永年士多 (寶城洋樓)

营业中

休息中

舊日時每次經過呢間餐廳 都會見到超多人排隊 心諗應該好好食吧 由於我係無乜奈性為左餓等既人 所以一路都冇試 是日朋友提議碰碰運氣 去到見到冇乜人排隊 但入面就座滿晒人 由於生意太好 所以餐廳發展了 我都咪見過車仔面 可以做甘大 好有規模 太多人 所以就外帶好了 我點餐時講得好清楚 豬紅 豬皮 牛丸 幼面 ，自己都冇留言佢出單既收條, 點知開餐時就出事 ，變左 豬紅 羅白 牛丸 幼面， 我想講 豬紅下一道餸吾係一定係羅白ga, 不過只可以怪自己冇睇清張單 備落單阿姐搞錯都吾知 ，講反食完既感覺 其實都好普通 同一般的車仔面 冇乜分別 佢既辣 都帶吾出車仔面既個種風味味道 所以平凡食物只是變化了有規模 而不用在係紙上填寫 如果備我揀 我會想仲係填下紙既車仔面 仲好食 同 風味

今日決定到元朗車仔麵永年士多一嚐特色車仔麵，黃昏沒有見人龍但店內依然人流頗多。點了一碗三餸， 兩碗大碗麵。辣醬十分出色，小辣已吃後滿頭大汗。 餸菜新鮮，味道不錯湯底清甜。點了豬皮，豬紅蘿蔔，豬腸，雞翅，紅腸，傳統的車仔檔魚蛋等..餸菜的份量多每件都切成小件剛好一口一件， 麵底份量相對比較少。點了飯後一點甜班籣多士，兩件方形的鬆軟厚多塗上薄薄的一層夾心不會太甜。

有些事總能令人回味……這間永年士多就是其中一樣。每次經過這裡，總會見到有一條龍在排隊，終於上一次，就試一試這間車仔麵，一試愛上，這裡的車仔麵湯底鮮甜、辣而獨特、別樹一格，吃過一次就令人久久不能忘懷。這次，想吃車仔麵，又就想到永年，專程由屯門坐車到元朗吃。我今次吃的是幼麵_豬腸+流心蛋+紫菜+雞翼尖(中辣)，這裡湯底的辣是很刺激的，甜甜辣辣之間，又有點沙爹和咖啡的香味，是整個麵的精髓所在，吃不到太辣的人要小心，選中辣已是很辣的了。豬腸: 是爽口彈牙的但不易咀嚼，但原來不是我喜歡吃的種類，我懷疑這是小腸，我喜歡吃大腸的。紫菜:質素不錯，薄而不碎，爽口，屬於中上水準雞翼尖:很入味，屬於中上水準流心蛋: 我就不是太喜歡，這個流心蛋是一半生一半熟，情況並不是大家想像那種日式的糖心蛋，而是真的有一半是烚蛋黃那種熟，另一半是太陽蛋那種生。老公則吃大碗麵_油麵，作為食評人，我當然把他那碗麵也吃一吃，油麵軟硬適中，很不錯﹗之前吃過粗麵就很不行，太粗糙，口感不太好。豬紅：這裡的豬紅很特別，是甜甜的，我沒有在其他地方吃過這種味，是這裡獨有而令人留下印象的。其他餸也很不錯﹗到了飲品，咖啡和奶茶的味道都很香濃，

重新裝修后第一次去, 十一點四十五分到達先知原來十二點先開, 更發現已經有人龍係門口, 好誇張 十二點準時開門, 以先買飛，再拎食物，后自己入座形式，都幾暢順，當然有啲人鍾意霸位先，再搵一個人頂住條隊，霸位既人揀好位再出嚟order，要后面十幾廿人等 當然呢個唔係店方問題，只係呻下食物方面，麵底份量比較少，相信男仕嚟到要加底先飽，女仕就岩岩好。每碗麵都送兩條菜，我覺得好貼心，因為我出街食好少叫菜，佢送兩條菜，自我感覺健康啲 。佢既豬腸，雞翼好入味係必食，辣汁係幾好既，飲第一啖湯已經口水湧出嚟，食辣既一定要試。

每次經過永年都係好多人排，今日下午茶時間經過，見到人龍不太長，就試下啦！叫左雞翼，紅腸，墨魚丸幼麵，除了雞翼入味，其他都是普通貨色，幼麵不太熟，很硬，真不明白為何要大排長龍去試。

裝修後更改了整營運流程, 基本上跟連鎖快餐差不多吧(是為開連鎖準備嗎?), 速到比以前快多了, 準確度就跟從前一樣, 係完全唔會犯錯既!講返食物質素, 依然係非常好! 辣 - 依然係賣點, 完全保持一貫水準, 基它配料我個人認為最出色的還是雞翼, 醃得很入味, 而且雞肉又滑又軟, 好好味!環境係裝修後適服左好多, 而且仍然望得見廚房, 好似比以前還乾淨呢!唯一要"彈"一下的我諗係個LOGO同用色, 綠色唔係好有效咁引起人既食慾, 而且D款綠色跟偏懷舊的風格又唔係好襯, 其實以佢既名氣同產品質素, 大可再玩得盡D, 來一個徹底的懷舊LOOK, 用多年車仔麵專家的姿態突入市場, 我估在市場上會更有"睇頭".

