永順食店 (已結業)

元朗永順食店出名既沙嗲麵真係幾好食，香濃既沙嗲湯底蟹黃麵😍啖啖都有沙嗲味，麵可以選擇通粉或出前一丁公仔麵，另外叫左豬扒同雞翼，雞翼比豬扒好食 ，熱辣辣又香口！佢個豬手都入味，藥材湯底，軟淋淋👍🏻🤪唔食沙嗲牛，也可以選擇炒牛肉湯麵，奶油多士都好食！店外經常排滿人，所以要吃的朋友，需要耐心等待，店內員工亦非常忙碌。🤭🤭🤭沙爹牛肉麵$25沙爹牛肉是以鮮牛肉製作，牛肉本身就有醃製過，口感又嫩又滑。

由細到大都勁鐘意食沙嗲牛麵！！！ 而永順係我食過最濃嘅沙嗲牛麵！！！ 當初會黎呢道食嘅其中兩個理由除左野食正就係因為1) 係道食有得坐係門口係後巷食煙 (2) 就算唔坐出面都可以坐舖頭入面望住架車，停正門口又唔怕抄牌，實在十分方便我地一眾揸車人士！！ 講翻野食，永順得散叫，而我就forever剩係叫一味，就係有沙嗲汁嘅面😂😂😂 以前會叫沙嗲牛加招牌嘅炸豬扒，因為佢塊豬扒真係炸得幾好食😚 不過咁加就會貴小小！不過雖然佢餐牌好似冇寫但大家要記住其實係可以就咁加錢加沙嗲汁架！！！

入得元朗就試下道地餐廳，好少入，一入就target食好野!睇左一陣OpenRice 嚴選了永順一試！十一假期，排左三分鐘左右，都好順利，仲有冷氣位！整體對永順食評不錯，食物正常水準。沙爹係真沙爹！的確有十派! 叫左三樣野,盛惠$82。價錢合理！臨走偷聽到，豬扒原來可以叫半塊，轉兩隻翼😱，下次要試下！Overalll 樓面姐姐有禮，有效率，會同客人講唔好意思因為人多可能要等耐小小。個人覺得服務態度加分。

小編今日放假，用2個鐘搞掂份功課然後就9秒9飛奔入元朗整指甲，其實另外目的當然係為左永順啦！佢地d沙爹牛真係非吃不可好濃郁、係新鮮鑊炒出黎（小編睇住入面d師傅炒既）沙爹醬入面🈶️蒜頭口感更香！上兩次去都係食一丁或者蟹黃麵、其實呢兩種麵差不多，今次小編試埋佢既福麵，真係唔食唔知原來咁鬼夾，好好味，又爽又唔漏、d沙爹今日特別多咁。唔知係咪因為平日冇咁忙師傅心情好d or平日冇咁多人所以可以手鬆d呢？今日真係第四次食以黎最好味既依家仲回味梗

今日嚟到食永順，一早已經知佢個沙嗲牛肉好著名，所以諗都無諗就叫左沙嗲牛蟹王麵加奶茶，再叫埋豬扒雞翼麵try try 係無餐既，要嘢飲加錢，要轉蟹王麵同一丁都係要加錢小店環境不大，都幾迫下，同人答枱is a must ，奶茶茶底好香，有回甘味，正，飲到個絲襪係有來歷既一望就知佢個沙嗲好濃郁，好香，杰既，有小小花生mix喺湯底,牛肉5 un,不錯個麵底係小既，男人應該要加底先夠飽，不過蟹王麵同出前一丁，我會鐘意一丁多點，因為麵既質感會彈牙點，蟹王麵相對上同普通嗰d無牌子既差不多豬扒炸皮炸得薄，不錯，相對上，個雞翼就無咁、出色喇不過，因為5包飲品既關係，如果要飲嘢，人均消費都要40幾元，5算勁平🤔

地址有少許難搵，朗屏站行去都幾遠叫咗最出名嘅沙嗲牛麵同埋西多士😍沙嗲牛麵好夠味👍🏻，但湯底比我想像中稀，如果杰身啲我諗會更加好味！西多士個人認為放得太多糖槳，太甜☹️如果可以比糖漿我哋自己落的話就perfect👍🏻

日日都食沙嗲牛肉麵呢到嘎沙嗲牛 真係正～正在個汁非常夠味一定要叫炸豬排佢既粉一d都吾厚豬排肉汁充足大大塊豬排🥩抵食～當吾少得叫個甜品西多士 厚厚晚牛油 但如果假期來到就要排隊

好耐冇食個沙嗲牛肉麵，心血來潮就嚟食，雖然好耐冇食但係都仲係好多人排隊。例牌繼續食沙嗲牛肉麵，無令我失望，沙嗲好吃，牛肉好林，食完再飲番杯凍奶茶，好正！雖然多人排隊但係都值得等嘅！

我慶幸，與元朗的美食邂逅得比ＩＧ食友們早了個馬鼻。現在的話，稍有亮點的食店全都長龍不絕，恐怕難有等吃的閒情逸致，再者，這裡等等、那裡排排，一天也嚐不了多少家。那時，因為有兩個補習學生在這邊住，不時過來。路途雖遠，學生也比較淘氣，但課前課後可以順道探索四周的食店，也算不枉。記得，當時我從各種途徑發掘區內的美食，並且一一探訪，比返工返學更賣力。只不過，飽嚐美食後，薪水都所剩無幾就是了。辛苦搵嚟志在食，此話一點不假。永順食店，現在想來我是看了食評人林澄光寫了才知道的，他的報章專欄見於２０１４年初。查了一下開飯網這邊，有網民說是跟附近大榮華的梁文韜介紹過來吃的，記錄時間是２０１０年。當日，我吃過頭一遍，這樣記錄了：『午後來到元朗大榮華後面的永順食店。來的客人多半會點即食麵，另外就是炸豬扒，炸雞翼和各式多士。這裡的即食麵預設是麻油味出前一丁，加錢可改吃日本的蟹王麵。心想，羼入了自家調製的那看上去更像馬來咖喱的濃郁沙嗲醬，分野大概不怎嚐得出來，故只取一丁作麵底。牛肉肉質實在，份量也比一般的多。炸豬扒，一客兩塊賣二十，原來也可以點半客，十元。是上海排骨菜飯那種大排的炸法，肉質夠鬆化，但就沒甚麼味道，

