永順食店 (已結業)

之前見啲人說這裏的豬扒出前一丁好好食, 於是找了一個下午跟老婆一同去試, 店子位置不在大街, 不明顯, 但都唔算難找, 去到時下午4點幾, 客人唔多, 店面唔大, 但環境極差, 通地都是垃圾, 有食物, 紙巾等. 衛生程度非常一般, 但一場來到, 都決定食, 點了豬扒一丁以及雞翼一般公仔麵.豬扒真係幾好, 很有口感, 啲肉唔會死實實, 絕對比坊間的豬扒好食. 一丁麵水準只是正常, 唔覺特別好味, 在家中都煮到. 雞翼跟豬扒一樣好味, 即炸出來, 熱辣辣非常脆口, 而且內面啲肉很夠味, 唔會只有外面的皮好食. 個麵底並非一般茶餐廳喜歡用的大光麵, 麵質幾爽口, 好食.味道整體上唔錯, 但環境實在太差, 真的接受唔到成地垃圾的食店, 所以要扣分, 而且亦唔會再來. 不過只計味道, 這兒的豬扒及雞翼真的幾好味.

食好味豬扒包，未必要去澳門，記起食神韜哥曾經介紹一間位於元朗賣超好味豬扒的【永順食店】，通常韜哥的推介都係大件夾抵食，週末去開元朗出差，便去這小店試試！該食店不難找，正正位於元朗安寧路大榮華酒樓傍的橫洲路，店前仲可以偷雞泊車。走本地茶餐廳格局的【永順食店】十分地度，沒有豪裝，鋪仔細細，門口都擺放數張摺檯，據聞這小店已有廿多年歷史，大部份都是街坊熟客。『熱鴛鴦』每杯十元，非常香濃，我試了用煉奶的『鴛鴦走』，入口更香滑，茶啡比例洽到好處!『雪菜肉絲麵』有大酒樓水準，不是一般貨式！祗賣十四蚊一碗! 最特別的是這小店的即食麵 ，用由日本製造的『蟹皇麵』，爽滑彈牙的麵條，比丁仔更好食呢！『豬手麵』的豬手炆得好淋，柱候醬不太濃，唔怕肥少少就不妨一試吧！同樣賣十四蚊!當然要試試這裡的主角『炸豬扒』，淨食每款都衹賣十二蚊，炸豬扒每碟有兩大件，金黃色的外層炸得香脆鬆化，豬扒肉厚多汁。『炸雞翼』同樣炸得出色，全是中翼，每碟有四隻，賣十二蚊！實在抵受不注美味豬扒的誘惑，最後都要試埋『豬扒蛋三文冶』，大大份每客才十二蚊，要烘底加多一蚊，沒有可怕的沙律醬，簡簡單單衹有豬扒同煎蛋，有幾好食，不如睇睇相吧.....

從大榮華洒樓側門小路行，門口非位於安路，故位置較偏僻，共有兩個雙連單位.招牌豬扒雞翼出前一丁麵 ($21)炸豬扒同雞翼乾身，唔會油滴滴上碟，心理上都覺得健康D, 阿姐話食品係即叫即炸，所以要等陣，不過等左六分鐘有得食.豬扒外面脆口，裡面仍保持肉味，而雞翼比豬扒較小肉，所以雞肉都有被炸脆，嗜香口者會鐘意食.熱奶茶 ($10)0K lar數天後我再來，呢次食：炸豬扒一丁麵($16) 呢次有小小油，但味道更適合我.蛋治 ($6) + 熱奶茶覺得6蚊好底食，所以食份熱騰騰的蛋治.註1.轉出前一丁麵只加一蚊.2.冇早餐, 特餐或茶餐, 全日食物單點.3.更加冇晚餐, 因為六點收工啦.

個店名幾好聽,永順.人要永遠順景簡直無可能,不過境遇悲慘的人同快樂的人.得到好運的機會係相同...只是時常覺得悲慘的人忽略左呢個道理..哈,我又離題..我昨晚看到一個陌生人的故事.有感而發..去之前覺得呢間店要坐門口,環境一定好差.結果都不是..衛生程度合格..我當黑.榙枱二個男人..講三級野.講得好露骨...心靈脆弱者.搵人陪先好試呢間店...28元....價錢都唔算平...辣椒油都有二種.一種係傳統的,一種加左蒜頭,我好奇...二種我都打開蓋聞過...好香...我用左傅统個隻...十分惹味...凍華田:11元..太甜...奶味重,的程度蓋過了華田粉沙爹牛肉麵:17元,如果叫米線平2元,我叫完先知..食米線無咁肥,前面的食家話麵係蟹王麵.呢間店的麵的確比其他餐廳的.滑身..同彈牙...令我覺得係非油炸,咪好過叫一丁..哈....個湯睇相就覺得好溶,事實上不是.....平常食沙爹牛肉麵,沙爹放左牛肉..而呢沙爹放左湯...要落足料才可令牛肉吸到沙爹味...牛肉鞋口.無化學加工...份量多....有一點仲勁,我飲左幾口湯,都無口乾我相信咁先係正宗的沙爹牛肉麵

