永年士多 (寶城洋樓)

营业中

休息中

今日路經元朗, 下午三時多的永年士多照樣排着一條長龍, 排隊時就要想清楚要吃甚麼, 輪到你時一開口就要講得清清楚楚, 不可左諗右諗, 否則會比人罵的....... 罵還罵, 心甘情願排隊吃的還大有人在, 真覺 (包括自己在內) 都有點犯賤 點了豬腸 / 冬菇 / 魚旦 / 雞翼 + 油麵 ( 中辣 ) $23 辣汁夠香夠辣 - 早知叫大辣, 中辣我唔夠喉 豬腸沒令人失望 一吃就吃得出是新鮮豬腸, 不太腍帶點咬口, 又帶點脂肪, 十幾年都保持水準真不愧豬腸同辣汁是永年的殺食 2 寶 冬菇 - 是用鮮冬菇而不是乾冬菇炆製, 差魚旦 - 這個魚旦是細個時常在街邊吃到的細粒煙韌咖喱魚旦呀, 真係久違了現在市區真的好難揾到這款魚旦, 想不到在永年還可以吃到這款魚旦, 真有點驚喜豉油雞翼 - 腍滑又入味 湯底 - 渴得出落了很多師父 所以好甜呀 ! 吃後當然要不停灌水啦其實永年的車仔麵祗可算中上水準, 比較以前還覺有點點退步, 服務態度由以前到現在都係負數, 但我想來永年的人很多都是和我一樣, 是吃回憶中的味道多於其它吧 !

YO~~去左甘多次....次次都排隊....不論係下晝5點...中午12點...條隊都係冇短過=="每次去必食豬腸+芝士腸+魚皮餃+米粉/烏冬...米粉通常到左2~3點到就冇晒!!佢個價錢都幾抵食....5蚊一樣餸...有芝士腸5條...魚皮餃4隻...豬腸2大條我食得好辣都只係可以食到中辣....但佢D辣汁真係好正!!!!!次次都係要比佢賺埋D野飲錢.....冬天都食到出晒汗==可想以知有幾辣!!!!!雖然佢d態度真係不敢恭維....少說話多食野吧啦!!!=]anyway,佢係我最中意食既車仔麵^^

有時星期六下午心思思, 就會跑到老遠的永年士多, 食番碗車仔麵. 老實講, 真係好鬼遠, 不過真係幾好味, 冇計啦....今次又老遠跑入嚟, 三點幾, 都要排隊, 據聞什麼時候都要排隊, 唉!點了:冬菇: d 冬菇炆得好鬼入味, yummy! 豬皮: 好爽, 平時食既成日都淋到死, 呢度的好爽口豬腸: 呢個係我的favorite, 最怕有時食到的有陣up 味, 平時好少食. 係友人推介, 先放胆一試, 真係幾唔錯. 又好入味, 推介!牛肚: 呢個係一塊塊的去煮, 要時先剪俾你, 所以唔會繪晒水, 相對豬腸, 呢個唔太特別. 要咗米粉和加咗辣汁, 好惹味呀!

是咁的, 講起我就扯火喇 星期日那天, 我走去試永年d車仔面啦去到永年, 已經兩點幾, 店外排了一條長龍我排了25分鐘終於輪到我我叫野食時, 有位哥哥仔想拎枝辣椒醬點知成枝醬跌左落盤辣汁上面浮下浮下D人竟然當咩事都冇發生到我叫餸啦, 明明我一早同淥面位哥哥仔講左要咩面底那個夾餸的女人竟然好大聲咁話我唔合作礙住晒, 唔叫面底,我O了嘴, 之後個哥哥仔出聲先冇事最後搞掂晒咪去食面囉d湯底好多味精, d餸一般overall 佢D食物只係足夠合格因為吃東西係包括了態度, 服務, 環境 同味道前者三樣野唔合格, 只係味道高一點分下次我一定唔會再去了, 唔想貼錢買難受

