永順食店 (已結業)

呢間餐廳最出名就係沙嗲牛肉，早兩日突燈去元朗食下午茶。入到去啲餐廳應該岩岩新裝潢無幾耐，好新好闊落。叫左碗沙嗲牛肉通粉，一上枱就聞到好香沙嗲汁，牛肉爽口，通粉唔會太淋。杯奶茶有傳統茶記味道，值得推介！！

等左一段時間，終於開返啦永順😍😍😍試下睇下會有無咩味道唔同左。照舊叫左沙嗲牛肉丁😍😍依舊都係好重味😍😍正！佢既沙嗲醬真係好強勁，勁好食☺️☺️☺️再叫左份豬扒，豬扒就好似普普通通咁！唔算太出色🙃不得不提，裝修完好坐好多😂😂😂無以前咁逼😆😆😆

基本上每次都黎食沙嗲牛肉蟹王麵但係我上次見到人地食牛腩麵好香😂搞到我心思思所天今次決定食牛腩麵可以選擇辣度 我叫左小辣🌶離遠都聞到牛腩香⭐️係上海麵 超級入味牛腩炆得好食 好林👍🏻下次都可以再食🙆🏻‍♀️另外朋友叫左炒牛魚片蟹王麵炒牛都好食 食蟹王麵記得要落辣椒油😍

沙嗲係好多人既兒時回憶早餐，但唔係間間既沙嗲汁都好食，有D好似溝左水咁好淡。。～～永順～～ 成日聽朋友講，話係元朗沙嗲之最，今日終於黎試喇！早上十點零去到，睇落一間唔起眼既裝修，但門口排曬長龍滿座既小茶記。需要搭枱，入到去緊係周圍昅下隔離枱嗌咩啦。通常都係招牌沙嗲牛肉麵居多，其次多既係豬扒～ 於是我地都係跟嗌沙嗲牛肉公仔麵配牛餐肉，豬扒+奶茶！**第一下我係唔會撈一撈先，因為要先食原汁原味。果然，名符其實，濃郁當中食到花生既味但唔會覆蓋！！好食大大塊豬扒見到個皮已經覺得佢與眾不同，有d脆脆地入面好鬆軟好好食囉！幫你切埋上碟，岩曬懶人奶茶多奶少甜，好岩我口味。會再次黎食啊！

My friends from London come here everytime they are back for holiday. They took me with them and told me it’s the best satay instant noodles in Hong Kong. Personally I don’t like Beef Satay instant noodle and never order it for breakfast as it’s often quite tasteless . But I tried it here and they sure are generous with that Satay Beef compared to other places. Staff where friendly.

無一間可以同永順媲美既沙嗲牛肉蟹王面沙嗲汁好濃又唔會太鹹一定要配埋個蟹王麵麵質同出前一丁好唔同同埋好入味一啖沙嗲牛肉汁一啖蟹王麵牛肉仲唔小 我會再加午餐肉再飲返杯凍奶茶 簡直人生一大樂事

路過幾次都唔少人排隊，所以搬入元朗咁多年都冇食過。難得今日星期日都可以十二點前行到門口兼冇人排隊終於可以試一試了，好好彩等左幾分鐘就有得坐低！個餐牌價錢真係好吸引人，好多人都會黎食蟹王麵，但其實佢麵底本身都會用出前一丁麵，其實都好唔錯。平平地一個豬扒米線都係$21，其實都幾抵，但冇跟餐配飲品既選擇，例如凍檸茶要加多$16，拉上補下啦最後揀左火腿西多同豬扒沙牛麵西多最正、熱辣辣，牛油糖漿比得一啲都唔小氣，睇相就知有幾肥沙牛麵好多沙嗲，味道其實我又覺得同平時茶記差不多，可惜豬扒凍左啲，唔係真係抵食下次可以再黎食下西多！

So. Good. The peanut on the satay beef had surprisingly very generous portion than I expected and needless to say I am glad I came all the way to Yuen Long for this! Super raw and good nutty taste, plus the hk French toast was so good - unhealthy yes but so good...I arrived around 11:30am and there was a short queue; no queue if you’re okay with sitting outdoors. This was completely fine with me since there was plenty of breeze!

有一次有位朋友同我講安寧路附近有一間食豬扒麵幾好食，於是我哋就去咗喇試下佢有幾好食先去到門口去有兩間連住的舖頭，都幾多人 應該係做街坊生意， 等咗幾個位就到我哋了， 一坐低就叫咗個炸豬扒蟹王麵 加沙嗲汁， 因為從來冇食過蟹王麵想試下，結果 個人認為其實同出前一丁差唔多，口感煙韌啲啲， 個豬扒都炸得唔錯， 整體嚟講如果住喺附近間唔中係可以落去食下的， 如果住得遠就唔會專登去食喇， 有街坊的味道

