永順食店 (已結業)

在網上看到KOL推介，問了很多住新界的朋友，卻無人知道這間隱世食店的存在。沙嗲湯底必叫，味道濃郁而杰身，配上蟹王麵，份外滋味。豬扒咬下去不un 而且份量足，炸得香口而不會一口都是油再叫了個豬扒蛋治，夠熱真好吃記得要試奶茶，滑口味濃，夏日炎炎下，實在是享受。雖然店面積小，但大家吃完便走，即使排隊也不會久等。駕車來的話也方便，如抄牌，店員會通知，所以不少車主來捧場。價格也算不錯了，2人吃完也是60多元。一定會再來，回味無窮

今招勁早起左身 肚仔餓餓同男朋友揸車落元朗食早餐！哩間野六點就開左門😂勁誇張！好易搵到路！重要條路都算闊格車可以就甘泊係店外面🤫叫左個沙嗲牛肉公仔麵 凍奶茶同奶油多份量適中！ 比起外面平日食既真係好味!奶油多d醬 睇落平常 但食食下滴到周圍都係🤤👍🏻不過我紅日 等食物到要需要少少時間如果住得遠渣車人黎食 再行下元朗都幾方便！

元朗區想搵好味蟹黃面，唔使諗一定係呢度，一定必叫炸豬扒雞翼！雖然每次黎都要排隊，但係繼續堅持會來，因為杯奶茶好飲啲嘢食好食！其實真係唔係間間都做到🤩🤩🤩炸豬扒雞翼香脆中間仲係好有肉汁，一定唔會乾爭爭！蟹黃面我次次都叫雪菜肉絲，佢唔係罐頭嗰啲，係似自己整，真係特別好食😍😍

出前一丁，福麵，辛辣麵就食得多好少地方會有蟹皇麵食，呢間真好正，沙嗲牛肉蟹皇麵真係無得輸另外再叫個淨豬扒雞翼🤗今日我就叫咗個腸仔回r鍋肉🤣好邪惡呀，仲有杯涷奶茶，去元朗一定要試🤗冇介紹錯🤣🤣

永順位置唔近大街，但好多人都專程嚟食，就算冇餐點都照樣食晒啲招牌菜。第一次嚟食，感覺係重口味嘅。服務都唔錯，唔會因爲太多人而忽略咗其他客，會溫馨提示話今日人太多，要等等；又唔會夾硬迫啲人密質質咁坐埋一齊，大家互就，幾好。先嚟沙嗲牛肉麵，招牌菜冇理由唔叫，好濃郁嘅味道，啱晒重口味嘅人。牛肉份量夠食唔算多，本身個麵係配丁麵，加兩蚊個仲可以試個蟹王麵。可能太多order關係，啲麵全部都腍晒冇口感。至於另一招牌豬扒雞翼麵，本身可以散叫加配大塊啲豬扒，可以兩人share，跟麵就細塊啲食下過口癮，個皮薄又脆，帶重少少咸香。雞翼冇咩味個炸得脆口。順道點埋有個like嘅奶醬多，不過不失，烘得脆唔燶，醬料可以再重手啲。杯奶茶正常啦。

先表明立場，對於常吃沙嗲牛肉麵的我，永順的沙嗲牛肉麵是很失望的。這家賣蟹王麵賣到全港網民無一不曉的永順，就是靠一碗港人其中一款最愛食物：沙嗲牛肉麵打出名堂。既然最出名是沙嗲牛肉麵那當然是點這款，沒有其他。一碗賣$27，丁麵轉蟹王麵+$2。好像不太貴，還非常平，其實不是。這裡全部都是單點，沒有套餐價。如果要多一杯飲品已經超過$40。店員毫無禮貌，三催四請都不理睬，最後出絕招大聲叫′靚女′才替你下單這些不說了，麵很快就到，整碗麵都被厚厚的沙嗲汁蓋著。先試一口沙嗲汁，很普通，毫不特別，就是一些純粹的沙嗲汁，連花生碎都沒有。最離譜是牛肉，份量少得可憐不說了，味道只得咸味，非常咸，而且牛肉與沙嗲汁不能混在一起。最後說說那個蟹王麵，份量比丁麵少不說了，我偏向吃硬一點的麵，這個麵煮得有點過火，可能過了火，有點淋，不太爽，不太彈，說到底都只是一個即食麵，給外間推舉得太高。若你是專程入元朗，為了一試傳說中的沙嗲牛肉麵，你會失望透頂，這個麵只是中下水平，很可能你附近的茶記煮的已比他出色。而且現在360都有蟹王麵賣，很不神秘，自己在家煮都可以。

