永順食店 (已結業)

健唔健康就唔知啦，但食親都爽。食過好多次，不返review先。百食不厭，不過都係最多一個月一次就算啦。good又fat架嘛～ （次次唸唔到食咩都會心癢癢，哈哈哈）一般lunch12:30到都唔洗等，人流有快食完即走。服務都ok。一定係食satay牛肉麵，一定要轉蟹王麵，一定要加炸豬扒，人生先完美。冬天食真係好正，加埋凍奶茶，就 very good la. 有時都會食下d sandwich不過淨食又唔夠飽，加麵又飽過龍，唉！

今次早左收工，在搭西鐵回家之路上，突然靈機一觸，欲欲想試元朗區一間在工廈區的隱世小店。於是在朗屏站下車，走10分鐘的路，終於到達永順食店。一坐底，急不及待就叫了碗沙嗲牛肉麵。作為公仔麵痴的我，對公仔麵都抱有很高期望！永順食店的麵全都是出前一丁，如果要蟹王麵是要另外加錢的。眼前看到的是一碗出前一丁，上面鋪上一大片沙嗲醬連同幾片牛肉。先用义把醬及湯撈勻，然後才開始進食。先試試牛肉，味道很淡，沒有牛肉鮮嫩味及質感。至於出前一丁，不過不失，感覺上跟我起屋煮也差不多。至於湯底，有一點沙嗲香，除了咸味，只有咸味。似乎沙嗲牛與麵各自有自己嘅味道，兩樣嘢融合埋不太匹配。食完之後不久，還感到有點兒口渴。要食沙嗲牛麵，都係去番老字號食店比較好！

味道可能唔係最正 但吃的是滿滿回憶👭第一次吃已經有10多年了😯朋友帶我去吃以當時既年紀食豬扒經驗嘗淺 覺得點解可以咁淋咁脆 加埋碗蟹皇麵冇得輸呀媽啊 滿足到喊呢😩沙 嗲 牛 肉 麵 $26 蟹皇麵+$2今次食碗重口味之選😎沙嗲牛肉麵 尼到出前一丁唔洗加錢 蟹皇麵就加$2蚊💰食落去沙嗲味好濃 食下食下都幾咸下 d麵完完全全索晒d沙嗲味 實在重口味之選🌝招 牌 豬 扒 雞 亦 麵 $31 蟹皇麵+$2久違了的味道 炸豬扒依舊係10年前既味道🙄好懷念啊 酥脆既外層 豬扒夠晒淋 不過就覺得偏咸小小 雞亦第一次食 味道都ok既🌝西 多 士 $13$13蚊的快樂💜尼間小店價錢夠晒平民 做街坊生意 但食物一點也不hea！西多士上面有一大大大堆糖漿、牛油 非常邪惡呀😈西多士中間有一層花生醬 簡單的味道 邪惡的脂肪 正😋熱 奶 茶 $14多一份苦澀 小一份奶香的奶茶☕️

想一嚐永順食蟹皇麵好耐，不過好幾次放工時已經收鋪，早兩日放假可以lunch時間黎食啦~ 永順雖然唔太大，賣既野食類型只有幾款，不過冇減食客數量。蟹皇麵唔係度度餐廳有賣，想食到都唔易，呢度加2蚊轉就有得食。蟹皇麵比一般公仔有彈性，而且就算湯浸泡一段時間未變糊狀，而且個湯都比一般清，味精味少，又有蟹味，唔太食公仔麵既我都幾buy。豬扒好大塊，外層炸得非常香脆亦冇多餘粉漿，傳來陣陣肉香。豬扒薄得黎鬆化軟嫩，並冇過份乾涸油膩感。雞翼味道都唔錯，鹹香得宜，飽滿多肉。去茶餐廳點會唔叫奶茶飲? 永順奶茶茶味頗濃，都幾香滑，亦唔會偏甜，高過一般奶茶水平。

今天中午，一個無無聊聊逛一逛，到附近吃午餐。想了很久也想不到吃什麼，周邊擠滿人潮。經過「永順」，就光顧她。店內沒有坐滿了食客，容易找到位置坐下。看了看餐牌下單，待應端上來的時候是熱燙燙的，公仔麵煮得剛剛好，有少許彈性，有口感。豬排充滿香氣，十分脆囗，外面呈金黃色和十分脆囗，店主細心切開一片片，食下去肉汁流出。豬排肉質嫩滑，炸得頗香口是賣㸃，一個手掌般大，十分滿足。

蟹黃麵呢度既沙爹麵出色之外，聽人講佢地既蟹黃麵都唔錯，由普通麵轉去蟹黃麵要加錢，睇黎係必試，就即管加錢試試佢！果然同一般既大光麵有分別，食落較彈口，而且吸湯程度慢好多，較有咬口，幫碗麵加左分。

