永順食店 (已結業)

#招牌豬扒雞翼麵 $34麵同沙嗲牛一樣 只係冇加沙嗲豬扒同雞翼炸得好好食兩樣都好脆 而且唔會覺得好油即使嗌沙嗲牛都要加豬扒雞翼嚟試下！😍😍評分：7/10-#沙嗲牛肉麵 $28聽講依間嘅沙嗲牛咁好食作為沙嗲牛嘅愛好者一定要嚟試下啦🤣麵底係出前一丁 依到仲可以加$2要蟹王麵不過小編今次叫咗出前一丁依到值得一讚既係個麵煮得好好 好爽好彈牙👍🏻而個湯底應該係用咗出前一丁包粉再加佢地自己嘅沙嗲汁所以個湯底超濃🥰而且啲牛肉又多又嫩滑 真係好好食😆評分:8/10

黎永順食過幾次, 次次都好味, 無話求其整俾你食, 今次仲要離奇地唔使排隊.之前食招牌豬扒+沙爹牛肉麵, 佢個沙爹汁真係絕, 味道又濃又香, 其他茶餐廳真係無得比. 豬扒炸得啱啱好, 外面脆卜卜, 豬扒好冧.沙爹牛肉麵+凍檸茶今次揀左淨沙爹牛肉麵, 牛肉冧, 沙爹超濃, 仲要基本麵底已經係出前一丁, 唔係平價大光麵, 加$2可以轉蟹王麵, 超抵, 不過我都係覺得出前一丁好食D, 所以無轉.可能太多人幫襯, 所以都唔使出咩套餐, 不過佢散叫麵+飲品都係四拾零蚊, 唔算貴嘅.

這茶檔在區內已有三十多年歷史，地方雖然細小，但光顧的人整天絡繹不絕。永順食店位於朗屏站工廠區對面，本是工友們的食堂，但成為網紅食店後，每逢假期就有很多人來朝聖！沙嗲牛肉蟹王麵二十多元的沙嗲牛麵是無數人的comfort food，本已配上出前一丁，如果轉叫蟹王麵，就要另加兩元。蟹王麵其實都是即食麵，只是麵條相對幼一點，質感比較滑，飽吸了沙嗲濃湯的麵條，格外惹味。沙嗲牛麵賣相平實，但沙嗲醬份量慷慨，濃郁沙嗲食落香濃，而且帶蒜香及花生口味，牛肉薄切，咬下去軟腍，梳打粉沒有過份。另外，豬扒炸得外層鬆脆又保留到原有肉汁，肉質鬆軟可口。當然少不了一杯凍奶茶結尾，挺滑溜的，茶味亦來得恰當，如果我住在元朗的話，相信會常幫襯。

見到食評推介，今日拉住老公一齊去試沙爹牛麵：加咗兩蚊要蟹王面，果然好好味，蟹王面吸盡沙嗲湯汁，相比老公碗丁面偏淋身，合晒我口味。炸豬扒就冇咩特別，鬆軟程度幾好。另外加碼要火腿西多士，呢個超邪惡，但超好食。係嘅西多士中間， 夾左片火腿，香甜中帶點鹹香，堅得！

一大早去元朗搵朋友，順手試食沙嗲牛肉麵，網紅餐廳果然人多，平日都高朋滿座，門口泊滿車。裝修環境當然唔係重點 餐廳位置於後街，對面是工廠門口，門口有位泊車 先起飲品 凍奶茶少甜 普通啦！沙嗲牛肉麵 高質架呢個麵由3歲開始起食 ，呢度個湯底是最濃郁，倒入了大量花生醬，仲要係粗粒，食麵有花生粒咬，絕架!我buy 又唔係個個啱食。落單時阿姐會問係咪要一丁，蟹黃麵加2蚊，咁就一丁。牛肉都有5塊左右 少少靭啦！豬扒雞翅膀是加炸粉炸的，熱辣辣幾好味 茶餐廳食物黎講都算高汁，當然濃郁沙嗲湯就是大量加沙嗲醬沙茶醬花生醬，炸物勝在熱。口渴就一定架啦！食完飲下水間間茶餐廳都一樣。不用等位可以一試，要等就要3思下嘞!網紅唔代表好吃，好吃又唔紅就真係難難難搵嘞!

