永年士多 (寶城洋樓)

营业中

休息中

"長路漫漫是如何走過..."  我的快樂時代就是在永年對面的中學走過，所以永年絕對是我半個飯堂。就算畢業多年後偶然會來幫襯，味道固然之好，同時亦會細味人情味。幾個月前，聽說永年裝修，一面不相信。。。裝修？小小地執一執？但追查下竟然是大修改革！我...仍然有少少質疑真確性，我心中的永年是十年如一日，靠實力不靠門面，時代巨輪影響力真大...隨之就後悔原來無影底過永年的舊貌，好在仲有個小模型懷緬下！果然是大改革，由門面到落單的流程都先進了，快了！還記得以前排隊時，務必諗定要什麼送，戰戰兢兢的，到自己的時候務求一次過說完，現在就不用了，買完拎住收據等取麵～店內環境變到差點認不出是以前的永年。。。好有cafe feel!舊式超凍凍櫃不見了，石屎地不見了，光管不見了，大風扇不見了，防雨透明膠不見了，遮光尼龍布不見了，港式摺檯摺櫈不見了。。。取而代之側是落地玻璃，美觀的裝潢，高身櫈等，的確比以前舒適企理我得多，只是好似少了份親切感。如果你都是細細個就幫襯永年，不言而喻。當年手寫的車仔送，搖身一變，變了電子板，潮到呢！拿著飛取麵，什麼？！竟然有托盤！仲要刻有店名，型到呢！不用再考以前的平衡力。。。好在

元朗人經常提起永年這間老牌車仔麵店每次路過都想一試終於等裝修完成天時暑熱去排隊食車仔麵店鋪面積不大客人在外排隊都無辦法唯有寄望這碗麵有值得等待嘅味道排隊時留意到有記者於廚房採訪終於見到收銀機 叫咗豬腸牛肚麵等攞麵時見到有碗超多麵嘅放係到未有人拎令我有一絲希望 覺得永年應該好抵食點知結果我個碗只係得一半份量都唔緊要 好食就得啦一咬落去 d幼麵竟然未熟唔止我一碗 我朋友個碗都一樣大家食左一啖 面面相覤三十幾蚊碗 唯有繼續食雖然豬腸唔錯 但碗麵已經令我無哂胃口當我重食緊最後一啖"生"麵王就見到剛才滿滿一碗嘅車仔麵原來係拎入房比記者影相果然圖片只作參考行出店外見到重有人龍真想講一句：「有些麵你永遠不必等」

假期最開心高興莫過於找來一大堆想去的食店餐廳，一併告知另一半，叫他篩選好了帶我去，結果另一半決定帶我到已裝修好的永年士多。從遠處看過去，已經看到人龍形成半個蛇餅，在我倆前方大概有二十至三十在等侯當中，說是幸運也未算，人龍加上天公不做好，正落下微雨，正正打消了不少在前方排隊的食客，短短時間，前方已經縮到十多人，難得一來令為食而執著的我決定要吃到為止。大約經過二十分鍾排隊左右，終於可以下單點選車仔面了，再排隊依照單號提取車仔面就可以。食材分好在每一個種類欄，簡單方便快捷。我點選的是豬腸、豆卜、魚皮餃、牛肚烏冬(四送、$36)加以凍檸茶(少冰、$9)，每一份送料十足，一個簡單車仔面能夠令食客一而再排隊光臨，我相信其中一個原因必定是鹵水食材出色所致，豬腸清潔乾淨鹵得入味，入口柔軟，整個車仔面油份少而健康。凍檸茶(少冰)，茶味夠香濃，甜度適中，不會偏甜偏淡﹔雖然是新裝修，但食物、飲品質素都能保持到舊有老香港食店的風味。最令我驚訝的是魚皮餃，從少就愛吃魚皮餃的我，明白用魚肉做成的餃皮無疑會帶出不少油份，但每次想吃就會害怕遇到太油的餃皮，今次點選都是以小試牛刀的心態嘗試，但這裡的魚皮餃出奇地少油，入

