永順食店 (已結業)

之前有人介紹依間豬扒麵，話連食神饀饀都推介，於是襯星期六去開元朗去試下！搵左一陣先搵到，其實都有DD難搵，最後要問人先知。。。麵底係用出前一丁，有人推介蟹皇麵，於是叫左豬扒丁同豬扒雞翼蟹皇麵，豬扒真係好OK，有D脆脆地，雞翼就麻麻地，冇咩味，蟹皇麵我只係覺得普通，下次都唔洗加＄轉！枱面有兩樽辣椒油，加左蒜味個隻辣椒油落豬扒度真係好正！！！順帶一提，環境無想像中咁差，其間有個女士抱住隻狗仔入黎，D亞姐都好禮貌叫個女仔出去坐我自己都好鐘意狗仔，不過唔入袋就抱入人地餐廳既行為真係唔多好!!!