常常掛念著永年的車仔麵，再遠都要入來元朗品嘗。別的店家絕對做不到同樣味道。點了油麵，魚蛋，豬紅及蘿蔔加上少許自家祕製辣汁，很刺激很開胃。蘿蔔炆得很入味，保持一貫的水準。

雖然門口好大條龍，但好快就去到我買野食拉叫左淨餸分別係蘿蔔，豬腸，雞亦尖，魚蛋 小辣蘿蔔好甜，冇渣豬腸係瘦腸，我中意雞亦尖5算好淋，但鹵水味好味魚蛋彈牙好味依舊好味 ，只係略嫌味精多，但間中過下辣癮還是不錯的 但住在元朗的友人就話永年加價加得幾勁

最近再去左食永年，自從中學之後就無乜點食過啦。中學個陣成日同班FD一齊去永年食，次次都排晒長龍，要等好耐。去到先知佢最近裝修完，地方大左好多，環境都好左。通常都係食個幾款送，豬腸，蔔白，油麵，辣汁。味道無乜點變，蔔白仍然好爽口，豬腸好滑，Ｄ麵既份量仍然好多，食唔哂。。。。哈哈。。裝修完雖然乾淨左，但硬係唔知點解覺得Ｄ員工做野求其左，希望下次黎會好Ｄ。

永遠的味道年代的見證細細個就成日去永年食，食極都唔厭！雖然價錢係比平時其他既車仔麵貴左啲，但真係好有風味！係唔同啲既！裝修後第一次去食，今次叫左雞翼同芝心丸，味道都係同以前一樣咁好味！仲叫左杯紅豆冰，好多豆好正！！裝修後環境靚左，用具都轉哂，雖然冇左懷舊風味，但係知道店主仲keep住個份heart!加油！

早已聽過永年士多的大名，今天和友人專程到了元朗一試其車仔麵。新裝修的永年十分舒適，點了豬腸雞翼芝心丸油麵便找了個窗邊位置坐下。豬腸的鹵水味極濃，一咬下去內裏的油份所散發的香氣更是充滿著口腔，一試難忘。湯底十分濃郁，配上車仔麵檔獨有的油麵，叫人十分滿足。

想食車仔麵梗係去最出名既永年 門口永遠都係一大班人 排隊既長龍永遠都有 是日同一個未食過永年既朋友去嘗下出名既永年！ 招牌車仔麵$29至於我食黎食去都係個幾款送！不過食極都唔厭既 豬腸 魚蛋 雞翼尖 油麵 辣汁 飲品款式多左好多 今次我叫左菠蘿冰飲 可以去辣味 真係唔錯既成日都覺得個雞翼尖係食極都食唔曬 食完個麵都係會有幾舊係底 裝修後 食物品質冇變到 都係咁好食既 不過等既時間長左 因為排隊等麵唔似之前咁即講即夾咁 少左個份急急忙忙既感覺 唔知係好定壞不過食用地方 環境乾淨左好多 全黑既裝修 碗碟都係轉過曬 overall :/5

小妹是日去元朗一行，見到幾出名的永年裝修完，立即去試試先。車行麵中豬睗係最易知味道，一吃，有壓昧，正，而且又滑又淋，好吃。羅白夠入味無根又是一大好吃的配菜。最令小妹心動是冬菇，夠淋夠入味，而且滑滑D，想起母親用雞油煮的冬菇@@推介吧😘

車仔面之霸一定係永年, 今日下年茶時間經過永年, 見唔洗排對就叫左碗豬腸, 豬皮, 雞翼烏冬食.第一樣食的是豬腸, 哇! 真係無得輸, 一d 穌味都無, 好肥味, 呢個餸係我每次去都必食的.豬皮好爽口, 雞翼好入味, 烏冬仲唔洗加錢添.新裝修後, 等位又唔洗咁耐, 坐又坐得舒服左. 十分滿意的下午茶.

新裝修後第一次嚟食，又係排長龍，排咗15分鐘左右，終於到我了，我叫咗油麵，魚蛋，豬紅，豬腸，時菜同鳳爪，油麵好爽，魚蛋彈牙，豬紅好正，好夠味，唔似一般出面嗰啲無味豬紅，豬腸都幾正，幾好味，而個鳳爪就幾香，幾入味，成碗麵值75分