返深工作，回來後兜入元朗覓食，知道呢間在大榮華後面泰利街嘅「永順食店」近月得KOL推介成為熱點，昨日又在網上見到有識食朋友來過，今日就一於試佢一試。點咗佢嘅招牌菜之一沙嗲牛肉蟹王麵，特濃沙嗲湯底啱哂鍾意重口味嘅人，蟹王麵麵質比較淋，亦好索到個湯底嘅味，總括來講係一間唔錯嘅平民美食店。元朗係一個人情味濃的地方，永順嘅老闆兼廚師同埋樓面阿姐雖然忙到甩轆，見到食完碗麵飲埋熱飲三十幾度下滿頭大汗嘅我呢個生客，好親切地叫我攞啲餐紙抹汗並寒暄一番，香港已經越來越少遇到有呢種感覺。

係Instagram 同Facebook 一直睇到唔少foodie介紹過呢間，所以今日專登同朋友黎食佢個沙嗲牛肉麵。沙嗲牛麵有得揀出前一叮或者加錢轉蟹王麵。我叫左出前一叮而我朋友叫左蟹王麵。我食左佢一啖覺得分別不大。而永順d沙嗲汁比其他茶記嘅濃味,分量也十分足，牛肉軟韌適中。女仔黎講一碗麵份量岩岩好。除左麵之外都叫左四隻炸雞翼（唔記得影），味道同樣美味。總括而言，依碗係我食過最好食嘅沙嗲牛麵！下次一定再黎！

沙嗲牛肉麵系香港茶餐廳同埋冰室既傳統食物，深得香港人歡迎，除左因為本身既香味同埋味道吸引之外，相信有吾少人都系食佢既傳統風味，好讓呢種傳統食物文化吾會消失。而且聽人講呢間系網紅推介過既餐廳，我諗都系其中一個令人咁遠都去幫襯既因素？由於去戈日系下雨天，所以行過去戈段路都算狼狽，食店附近既路人流吾算多，不過條路較為狹窄，以致同其他人啲雨傘碰撞。系戈條制行幾步就到了，下雨天太濕滑，系茶餐廳入面都要加倍小心，真系吾系好中意呢種感覺除左沙嗲牛肉麵外，餐廳當然仲有好多港式既食物如多士、三文治、各款米線等等。沙嗲牛肉麵 $27首先一黎就當然系叫左個沙嗲牛肉麵，樣子已經非常吸引，系滿滿既沙嗲湯底，牛肉系曬面，拿拿聲食啖先。湯底系我期待既味道，所謂既沙嗲其實系帶點甜甜地既感覺，但又吾會過份甜，但奈何份量真系細，比想像中快食完，有吾夠喉既感覺。豬排雞翼麵 $33除左沙嗲牛肉麵好食之外，炸豬排同埋雞翼配麵系永順也是不錯的選擇，不過味道稍為較炸豬排雞翼麵遜色。炸豬排雖然都算大大塊，但系炸粉吾算好脆，食既時候吾系完全痴住舊肉，味道倒是不錯的，不會太硬。鮮牛肉治 $15吾知點解同男朋友去親茶餐廳，如果有親鮮牛肉治

屋企人本身係沙嗲牛肉麵fans特別係細佬妹😂所以一睇到有網紅話係最好味既沙嗲牛麵就好有興趣 一試有幾好食😂紅假嚟到 有小小人龍 但啲位都算多等左大概20分鐘就入得我地每人叫左碗麵 我係嗌蟹黃麵但其實唔係幾食得出同平時正常既麵有咩分別🤔睇賣相都覺得個味好濃郁 首先試一啖湯 驚艷左！因為真係同出面茶記好唔同 呢度有好重花生味所以好香 略嫌麵底煮得耐左有少少淋雞習好香口 係新鮮整出嚟既香煎雞翼豬扒啖啖肉咁濟 好少俾有骨既部分 所以我地都差d飽到食唔哂另外想講 呢度既凍啡竟然好好飲！有好純既咖啡味但唔會有酸既感覺 奶味適中 mix埋就係好飲