我已經聽聞佢地大名好耐，今日終於試咗！我真抵不了他們的臭寸態度，好似完全唔憂做，咁又係香港地唔知點解有d人明知嗰間店出名鬧人唔駛本對伙記係咁連對客人都係咁，但都不斷排隊比錢佢地駛，所以佢地點寸都唔憂做嘅！！事實佢地整d餸係幾好味！不過係人都知係因為呢個世界上有「味精」呢個偉大發明囉！！所以食完飲一罐可樂都唔夠，兩罐又飲唔落真係喝足成日！所以既然明知味精令人身體唔好加上佢地d咁嘅服務我真係諗唔到點解仲要排隊比錢佢地呀？？不如食其他無咁勁味精嘅嘢啦同時都要比永年d人知道乜嘢係今時今日應有嘅服務態度雖然佢地係平但平唔等於要受氣！各位開飯網友细心諗吓喇！！

係度食左幾年, 味道一樣好味, 豬腸, 蘿白值得推介 舊人態度照舊, 唔會好好禮貌, 冇問題.不過今次有個染金色頭髮既好似趕客甘, 對住每個客對粗聲粗氣 講真, 俾錢受氣就冇謂啦, 再黎唔黎, 睇你真係要味道定態度咧

真唔知發生乜事, 星期六下午二時幾去到, 前面有約十個人, 好快到我約5分鐘, 我一路食, 看到條龍係未斷過既, 我食完見條龍重有三十幾人排以車仔麵都叫好食既, 但更好食都只不過係車仔麵, 為乜要排長龍啊??佢個卥水雞亦尖好入味好食個個都話個豬大腸好正, 我真係唔識食, 冇乜特別我只係見到有屎個個都話間野態度差, 我話同佢地講野,唔可以有禮貌, 要寸寸地先得個剪大腸男人問我係咪同我前個朋友一樣咁多辣, 我話係, 但我唔識佢, 個剪大腸男人話,:咁當住佢係朋友先, 我都係你老友, 請你食粒魚蛋個收碗啊姐, 真係唔多想做, 慢到丫

叫了3餸1麵, 油麵, 豬紅, 豆卜, 魚蛋, 少辣, D 餸好多! 正呀!!叫完自己拎埋張枱到食~突然發現條麵有一隻小生物從湯爬到麵上, 就像終於找到岸邊..有小昆蟲好正常, 不過..挾左一陣先挾走到佢, 它的生命力實在好頑強幾好食! 亦都見佢keep住有客排隊~20 蚊咁多餸~ 係幾抵不過少辣左仲好辣..

完全不知所謂, 唔明白點解咁多人排隊... ...食間咁GE嘢, 食物又冇水準, 店員D態度又串, 清潔環境又唔OKAY每張枱都有食剩GE車仔麵碗未收... ...人哋話出明豬大腸, 蘿蔔, 雞翼好味...但試過後, 亦是不外如是... ... 湯底完全是個味精湯, 咁GE湯底, 一定好惹味架... ...叫餸又混亂, 成堆人(店員)擁係個廚房到,一未係咁叫人"講啦" (指食咩), 邊Q個知你叫緊我呀...有個女仔問多句(係咪我), 都即刻比人話... ...完全唔明白, 一間咁冇質素, 又冇態度GE, 所謂車仔麵檔,點解有咁多排隊食... ... 佢咁GE價錢, 大排餐廳可以選擇... ...

幾年前吃過一次, 但是難吃的程度真的令我難以忘懷.湯底: 超咸的味精湯底, 還有一些很奇怪的味道, 好像是煮湯底時用了不新鮮的材料, 這是令 我吃不下的原因。要知道一碗麵, 湯才是靈魂。豬腸: 我是超愛吃豬腸, 但我不覺得有什麼特別.蘿蔔: 普通.基本上沒有什麼服務, 枱面上永遠放著吃完的碗筷, 就算有座位也沒有地方放手上的那碗麵, 不明白, 真的不明白為什麼還有那麼多人排隊去看人家臉色.

