永年士多 (寶城洋樓)

营业中

休息中

見咁多好評, 兩週前去試左永年 (排成十幾分鐘!), 食物質數如下..1. 豬腸 - 有咬口, 夠入味, good2. 豬皮, 豬红 - 普通野, 冇特別....3. 籮白 - 差! 明顯用糖水煨過, 唔係本身甜味, 唔知點解咁多人話未食過咁清甜既籮白..4. 牛筋 - 夠冧, 有鹵水香, 但唔太咸, good5. 辣汁 - 死辣唔香, 唔復雜, 咖喱唔似咖喱...總括只算ok, 但價錢實在平. 此外, 發現啊姐抹枱時會收集d碗...唔通返用???

近來待業,最好去食下返工時冇時間去食既野,永年車仔面,我細細個就間中去下,今日再去,發覺店舖衛生左,出面時快捷妥當,啱晒香港人.食左粗面,雞翼,蘿蔔,大腸和菜心,加辣汁,雞翼,蘿蔔,大腸都入味,保持十幾廿十年前車仔面既味道,$25飽吐,經濟實惠,其實以前車仔面都有一定水準,不過近年來所謂車仔面已走晒樣,保持到既當然好評如潮啦

小學有段時間因家事,在元朗大堂跟公公度住...住左三年,中學搬返出去...小學讀半晝,夏天下午去游水,游完就黎呢度食車仔面..佢既辣汁,吸引程度,無用置疑...十多年前已常常大排長龍,要堂食要外賣也要等...搬返出市區後,我每隔一段日子便入去食,老闆知我大老遠去幫襯,總是加多幾粒魚旦∕∕冬菇∕∕雞奕給我...我推介永年的豬腸----依家唔係有太多賣新鮮豬腸,我中意新鮮豬腸的持有羶味..新鮮豬腸要'啤'水、要洗屎、過程繁複又花時間,利潤又不是十分高,所以很少很少車仔麵店賣新鮮豬腸了...深水捗有一檔車仔面也是賣新鮮豬腸,吃不到永年時,我也會跑去那間慰下寂聊!!!無敵辣汁-----好好味,但小心辣到胃痛,但食永年冇左辣汁等於魚蛋粉冇辣椒油近呢十幾年,永年有不少變化...好像租埋隔離舖比食客堂食,亦由以前朔膠碗,變成即用即棄的發泡膠碗,免卻洗碗之憂..唯一冇變係永遠有人龍,個個心甘情願等

今日又辣癮起～即刻去永年吃翻碗車仔麵先！！先講我食左D乜：雞翼：好入味、必食。蘿白：清甜又無渣、必食兼最愛～魷魚：爽ロ又好嚼。最後、加埋辣汁、是最好味及靈魂所在。真係食到辣死到抵～若吾怕排隊同熱、ー試無訪！

永年呢間車仔面店...係我食過中最好食!以前日日都見到好多人排隊,所以冇機會食!直至我朋友帶7去食既時候...我覺得真係好好好正~我覺得永年車仔面適合d鍾意食辣既人~更加適合d唔鍾意食辣既人~我係一個好鍾意狂食辣既人...!但我有幾次帶d唔食得辣既fd去食~我叫佢一定要試下呢種辣...因為好special好好食!雖然佢地食到滿身大汁...但仍然享受個種味道!送又多面又多...自選送都係5蚊樣~好底....我都算係一個大食既女仔...我每次食$20到就好飽!我suggest一定要試下d冬菇,,,平時對冬菇冇咩好感...但你食完d辣汁冬菇會好正!...好enjoy..唔貴!又底食...仲勁好味...~best choice of lunch.

這間食店很多人排隊.這次我等了二十分鍾叫了4個菜...腸仔.魚蛋好普通.但分量俾其他車仔麫店多最好食係雞翼.個汁入味.....而都是貴架貨豬腸都十分乾淨.....是最重要..而食得辣的,個辣汁好好食食完覺得好飽都係26元...服務就一般啦,有個姐姐問人食乜...好惡....

時間過得好快，18的蜜月之旅就此結束，同老公要返香港啦~　我當然超不捨得歐洲的藍天白雲、乾爽天氣，但老公就好慶幸返到香港，因為旅途中他已超掛念香港各式美食，其中又以永年的車仔麵期盼最殷，所以回港翌日旋即重溫。老公早已是永年常客，每個月至少要吃上三數次，我也慢慢習慣了其風月不改的長人龍，以及簡陃無比的用餐區；其實今年永年已買下鄰近舖位，等位情況已有改善已經好好啦!　　講回食物，老公對人對食物都十分忠誠，以下餸幾次是每次例點：豬腸-看色澤就知滷得入味可口，每次都吃到老公一臉滿足，不過始終引不到不吃豬腸的我。雞翼-鮮嫩的雞翼又是滷得相當入味，色香味俱全，這味我也愛極了，推介!通菜-其實每碗麵總會加送幾條菜，但我與老公都會另外再點通菜，既因實在清爽無渣，沾上永年鮮香的湯底與辣汁，真是非常美味!蘿蔔-絕對是我所吃過最清甜的蘿蔔，又是無渣接近入口即融程度，很值得一吃。　　相當偶爾一次，我們也會點回鍋肉、腐皮、魚蛋等其他車仔餸，普遍也有不錯的水準，連腸粉也做得好吃。強勁的人氣下，價格也沒有增加多少，還是$20一碗3餸麵，也難怪老公的忠心，以及店外長長的人龍，會是歷年不變!

