永順食店 (已結業)

元朗必食嘅沙嗲牛肉麵～慕名而來，係元朗嘅小條小巷入面，好唔起眼，但見到門口排住一條長龍就知道係呢度啦！舖頭嘅裝修好簡單，家庭式小店嘅感覺～沙嗲牛肉麵有極濃嘅沙嗲湯，醬汁充足，帶有淡淡嘅花生香。 湯底夠是哂熱，味道特出。牛肉份量多，肉質軟冧有彈性，冇乜過度嘅餣味。另外加$2配上了日本蟹王麵，原本以為同蟹王有關，但應該係唔關事😂 不過相比出前一丁，蟹王麵比較滑身，唔會太腍。生炸豬排都係另一個名物，豬排炸得鬆化，炸粉唔會太厚，食落外面香脆，入面唔會太乾！另外，仲有即炸西多士，𥚃面嘅花生醬夠多，蛋味又香，唔會太單調。送到上檯仲係熱辣辣架～