永順食店 (已結業)

間唔中入元朗，就會黎永順食沙爹牛肉麵，次次食完都好回味，但唯獨次次都食淨係會食沙爹牛肉麵，因為怕其他野食比唔上沙爹牛，蝕咗一個食好野嘅機會，哈哈！今次當然依舊係沙爹牛啦。佢成個汁滿蓋個碗，係未食都聞到好香！呢度嘅沙爹牛嫩肉之餘，個汁好滑，但又滑又杰。麵方面，我今次貪得意食蟹王麵。不過我個人就麻麻地蟹王麵喇，因為實在太淋，唔太岩我口味。如果鍾意食彈牙有口感嘅麵，就建議食番出前一丁喇！