網上介紹左多間沙嗲牛肉麵🍜住係元朗既我決定同埋朋友一齊去試下元朗名物永順！碗面黎到既時候係完全俾沙嗲汁覆蓋左😍牛肉份量都幾多，肉質唔會太硬！好香花生味好濃郁！蟹王麵索哂D味好正👍🏼豬排香脆軟熟！推介食蟹王麵比起出前一丁更索汁😋

永順的沙爹牛肉麵是全港最好的。店採用全開放式設計。星期日中午十二時來到也要輪候，幸好只是等了五分鐘左右便可入座。這家近來大熱，還是大本型店最方便泊車，所以選了這家。奶茶不過不失，夠滑但茶味不濃。可以理解它瞬間走紅的原因，不過除了滑蛋外，其他東西都要做出特色，才可獨當一面。通粉配炒蛋及一片麥包吐司。吐司則不太脆另一份是豬潤雞湯通粉。餐單說用的是鮮雞湯，不太相信湯加了薑汁，另有薑絲，大概是用來辟去豬潤的味道。此通粉只是普通而已，可能說得太誇張，出來的效果比不上預期。等了好一會才有得吃。沙爹牛麵加豬排上桌，一看樣子已知對辦，沙爹醬要混在湯內仍然濃稠才算出色。沙爹帶花生香味，濃郁厚身；牛肉醃得略為過火，雖腍但欠肉味整體來說非常高質，與樂園各有千秋。 果然是有水平的茶記，來這邊的話值得順便一試。

作為元朗人，一直都冇食過咁出名既永順食店。今個禮拜就帶埋朋友入元朗一齊試下。星期日中午1:30左右去到，仲有唔少人等緊位，不過等左十幾分鐘就有得入，都算快既不過落單果陣，姐姐同我地講要等耐d先有得食，果然，半個鐘先黎到首先係沙爹牛麵，呢度既沙爹牛真係勁勁勁勁濃郁，仲有好多花生粒，同出面d沙爹牛兩個味道。加2蚊轉左蟹黃麵，好吸味好食。不過d牛肉麵雖然入味，但覺得有少少鹼水味，我唔多欣賞另外招牌豬扒雞翼出前一丁麵比較普通，雞翼有d dry，豬扒好脆但唔算juicy...個湯底就係出前一丁麻油味個款..不是太推薦紅豆冰同奶茶檸茶一樣都係16蚊，幾好飲

啲人話食沙嗲牛一定要去永順 男朋友之前食過都話唔錯 今日就帶我去食啦🙆‍♂️沙嗲牛肉蟹黃麵 $28沙嗲味真係好濃郁 好惹味💁‍♀️💁‍♀️ 仲有種特別嘅香辣粉添 令我追住飲左幾啖 haha🤣🤣 不過蟹黃麵就煮得淋咗啲 下次都係揀返出前一丁正啲 仲慳$2添🤷‍♀️奶醬多 $10烘起熱辣辣食超脆 奶醬多到瀉出嚟💁‍♂️💁‍♂️💁‍♀️生炸雞翼 $22有四隻 味道正常啦 唔會話好重雪藏味 唔會唔好食😂😂💁‍♂️💁‍♂️

好耐之前見過有報導介紹香港唔同地方既沙嗲牛麵, 抱住試下既心態就走左去排隊啦.  排左20分鐘左右就有得食啦. 餐廳平時既沙嗲牛麵係跟出前一丁既, 見佢有推介蟹皇麵, 自己從來冇食過. 所以加$3轉左麵,一坐低就聞倒隔離好香, 好想野食快D黎. 黎到面前再聞一聞個沙嗲味, 嘩! 簡直香到不我了.  個汁望落杰杰地好濃郁. 食落... . 從來未食過咁濃既沙嗲牛架~ ichiban眼見同枱其他食客都有嗌炸豬扒, 炸到金黃鬆脆, 但自己冇本事食得落啦. 唯有下次啦

呢個沙嗲牛肉麵係之前睇到個youtuber介紹而好想好想去試🤩今日放假二人行終於去咗食，地方小小，舊式茶記間隔。聽人講要排隊先食到，今日去到好好彩即刻有位。而呢間店出名沙嗲牛肉麵、豬扒雞翼麵同埋火腿西多士。我地點左一個沙嗲牛肉雞翼出前一丁、同埋沙嗲牛肉豬扒蟹王麵。呢間野本身沙嗲牛肉既麵底係出前一丁，沙嗲牛肉超級入味，成碗麵都係滿滿既沙嗲汁！雞翼方面煎得金黃色！賣相已經好吸引！呢一碗麵食落口每一啖都係沙嗲味，好濃郁，令到碗麵有小小偏咸，沙嗲牛肉方面可能煮得耐左，有小小韌。雞翼非常出色，好香口，好好味😋至於呢碗沙嗲牛肉豬扒麵，我轉左蟹王麵、呢隻麵比較吸湯，食落更濃味，比較林身。佢既豬扒一流！夠大塊又厚肉！下次有機會會過來試下佢既西多！！