永年士多 (寶城洋樓)

营业中

休息中

朋友C介紹話永年車仔麵好好味, 但一直都未有機會, 因為老公唔鍾意麵食, 更加討厭排長龍, 不過今次係一個補償, 千載難逢嘅機會, 為咗呢碗麵, 企係街排咗大半個鐘, 老公熱到出晒汗都無半句怨言, 真係抵錫我叫咗個米粉麵底, 豬腸, 魚蛋, 雞翼, 蘿白, 加少少辣汁, 外賣$21雖然碗麵外貌平庸, 但食落真係幾好味, 辣汁係加唔少分, 而且每款車仔餸都做得好好, 食得出小店係有用心地烹調, 所以話對於相同嘅食材, 有無用心去煮係差別很大永年店舖簡陋, 但每天人龍駱驛不絕, 自有其小店成功嘅道理.........個人而言, 都幾欣賞此種比較有Heart嘅小店, 即使對於平價的食材, 亦能烹調出美味的食物來 唔錯唔錯不過好味還好味, 但食完係會好口渴架

我係車仔麵迷但唔食牛肉的我卻一定錯過了很多美味的牛腩汁LUNCH專程搭兩個輕鐵站過來排隊買外賣，全程用了40分鐘腸仔、魚旦、豬紅、雞翼果然每樣送也十分入味~~~很滿足，覺得40分鐘也值得湯底甜，有豬腸汁,加了少少辣汁~~最後湯也全喝掉！4個送外賣只是$21~~~真係平靚正

The taste of its soup is marvelous!Although it makes u feel really thirsty after finishing your meal, it is a must to try it if you like 'che zai' noodle.Another important thing is that the spicy favor of it is very spicybetter require 'little spicy' for most of the people.

最哀當日唔係好肚餓食完又要返屋企食飯所以不能嘗試太多款離遠望都有4個人排隊等既時候都心大心細食咩好,要邊一款餸好呢? 最終都係.........豬腸+蘿白+豬紅+米粉(少辣)3餸1麵=$15(附送通菜) 坐底之後,影番張相先 開動喇..............將d辣汁攪拌一下,全碗麵已經充滿了辣味這種辣味真係好吸引,夠香夠辣豬紅都好好味,又大舊豬腸仲好味,係超入味........正正正蘿白好清甜(會唔會係自己種呢?) 每一個車仔餸我都好喜歡,合晒我口味下次我一定要試多d餸

上個星期 , 睇下 openrice 係元朗有乜好野食 , search 到黎間 "永年士多" , 係食車仔麵 , 當然要去試下啦睇過之前d 食家評語 , 話好多人排隊 , 我都有心理準備 . 太約下午3點 , 見到個門口 , WAWA , 咁多人既 , 起碼要排4個字先有得食 ....我同老婆兵分2路 , 一個找位 , 一個排隊 . 點知老婆唔使3分鐘就找到位 , 原來好多人係買外買呀 ~~叫左2碗野食 , 豬紅 , 豬腸 , 魚蛋 , 牛腩 , 雞翼 , 蘿白 , 1碗唔辣 , 1碗1匙辣 . 心想"譚仔米線小辣都唔怕 , 1匙辣冇死啦" 點知 ........... 我食到1半 , 要老婆碗湯沖淡先食到 , 我好耐未食過咁辣啦 , 真係正 !!!!請返食物 , 全部 ok , 用價錢來比係超值添 .各位食得辣既 , 不妨一試

由於四年前，我結識左我男朋友關係。當時踏足元朗...佢帶我去食永年車仔面...一試難忘由於我鐘意食辣，所以佢個辣汁係令我覺得最不得了既...仲有佢既豬腸...所以上星期六又去食...12點已經有好長人係度排隊等左四個字先有得食今次叫左豬腸，蘿蔔，魚皮餃，豬紅，雞亦...真係好食到不得了........記得啦，如果兩個人去要堂食。一定要一個等位，一個排隊呀...因為真係幾時都甘FULL架...

