永順食店 (已結業)

突然好想食牛肉麵 印象中元朗好似有間好出名食沙嗲牛肉麵嘅地方 上網搵一搵就見到好多人推介永順 睇相加埋啲食評就決定換衫🧥出街😂去到一點左右 可能係星期日加上食飯時間 都要排一陣食入得 咁多人等應該都係質素嘅象徵🤨入到去快快手叫咗個沙嗲牛肉一丁加雞翼豬扒 估唔都份量都幾足 豬扒好大塊 睇相都見到乾身唔油膩 肉質適中 唔會話太硬咬唔開又或者太鬆好似無口感咁 講返個主角先 沙嗲湯底濃郁 淨係睇顏色未食都感覺到唔係普通加水煮出嚟嘅沙嗲 個麵吸收曬個湯 食緊每一啖都好入味 🐂🍜 真心好味

講開食炸豬扒，元朗永順食店係出名既，除此之外，佢仲有蟹王麵賣！蟹王麵呢，就細細過係媽媽口中聽過佢個名，好似係媽媽既兒時回憶黎。不過試過之後，我就覺得”ok la”🤪，始終都係鐘意出前一丁多啲。講返個炸豬扒先，豬扒啲皮係炸到脆卜卜又好香口，同時啲豬扒肉就嫩滑既。不過佢就炸到啲皮甩甩地有啲皮還皮肉還肉咁。反而我個人更喜歡炸雞翼，炸雞翼炸到又香肉又鬆化。 😋 環境方面，衛生程度有少少強差人意😥，不過啲伙計態度都幾好，搭救返啦。

之前已經嚟永順食店試過佢個超正沙嗲湯底......真係試過翻尋味！今次又係特登過嚟，想試埋佢個超特別嘅蟹王麵，據聞出面係冇乜地方有得賣架～～一嚟到5點鐘依然係爆晒人......隨便揀咗個空位坐低就揀咗個碎牛炒蛋蟹王麵！★★★★碎牛炒蛋蟹王麵 $23今次已經係好快上到，一睇就知勁濃郁嘅沙嗲湯底，令人想即刻９秒９狗衝～本身以為碎牛係有一塊塊係麵度，但原來係真係好碎好碎咁炒落個蛋入面不過唔緊要啦今次係主要試蟹王麵入到口係有淡淡嘅蟹香味，同埋質感比較滑身食落都係比較軟身淋身嘅嘅但都算彈口同出前一丁比較的話，各有各食法啦一匙裝好麵同湯擺落口簡直係高級享受，超濃超惹味　就咁飲都唔會話好咸不過三兩下就食晒lu...如果想加底就要加$8永順食店整體評分★★★★地理環境★★★偏遠位置係細街入面店面唔大有D逼，下午都非常爆滿今次坐近門口枱都執得乾淨服務★★★★★雖然係老字舖但D員工都好好招呼笑笑口，唔會臭寸，抵讚呀冇叫到野飲，都好快好主動俾咗杯暖水食物★★★★五星推薦最好食嘅特濃沙嗲！！蟹王麵就滑身D淋身D出前一丁就硬D彈牙D價格★★★合理，唔可以話好抵，但係真係好食同埋會上癮

如果唔係朋友帶我泥，好難會行到這類小街仔呢間小店雖開在馬路邊，但好受歡迎枱要開到出鋪頭外就不在話下，人龍亦不絕，無論什麼時候都總有人在外等候我地二人响出面等左約10分鐘，算快，大家都係食完即走，turnover 好高呢度個麵底本身已經係出前一丁，加$2就有其他地方少有既“蟹麵” 蟹麵我之前食過，味道偏濃，今次我就無嗌嚕～而我地今次就叫左：🐷🐔招牌豬扒雞翼出前一丁（$34）；🐮🐔沙嗲牛肉麵加雞翼（$28+$11）而家寫review 都忍唔住呑口水先講招牌豬扒雞翼，無！得！輸！ 超正超好食，炸豬扒既外皮好簿好脆好香入面肉汁豐富，一放入口就明哂點解大家排隊都要泥！雞翼個皮同樣甘正，外脆內軟，食唔停口！至於沙嗲牛肉麵，的確係喜出望外，好驚喜醬汁非常濃厚，味道豐富！真係想講句：沙嗲牛肉麵個個都識整，唔通個個都整得好食咩！我好耐都無食過甘認真製作的沙爹牛肉麵啦～😣😣下次無朋友帶，我自己一個都會泥幫襯喔！

