永順食店 (已結業)

說話都不用多說，看圖已經垂涏三尺了。好多人推介呢到食豬排啊，雞亦麵加沙爹汁，我就麻麻呢到啲豬排雞亦啦，我係會選擇沙爹牛肉麵加蛋。呢到既沙爹汁濃到打個邊爐都得，非常香濃。同樣係必點既就係西多士。呢家坊間好多為左慳錢慳時間都唔再係夾層塗花生醬，呢到一樣有，而且傑身糖漿牛油，難度唔邪惡嗎？PS. 6點就關門大吉，要早小小來

港式茶餐廳最有代表當然係沙嗲牛肉麵啦！而沙嗲牛肉麵最重要係咩？沙嗲?牛肉?麵?靈魂就係沙嗲，我黎到永順食店，因六點多分尚早，鋪面唔太多人食，所以有位坐，我地一行3人就叫左豬扒麵，豬扒米和沙嗲牛肉蟹王麵首先講家人分別食豬扒麵和豬扒米，我食左一件豬扒，个皮好脆，肉身唔會太乾，都幾香脆！最緊要新鮮熱騰騰👍🏻到我食呢碗沙嗲牛肉蟹王麵，比我想像中好味，難怪很多飲食專頁介紹過，一碗麵有好多塊牛肉，蟹王麵必叫，只要兩蚊就可以轉，湯底很濃，唔像坊間那些湯底淡薄如水，食唔出果種味，當然牛肉要滑嫩，麵底要恰到好處，那完美既沙嗲牛肉蟹王麵就係咁樣煮出黎暫時係我食過最好味嘅沙嗲牛肉麵👍🏻誠意推介呢間食店，必食沙嗲牛肉蟹王麵，大家要預早時間排隊吧😂😂

元朗區有一家網上評價很高的食店，網上稱她的沙爹牛肉麵是香港最好吃的。今天我就過來試一下。永順食店在一條不起眼的小街上，不當心的話很容易走過了也不知道。她是一家類似港式茶檔的小店，主要賣炸豬扒炸雞翅，三文治，腸仔午餐肉麵之類的東西。我直接點了沙爹牛肉麵（$27）配凍奶茶（$15）。因為她沒有套餐的，這一餐一共$42，感覺這個價錢用來吃這點東西，有點貴。沙爹湯底做得很用心，濃稠度有火鍋的程度。這是我吃過最濃的沙爹麵湯，而且她採用了鮮牛肉，份量也非常多，感覺是比麵的量還多。不過，我個人認為最好吃的沙爹牛肉麵也只是沙爹牛肉麵罷了，這個價錢真的比較貴。她的凍奶茶也只屬於一般的水準，不好喝也不難喝。以這個價錢來吃這個麵，我不推薦。或許很愛沙爹牛肉麵的朋友會有其他看法吧。

👫沙嗲牛肉控嘅我地一直放咗呢間係To eat list到🥢，今次終於同👱🏽‍♂️去食啦😆 一一一一一一一一一一一一一一#沙嗲牛肉麵 <$27>▫️蟹王麵加$2呢碗麵係永順嘅人氣招牌菜式🍜 沙嗲牛嘅醬汁好多，撈埋啲湯汁令到碗湯到好濃稠🤤 食落去仲有少少花生醬味🥜 牛肉切到好薄身，食落好稔，好嫩滑，都幾滋味😋蟹王麵比較幼身同口感比較稔，加埋啲湯一齊食好正呀🤩#鮮牛肉蛋治 <$18>蛋治包住沙嗲牛肉，都幾多嚿牛肉🤓 雞蛋煎得比較老，無想像中咁好食，味道一般般🤷🏻‍♀️一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️嘢飲要散嗌☝🏻

