永年士多 (寶城洋樓)

营业中

休息中

This shop opened for long long time, in the old days, they sold food on the street only and then they opened this shop for years already! The noodles and food are so delicious especially the curry soup but if you can't eat spicy, better not to have it since it is super spicy. I eat this since I was a little girl so highly recommended!!!

媽媽不停話有間車仔麵好好食，問我食唔食，但食完豬扒後一直好飽，所以都唔係特別有興趣。去到個舖頭見到原來係一間士多，D麵又係用膠碗裝既，就更加對佢冇咩期望...大錯特錯! 其實佢D料唔算好好食，都佢既秘密武器係佢個...湯底!叫左豆卜、大腸、魚皮餃同豬皮加車仔麵的最好朋友--油麵，每樣份量都唔少的，$20抵到爛。先講個湯底，非常之清甜而我又感覺到有咩味精（有都係好少），如果唔係加左辣醬我諗我會飲晒成碗。豆卜索晒個湯當然非常美味。豬皮好出色，爽得來又係好索味，正。魚皮餃只屬一般，而大腸冇異味幾好食。個辣醬，如大家咁講，真係好辣，而且有少少麻辣個隻，愈食愈辣，搞到最後好快飲晒成枝野飲......好好食的車仔麵...媽媽話從未見過佢冇人排隊買...

呢間野次次都大排長龍...好難得先搵到位GA叫左米粉+雞翼+芝士腸+蘿蔔真係好正....由其係個辣汁!!簡直係一流. 不過真係勁辣 但又好好味....>3<""haha!!!!好多人排隊 一睇就知係好野啦^.<

真係好食?or情意結?我真係唔知. 食得辣既一定要試辣汁真係一絕推介:豬腸,五香雞翼五香雞翼，好入味豬腸，好"淋so 一定要試唔係元朗人都一定要試

細個既時候已經食過永年既腸粉架啦，果時都覺得好好味。事隔十幾年心血來潮帶埋老公去食佢既車仔麵。真係回味無窮魚蛋係豉油魚蛋，細細粒咬落有少少咸香，幾好味！五香雞翼，好入味咸味同甜味剛剛好，正！豬腸，好"淋"好入味，必食！嗜辣者必試的，就係佢地個辣汁，加少少都好辣不過真係好香，好野味三個餸加埋個麵，食到飽到上心口先$20抵！可謂海嘯醫肚之選

永年係我食左咁多間車仔麵之中最好食既一間..間唔中都黎幫襯...中午時份一定要排隊,因為隔離學校既學生都會黎呢度食!講講我既至愛既餸:蘿蔔:好甜,無根,正翼尖:勁入味,係我食過最好食既翼尖,份量非常多,愛翼尖者必定不可錯過魚旦:係細粒既魚旦,口感好好豬腸仲有不可錯過既係辣汁,喊小辣已經好勁,辣得好過癮,令到碗麵錦上添花好多人話呢d唔衛生,但我覺得食到好味野既話,呢d算小事啦..而且我都接受到人地話呢d重味精...仲有呢度3餸(唔計雞翼)都係$15左右,又抵又好味!注意:呢度收7點左右,搶手餸有時好早就賣曬...

永年出左名多人 老闆以前態度都吾係太好但係呢排去 老闆明顯地比以前友善左排左成15分鐘 終於買到野食喇豬腸 好夠味好好食 去永年食豬腸真係必點豬紅 上次友人食完話有天拿水味 但我就食吾出喇雞翼 入味 就算浸左係d湯度好耐都好好食蘿蔔 出名甜 但我就吾欣賞喇 因為真係過份地甜曾經友人都發現碗內有菜蟲 衛生都係有待改善係就係多人 不過排隊都係值得嫁

身為元朗人....呢間野可以話來元朗必食!推介:豬腸, 好乾淨, 真係好好味...蘿蔔, 好清甜, 好稔...雞翼, '老' 水汁好入味...次次都叫油面加大辣, 辣汁同d '送' 好夾!!辣得好過癮!!!不過服務, 環境就好差....同埋如果唔係食開...真係唔知呢到點計價錢的...

我叫既餸真係頹到震：魚旦，白蘿蔔，香腸，配米粉知佢出左名辣，只係要左一小殼辣油撈好個湯之後，試飲一淡湯，點知辣得好緊要，好在有可樂我唔係好食得辣，所以食米粉時就唯有唔飲d湯…不過真係好香，個辣油令個咁頹既車仔麵變得好有性格！

同女友一齊, 下午 1:00 左右到, 好多人.......泊好車, 等咗差唔多十五分鐘先叫到我叫咗: 幼麵, 豬紅, 豬腸, 蘿蔔, 魚蛋, 牛筋, 魚皮餃, 小辣, 可樂女友叫咗: 米粉, 紫菜, 豬紅, 豆卜, 蘿蔔, 牛肚, 多辣, 可樂豬腸, 豬紅真係好好味牛筋第一次試, 夠入味魚皮餃都好 good蘿蔔今日"硬" 咗少少, 可能人多, 煮得唔夠耐女友都話成碗車仔麵都好咪, 尤其辣得好過癮!!!我叫小辣都食到成身汗......................兩個人食咗 $67, 抵不過, 要預咗等耐啲..........

