永順食店 (已結業)

睇到D廣告去食既，其實覺得好一般無大家講得咁好食，沙爹牛肉蟹黃麵味道太濃味噌太多太膩了、蟹黃麵霖唄唄。碎蛋牛肉蛋志還可以、豬手紅腸蟹黃麵，成碗麵都太油膩了，比較一般。

住左元朗咁耐，都5知有間咁高質既沙嗲牛肉麵，真係睇左屎萊姆介紹先知😋訓飽就同老公揸車去食，門口已經好多人，令到我地更加期待🤗我地叫左兩個沙嗲牛肉麵，湯底十分濃郁，睇個色相就知，最重要亦5會係得個鹹字，仲食到有小小花生味，而個牛肉仲好淋好嫩滑！而個麵的確係彈牙架！值得推介👍🏻

好多人介紹永順食店嘅沙嗲牛肉蟹皇麵，今日終於見識到。嗰度都尚算方便，喺大榮華後面，但泊車就比較麻煩咗少少，因要偷雞泊路邊。永順有兩個舖位黐埋一齊，仲有幾張枱可以坐外面，我哋就選擇咗坐外面啦！樓面阿姐好快就幫我哋落Order，咁梗係食佢哋個沙嗲牛肉蟹皇麵。個麵等咗大概10分鐘，一放低就先試試個沙嗲湯，真係與別不同喎，好濃好香沙嗲味而且夠辣，再食片牛肉，都做得唔錯，做得好淋。蟹皇麵方面我個人比較膚淺，我會選擇出前一丁多啲。總括嚟講呢個沙嗲牛做得真係成功，唔怪之得咁多人會特登入元朗試食~

[ 非一般既沙嗲牛肉麵🐮]••話就話每個月都去元朗1-2次，今日先終於有機會去試😻之前同男朋友講過，佢自己去左偷食！仲要影相比我睇！真係有啲嬲佢😡仲要呃我話間野好易搵，我跟住google map都搵左一陣🤦🏻‍♀️-🔹炸豬扒雞翼沙嗲牛肉蟹王麵($43)⭐️8/10碗麵一上枱真係超香😤勁濃郁！食到好香花生味，有微微微微辣，同茶餐廳既沙嗲牛肉既死鹹係完全兩種感覺👅👅有花生、仲有好多幾稔又好入味既牛肉🐮▫️蟹王麵(+$2)🦀以為係有蟹味，原來係牌子名😆的確比普通公仔麵爽口，我食野太慢，最後浸耐左都仲保持到小小爽口👍🏻▫️炸豬扒雞翼普通正正常常無乜好講😂-🔺花生敏感的朋友要注意啦‼️🙅🏻‍♀️🔺飲品要散嗌，凍奶茶$20💰--更多食評ig: hungrykays 💁🏻‍♀️

大部份人來此店, 都必須要試其皇牌"沙爹牛肉麵"+"蟹黃麵"因為佢有一個濃濃的沙爹湯底, 我曾經同老闆娘開玩笑的說, 老闆娘可唔可以賣少少湯俾我返屋企打邊爐呀 ?! 佢個沙爹湯真係直情濃過好多火鍋沙爹湯底, 可想而知有幾濃 (個人覺得接近"方榮記"咁濃)呢間我地細細個就開始食, 當然唔會淨係推介沙爹牛肉咁簡單啦,原來呢度仲有一味 “川味牛腩麵” 都非法值得一試，一直都未搵到機會，於是.......就在今天留意返, 呢個麵早餐係未有供應的, 要到午市先開始供應, 微辣的四片風味, 牛腩炆得好淋好入味  *另外, 係隔離"驊記"買左盒糯米池返屋企食

入元朗搵茶飲，上開飯搵，結果黎咗呢檔地踎茶檔。諗住要排隊，結果又唔駛。叫咗一碗雞亦豬扒蟹王麵同沙嗲蟹王麵，加多奶茶咖啡各一杯，共89元。奶茶咖啡個人認為比普通茶仔好小小咁，雞亦豬扒好好食。蟹王麵，原本俾個名誤導，仲以為個麵真係有蟹王，原來蟹王麵係一個品牌，係一個極彈牙嘅即食麵。主角永遠最後出場『特濃沙嗲汁』！沙爹的而且確係今次嘅主角，試諗諗飲牛奶如果飲杯特濃版個口味會好好多，而呢度個沙爹，又香又濃，淡淡花生醬香，絶對唔會死咸。同一盤茶記嘅沙爹係兩種感受，鐘意爹牛麵，一定要黎試。