作為香港人，從小吃到大的，離不開港式味道。對我而言，最親切、最常接觸的港味，肯定是晨早起來的港式早餐。論到港式早餐最為人喜愛的重口味，非沙嗲牛肉麵莫屬。可是近年似乎找不著對口味的沙嗲牛肉麵。作為元朗覓食新丁，為尋找一碗美味的沙嗲麵，不惜要老公於假日晨早起床，四條腿走走走到這個較為不熟悉的地方去！ 茶餐廳是港式早餐的根源，「永順」茶檔的模式，除了比一般茶餐廳更貼地，人所共知的就是蟹王麵和沙嗲牛肉了！ 晨早流流，「永順」門前已被車海掩沒 （這也算是元朗的一大特色），隱若看到雨篷下的招牌。 「永順」室內大概擺放了三、四張餐桌，但眼睛未及往內仔細打探，門外一排已滿的座位已告訴我：「盡快找到位置便坐下吧」。於是好不容易等到巷子裡一張客人將要離開的檯子，好不容易請忙到不可開交的姐姐下了單，豈料一會巷子盡頭出現食環署清潔工人的身影，原來他們正要清洗這巷，情急又緊張之際，幸好姐姐來護架，立即安排我們到門口外的四人檯坐下，可謂有驚無險！ 必須一提，「永順」沒有提供套餐，以我的理解，無論是早午餐也一樣，意即麵與飲品或其他食物圴以散叫形式收費。而早上的選擇就有麵食、三文治／多士、飲品和淨食的豬手、豬扒、雞

平時係茶餐廳食早餐，一定會食沙爹牛肉麵，最近因工作關係多咗係元朗出沒，只要早咗有啲時間就會去永順食個沙爹牛肉麵，食過一次就會永遠記住依種味，所以只要有機會係元朗就會再去食。入座後，基本上好快已經落好單，因為沙爹牛肉麵要啲時間，所以我多數會要多個三文治食住等，雖然今次我叫咗餐蛋治，但我會推介鮮牛蛋治烘底，只係得閒轉下口味。沙爹牛肉麵個湯底勁濃沙爹牛味，一啖湯一啖麵，好快就食哂，但我唔係幾食得出蟹王麵同出前一丁既分別，所以我係無轉蟹王麵。雖然咁既早餐，會有啲肥膩，但好食既話又有咩好怕。

講到元朗網紅，不得不提永順食店，大家都推爆佢地嘅沙嗲牛麵同炸豬扒。間中會去元朗食野，罕有冒住人潮過去食個早午餐。假日門外一條小小人龍，鋪面唔大，但擺埋枱櫈出門口。老實講環境有少少不堪，網紅嘅威力就係，渠邊都要照坐嘛。以嘅格局都吸引到咁多人，都要等下一探究竟。一張圓枱正常頂盡坐四至五人，呢度接近坐六人，點都逼逼地，唔多舒適。餐牌主要供應一般麵食、三文治、多士、豬扒、雞翼，一律單點。由於係假日，落單後姐姐都有提醒話假日預左要等耐少少豬扒沙嗲牛肉蟹皇麵、凍奶茶 $55沙嗲牛肉麵係招牌野，醬汁蓋過整個麵，睇落都幾濃稠，仲有明顯花生醬味，爭少少柱侯香。牛肉薄片，份量唔算好多，唔會醬、肉分離。湯底咁濃，預期之內或多或少有點口渴。蟹皇麵就係童年回憶，要加兩蚊，麵質較一丁幼身啲，但口感好腍。豬扒另上，唔怕浸腍。已切並沾粉炸，一旦放涼，就會皮肉分離，最好就即食。豬扒本身冇味，幾腍身，亦都唔乾，但主要係得陣皮有炸味。雞翼肉丁一丁、凍檸茶 $48賣嘅都係家常野，煮法唔複雜。一般茶餐廳食個早餐連飲品，都要三、四十蚊，係咪離地，又未至於。收得你咁嘅錢，肉丁數數埋埋都有十蚊八粒，有肥有瘦；起碼唔會好似啲劣食，叫肉

友人介紹才會來到這裏，位置絕對不易找。但很值得推介，我在上環完全吃不到這樣的水準。這間茶餐廳值得推介是沙爹牛麵，炸豬扒，雞翼；這次我一次過全叫，可以每樣都試試。凍啡來了，茶餐廳水準，不會好也不會差。炸豬扒是必叫項目，豬扒炸得甚香，讓人有不停吃的衝動；但請留意，兩個人或三個人叫一塊就可以，太多吃不完。炸雞翼也是做得甚好，我很奇怪為何很少茶餐廳可以炸得好，真的只是用心做就可以了。沙爹牛麵，必叫項目。這裏的沙爹味道很特別，外面絕難吃到，另外就是牛肉是鮮牛，落足本錢，再加一個蛋就完美。另外特別一提，蟹王麵外面也是吃不到，外面多是出前一丁，來到這裏必然要叫蟹王麵。有機會到元朗，必然要到這裏試試，包你有驚喜。

