永順食店 (已結業)

今日終於試左好想試既永順食店，主打沙嗲牛麵，果然好正呀🤤沙嗲牛肉雞翼麵($38)個沙嗲牛100分😭💯個湯係勁濃郁沙嗲味，啲沙嗲濃到係帶少少稠，非常足料‼️啲牛肉份量好多，仲好淋添呀，好滿足🤩個麵default左係出前一丁，沙嗲牛配出前一丁是常識吧，另外可以加$2轉蟹王麵👌🏻炸雞翼就正常~~ 沙嗲牛肉麵仲可以自由配搭其他料，餐肉蛋都係唔錯既選擇🤤🤤🤤🥚好鬼邪惡但食得勁滿足勁開心😆😆鮮牛肉蛋治烘底($18)又係好正的說🤤牛肉多，啖啖肉，加埋滑蛋 very good😆另外炸豬扒($22)兩件性價比幾高，大大件又唔鞋，抵食！依間小店比我bookmark了，一定得閒就去攤返碗沙嗲牛 yeah 😛😛😛

聽人講元朗有間永順既沙嗲牛係全港Top10，緊係要來朝下聖啦🤩位置雖然唔係大街大巷，但人潮未曾少過。晏就2點幾去到仍然坐滿哂，搭枱既關係，唔洗等好耐就入得。同朋友一人一個面仲嗌左個西多士同雞翼同出面食既沙嗲牛有好大分別，一見到個湯底顏色就知道勁香濃，牛肉分量多，每片都好滑😋😋西多士冇講就會配糖漿，但原來係可以揀煉奶。外層脆脆地，同好食茶記既質素一樣冇咩特別驚喜。雞翼炸得好脆咸咸地但入面keep住juicy💦食完呢度既沙嗲牛真係會返唔到轉頭架👅🍜

受到元朗大地主邀請，與友人到了大西北陪他老人家親親大自然。於元朗找早餐，找到了朗屏站附近的永順食店，試試有名的沙嗲牛肉麵。沙嗲牛肉麵($27)跟網友推介轉蟹王麵($2)，沙嗲湯底非常濃郁，微辣而花生味香濃，不過個人覺得鹹了一點。如果湯底可淡味一點，湯杰一點，應該會更不錯。牛肉腍滑，不會有筋。蟹王麵較幼及較軟，但掛湯一流，配此湯底比出前一丁更合適。看見介是炸豬扒，點麵時外加了一塊($10)。豬扒非常非常好吃，即炸熱辣辣，而包著豬扒的炸粉味道就像英式炸魚的炸漿，鬆度則是上海排骨的感覺。豬扒軟腍，肉質有彈性。此店雖沙嗲有名，但豬扒則更勝一籌。熱茶走($14)亦滑中帶香，甜味平衡了湯底的略鹹。雖然沙嗲牛肉麵及炸豬扒是平常茶餐，不過經過元朗也值得試試，特別推介的是它的炸豬扒。

元朗啲橫街窄巷總有間出名嘅地道食肆係左近，如果識搵，一定會有好嘢食！元朗嘅連鎖食肆越來越多，個人比較中意小舖多啲，傳統啲好味啲！永順係我encore再encore嘅元朗小舖之一，佢嘅沙嗲牛肉麵啲沙嗲汁勁濃勁香勁杰，重口味之作，同我地出面食嘅完全唔同！同佢嘅牛肉有肉味，唔係出面茶記用粉”la”過然後有滑嘟嘟嘅口感！同行朋友仔就覺得咸左啲！怕太重口味嘅朋友，其實可以叫分汁上架！之前有朋友推介我食蟹王麵，原來咬落去比出前一丁煙韌，有口感啲，兩蚊都值得加！加杯茶走，都茶味濃，讚！不過早餐無套餐要$43，要下晝或夜晚食感覺抵啲！

網紅熱店永順食店係一間街邊小店招牌菜就係沙嗲，正確來說係特濃沙嗲食左一次，兩日後，忍唔住encore呀！🤤沙嗲牛肉麵（可選蟹王麵 +$2 /出前一丁） $27個沙嗲係望到就覺得驚喜，點解可以咁濃？點解可以咁重口味？每一啖都充斥住沙嗲既香，嗯！好好食！絕對唔係好稀個啲普通茶記早餐feel試左真係返唔到轉頭架🤤炸豬扒 / 炸雞翼（每份 $11）兩樣都炸得好香，但比較偏好雞翼因為豬扒啲炸粉有啲厚，帶點油膩感好味指數：