雖然永順的位置較偏僻、環境一般，但門外可以拍車，所以都會經常揸車去食，理由當然系平靚正啦至於我嘅重點推介系：炸雞翼、燜豬手（有時會較咸，但真係好林好入味架）、鮮牛肉滑蛋三文治（一定要烘底，又脆又香）、雪菜鮮牛米都係清淡之選（因為D quota留黎食炸雞翼嘛）距地D雞翼系生炸嘅，所以脆得黎入面又好juicy，只略嫌有時會較咸。雞翼迷絕不能錯過。其實好多人都會食炸豬扒三文治架，但個人對整塊肉嘅豬扒無興趣，反而會叫太子爺特意炸一碟豬扒骨俾我品嚐（因為熟客仔嘛）。飲品方面，老闆娘手勢比較重，D野都冲得幾甜，建議order小甜

假如冇食神轁轁推介, 及指正餐廳正確位置在大榮華後面的泰利街 (在安寧路是搵唔到的), 我諗我呢個區外人呢世都搵唔到呢度.下午茶之選: 兩個人食一份豬扒三文治($10), 一杯熱鴛鴦($10).豬扒多汁香脆, 大大份三文治賣十蚊, 又抵又好味, 若果我地識叫烘底仲好.熱鴛鴦, 香, 滑, 勁掂.

食過三次. 次次都咁好味.炸豬扒同沙嗲牛肉面, 係必食之選!豬扒炸得外脆內鬆化, 有肉香. 正!隨咗沙嗲牛肉面, 仲可以揀炒牛肉, 或者鮮牛肉添. 個人覺得, 炒牛肉都幾好味.講到沙嗲汁, 夠濃夠香. 佢地仲落夠本, 配上蟹皇面, 味道真係一流. 加番杯凍奶茶或凍咖啡都係唔錯既選擇. 而紅豆冰就番而麻麻地.如果食到差不多, 覺得未夠的話, 可以追加份多士($5), 或者係西多士($10), 都係必試之選.埋單每人平均都係$30幾蚊.順帶要讚一讚既係, 服務態度一流, 個個阿姐都笑容滿面, 好過好多大酒樓.

元朗出名好食既店差不多試哂,有好有壞..今日行行下竟然發現呢間係工業區既茶餐廳...都成四點幾...呢間野都坐滿哂人..諗住求其食下野醫下個肚算...叫左d大路野食..竟然有驚喜.而且價錢仲好平....有正野梗係要分亨下啦..炸豬扒...唔同平時食開個d...呢道d豬扒係酥炸.而且一d都唔肥..咁抵既價錢可以食到真係抵贊沙嗲牛肉蟹王面...激贊...d牛肉勁爽.完全唔係平時食個d cheap 牛...加埋個湯味道好濃.真係正...另外個面就係蟹王面...好似好食個出前一丁喎..不過唔見出面有得賣..加埋杯奶茶...每人埋單都係廿零蚊...真係好抵.睇得出呢到d野都唔係求求其其咁整..下次會再去..

之前同屋企人去食都幾好=]d人態度好好..但係個環境有少少dirtyum....米粉好幼幾好味..蟹王面都幾好食..係米線冇乜special豬扒雞翼米幾好食..雜+$6..有魚片..紅腸同午餐肉=]10幾蚊唔包野飲..+$9熱飲..+$10冷飲=]每人$2x=]差唔多喇=]

有個朋友成日同我講"蟹王麵",起初都唔知佢講咩,終於佢就帶我入左元朗食呢間茶餐廳喇!坦白講,黎到茶餐廳都唔係食佢個裝潢,所以主要都係睇下D野食有幾好食~雖然舖面細細,但係人客都幾多,我地果日係星期日,要等一陣先有位坐,見附近都冇食肆同特別野行,估唔到都有咁多人知訂黎呢度(o係大榮華酒樓後面)~我地有3個人,叫左佢地最出名既炸豬排同雞翼,當然唔少得就係佢地既"蟹王麵"啦,其實"蟹王麵"係日本牌子公仔麵既名(即係等於"出前一丁"咁),係超市都未見過既....我叫左沙嗲牛肉"蟹王麵",好鬼正呀!沙嗲汁好好味加上鮮牛肉又夠滑,冇得頂呀~炸豬排同雞翼都好好味,是關炸到一D都唔乾身,不過熱食會好味D,凍左會LUM左冇咁好食.朋友就叫雪菜鮮牛魚片米線同西多士,佢地都食到"直樹拇指"呀~雖然佢地只係做粉麵類,但係都做得幾出色,員工服務都一流呀,值得一讚~