很久之前來過一次，比我的感覺是有點陳舊、污糟！知道它最近裝修了，所以再嚟試試！遠距離已見到個大大嘅招牌，相當搶眼！而佢原本嘅招牌已經放到舖内！通常去到都見到有人龍，排到後就到收銀處落單，下單後就好似快餐店般排隊取餐。坐位有一字排開面向街的bar枱坐位，亦有2人坐，4人坐等，坐得舒適，亦唔會太迫！豬腸同翼尖好淋，夠入味，蘿蔔亦好淋，但我覺得過淋，唔夠爽，榮記比較好食！湯底點了微辣，辣得嚟帶點甜味，不錯！雞翼入味，魚蛋選用豉油蛋，整體ok~

久等了今天終於正式營業環境果然好多了不再給人污衊的感覺現在更有卡位現在不單止出售紙包/罐裝飲品還有阿華田，凍檸茶等點了豬腸，豬皮，牛肚$29仍然好味，沒有加辣至於飲品...熱華田$9貴,無味 ，劣

雞翼尖，魷魚，牛肚，烏冬聽朋友說這裡的豬腸十分入味未吃過豬腸的我便來吃了吃了一次，想吃第二次怎料這次來得太晚豬腸售馨剩下的就只有這些（圖片那些）和一上雜丸雜丸到處也應該差不多吧？便點了雞翼尖，魷魚，牛肚，烏冬牛肚好味，雞翼尖充滿滷水味魷魚亦不過不失題外話，永年這幾年真的加價不少😭😭

不少人為它的車仔麵慕名而來，其實它沒有想像中的好吃，味道普通，但勝在辣汁夠吸引!!甚少走到這邊，已經幾年沒來吃吧，得悉永年3月1起開始裝修，4月上旬才恢復營業。就特意在裝修前的最後一個營業天，帶媽媽來重溫一番~~當然要排隊咯，不過人不算多。這裡是先買後食的，有三十多種配料選擇，令人花多眼亂。兩個都是3款餸跟麵($29)：芝士脆皮腸、冬菇、雞翼油麵和蘿蔔、雞翼尖、豆腐卜烏冬(辣)，另加送配菜不過站在門口的店員(是老闆吧?)在問我要什麼的時候，說話比較 「口花花」都不知是說笑還是怎樣..所以再額外多送魚蛋，太好了吧前者是我點的，芝士腸應該是普通貨色，不過雞翼醃得很夠味，冬菇的確爽滑好吃!後者則是媽媽所點的，蘿蔔清甜夠腍，雞翼尖沒試，但看它的顏色，和雞翼一樣，應該醃得不錯的!豆腐卜亦沒有試。重點是它的辣汁惹味又夠辣兩者的麵底也OK的，別看它滿滿的一碗，份量不多，只是湯底略帶有點味精的感覺。久違多時，永年仍舊是簡陋的永年。不知裝修後的永年又會變成怎樣?

態度惡劣,好味只不过係味精水,腸粉又霉又冧,不知所謂豬皮不爽,豬红又散,如果無左D所謂棘汁掩蓋,根本不堪入囗,衛生又唔見得好,不过始終最令人回味都係嗰D趕客態度及咀脸

幫襯永年, 豬腸,雞翼,蘿蔔是必點之菜式, 從以前唔食豬腸到現在愛上豬腸都因永年而起...但近年食物質素比以前下降了...除了成本高,價格不定上調, 味精很多,即使唔加辣, 食完還是很口渴的...本來山長水遠黎到就係想回味一下豬腸的, 但未食到,就巳經一肚火!係呢度食野唔好期望有"基本"服務, 點好菜後, 所謂老闆,連基本問食客"拎走定係度食","要辣定唔辣",都要比說話你聽, 嫌你唔自動波自己講, 然後一輪咀同其他伙計係度串咀討論,不停重覆,話"我唔識做你碗麵WOR"其實問一下"拎走定係度食","要辣定唔辣", 基本溝通問題有多難, 但如果老闆不屑與食客交流,大可電腦化或低至叫食客用紙仔點好菜,照單整麵,不就是達到零交流的效果嗎?唔係個個客人都識你這一套固定的點菜形式的...既然你有那麼的一套,何不乾脆, 貼大字報, 提供食客指引, 不致客人被你跟其他伙計們,在眾客人面前蹂躪一番!連對人的基本尊重都不會, 元朗的美食,除了這間態度差比豬腸更有名的車仔麵店, 還是有很多選擇的!