喺元朗搵食都已經搵到了無新意，都仲俾我發掘到一間未食過而食物賣相唔太頹既茶仔，見啲豬扒治同個鮮牛米都似樣，就嗌呢兩樣啦。鮮牛米黎先，同OR啲相爭好遠喎，食落亦普普通通，明明人地之前嗰啲個樣好似煎香左咁，好深色格，唔通今日唔記得落老抽？好彩個豬治都幾ok，夠哂熱之餘塊豬扒又脆，亦都唔算多油，果然係招牌，如果唔係真係要鬧爆佢。

早前認識了餐廳老闆Roy 叔叔，是熱愛飲食之輩，他向小弟推介了一間食肆，店名他說不出，地點就在元朗大榮華酒樓後面，他說那家的沙爹牛肉出品用鮮肉、無疏打、很鮮味，經過必須一試，身為元朗人的我怎能錯過，今日天氣寒冷，剛吃過榮昌茶座的豬朳飯還是意猶未盡，決定要多吃一碗沙爹牛肉麵填肚。到達大榮華後街，看到了他說的永順食店，這店原來小弟曾經光顧，在這裏吃過他們的炸豬朳麵，趁未下單，先把店鋪環境盡收手機。點了沙爹牛肉麵HK$25 (蟹王麵加HK$2)，5分鐘便到。光看外表，便知道它相當沙爹，由於是為了沙爹牛肉而來，先吃牛，肉質不算焾滑，帶點爽脆口感，很有牛肉甜味，但不敢肯定是鮮牛，沒有疏打粉的氣息卻相當確定，記憶中沒疏打味的沙爹牛肉，除了在家中自煮，沒有在香港吃過，今天真的很有食神！喝湯，很濃的沙爹味，馬上感到後悔，轉蟹王麵因為喜歡它的湯料可口，不料因為醬太濃而把蟹湯味完全蓋過，有點失策，在這裏跟大家分享一下蟹王麵的滋味，湯料是蟹的味道，麵質覺得最接近公仔麵，未見在超市有賣，但記得元朗有些辦館有售，見倒它的縱影大家不訪買來試試，下圖為蟹麵包裝:蟹王麵產地: 日本總結: 下次要吃他們的豬朳雞翼蟹王麵

今日首次到呢間茶仔食野，由於係假期，都幾多人食。諗黎諗去都諗唔到食咩配搭好，鮮牛治定鮮牛米？豬治定豬麵？看過open rice 中嘅相簿攞靈感，最終叫咗豬扒治同鮮牛米。先黎嘅係鮮牛米，一見到碗牛米，簡直晴天霹靂！點解同open rice張鮮牛米相一啲都唔同嘅！？？人地啲鮮牛肉好似幾香口，但我果碗啲鮮牛就似白烚...好失望。湯底又無咩味，得d雪菜味，加咗辣椒醬都未能起死回生，失望。仲要成24蚊碗，真係唔抵！至於豬扒治就無得輸，麵包軟熟，豬扒香脆。整體評分麻麻。經過肚餓買個包食還可以。

讀緊小學果陣 已經成日跟屋企人黎食我諗起碼有成15年冇黎過喇今日諗唔到食咩 心癢癢就黎左食lunch自己叫左個鮮牛肉米粉+碎牛蛋治+熱奶茶味道當然同以前有分別 但都唔差既😌鮮牛肉米粉有埋少少雪菜吊味 冇咁dryD鮮牛肉好好味 份量都唔少 差唔多有6-7舊碎牛蛋治就不過不失 但一定要烘底😋至於熱奶茶就一定要讚 好滑好好味反而招牌豬扒雞翼麵 我就覺得普通有少少油 但d姐姐幾細心會問埋你想食出前一丁定蟹黃麵同埋叫野飲 如果凍飲叫少冰 佢真係好明顯少下次諗唔到食咩 可以再黎因為呢邊泊車都幾方便👍👍👍

並唔係元朗人, 有機會大鄉里入城, 一早去openrice做下功課.  原來元朗人咁好口福, 大小食肆多國菜式任君選擇.  我一早袋定幾間入"我的餐廳", 行山前後-早餐、下午茶甚至晚餐都可以有得揀. 行完山剛好3點3, 小巴站最近係大榮華, 一班鄉里諗住去大榮華飲茶, 唔知係咪中秋正日, 下午茶已截單, 立即實行Plan B, 有緣試左永順. 呢間鋪都幾神秘, 搵到個大廈名但原來間鋪唔喺大街, 圍住楝大廈兜左個圈, 原來喺正門後面. 話雖如此, 去到2間相連鋪都坐滿人(大部份係男人), 心諗應該有D料到. 大家睇住牆上個餐牌, 又雞翼, 又豬扒, 又一丁, 正係我地呢D"青少年"既至愛, 決定要配個檸樂黎賀一賀佢. 可憐我身懷六甲, 唯有揸項就命, 叫左豬扒蛋治加樽裝鮮奶.  等左2,3個字, 食物開始上枱.  豬扒鬆化, 雞翼嫰滑. 無他, 二個字, 新鮮. 有D唏噓, 如此簡單食材, 因為新鮮, 味道提升百倍. 元朗鐵路相連, 交通方便, 樓價亦拍得住市區. 希望喺租金飛漲既環境下, 此類小店仍然有生存既空間.