話說出沒元朗咁耐，一直都想試試神級系列既特濃沙爹牛。可惜我既耐性一向都敵唔過人多勢眾既店舖，唔夠15分鐘，我既真EQ就會原形畢露。。。.不過好彩，今次等5分鐘就有位或者因為去食個陣已經係下午四點 好快就排到我啦鮮牛肉出前一丁＆凍檸茶普通茶餐廳既牛肉公仔麵轉出前一丁底其實冇咩特別。凍檸茶都係普通凍檸茶。炸豬扒沙嗲牛肉蟹王麵我最期待的沙嗲牛出現了！確實此沙嗲牛好香而且帶甜，攪拌完唔會冇哂沙爹味。但我覺得好咸。未食完已經好口渴，而蟹王麵，就好似出前一丁咁，我食唔到有咩分別。炸豬扒肉醃得夠味，但外皮係淋既，豬扒好薄。.整體而言普通。

今日去左南生圍行下，出返來食個tea永順既沙爹真係無得頂，好多人來呢到終於食豬趴雞亦但我個人鍾意食沙爹牛加蛋就ok另一樣必點既一定係西多士坊間呢家好多都無再塗花生醬，但其實就會無左西多既靈魂呢到有剛好既花生醬加埋牛油，糖漿，真係極邪惡。

男朋友話要帶我去食隱世神級沙嗲牛肉麵，我哋揸車過去，附近泊滿車，我哋轉咗兩圈，終於有位可以泊低，兩個舖位，裡面坐滿曬人，逼逼地，人流快，喺度等咗小陣就有位，我當然要食沙爹牛肉蟹王麵，沙爹裡有好重既花生醬味，湯底非常濃郁，有點兒偏咸，男朋友就㨂咗雞翼豬扒蟹王麵，豬扒用薄薄的粉槳，炸到金黃色，唔過火不失豬扒的肉汁，雞翼一樣咁好味，至於蟹王麵個人覺得同出前一丁無咩分別，但未食過，只要加$2蚊，當然要試下啦！食店的凍咖啡，奶茶都唔錯，凍飲都係加$1蚊抵，無套餐，全部散叫，早餐來講略貴，總括都值得試。

人人都話元朗好多好嘢食，但其實我真心無乜點試過，所以好多人會話我枉為元朗人（哈哈）。而家我宣佈，我要做番個元朗人喇！今次介紹嘅呢一間，係住係香港區嘅朋友都話，入泥一定要試！如是者，我地就一早特登行去試呢碗人人食過都讚好嘅「沙嗲牛肉麵」。雖然一早就去到，但都需要排隊等位，果然並非浪得虛名。等咗大概十分鐘左右，侍應姐姐問我地，可以入座但要坐逼啲。餓咗一段時間，當然立即話好啊好啊入去坐低先。睇一睇餐牌，呢度無提供早餐或常餐，只可以單點。太餓了，所以二話不說柯打咗兩碗沙嗲牛肉麵、一份餐肉蛋三文治同一杯凍檸茶。因為人多嘅關係，食物似乎要等耐啲。最先到係飲品，其後係三文治，即叫即整、味道不俗，唯一不足之處係唔記得叫烘底，所以口感上好似缺少咗嘢，所以記住烘底喇！坐多咗陣，沙嗲麵到了！話說麵有兩款選擇：分別係蟹皇麵同出前一丁。事關同朋友柯打嘅麵款都唔同，所以試完後，個人覺得蟹皇麵係好食啲，因為麵身比較嫩啲，容易入味，比較夾沙嗲牛肉汁。至於呢度既湯汁真係好濃郁，沙嗲嘅香味令人好開胃，一啖湯一口麵，瞬間就食完一整碗。 胃口較大嘅朋友，建議你一係叫多份三文治或者麵加底。總結，雖然價錢比同區嘅茶餐廳貴，但質素