今日終於黎到呢間元朗人不想告訴你的在地食堂😂😂 永順真係我食咗20年既老舖👴👵 在落係出名既大榮華後街，工廠大廈中間，唔係本地人唔會無情情經過😏兩個舖位夾埋，我諗50 60人都無問題👌可惜自從各傳媒吹奏後，星期六日晏晝例必排隊😓😓 今日襯住下午茶時間黎，人流少番啲，又開始轉涼，又黎巡下舖😁人幾多都好，永順落單唔駛搞好耐，我落完豬扒🐷旦🐣蟹王麵🦀，永遠都緊接任服務員一句"炸豬扒" 等廚房渣渣林落炸煱😁 全場炸豬扒，炸雞翼之聲起落不絕，唔駛等好耐就有得食照舊炸到金黃色既豬扒上枱，外面脆漿廿年如一日保護住中間既靚豬肉🐖，食辣既可以試下枱面兩種辣醬，豆瓣個隻可以直落麵，椒油個隻點豬扒（我話既😎）唔好忘記熱度十足既蟹王麵🦀 呢隻麵比報紙報完超出名，由於超市上架費貴，大超市係無得賣，永順用高速火頭黎煮佢，原包味粉黎整，麵質係高速煮熟下係鬆泡啲，然後吸湯既能力都高啲👍係冬天呢啲日子，熱辣辣既麵係💯 加埋杯溫度十足既熱啡，呢個就係我開工既動力🧡💙💚好多人批評佢話貴，無套餐，我由佢10零蚊一個豬扒麵食到呢家20幾30蚊，真心講水準穩定無持，豬扒脆香依舊👏👏 變既唔係永順，只係世界，又或者haters 依

成日都睇到好多Foodie講呢間 #永順食店 , 一睇竟然喺元朗，緊喺要去睇吓喺咩傢伙。 聽聞佢個 #沙嗲牛肉麵 係街知巷聞， 我病住都要去試！ 個麵一嚟到， 好香嘅沙嗲味好唔要面咁撲哂埋嚟， 一望碗野， d沙嗲汁濃過史太龍，傑過關禮傑， 果真名不虛傳， 真係好香濃。 d牛肉肉質鮮嫩， 厚切有咬口。如果真係要講不足嘅地方就可能真喺有d過鹹( 個人口味) ， 同個出前一丁煮得太軟， 冇咗口感， 但假若你喺重口味人仕， 其實如果你中意食濃味嘢， 你千其不要錯過呢碗咁邪惡嘅沙嗲牛肉麵！ 吔嗎嗲~~流口水指數：🤤🤤🤤

話説永順係元朗都幾出名，出名食沙嗲牛同炸雞亦豬扒，住係元朗既我一直都想試，但因為離屋企有段距離一直未試，老公之前食過都話好食，咁岩休息，就過去食個brunch la。。餐廳環境都係一般地踎餐記咁啦，我叫左沙嗲牛肉麵，老公叫左炸雞亦豬扒麵，佢可以加錢轉蟹皇麵既，但我地無轉因爲佢話係丁麵，個食落我覺得吾似，沙嗲牛肉，好食既，好重沙嗲味個種好濃郁，肉亦吾會係嗱到好假個啲。豬扒好正，個皮又脆又薄，雞亦都炸得好好味，不過個人認為吾算好入未，我吾知叫野飲另計無跟餐，我個碗麵加熱飲好似要成5十幾蚊，下次吾會叫野飲

係我食過最好食既沙嗲牛肉麵招牌沙嗲牛肉好濃既湯底，係好香花生醬的味，所以個湯rich到好似汁甘。牛肉係即時炒好嫩滑，最驚喜係竟然可以配蟹王麵底，媽呀，係兒時既味道。仲有試過豬扒同炸雞翼麵，生炸到好乾身，不過都keep到肉有汁，再加多個即炸西多士，完全係港式茶餐廳的代表，份量好足，價錢都係20幾30一個。仲要全日都供應，唔使擔心只係早餐先有，隨時黎食就得不過位置都幾難搵，係條暗行到，建議開住map黎搵，同都幾多人，要排隊。

聽聞呢間沙牛麵好正，聽左咁耐，作為元朗人既我都終於去左試啦😆位置唔近西鐵又唔近輕鐵咁，比較僻（可能係我渣豆）·沙嗲牛肉麵💰HKD27轉出前一丁💰+HKD8沙嗲湯底果然係好濃郁好香～正～🤤🤤沙嗲味濃但花生醬味唔多，無咁膩👍🏻👍🏻牛肉唔算多，不過醃製得好嫩滑、會唔夠喉🤭·豬扒💰HKD11/件單點小食黎講都算平，脆炸所以感覺好香口，無炸到皮肉分離👍🏻👍🏻肉質亦係少許嫩，唔係乾爭爭·其實係好食既，不過我唔知佢點計價錢🙈因為問都無問過我要咩麵，直接當左我要出前一丁😅我覺得轉丁麵加$8其實都幾貴🤭會有下次既，但⋯下次會注意⚠️😂