元朗必食嘅沙嗲牛肉麵～慕名而來，係元朗嘅小條小巷入面，好唔起眼，但見到門口排住一條長龍就知道係呢度啦！舖頭嘅裝修好簡單，家庭式小店嘅感覺～沙嗲牛肉麵有極濃嘅沙嗲湯，醬汁充足，帶有淡淡嘅花生香。 湯底夠是哂熱，味道特出。牛肉份量多，肉質軟冧有彈性，冇乜過度嘅餣味。另外加$2配上了日本蟹王麵，原本以為同蟹王有關，但應該係唔關事😂 不過相比出前一丁，蟹王麵比較滑身，唔會太腍。生炸豬排都係另一個名物，豬排炸得鬆化，炸粉唔會太厚，食落外面香脆，入面唔會太乾！另外，仲有即炸西多士，𥚃面嘅花生醬夠多，蛋味又香，唔會太單調。送到上檯仲係熱辣辣架～

睇YouTube，好多人推介元朗沙嗲牛麵，一直想試好耐...今日就有時間去試一試先講環境先，因為老店同位置响後行關係，我就覺得衛生環境就麻麻地，我就安排坐响舖裡最入既位置，都幾多蠅飛離飛去同埋地下勁多紙巾(唔明點解d人咁無公德心)，🙈睇到胃口都大打折扣...我地叫左一碗沙嗲牛出前一丁 ，一碗沙嗲牛蟹王麵，一塊炸豬扒，一杯凍檸茶沙嗲味道真係唔錯，有濃郁既沙嗲味，牛肉肉質我就覺得尚可， 牛肉份量都算多同大件，蟹王麵就比較幼身同堅身d，我地食開出前一丁長大既人，都係覺得出前一丁會好食d炸豬扒，味道尚可，炸完出來，表面並無香口感，但豬扒肉質炸完食落係有口質，唔會話炸完好乾身總結5分最高，我覺得有3分，值得一試。

星期日冇咩做就入咗元朗搵朋友, 行到咁上下見到呢間茶餐廳咁多人食, 就好奇入去食個下午茶歇一歇! 因為唔肚餓, 所以只叫咗兩樣嘢食! 炸雞翼 ~ 即炸雞翼外皮唔太多粉炸得十分之脆, 雞肉好嫰滑好有肉汁, 好好食!西多士 ~ 即炸西多嚟到時已落埋糖漿及牛油, 糖漿仲要係好"杰" 果隻, 正! 西多士夠晒熱夠晒鬆脆軟口, 麪包中間仲要有埋花生醬, 簡直冇得頂呀我坐係度一路食一路聽到好多其他食客話係慕名而嚟, 又不停讚呢度嘅食物! 又聽到啲食客話呢度嘅牛腩好正, 所以我朋友已經約定我下次一定要再嚟！ 咁我到時又可以再試其他嘢食喇!

今曰山長水遠 入到元朗就係為左呢碗 ，沙爹牛肉麵 ，沙爹湯超濃郁 、牛肉又嫩滑 又多好好食😍🤤🤤係食過最濃郁沙爹湯的一間。另外 同朋友 再叫左一份炸豬扒🤗 好正🤤好脆 又吾油 食到吾停口 。兩條友 total叫左兩碗沙爹牛麵 一份西多士 一份炸豬扒 大满足呀！香港茶記 冇得輸！

好耐之前食過一次，已經回味無窮，最近都有啲朋友去食返，今個星期六抽空來再食，主打當然係沙爹牛肉蟹皇麵，炸雞翼 炸豬扒，雖然係小店,門口依然好多人排隊，排左十分鐘左右先有位坐，不過為咗食，等幾耐都唔緊要☺坐低叫完野食，睇番個環境都係好普通一間餐廳，衛生方面當然係無講，不過可以改善下，門口擺舊餐具，感覺上都會有點異味，都要等成10幾分鐘先有野食，湯底濃郁，仲有我的最愛蟹皇麵，感覺都係咁溫馨，而且價錢唔貴，連小食都係＄60左右，令我渡過一個愉快的週末下午茶