第一次經過這家食店是因為要到朗屏附近辦點事, 當時看到相連兩個舖位的店子都已坐滿人.  心想這店應該還不錯吧!   之後在網上看到有介紹到它的沙爹牛麵,  方知大家都愛上這道食品.   在"百聞不如一試"心態的驅使下, 尤其此店更只是在元朗一角,  就擇了這日去會一會這家食店.選了某閒日中午來這裡,  心想只一個人再加上星期三的時間應可順利入座, 不料來到門口時已有3-4人在輪候入座, 結果我也得在門外等了10分鐘才能安排入座.   我坐的那邊店子, 地方不大, 密密麻麻的排了5-6 張圓桌, 個子大的可能坐得比較辛苦點.既然來到這裡, 當然要試試馳名的沙爹牛麵, 那時看到旁邊食客的那碟炸豬扒麵及雞翼麵賣相也著實不錯, 很有大埔熟食中心吃過的影子.  不過我都只是專注於自己的任務(沙爹牛麵), 外加了一份醬占多及熱奶茶.   這次我只試了丁麵而沒有如其他介紹般要以蟹王麵上桌, 因為我從來對蟹王麵不是那麼熱衷.  須留意的是, 這裡的沙爹牛麵不會以套餐跟上, 需要個別單點.  不過為了美食,一點花費也是無妨的.不消一會, 食物便來了, 先來的是醬占多及奶茶, 兩者都不錯, 奶茶茶香足夠而

常說不進則退，這適用於任何一個以飲食為主的網絡，你要用網絡的力量令你的餐廳變紅，非常簡單，以文字推介已經不是最好的機會。 一個三十多萬fans的Facebook page推介了這個神級的沙爹牛肉麵為安寧路帶來一絲騷動，今個星期元朗最紅的時間例如不是嘉麗園，不是勝利牛丸，不是盤菜，也不是海膽杯，主角係市井的沙嗲牛肉麵。 說明網紅當然是因這段片而排長龍到不行，下午三點，人多到不行，大家都為了來朝聖。 剛巧有機會來到元朗，有時間點可以不試試，睇下有幾特別會令佢地入黎試完又覺得好食而推薦。 坐下便要杯熱奶茶，說真，茶餐廳入門試必修課，是可以的，茶味夠，唯不夠滑。 和孟飛兩個麻甩佬來吃，可以試吃其他的，點知佢叫了雙腸加蛋呢個咁惹人暇想的食物，不過腸仔就像伯伯私處，見到真係唔多開胃，煎蛋是正常，這個茶餐廳另一份卷，大約在接近肥佬邊緣。 沙爹牛肉蟹王麵終於來到，記得如果你來說，根據網紅介紹，係一定要食蟹王麵，老大出前一丁都唔夠配對。 先試口湯，沙爹味係濃，花生醬味滿佈整個湯，咁嘅湯食麵米烏然甚至飯都得。 當然主角蟹王麵要加兩蚊，加左後有乜化學作用？對我來說只是新鮮感，網上立刻有蟹王

不早去到元朗，搵咗呢間餐廳食早餐，幸運門口剛好有車位，泊到正門口，餐廳相連兩個舖位，一邊有廚房，一邊淨座位，門面比較殘舊，店內好簡陋放啲圓枱鐵框櫈，食物無套餐，所有野散叫！事先做定功課，呢度食沙嗲或豬扒！蟹皇麵要加$2沙嗲煎蛋蟹皇麵（$31+2）賣相沙底好濃香，辣辣地惹味，牛肉有咬口，牛味濃，平時唔飲湯嘅我都每啖麵麵連湯食，雞蛋煎到脆邊，中央軟滑，蛋黃流香濃！第一次食蟹皇麵，好似出丁同福麵嘅混合體，煙韌又嫩滑！好惹味！熱檸茶（$14）玻璃杯幾大杯，茶香濃唔澀！好味！同事食：豬扒煎蛋蟹皇麵（$26+$2）食咗件豬扒，好鬆化！有肉汁！招牌雞翼豬扒蟹皇麵（$31+$2）凍咖啡（$15）凍奶茶（$15）店員姨姨豪爽型，有笑容，我哋睇住張單研究下價錢，佢聽到就解釋下！我哋轉咗枱佢哋會嗌下搵人認食物！好爽沙嗲真係要試