定食沁沁麵，因為佢主打健康同不含味精，幾特別。所以都好想入去試下。我叫左招牌野食人蔘湯麵食。湯同個麵都幾夾，唔會覺得好奇怪。最正既係，佢不含味精，食完又唔會覺得渴。配料方面都幾足，有溏心蛋，雞肉絲仲有特大雲耳，真係平靚正。另外我都叫左佢個鹵水雞翼試，非常入味！肉又夠熟又好咬口，餸麵都一流！難得入左間主打健康既舖頭，我就順便叫個羅漢果茶和應下。飲落都幾易入口，又可以消下滯，都係好。最後埋單就$60左右，都幾抵食！

沁沁麵真係要比好多個心心佢。雖然佢門面主要食麵，但原來除左麵之外，飯都幾出色。本身我打算又叫人蔘麵食，但老闆話今日d飯好正，咁我就試下。 個飯係臘味雞油焗飯。餸好足，有臘膶腸，臘鴨同滑雞。首先飯既份量都好足，加埋d料咁餸飯，好易食得飽。另外，個滑雞非常出色，係好入味又好滑，亦唔會好難咬。 另外我仲叫左個芝士蜜糖雞鎚。不過因為我本身鍾意食雞翼，就問左老闆有冇得轉雞翼比我。老闆就好好，話冇問題。食落好特別，有d似食壽司咁，但又香口好食好多。下次來，我都應該會再叫。 其實真係幾驚喜間咁細既舖頭仔都有咁多食物選擇。仲要係幾好食。最後價錢方面，食咁多野咁飽都係$60左右，性價比非常高！ 沁沁麫 西灣河西灣河街112號地下