其實元朗真係好多好野食，食極都食唔哂咁，呢一間一直想黎試，但有時就係懶，加上佢收得比較早，一定要早啲過黎，今日終於黎朝聖沙嗲牛肉麵既老店！餐廳內外唔洗講，當然係好多人啦！以茶記黎講佢唔算大但又唔可以話佢細，佢仲有出面座位，所以其實都坐到唔少人，茶記當然係自己搵位坐，幫襯當日好FULL，好好彩地去到既時候岩岩有一枱人走！食物選擇老牌茶餐廳就係要無餐牌，自己仰高個頭望睇食咩先係架嘛～而食物選擇方面都係茶餐廳會有既款式。沙嗲牛肉麵 $27超多沙嗲汁，望到質地好濃稠，一呷湯底沙嗲味好岀，帶花生味香，味道偏重口味啲，而麵底本身已經係配岀前一丁(以前係配蟹皇麵，依家來貨貴左，要加$2先有蟹皇麵)，條條掛汁，啖啖都咁濃厚沙嗲味！牛肉都鬆軟，質素正常，但佢個湯真係冇得輸！招牌豬扒雞翼麵　$33店內另一招牌，豬扒好鬆化，但外層炸過又不失其香，雖然唔知佢有冇用好多梳打粉/生粉令佢咁鬆軟，不過我收貨既，而雞翼炸得夠哂香口，肉質就正正常常，湯底可以免費加沙嗲汁，正！呢間老牌店果然冇令我失望，因為有好多出左名既茶餐廳會每況愈下，愈做愈Hea，雖然我係第一次食呢間店，唔知佢之前係咪仲好食，但對我黎講，我覺得已經好

永順食店，通常啲人對佢嘅評價都好極端，有啲人讚到天上有地下無，有啲人踩到佢一文不值，而我自己就覺得係值得元朗人去食嘅，但就唔值得外來嘅人搭車或揸車入嚟元朗食。星期六日通常都好多人，等位都要時間，就算坐低咗嗌嘢食，因為佢個沙嗲牛肉麵係即叫即整，所以至少都要等返三個字，所以有時我會直接帶外賣分湯莊攞返屋企食。佢呢度嘅沙嗲係非常之香，個味好濃郁，唔太重口味嘅朋友可以放棄呢個選擇。佢仲可以加錢轉做蟹皇麵，同埋好多人都會嗌份豬扒同雞翼，佢嘅豬扒都炸得幾好食架。不過由於呢度所有嘢都係散叫，冇套餐，所以價錢來講係有啲貴，環境方面唔算特別棋你一般茶記嘅特色。

元朗 出名多好野食🙌🏻今次試左呢間出名食 #蟹王麵 既小店☺️平時好少可見到有得食架 點都要試試佢💁🏻‍♀️質感比出前一丁淋身 味道唔算太大分別沙嗲牛蟹王麵 加午餐肉 凍飲 $49佢既 #沙嗲湯底 係小妹食過最濃既一間💯唔係平時就咁加沙嗲醬 好似煲出黎咁架食到忍唔住飲多幾啖湯🤤豬扒雞翼 $22基本上每一台都會叫架全部都係新鮮炸起 豬扒非常鬆軟 炸粉一啲都唔厚👍🏻必點之選✅ 食完之後小妹一直念念不忘搵日又要再去食多次先😛

網上好多人都話呢一間同長洲其中一間食沙嗲牛麵係掂的。今次係我第二次幫襯佢呀!必叫的炸豬扒蟹王麵同埋沙爹牛蟹王麵都係今次必食的。等位的時候仲諗緊食炸豬扒定係沙嗲牛?最後都係揀左沙嗲牛。豬扒炸得香脆，唔會多油可能係叫咗兩碗沙爹牛的原因，一碗的牛肉好新鮮好滑，另外一碗的牛肉就好韌，全部都差唔多係根。 不過湯底都仍然係保持到好濃烈的。鮮油多有兩小片的牛油，麵包都烘得幾脆。叫咗紅豆冰，但係紅豆冰太多奶，蓋過曬紅豆的香味， 而且紅豆係腍身，唔夠爽。熱檸茶一睇個茶色就知道係靚的，入口都係滑的。

朋友入黎元朗食野，我決定帶佢食豬扒麵🤤🤤🤤🤤係x 假期未報道之前，我細細個就食佢啦😊🤦🏻‍♀️🤦🏻‍♀️🤦🏻‍♀️而家只可以平日去食😭因為星期6日會有勁長人龍😭😭😭 x 假期既威力🤦🏻‍♀️🤦🏻‍♀️🤦🏻‍♀️🤦🏻‍♀️入面既姐姐個個都勁快手！落單出菜可以話係快，狠，準😂😊 小店feel 200%♥️依然保留小時候既味道🤣🤣🤣整食緊係食蟹皇麵！🤤左邊好香麻油味😋😋😋😋右邊既沙爹多到覆蓋左個碗😋😋😋炸雞翼同炸豬扒可以話係超級無敵鬆脆！朋友話我無介紹錯🤣🤣🤣佢掛住食話下次要打底😋😋😋成為一人先$32😋😋😋😋😋