鋪頭係中榮華酒樓後面小巷，係朗屏或者元朗西鐵行過去要10-15分鐘，由開鋪到收鋪都咁多人，星期五六日更經常要排隊永順野食款式唔算太多，十個有九個都係為左沙嗲牛肉麵面黎，沙嗲味非常香濃，仲有好香花生味，牛肉亦都好淋，如果要蟹王麵就要加兩蚊，但個人中意出前一丁朋友叫左蟹王麵，麵既份量好似比出面一丁少啲啲，但就硬啲彈牙啲都好好味除左牛肉麵，仲叫左雞翼同生炸豬扒，亦都同樣出色，非常香酥，唯一美中不足就係飲野冇餐要單叫凍飲15蚊

之前見到雜誌不斷寫，蟹王麵咁出色🤔，就去咗呢間永順食店試試新口味啦😊舊式的餐牌，雙拼三文冶，都係$12 ，都幾抵食！我的至愛，沙爹牛肉麵，再加片招牌豬扒吧！連凍奶茶最佳配搭！蟹王麵其實不太特別，相比出前一丁，其實差不多，反而沙爹湯底就好濃味，豬扒就好脆口，不油膩！

🍜 沙嗲牛麵（$27)呢個應該係 “全港最濃郁既沙嗲牛麵” 😎 沙嗲牛麵作為香港人最常食既早餐/常餐之一，幾乎間間茶仔都有，但好似無邊幾間係真正做到好🤔 永順呢個沙嗲牛麵，係我食過最濃郁既，係唔錯，不過對我黎講係濃得滯😂 食完會勁口渴，岩晒重口味人士。而個麵底我叫返出前一丁，但煮得好腍，煮麵個火喉控制得唔好，啲麵肥晒，有啲失望。炸豬扒(+$11)都係一般貨色，你話我間唔中食一次係OK ge ，但就真係唔需要專登山長水遠過黎食。

已經去了第二次，我們叫了沙爹牛肉麵 酥炸雞翼豬扒和凍檸茶，沙爹牛肉麵全部用出前一丁麵如轉蟹皇麵加4蚊，牛肉已被濃濃嘅沙爹汁冚晒，味道和舊時一樣懷舊沙爹味。至於酥炸雞翼和豬扒，雞翼冇特別，而豬扒非常酥炸嘅感覺，粉夠薄所以依然有點脆，醃料香濃可口，值得一試。而凍檸茶檸檬新鮮，所以飲落好清香。重點推介食物已寫晒 ^ ^ 😋😀👍

作為一個沙嗲牛麵迷 四出搜尋好味嘅沙嗲牛肉麵係每個星期六日嘅工作自從遇到永順我哋嘅搜尋工作停頓落嚟 因為呢度嘅沙嗲牛麵真係好好味 星期六朝頭早如常去永順排沙爹牛麵 lunch前通常排五分鐘就可以入到去 永順係一間好有歷史嘅餐廳 餐廳嘅佈置枱櫈都好舊 好有人情味 除左例牌嗌沙嗲牛麵之外 今次我地仲試左鮮牛肉麵兩個麵都轉咗蟹王麵底 蟹王麵底煙煙韌韌 比傳統公仔麵更襯得起沙嗲牛鮮牛麵牛肉好嫩滑 沙爹醬非常濃郁 牛肉嘅質感就冇鮮牛麵咁突出同場加映 永順招牌炸豬扒 因為不嬲都唔太好煎炸嘢覺得豬扒只係屬於不過不失類別作為一間茶餐廳永順嘅沙爹牛麵其實一啲都唔平因為麵同飲品係分開嗌 兩件事加埋要50幾蚊一個餐好食嘅沙嗲牛麵一麵難求 所以我哋都會每個禮拜幫襯

今日小編又繼續隱世探訪馳名既沙爹麵，搵到裡元朗當然就係為左食永順啦！小編睇過好多食評對佢都係有讚冇嘆、就一於去試下究竟係咪咁值得小編長途跋涉去先一去到見到大約5個企o係度等位，小編都預左等位既，好快已經有位都唔洗等超過10分鐘然後都係目標清晰地快速落單，沙爹牛一丁麵熱檸水（老人家唔可以中午過後飲茶怕訓唔著），碗麵都好快到，目測係同大家upload上去ig既樣係一樣，堅濃厚系d friend食落口都食到濃烈沙爹唔係🉐️個杰撻撻樣咁，d麵雖然唔夠發發爽但都👌🏽，湯底真心濃厚同埋唔係小編驚ｏ個d落好多生粉水ｏ個d，仲有檸檬水都好出色，出色之處係因為佢d檸檬好香好香！所以小編好like呀總括黎講確實唔錯，價錢唔貴，一碗麵加埋野飲都只係41蚊，算叫公道啦！味道中上、價錢便宜，小編慨嘆典解唔會出現o係港島區既？encore指數好高，下次試埋佢地既蟹黃麵（雖然好多食評對話同普通麵冇分別可能一丁種好味d）but小編唔親身試過係唔會亂估，有圖有食有真相先至係負責人既食評小薯吖嘛