作為一個元朗人，但係第一次試到呢間老店！皆因佢下午5點幾就關門啦好難撞到有時間>__< 仲要係偏遠工業區搵路呢！終於有機會試到第一次啦～★★★★招牌豬扒雞翼麵 $34一入口個沙嗲汁超濃超惹味～冇得頂～！心諗原來元朗仲有咁高唔偷工減料嘅茶記～炸豬排同雞翼係即叫即炸，雞翼中規中矩，豬扒抵讚，薄薄地酥炸得岩岩好，冇多餘粉漿，唔會乾身亦唔會油膩★★★淨雙腸仔雙蛋 $20呢個係FD叫嘅，味道中規中矩啦，廿蚊嚟講係唔抵★★★★西多士有水準，中間有花生醬，夠熱夠脆希望下次+$2試埋個蟹王麵～永順食店整體評分★★★★地理環境★★★偏遠位置係細街入面店面唔大有D逼，下午都非常爆滿衛生就差少少服務★★★★雖然係老字舖但D員工都好好招呼笑笑口，唔會臭寸，抵讚呀食物★★★★點解元朗有間咁好食嘅特濃沙嗲麵一直冇發掘到！價格★★★價錢尚合理，但野飲冇跟餐價要單叫，$16/$17一杯汽水就有D貴

一提起元朗就會諗起沙爹牛麵，小妹終於有機會再食，今次去到唔洗排隊🙈原來係就黎到關門時間…好彩未關沙爹牛肉麵🐮🍜上次試過要加錢轉既蟹王麵，覺得麵質較淋，不太合小妹口味，今次要返出前一丁底好了。湯底都係好濃稠，不過感覺好似比以前鹹左啲，怕重口味朋友要小心，沙爹味係有，不過太鹹有點蓋過沙爹味…可能係想大家叫飲品？暫時覺得616個沙爹湯好過佢添…HKD28炸豬扒🐷豬扒肉厚夠鬆化，乾身唔油HKD11永順食店元朗

元朗食沙嗲牛，一定有聽過永順！好似隔一排就會口痕要去食嘅早餐～星期六放假，又係一定要食個豐富嘅早餐先對得住自己，每次星期六日放假都會好認真咁諗去邊度食早餐，今日就揀咗永順～因為突然醒起自己都好耐冇食過沙嗲牛肉麵啦～今次另一半叫咗蟹黃麵，我就叫左一丁，結果比較睇吓，原來一丁比較彈牙，但唔吸汁，相反蟹黃麵就比較腍，同埋入味好多～原來加錢轉麵底真係值得的，下次都係唔食一丁了走嘅時候已經有好多人排隊，所以話，大家都喜歡星期六吃好的早餐！

好耐無食永順，事關條街真係好難泊車，同埋成日塞車，所以都好少揸車入去。今日心血來潮好想食，就即刻仆去，咁啱門口有吉位，人又唔洗等位，完美！兩個人嗌咗一份沙嗲牛一丁，沙嗲牛蟹王麵同一份油占多，油占多就唔夠多餡，包皮唔夠脆。沙嗲牛麵就例牌要等15分鐘左右，所以想速食，唔等得同無耐性嘅人就唔好考慮食永順喇！蟹王麵同出前一丁分別在於蟹王麵要加$2，麵身無咁硬，但就好索味索汁，索晒啲沙嗲汁就好好食。沙嗲牛就唔洗多介紹，食過就知係香同濃，牛肉新鮮，絕對唔係一般茶餐廳食到嘅牛肉！

其實今日係借行山之名，食好野為實既🥰行丫髻山前當然要食少少野，就係bookmark左好耐既永順，見到食評已經流晒口水🤤🤤兩個人好快搭到枱，叫左個沙嗲牛蟹王麵，其實未食過蟹王麵🤔亦唔知咩黎，不過聽講係林身啲，所以叫左試試見到個樣就興奮😆好似好濃喎真係！影左幾張相急不及待就要開餐，果然好香好濃沙嗲味，但唔辣又惹味👍🏻鍾意蟹王麵質感，比公仔麵林身但唔會一patpat😍牛肉好林，份量算多，真係同出邊茶記沙嗲牛麵唔同架！食食下就食晒🙈想黎多碗呀真係🤪男朋友叫左炸豬扒出前一丁，呢個我無試到豬扒，睇樣就幾厚身鬆軟😌出前一丁一向信心保證，唔會難食😝男朋友覺得正正常常，唔會話特別出色～間中食得heavy少少，滿足下心靈🥰