呢間野岩岩好係我office下面,所以周不時都食佢，店鋪細但人流多，廚房細但出菜快，有時候加點後要注意反會吾會漏單！早餐要食個蛋牛治，d牛肉鮮牛黎，調味調得好。再黎重點推介係佢個沙嗲牛肉面，沙嗲味濃，成碗都系，吾系水黎既！價錢唔過30蚊 （野飲另計）如果只系想食個麵就岩曬，加埋野飲就貴啦。

人人都話響香港做食肆好難做，人工又貴，租又貴，但偏偏又有一些食肆做咗幾十年都掂，點解呢，無他嘅，就係因為品質好，用心做，有口啤，今日同大家介紹呢間響元朗嘅店，🎈永順食店 ，就係這個例子啦。呢間店最出名嘅，有沙嗲牛麵，豬扒麵等，喜歡嘅可轉龍蝦即食麵，都有D talking point😁✨豬扒麵 ，28 元，真係名不虛傳 ，樸少少粉落炸爐逐件炸，外脆內軟，比起好多出名嘅連鎖店 ，毫不遜色， 絕對沒有油淋淋的感覺😋。 一道看似平凡的小食， 但食落完全感受到小店的專注用心製作👍👍👍店舖細細，雖然在後街，下午兩點幾鐘都坐滿人👫👫，有些更係揸車你黎食。 店員還很醒目的提醒食客，外面抄牌呀，本地情懷是也,另一種味，人情味👏👏

平日開口埋口都話要減肥，但係每逢去到放假日子，早餐午餐晚餐都想食好啲，呢個係不變嘅定律。唉，咁啱今日又放假，仲要行完山，唔係唔食呀嘛！馳名嘅沙嗲牛肉麵 $26沙嗲湯夠晒濃，唔會太甜或太咸，冇得輸！牛肉值得一讚，保留到牛肉本身嘅肉味同質感，唔似一般茶餐廳會落梳打粉去醃到又淋又淡兼無味。麵(出前一丁) 淋淋哋，但可接受。(利申：本人比較鐘意啲麵煮得生啲硬身一啲，al dente 就最好不過喇！下次再去幫襯，一定會記得講多聲要硬麵）永順西多士 $25超級邪惡！蛋香十足 加分西多中間夾咗花生醬 夠傳統 加分多牛油 加分多糖漿 加分店舖位置：之前一路嫌呢間茶餐廳唔就腳，開喺横街小巷入面，所以一直都未嚟朝聖。不過原來由元朗市嘅大馬路（大棠路輕鐵站）行入嚟大概只需要5-10min! 有揸車嘅朋友仔都可以考慮揸架車過嚟食，雖然沿住條街仔都泊咗唔少車喺度，不過啲車流動性高，好容易就有位泊。店員：友善，唔串，值得加分！

早排有朋友問我知唔知元朗有間馳名食沙嗲牛肉麵嘅舖頭有冇食過，知唔知係邊？有冇興趣一齊去？今日終於有空去探探😉位於元朗泰利街，大榮華酒樓背後條街內。大約兩點半左右到達，店內仍然好多人👨‍👨‍👦‍👦，好彩有兩個位，唔駛等👏🏻屬小店形式，只見d姐姐好忙，但忙得來都仲幾有禮貌👏🏻👏🏻🔸豬扒麵叫完需時等候，原來佢地嘅豬扒係即炸的，薄薄嘅粉槳，咬落去熱辣辣、好juicy💦🔸沙嗲牛肉出前一丁麵濃濃嘅沙嗲醬鋪係麵嘅上面，好香但不咸，沙嗲醬雖然濃但不是厚而一pat嗰種😋牛肉是用上鮮牛肉，嫰滑不嚡👍🏻小店用心經營，連飲品埋單剛好$80，抵👍🏻

元朗出名多美食大家都知，永順係其中一間經常排隊的街坊食店，位於大榮華後面，世宙隔離，店舖細細，經常坐滿人，門口亦有幾張檯，逢星期六日下午必定大排長龍，之前已經黎食過，已經覺得好好食，今日難得地唔洗等位，仲可以直入有位坐。雖然沒有套餐，但價錢一d都唔貴，店內選擇亦都唔算多，主要食麵、米線、三文治和飲品，一碗沙嗲牛肉麵都只係$28，沙嗲湯底超濃，麵底選用出前一丁，唔需要加錢，而飲品要另外叫，凍柑桔$16，柑桔味非常濃。