二十多前在永年對面返學, 一直由街邊車仔檔豬腸粉到後來入鋪食車仔面, 我都好耐無幫趁, 因為經常太多人排隊. 尤其大熱天時, 見到條人龍都打消念頭去第二間. 但今次可能早到, 無咁多人. 所以決定緬懷舊日情懷. 講番食物, 無點變, 都係同以前差不多. 叫左蘿白, 魚旦, 紅腸油面. 但味精都好多. 蘿白唔夠腍, 魚旦都算彈牙, 油面味道就比咖哩汁蓋晒. 我估大多數人都係為左咖哩汁而黎, 但可能味精關係, 食完好口乾, 即刻要買野飲. 服務態度都係一樣, 無表情, 唔小心講錯野就比阿姐窒下咁囉. 環境好過以前, 最少有位坐, 有瓦遮頭咁 傍邊間棺材舖仲係十年無變,屹立不倒 相信好少食店開響棺材舖傍邊, 都係一大特色. 雖然隔離有咪表位同停車場, 但提議大家唔好開車黎, 因為經常無位. 我有時谂去得永年食, 三份一係熟客, 三份一係想試下, 最後三份一係情意結. 但最感到安慰的是以前的老闆娘, 由一檔車仔檔開始做到而家, 終於可以抖下. 但好記得佢經常掛晌口邊果句: 細佬, 你要嘜野?

同朋友仔入南生圍影相，晏晝就係元朗食吧。早就聽聞永年好食，可惜佢只做午市，一直苦無機會。十二點左右到達，門前已有十多人排隊。豬腸、豬紅、魚蛋、油麵、少辣雞翼、芝心丸、魷魚、油麵、少辣其實，無論係湯底，還是麵以至配料都屬一般質素，只有辣汁才是精華。每個人都是邊吃邊拿著紙巾抺汗抹鼻呢。另外，可能太多人幫襯，服務不太好。以為個個都係熟客，熟悉佢既流程，少少野就黑口黑面，仲要俾說話人聽。縱使辣汁好味都一樣會趕客呀!

永年的最吸引的餸就是豬腸,芝心丸及蟹籽包. 他的lam汁有它的精華在所如可以喜歡辣的人不防試中辣, 我只可以嚐到小辣已是我是極限了 ,.它的辣會令你不斷一口一口連湯喝下去最不喜歡的一點就是, 為何永年只開中午時間呢

永年0既車仔麵真係與別不同~ 只要試咗第一次，佢就會令你上癮，成日心思思~尋日同男友再0黎，辣汁依然勁惹味，正!仲有就係永年擴充咗~租埋隔離鋪，堂食座位多咗~搵位易咗~今次我食米粉+豬皮+魷魚+蘿白+少辣~男友食油麵+魚旦+豬腸+雲吞+中辣~每碗仲自動搭幾條菜~二人合共和$40~ 超值超值~

最近迷上了這車仔麫小店, 即使要在烈日下排隊半小時, 有冷氣等於無的環境下吃也在所不惜~每次皆點車仔麪個friend---油麪做膽, 搭檔為豬紅/豬腸/蘿蔔/魚餃/貢丸/多豬腸汁/少辣/1匙甜醬.豬紅: 夠爽夠滑夠入味豬腸: 少肥不靭又入味蘿蔔: 清甜無渣魚餃: 個子小小, 四海來貨, 水準保證貢丸: 大路貨色, 純個人偏好不能吃辣如我都忍不住來點辣汁, 只因將之加入後著實讓食味好上107倍!!! 哪管被這少東東辣得汗水鼻水眼水直留, 食材連湯均一併吃盡 (聞說蔡生光臨時吞下2碗辣汁也面不改容, 結論有二: 1/ 蔡生天生異品, 厲害! 2/ 以小店外買辣汁需付上$20, 蔡生今尚回本有凸, 店家就當宣傳費吧~).這碗一吃上癮的車仔麪, 就讓她做我食評的序幕!

This shop opened for long long time, in the old days, they sold food on the street only and then they opened this shop for years already! The noodles and food are so delicious especially the curry soup but if you can't eat spicy, better not to have it since it is super spicy. I eat this since I was a little girl so highly recommended!!!

媽媽不停話有間車仔麵好好食，問我食唔食，但食完豬扒後一直好飽，所以都唔係特別有興趣。去到個舖頭見到原來係一間士多，D麵又係用膠碗裝既，就更加對佢冇咩期望...大錯特錯! 其實佢D料唔算好好食，都佢既秘密武器係佢個...湯底!叫左豆卜、大腸、魚皮餃同豬皮加車仔麵的最好朋友--油麵，每樣份量都唔少的，$20抵到爛。先講個湯底，非常之清甜而我又感覺到有咩味精（有都係好少），如果唔係加左辣醬我諗我會飲晒成碗。豆卜索晒個湯當然非常美味。豬皮好出色，爽得來又係好索味，正。魚皮餃只屬一般，而大腸冇異味幾好食。個辣醬，如大家咁講，真係好辣，而且有少少麻辣個隻，愈食愈辣，搞到最後好快飲晒成枝野飲......好好食的車仔麵...媽媽話從未見過佢冇人排隊買...

呢間野次次都大排長龍...好難得先搵到位GA叫左米粉+雞翼+芝士腸+蘿蔔真係好正....由其係個辣汁!!簡直係一流. 不過真係勁辣 但又好好味....>3<""haha!!!!好多人排隊 一睇就知係好野啦^.<