路經元朗，終於去左試聞名已久的"永年車仔麵", 懷著一點的期望……誰知一直在研究吃什麼好, 出名的豬腸, 羅白, 豬紅等， 一直等呀等, 後面已經唔見左龍尾, 排左十幾分鐘, 終於都到我了，見個哥哥仔將一大殼類似味精的物體，放入湯中, 仲有魚露, 蠔油等調味, 攪拌而成為湯底，好似醬汁咁，好似幾惹味！！！湯底……味夠濃，但太味精了。油麵……太淋了。豬腸……入味，算是最好食。豬紅……冇乜特別。雞亦……肉質有點好鞋羅白……入味，而真的有點揸。又一次見證"見面不如聞名"

間中都會去永年食麵，一直都唔覺得有問題，但今日卻感受到何謂其他食家評價所講"態度有問題"，排o左半粒鐘，埋到去叫餸，其實我反應都唔慢，o個位高瘦男人已經串串貢講o野，我已經唔想理佢，點知佢一輪咀講o野(即係有佢講無人講o個種)，真係好煩我只係想買碗麵o者!我講o左句"好煩，o拿o拿聲啦"，o個刻佢個口好似開o左摩打咁係咁反擊"煩咩o者!係你食之嘛，又唔係我，我又唔趕時間，係你....下刪一推無謂對白"，心諗費事同佢講，點知無啦啦隔離有個客叫佢送粒魚蛋，佢講完一輪o野之後，同我講"o拿，橫掂送開我送"粒"比你，仲唔多謝我，多謝人先得o架".....o個刻其實我好想爆粗，我買碗麵又要比你煩又要比你串，仲要比錢，掉轉頭你自己無啦啦比粒魚蛋我仲要我講多謝，條友係咪傻乜o左，我真係好克制，o個刻起我同自己講自己就算係元朗人，呢間o野幾歷史悠久，有幾好味都唔會再o黎食，老實講其實佢好味主要係D嘢落勁多味精，因食完會好口喝，但都真係唔差，不過仲之一句"貼錢買難受"嘅唔好攪我，食完都真係想嘔返出o黎!想去食嘅各位，幫襯無比人串係好彩，比人串係正常，人家唔憂無生意做，真係吹佢唔漲!

之前成人講永年好好食，今日突登去試，到都吾算好多人，我叫左豬紅，餃子，魚蛋，米粉，d豬紅真好好味，值得推介，一直都好想試，一試就愛上，好想日日都可以食到，佢d辣汁真係好好味，我每次去都會叫大辣，如果星期六日去就要排好耐隊！但係等幾耐都值得,

曾經差不多每日也成午餐飯堂的永年士多，隨著畢業,工作，搬遷...大概已有八年沒有品嚐過了，今天送機過後決定回味一返。原來現在的下午已經沒有我最想回味的腸粉所以只能回顧小時必吃的豬腸，還有醫肚的魚蛋加米粉，當然唔少得再來多一碗入味得嚟冇渣的蘿蔔，炆的好淋嘅牛肚，雞翼尖，咸咸地的豬紅，仲有唔少得嘅就係加佢哋祕製辣汁啦，今次少辣唔夠刺激下次中辣應該会再正D

雖然weekend要排勁耐隊, 不過都係抵嘅, 通常我地都係一個負責擺位, 其他人去買。是日朋友挑戰大辣, 確實勁辣又好味。咖哩魚蛋, 雞翼都煮得好入味。蘿蔔煮得剛剛好, 唔會太硬。不過, 豬紅個汁有少少咸。雖然食完之後有d口渴, 不過辣得好過癮。

話說元朗之旅吃了義氣燒鵝脾後, 我們再來到鼎鼎大名的永年士多, 一心想試試他們的腸粉和車仔麵.怎知道來時巳晚, 腸粉只在早上供應, 車仔麵的配料大多都賣完了, 連最想吃的肥豬腸都沒有, 失望是當然的, 但也只能怪我們到訪太晚. 沒什麼選擇下要了幾款配料試試點了蘿蔔, 牛肚, 雞腳跟魷魚, 士多內的幾個後生仔雖然貪玩但十分親切, 叮囑我們一定要加他們的辣汁試試. 宅女一向不太能吃辣, 但眼見他們推烈推薦, 也伴著魷魚吃了一點, 入口果真是辛辣十足, 非常刺激, 而且吃起來十分香. 不過對我來說就有點太辣了.幸好墊底的蘿蔔大大件非常清甜, 牛肚也夠軟淋入味. 其實最想吃的還是他們的豬腸粉, 只怪地點太遠了, 希望日後會有機會再來試試.