男女小編都好鍾意食沙爹牛肉麵😋聽聞元朗有間餐廳有好濃郁嘅沙爹牛肉麵食，所以就嚟咗喇😆#沙嗲牛肉麵 ($26)😋好味指數：(7.5/10)+$2轉蟹王麵平時出去食沙嗲牛肉麵通常都係清湯再加少少沙嗲醬😫而今次介紹嘅沙牛麵就超足料😍一嚟到碗湯已經係啡色，沙嗲醬多到連個麵上面都有😋食落去好濃味，就算食到最後都仲係好香😎👍🏼不過食完之後都幾頸渴😂牛肉嘅份量都幾多，同埋都幾嫩滑🐮😆 平時食麵轉出前一丁通常都要加錢😣呢到就岩岩相反，本身麵底已經係出前一丁，而轉蟹王麵就要加2蚊🦀所以男女小編就決定試下蟹王麵，食落去感覺上比出前一丁幼身啲，食落去就冇一丁咁淋😚感覺都幾新鮮，所以都推薦大家可以試下個蟹王麵😍咁到底咩係蟹王麵呢🤔❓❓❓上網睇話有50幾年歷史，仲係日本製造添咖🇯🇵😆而且唔係度度有得買架🤔+$10加豬扒+$10加雞翼😋好味指數：(7/10)豬扒炸得幾脆，肉質唔會韌😚不過有幾舊豬扒吉咗幾下就散咗😱另外雞翼同樣地係炸到卜卜脆，入面唔會炸到乾晒😚#紅豆冰 ($15)😋好味指數：(7/10)味道唔會太甜，而且仲有好多紅豆添😆.⭐溫馨小提示📌蟹王麵加底加$10📌想加$2蟹王麵記得落單嘅時候講埋呀

今日去元朗搵表妹行街，問佢有咩好食，佢就推介我食呢間既沙爹牛肉面，當時心諗：入到黎元朗，食沙爹牛面？不過我問得當然要相信啦，去到門口排晒隊，當時係下午2點幾，最終排左半個鐘先入到去。睇睇餐牌，唔貴woo，沙爹牛面$26（轉蟹王面加$2），豬扒兩塊$20，雞亦四隻$20，西多士$13，幾抵食woo....價錢其次，最緊要係好食，個牛肉面一黎到，好香，沙爹汁勁多，成個面都係，而且用新鮮牛肉，無用鬆肉粉肉質有趙口至於炸豬扒呢（唔記得影相）～個皮好脆，豬扒夠厚，而且食到有薑汁味，唔錯。反而雞亦我以為會好出色，點知係好普通既炸雞亦，唔特別。至於西多士，入而有花生醬咖，唔會好似大x活咁空心既。$13抵啊！我會為沙爹牛蟹王面而再黎元朗

<元朗舊式茶餐廳 永順>茶記買少見少 揾到好味更難 呢間永順喺住元朗既朋友黎講應該都算老字號 平日同假日去到都人頭湧湧 環境就同舊式茶記一樣 圓枱櫈又有d卡位 牆身同餐牌都褪哂色 再加上見到待應老板同食客都有傾有講 , 一睇就知 開左幾十年甘 😃🍽招牌豬扮雞翼麵 31 蚊🐂🐥蟹王麵加底 加10 蚊🍜肉同麵分開上 雞翼大大隻外皮夠哂香脆 茨粉落得剛好 但雞肉又夠嫩滑😍🐥 而豬扒應該係用同一種炸法 而且豬扒🐷夠哂厚肉 口感更好。 加錢既蟹王麵底比平時既味 麵質更彈牙同麵味比較濃 都值得加10 蚊試下既😋🍽川味牛腩米線 35 蚊🐮🌶 上面放滿住葱花 🌿 配上切成正方形粒既牛腩 牛腩口感煙靭彈牙🐂 係d粉麵檔嗰一種牛肉黎 夠哂吸汁🤓 米線類似上海麵甘 好濃既白色 而且十分爽口 🍲 而湯底質感比較稀 但都辣辣地 🌶 同牛腩幾襯👍🏻🍽西多士13 蚊🍞🍯西多外表整得金黃色 上面倒滿蜜糖同大大舊牛油🐮 西多士皮好香脆。入面夠哂軟熟🤤 d醬汁又甜又滑 整得好好食😃🍽奶醬多士 9 蚊🍞傳統香港茶記食品 奶醬多 外層既多士包烘底皮夠哂香脆😃入面既花生醬濃度剛好 花生味香濃又唔會太多 最正係佢