次次見親Facebook上面有沙爹牛麵排名榜，都會見到有元朗既永順榜上有名！今次終於都有機會可以試一試佢啦！價錢真係超抵，麵類先$20幾蚊，見到隔離檯西多士$14都好吸引沙爹牛真係超級正😍😍😍佢既湯底簡直濃稠到好似平時食串燒淋係面既醬一樣！因為濃稠，所以係超級可以掛係麵上面！本身配出前一丁，加$2可以改配蟹黃麵，男友加咗，但感覺口感分別不大，大家可以考慮下加唔加～加10幾蚊可以要多塊豬排，粉漿不厚，味道唔錯～

以前間中就會走黎食永順 但自從佢成為網紅之後 條隊霸左成條街🤦🏻‍♀️大左人支持點都好事黎去到都係叫必點嘅沙嗲牛肉蟹王麵，成碗麵滿佈沙爹醬😍最鍾意就係食落仲有炒香左嘅花生香 呢啲應該係佢地吸引人嘅獨門秘方👍🏻 而蟹王麵係比出前一下較為幼同較 呢種麵質更加吸晒啲沙嗲汁 食落更濃郁 非常建議加呢兩蚊轉蟹王麵!!!另外，炸豬排都必點嘅野食😋雖然食落 塊皮同肉會完全分離 但奈何佢塊皮夠哂香脆 又 肉又多汁夠哂淋 一齊食同分開食咁係咁好食👍🏻

今日食下午茶叫咗個西多士 ，即叫即炸， 熱辣辣脆卜卜， 中間夾有厚厚的花生醬， 即使有大量的糖漿， 仍不減花生醬的香味， 14蚊一份冇跟嘢飲品， 可謂抵到爛， 相信好多地方都做唔出呢個水準

其實住左附近都有一段時間, 咁遲先發現同去呢間店, 我係有少少覺得對唔住自己既.我食完之後就會問自己 點解我之前唔早D去?一到附近就見到店外有好多人等緊外賣, 同開左幾張細枱. 入到去店面細細坐滿曬人, 好好彩岩岩有人走所以唔使等位.坐低即叫:「兩個沙嗲牛肉麵 一個加蛋, 加2蚊轉蟹麵 茶走!!!」「一件西多 加紅豆冰!!!」D野食超快到左呢個真係....冇得輸...個湯底好濃!!!但我見好多人都加豬扒, 但應該食唔曬, 所以都係留番下次啦.佢係真係沙嗲味唔係沙茶味. 大愛 但個西多就冇咩特別, 同出面既茶記咁上下(我有一刻諗過佢係好厚果種,點知唔係.)不過個邊炸得好脆, 同真係有花生醬響入面就已經好滿足.但個紅豆冰就唔合格, D紅豆好硬同冇咩味 (唔抵唔抵)下次再去我都係食番佢個麵算!!!整體感覺都唔錯, 街邊小店黎講算乾淨, D亞姐又唔係太惡, 唔見佢地有催人落單.一番到公司已經介紹左好多同事, 佢地睇相就已經覺得個湯好味喇! 誇張

住元朗嘅朋友推介我去元朗一定要試下永順食店，話嗰到嘅沙嗲牛麵係元朗名物！好味之餘仲好抵食！講到咁一定要去試下啦！呢間嘢有2個門口入嘅，不過都要等啲阿姐安排坐位先可以入去，我三點幾去到嗰陣都有少少人龍，等咗五分鐘左右就入得，呢到唔做晚市，晏晝五點半鐘就收鋪，我估計通常兩點至三點最多人食！鋪面唔大，所以啲人都要逼逼哋咁坐埋一枱，btw如果有潔癖千期唔好嚟，因為環境都唔算好乾淨！講返嘢食先，超多沙嗲，勁濃，牛肉分量都多嘅，肉質正常偏軟身！我加冇兩蚊叫蟹黃麵，因為之前食過同出前一丁都冇乜分別，呢到叫一丁係唔使加錢嘅！