搵左好耐既永年鋪位,今日終於俾我搵到...為既...係睇完呢度既食評,個個都大讚好食,所以先用心去搵,搵到就食預左會好多人排隊,所以排左幾個字先到我同BF叫左~~~ 魷魚,豬腸,豬皮,牛肚,牛筋+米粉+少辣果然~~辣汁幾特別,亦夠辣 ~~豬皮,都入味,爽口 ~~豬腸,ok啦 ~~牛肚,牛筋,不過不失食完後,我同男友既感覺一致~~唔差,但冇咩特別,只係個辣汁特別冇咩野既,我諗都唔會再去食,因為一黎要排好耐隊,二黎對我黎講唔大吸引了...

唔講太多, 一定要食既係豬腸, 辣汁真係一絕, 食得辣既一定要試, 個人覺得最正既combination: 豬腸, 豬紅, 尤魚, 油麵+ 1.5 殼辣汁, 食lunch既話記得中午12點左右好去到喇, 唔係條隊長到呀媽都唔認得~~~~~

住元朗既朋友成日話無食過永年, 就唔好話俾人知住元朗咁岩行過, 就即管埋去望一望都見到有條人龍排緊隊食既地方又好似好迫夾咁 都係買返屋企慢慢食好過喇揀餸要好快先得 個大嬸把口雖然都未催要快d叫左豬紅 蘿白 魚蛋 米炒 小辣之後同9秒9既速度飛返屋企費事d米粉發到林哂豬紅同魚蛋都幾夠味蘿白都幾甜 (我唔識分係咪浸左糖水, 好食就得喇)米粉唔會話一夾就散哂 都幾有咬口仲送左幾條生菜你食添以車仔麵黎講, 3餸$15, 外賣加$1算抵食啦p.s. 加左辣好味好多架 小辣都好勁喇食完出哂汗....

我一向很少入元朗因為覺得好遠,亦唔覺有咩行街地方,只是知道入元朗食壽司好抵,今日與家人突然興起諗住入元朗走走,點知俾我地搵到間好正的車仔麵,事緣我地見到前面好多人排隊,起碼20個以上,本着香港人八卦的心態梗係上前望清楚做咩事啦,原來d人係買車仔麵,我心諗有冇咁多人呀,但跟住就索到陣好香的味道,基於羊羣心理兼被那陣香味吸引,大家都不自覺乖乖排隊,我係門口諗住睇下貴唔貴,但好奇怪周圍都搵唔到價錢,咁諗住冇所謂啦一次半次豪俾佢,等了大約半個鐘終於俾我地買了三碗車仔麵,分別是:豬腸,豬紅,蘿白,米粉, 95分 (豬紅感覺普通)豬腸,豬紅,蘿白,韮菜餃米粉 90分 (豬紅感覺普通,韮菜餃很容易散開,但味道ok)雞翼,豬腸.豬皮,牛肚,魚旦(加辣汁) 100分 (樣樣餸都好入味,尢其是個辣汁真係好得,記住食得辣先好叫,因為都幾辣)三碗加埋都是$60 好抵啊,d餸真是很美味,尢其是豬腸(完全冇異味唔肥兼味道非常好)豬皮(好爽),簡直冇得彈,我會俾滿分,而且每碗車仔麵佢都會俾d菜,真係好難得,我覺得呢度d車仔麵仲好食過銅鑼灣好出名的榮記唯一要彈的是佢地好唔環保,就算堂食都係用發泡膠碗木筷及地方小環境麻

之前都聽過老公講永年車仔面好食...但去到成日都有條人龍,所以一直都冇機會試下...但今次就算有條小人龍我地都決定排隊試下先...排左大約半個鐘左右喇...終於輪到我喇...老公就負責搵位,我就負責買...(如果唔搵定位真係分分鐘冇位架)我要左豬紅,冬菇,雞翼,豆腐卜油面...而老公就要左豬腸,菜,魷魚,豬皮米粉...2碗都要左少辣...味道真係唔錯...特別係豬紅..我覺得幾好食架...仲有就係雞翼...而個辣汁都好惹味...如果食得辣既人一定要試下...