女友嘅朋友介紹下, 專程到元朗行一轉..... 為嘅就係車仔麵.冷清嘅小巷中突見人龍, 足見呢間"小士多"嘅威力.我叫咗雞翼, 豬紅, 豬腸米粉 (小辣)GF就叫咗牛柏頁, 尤魚, 冬菇米粉 (小辣)仲加咗罐可樂, 都只係四十幾蚊, 十分抵.....D餸好新鮮, 而重點係喺個辣汁到, 好好味呀, 但係小辣對於我都算幾辣, 加上炎炎夏日, 食到滿頭大汗.......食過最好味嘅車仔麵, 值得一提嘅係剪餸個哥哥, 好有心機咁夾好D米粉, 又將D餸排到靚靚咁, 食都食得開心D.但係女友唯一嘅批評就係佢用發泡膠碗, 好唔還保呀......**** 值得推介....

要講懷念, 因為我已經搬咗屋, 搬離開元朗, 就連所有懷念既元朗食店都漸漸遠離.我諗如果講第一次去食永年, 嗯...大約係我讀緊小學, 當時只係食腸粉, 可以話係由細食到大, 小店老闆同老闆娘佢地個樣雖然兇神惡殺,不過其實好好人,細個帶唔夠錢, 佢地會話你下次比返啦!人情味加晒分.講返食物, 我會推介好干淨既豬腸,勁甜蘿蔔, 好入味既豬紅, 陳皮魚蛋, 大大隻雞翼(鹵水), 魷魚...好多, 講到尾樣樣都好食, 不過佢個秘訣就一定要落十個勁既辣汁, 唔食辣都落少少釣味, 會生色不少,但係如果你自問好食得辣, 想挑戰佢既辣度, 咁我建議你可以由少試起, 真係好鬼辣, 食到流晒汗. 如果你真係辣到食唔到既話, 咁...可以由佢加湯中和返, 繼續食... 不過我多數星期日去, 排隊會排到痴線, 但都值得.

會上隱的車仔麵, 樣樣送都超入味。我好為食. 好易對同一種食物生厭,但呢度既車仔麵係一星期最少食一次, 而耐唔食一定會心癢.....豬腸雞翼蘿白豬紅係必點! 油麵最正, 其次粗面, 我介意地方屈質, 所以通常外賣。個度d人好似寸寸共, 有時真係幾討厭, 不過同佢地熟左又ok既. 一時時啦, 鬼叫佢整得好. 而家物價高漲, 都冇加價, 算幾好。

我都係住元朗...真係由細食到大! 食南仔麵最重要係多(食送)揀..呢度就非常之多選擇...而每一款都唔錯..唔會好似其他的,魚蛋可能滾到淋晒..豬皮又爛晒...最喜歡就係d咖哩!個人非常喜歡食辣! 呢度就完全滿足到我!淨(食送)走湯...4"學"咖哩...正!! (不過次次叫佢比4"學"我佢都唔肯..比住2"學"先唔夠再返去拎

聞名己夠永年辣汁車仔麵近期開始留意佢行過佢店鋪幾乎次次都有人龍身為元朗人點都要試下今次又係坐滿人但唔洗排隊豬腸+豬紅+牛肚+油麵+一殼辣汁$15門面冇任何價錢可供計算問佢都只回覆款款不同的"你要咩呀?"你要食乜佢就比錢就要攞碗麵時才講真係可以任佢開價對我呢啲消費者來講唔係好慣冇安全感今次收$15 比想像中OK成碗麵唔係辣汁關係, 都唔洗刻意光顧,冇辣汁係一碗普通到不得了又淡的車仔麵~辣汁另到我鼻水都出,咁多人喜愛永年,我相信佢地唔係愛上冇香味得辣,而係喜愛辣到流鼻水的過程!