今日小妹又走左去元朗，好多人話永順沙爹蟹王麵好正！我就試下<舌尖上的`沙爹🐮🍜>〈西多土〉好有舊式風味，花生醬好厚，🐮油好多，又炸得好香口好鬼正😋😋〈鷄翼〉老實講，香茅鷄翼，香茅有香茅味，鷄翼有鷄翼味，回報完畢😓〈豬扒〉無乜特別，都係果句，同上，回報完畢！😪〈四川牛腩〉我本人就覺得唔錯喇！！係湯底差小小姐，牛腩係爽爽地嘅，味道都唔差。都可以叫黎試下！！〈沙爹🐮🦀王麵〉終於出場喇！！等多左小小時間，沙爹味好濃，事實同其他茶記係好唔一樣，麵上都餐都唔會淋曬，仲有彈牙感覺！好直得推介！星期日食係多人嘅，要排隊，大家想食要花d時間！！整體都唔錯，直得食嘅餐廳，香港大多茶記都已經變質了，懷舊感係可以令人回味，多d為下少商戶加油！！今日報告完畢

終於有空黎呢間食店食野啦！期待左好耐 上網見到好多人推介睇相都已經好吸引 未去之前已經諗定要叫咩嘢食永順食店雖然鋪面唔大 但人流好多一台走完又滿一台火腿奄列係我茶餐廳致愛之一果然冇失望 蛋香同油香👍🏿👍🏿夾埋入口已經要比高分🥳睇個湯已經感受到有幾濃味 又香！食落仲帶有花生香 忍唔住飲晒啲湯 牛肉又夠林 數量又多 抵食！👍🏿公仔麵唔會太林有咬口（雖然都系出前一丁）但岩哂我個人喜好豬扒係必食 唔會炸到好老 表面鬆脆又香 入面肉質多汁嫩身 就算充滿罪惡咁都忍唔住食晒朋友仲加埋一隻蛋真係識食住喺元朗區既我 食過呢一間之後我相信自己日後都會成日黎食$28一個沙嗲牛肉麵真係好抵食如果佢開埋夜晚我會去食當晚餐！

很多人讚永順的沙嗲牛肉麵好吃，我便慕名前來光顧好不容易才找到這茶餐廳，在內街，不容易找，好彩最終在5:05分入內，因5:30便準備收工關門😅招牌沙嗲牛肉麵(一丁)，整碗麵都鋪滿沙嗲汁，重口味的沙嗲汁，對我來說，越吃越鹹，牛肉嫩，讚👍🏼，一丁正常心想💬，如沙嗲汁調教淡一點，那就更好由於餐廳是老鋪，有點殘舊，當日地下的衛生也不理想；坐滿人時，都會擠迫下次有機會，一定品嚐招牌豬扒雞翼麵，或者會轉蟹皇麵

啱啱搬左入元朗，同親人講搬左入去，都話入面好多美食。早排聽老婆講，話永順既沙嗲牛好掂，就去試下。去到鋪頭，鋪面有點殘舊，有啲枱會開出門口，位都唔算多。當日係星期日朝早9點半，都要等翻5至10分鐘先坐得低。坐低左之後，第一時間落單，『沙嗲牛，凍奶茶』。本身仲諗緊，由細到大食咁多沙嗲牛，泥泥去去咪又係差唔多味。不過，食左第一啖，果然有驚喜，味道唔似平時食果啲，雖然唔識點形容，但的確係好味。不過，價錢就貴左少少，野飲要散叫。埋單都四十幾五十蚊。

係元朗住左咁耐，終於去試一試呢間一直以黎都好出名既沙嗲牛肉麵，佢有得俾你選擇要出前一丁或者要蟹皇麵。今次我試咗沙嗲牛肉蟹黃面。真係超級無敵勁好食！😍佢嘅沙嗲汁唔似一般茶餐廳嘅味道，而係一種非常濃既沙嗲汁。

間唔中入元朗，就會黎永順食沙爹牛肉麵，次次食完都好回味，但唯獨次次都食淨係會食沙爹牛肉麵，因為怕其他野食比唔上沙爹牛，蝕咗一個食好野嘅機會，哈哈！今次當然依舊係沙爹牛啦。佢成個汁滿蓋個碗，係未食都聞到好香！呢度嘅沙爹牛嫩肉之餘，個汁好滑，但又滑又杰。麵方面，我今次貪得意食蟹王麵。不過我個人就麻麻地蟹王麵喇，因為實在太淋，唔太岩我口味。如果鍾意食彈牙有口感嘅麵，就建議食番出前一丁喇！