山長山遠入到元朗，諗住食吓人人激讚ge車仔麵啦... 點知食到一肚氣除左叫咩餸, 冇咩餸外, close時間還寫話7.30,但嗰時先係4.00, 咁你仲有d咩賣比人食呀?都算吧! 店舖各人態度差到爆... ...企我前面位小姐, 聽唔到佢講咩, 問多次,個阿嬸話: 咪同你講左囉, lee碗唔係, 係邊個呀? (但話說, 個阿嬸前面有成五六碗)問多句, 都比人話... ...我總共叫左三碗, 其中得一碗係一個餸(係佢冇晒我想ge餸), 其餘都係兩個餸, 仲加麻飲品,我話想要多一對筷子+一隻spoon(因有個小朋友), 個哥仔即刻黑面... ...外面條x婆話, 叫一個餸, 又要拎多對筷子... ...唔係呀... 我總共幫襯左你成百蚊嘢, 要多你一對筷子, 你即刻要咁講嘢... ...跟住, 全店職員即刻同時和應, 話: 係啦... 係啦... ...食到一肚氣, 山長水遠駕車入黎諗住試吓, 居然比d咁ge result我, 超激氣...講真食物ge質素真係好一般, d餸太多都係浸稔晒... ...湯底又油... ...總之, 樣樣都令我哋同行ge友人好失望, 不會再幫襯... ...

昨天星期日, 終於去左試聞名已久的永年車仔麵, 懷著好大的期望.........點知............一直在研究吃什麼好, 出名的豬腸, 羅白, 豬紅仲有牛肚, 一直等呀等, 後面已經唔見左龍尾, 排了廿多卅十分鐘隊, 終於都到我, 點知一行埋去已經見個哥哥仔將一大"湯殼"味精的物體放入湯中, 仲有魚露, 蠔油等調味, 攪拌而成為"美味"的湯!! 幾經辛苦終於可以埋位食, 點知一試......油麵: 淥得太淋, 豬腸: 已算是最好吃豬紅: 唔好吃牛肚: 冇味雞亦: 唔入味同肉質好鞋口羅白: ok汽水: 唔夠凍如果排貢耐隊而只係吃普遍的車仔麵, 我唔會再專程去吃!! *****吃完之後, 很口喝, 會唔會係關一大"湯殼"味精的物體的事呢?!?!?!?!?

好掛住永年d豬腸呀!!!難得放閒日，就去探下佢先元朗d人真係唔洗做ga，幾時去永年都要排長龍，真係考你耐性!!終於到我喇，我要..............油麵豬腸﹕保持水準，又腍又入味蘿蔔﹕太甜啦，甜到實真魚蛋﹕最有咬口ge鼓油王魚蛋魷魚﹕爽口，配上個辣湯，正少辣，唔該!!!!仔仔秉承左高佬ge口花，攪下氣氛，得啖笑!

收工見兩點幾,就去永年排隊買車仔麵食, 今次排左半個鐘平時唔食辣既我都鐘意食呢到D車仔麵, 但唔會成日幫襯, 因為排得實在太耐啦叫左油麵,豬腸,牛肚,豬紅,蘿白, 雞翼 + 少辣豬腸: 乾淨不肥又入味, 係我既至愛牛肚: 又諗又入味豬紅: 正常, 起碼唔會一夾就散蘿白: 無渣仲索埋d辣汁~~正 雞翼: 高佬好好人比左三隻雞翼我

呢間嘢自細都有幫襯,以前覺得佢地態度無乜嘢,我唔期望你地會講歡迎光臨或多謝幫襯事綠,我排隊去到高佬度叫餸,我話呢碗喺我既,佢條友就好晦氣話:我知喺你,食乜先得架,唉都算嘞,之後去到包裝嗰位阿哥,佢問我喺到食定攞走我話:嗰碗係我,攞走(因為枱度有2碗),佢好大聲同我講:我問你喺度食定攞走呀!喂!大佬,咁唔Q願做就唔好"很"做啦!食得都唔開心,又受氣,都唔知為乜