一早已聽聞工業邨附近有間出名食炸豬扒既茶廳…今日終有機會…^^…跟朋友衫尾而來…呢度有兩個小舖位…但座都只係廖廖可數…必要時仲會開摺枱放門口或後巷…地方比較屈質…黎到d度…侍應都好熱情推介…豬扒，雞翼，牛腩，奶茶，咖啡，多士都係招牌貨…o.O...咁講法…豈不是樣樣都掂…結果我還是點了豬扒雞翼出前一丁…仲share左朋友一小件奶油多...豬扒雞翼會另外分開碟上…豬扒的確炸得好脆…炸皮同豬扒分開…拆皮好易…但豬扒就比較乾身...好似拾熟定…再加炸漿炸咁…反而雞翼皮脆肉香…出前一丁煮得軟硬適中…多士就超薄…但算多醬…奶茶都有d茶味…少甜…朋友點既咖啡就話唔得…帶點酸…大致上黎講…茶餐廳質素都算係咁…但因為座位唔係咁好…價錢唔係平…所以相信唔會特登再過黎食…

三十年歷史的永順，遠近馳名的香滑奶茶和招牌的炸豬扒，小妹一直想找個時機拜訪一下。永順位置都不算難找，位於饀饀主理的大榮華酒樓後面的小食店。門口以橙色為主，隔離馬路邊總泊著小型貨車及私家車，空氣充滿著車輛排放的廢氣，環境帶點雜亂，完全地符合像工廠區的熟食飯堂！外邊都放著枱櫈，應該供應煙民和看車的客人們，一般市民大概見到這種環境都怕怕，小妹就是為了好味的炸豬扒甚麽都不理了！自便地找了最入面的位置坐下，裡面零裝修可言，全以摺枱，圓櫈擺設。枱面並沒有餐牌，在哪兒？抬起你的頭來，就在半開放式的廚房對上。豬扒治$14（烘底加$1）必叫的招牌炸豬扒肥大肉厚，即點即炸，皮脆肉滑的程度下，熱氣2個字完全地被小妹拋到老遠之外。面包另外叫了烘底，質地是偏薄貨色，薄弱的質感咬落比較香脆。見其他客人都點上面食，另外同樣熱賣的炸雞翼亦是無限量供應。永順更熱賣失傳的蟹皇面，小妹都是蟹皇面的超級粉絲，除了在雜貨舖有得賣之外，都很難見到大型超市供應，雜貨舖大約賣$5/包，小妹都喜愛蟹皇面的味道，總覺得還比出前一丁好味幾分。永順現在全以出前一丁面供應，想吃蟹皇面的朋友請加多$2。熱奶茶$12來到茶餐廳總愛叫上一杯濃厚的香

之前有人介紹依間豬扒麵，話連食神饀饀都推介，於是襯星期六去開元朗去試下！搵左一陣先搵到，其實都有DD難搵，最後要問人先知。。。麵底係用出前一丁，有人推介蟹皇麵，於是叫左豬扒丁同豬扒雞翼蟹皇麵，豬扒真係好OK，有D脆脆地，雞翼就麻麻地，冇咩味，蟹皇麵我只係覺得普通，下次都唔洗加＄轉！枱面有兩樽辣椒油，加左蒜味個隻辣椒油落豬扒度真係好正！！！順帶一提，環境無想像中咁差，其間有個女士抱住隻狗仔入黎，D亞姐都好禮貌叫個女仔出去坐我自己都好鐘意狗仔，不過唔入袋就抱入人地餐廳既行為真係唔多好!!!

　　因為亞B響附近返學的緣故，前一晚做定功課睇下附近有咩食．於是第二日送佐亞B返學後同老公兩個行過去．行到大榮華，揸住部＂愛瘋＂兜佐個round都穩唔到間鋪，忽然間醒想有個食友話響大榮華側門果邊．於是行過去，諗住穩到就食，穩唔到就走架喇．點知又真系俾我地穩到渦．　　其實確切位置系大榮華側門條巷仔行到尾轉左就見到．　　講返正題．去到都好多人，好彩唔洗等位，環境一般，也有西裝友來食的．叫了豬扒丁同雞翼丁，凍可力及凍奶茶，total$54.哇，好貴！即使系我屋企對面間大發，個餐都系$26，食完飽死果隻．個人認為豬扒及雞翼系比坊間的好食D，外皮脆好多．唔知系唔系即叫即炸，因為等候需時，至少也有１０分鐘吧．而奶茶，我覺得系好飲過大發的．因有食客文中提到呢間餐廳的辣椒醬．我試了傳說中有蒜蓉的那款，吃不出有蒜味，但確實也不錯．因為我個人唔中意食公仔面，加佐呢款辣椒都可以食佐大半碗面．　　順帶一提，今次不叫蟹黃面是因為加佐價，＋$２.我會覺得一個早餐成$30在工業區既鋪頭食會唔抵，所以無試蟹黃面．　　仲有就系，我地坐坐下都開始多人黎食，以至無位，有人系出面等．甘我地都一食完就埋單走人，有個亞姐收錢就話