早餐系我必食的，總覺得每天要吃過早餐才有氣力開始一天的工作。元朗永順食店，想去很久了，聽聞她的沙嗲牛麵系至正的。跟地址系安寧路，但原來要泰利街入才找到。沙嗲牛麵加入花生醬，很夠香但不會太咸。牛肉也很好吃。湯頭很入味。這處還可以轉彈牙的蟹王麵。特別一提是她們的奶茶，很香滑的！但我坐的位置冷氣頗大，很快變涼了。另外她們的炸豬扒及雞翼都系馳名的。這天吃了豬扒，味道不錯。永順外內都系似一般普通的食店，但我到訪兩次，店內的姐姐們十分之有禮，態度好好的。

成日經過都見到一大堆人等位 今日專登早少少12點左右就去 等左5分鐘就有位啦叫左沙嗲牛肉麵加招牌炸雞翼豬扒沙嗲湯底果然係好香好濃花生醬味 至於蟹王麵就無大家所吹捧得咁好食 雞翼好食 仲有肉汁係入面 但豬扒粉漿太厚 好普通最驚喜既係杯奶茶 個茶膽有回甘既茶硤味👍🏻👍🏻👍🏻做到香濃幼滑既效果！

呢間野食左應該有十年，爸媽做野忙成日都買呢間外賣。聽講近年永順起網上爆紅多左好多人食佢個蟹王面，但其實呢間野我食左甘多年都係甘多人🤦🏽‍♀️早十分鐘打電話去落單，去到就唔使等雜米粉， 長情的我食左甘多年都係食呢款😂 有魚片、紅腸、午餐肉同埋雪菜。媽媽點的沙嗲牛肉米粉，佢話個牛肉好入味，有機會下次我都會試吓。我通常會點豬扒或者雞翼做小食，炸雞翼有四隻，夠哂香口兩個雜米加個沙嗲牛米，再加份雞翼同埋一杯凍檸茶，盛惠＄97。

上次黎食過豬扒雞翼蟹王麵雖然蟹王麵無想像中甘好食不過豬扒雞翼炸得勁好食 !所以一直想再黎食過今日甘岩就食到喇 呢次黎既時間應該係繁忙時間爆棚甘濟好彩一個人食容易搭檯呢次試食沙爹牛肉麵無特別加錢食蟹王麵不過出前一丁本身都好味呀 !牛肉唔會煮得太老沙爹湯底亦唔會太咸不過相比起我都係覺得豬扒雞翼好味啲另外值得一讚既係兩次黎既服務態度都好親切 !要注意既係呢度周不時都會有烏蠅飛黎飛去要不時撥走佢地好彩無跌入碗麵度乍…

沙爹牛肉蟹皇麵，沙爹汁多到呢，又夠香，牛肉質地OK。轉蟹皇麵加两元，另加炸豬扒一塊十蚊，整体係OK嘅，個人只覺略咸些少，凍奶茶都算香滑，服務態度良好，如加飲品有套餐價咁就good晒

首先19蚊一碗，重要炸到禁，真係無得輸！夠酥脆，醃得都夠味，不過我個人麻麻地薑味，個米粉有炸蒜，都無太口渴，但千奇唔好放落湯到，一落出面層炸皮會淋同散開晒,連脆皮食先好食，重要讚o既係我無叫野飲，員工姐姐無黑面重比杯水我，真係抵讚！啲辣椒油唔辣，但完全唔影響我再encore。。電話影得差。。。。。。。。。。。。。。。。。。。。。。。。。。。。。。