日期：二零零八年四月六日時間：晚上七時地點：元朗永年士多人物：我、兩位女姐姐及兩位姐夫食物：魷魚、豆腐卜、魚蛋、粗麵車仔麵是香港七八十年代的產物，於小販的車仔中售賣，不同的食物種類基本分開放置，然而，因車仔格數不多，不少相類似的食材如豬皮、魷魚和蘿蔔，或牛腩、豬耳和冬菇則置於同一小格中，因此食味互相混和，風味獨特，而食材亦可能經長時間的浸煮，特別入味。七八十年代的香港，不少貧苦大眾喜歡光顧街頭巷尾的小販檔，來一碗甜湯或吃一顆咸肉糉，以解長夜之孤寂，而車仔麵亦是熱門之選，在寒天之下，來一碗熱騰騰的麵，半顆心頓時安穩下來，飽足後再為艱苦的明天而奮鬥。那時候的香港仍是個很「地道的香港」，小市民勤勞工作，只求兩餐溫飽，能蹲在路旁吃上一碗車仔麵已十分滿足。時車仔面已入舖入屋，車仔麵早已不再置於車仔中，而香港人亦再難因為一碗麵而心意滿足了。永年是元朗著名吃車仔麵的店子，店子小小，就如七八十年代街邊賣雲吞的小攤，二十多年的店子，總有點殘破骯髒的感覺。店子從前可能真是一間士多，只是不知由那時開始改賣車仔麵，由於附近學校眾多，售賣車仔麵將可帶來較佳的收入。車仔麵能上樓入屋必須有其獨特而可取之處，否則實難

這對買豬腸粉夫婦不知是車仔麺黑面夫婦什麼關係,或是只是租舖給這夫婦早上買豬腸粉,腸粉一元一條,另外有魚旦,豬皮,腸仔,芝士腸,燒賣(質素不好),冬菇(此冬菇有時腸粉佬無啦啦當贈品送落顧客的腸粉中,但本人試過二次有此贈品,但都是有沙的,不知是巧合或是....!)食物質素就只可說是一般!!服務態度就保持著車仔麺黑面夫婦的傳統,都是態度差及寸,特別是腸粉佬,講慢d都死,又唔係排長龍,如果泰傭印傭去買他態度就更差,而腸粉太太就好點,不過當你自行落醬科時她就望到實,落多匙都好似去偷咁!總結,唔食佢d腸粉唔駛死,但早上想食腸粉當早餐時,間中幫襯吓都無妨,但一定要心情靚先好去幫襯,否則去到同個腸粉佬"火撞火"的話.就無謂囉,心情好就自己可以包容多d嘛!!

在中學時代(十幾年前)老闆高佬未有仔女時就去幫襯，以前每次LUNCH都會由學校行去食，高佬嗰時對我地啲學生真係親切好多，$10 腸粉加餸都食到你反肚，而已以前既辣真係好食好多，唔會好咸，啲餸款式雖然唔多，但係起碼真係用心去做，嗰時不論放假同返學，到出咗嚟做野，一個禮拜都最少去食三、四次；自從五、六年前我就無再踏足過去佢間舖到食了，其實一間食店食品美味係好重要，但係服務態度也要好，可是，自從高佬個老婆(黑面婆)坐陣之後，哩個女人啲態度真人係勁差，一開口就得罰人，話說有一次，我點了菜(因為我一向去食都係寫紙仔點菜，然後去比佢地執)，嗰次我明明無點豬皮而係點豬紅，咁就同個黑面婆講佢比錯咗，佢竟然回一句係︰"唉…算啦算啦！比埋個豬紅佢啦"(啲語氣好似話我無錢比咁)，我真係諗，你老公都唔會咁同我講野，你係乜水呀！我唔係無錢比，而係你比錯野我，仲要跟本我唔LIKE食豬皮，其實佢老婆啲態度差都唔係一朝半日既事，雖然我杯葛咗佢成五、六年，但係我都有叫我啲朋友去試食下都無防，連我啲朋友去過之後都話佢老婆勁寸，講真，留意下佢哩到幫襯既人大都係由小食到大，都可以講係街坊，唔知係咪啲人生意好咗之後就囂，次次都

我細細個就幫襯開永年D腸粉,計起上黎都有成20年喇~佢D腸粉以前正D,而家7.11肥仔腸粉先係我首選~但永年D豬腸超正~ 又爽~ 又滑~ 又夠味~我平時買親都買$15豬腸+$5豬紅+粗麵(少辣,少辣都夠晒辣架喇)我之前去左英國,好掛住永年嘅豬腸,次次返親香港都叫屋企人買定等我一落機就有得食~因為太多人排隊,所以最好諗定食咩,先叫麵,後叫餸同埋要幾辣,幫襯開嘅都唔會問幾錢同點叫,老板成日都會送粒魚旦比D熟客仔添,不過而家請左個女工就少左呢D喇~仲有呀,我男友都受左我影響一食之後愛上埋永年豬腸添^^鍾意食辣車仔麵嘅朋友值得一試