永年士多 (寶城洋樓)

营业中

休息中

永年😶由中一食到依家~本身畢業後因為佢收好早好耐都無機會食😢但聽講佢裝修後收10點✌我就去食去佢 搵返中學d味道❤比以前除左貴左好多之外😂好明顯衛生好左 冷氣又足👍座位亦都多左所以多人排隊都搵位唔難😮step by step咁叫麵的確keep到以前咁有效率！我叫返以前食開既餸😎加上最吸味既米粉！果然味道依然 值得一讚👍佢個辣汁一d都無變 (其實我叫微辣已經好辣)😂豆卜索晒d湯~正到加零一❤同埋有個特色係我中學既時候已經有🙆就係老闆好鐘意搭多粒魚旦比你😂唔知大家有無發現 估唔到依家仲有🙈裝修後我依然會黎食👍❤中學味道不變

作為在元朗的我真是未吃過永年，以前對車仔麵 興趣不大,我少找車仔麵，甚至不知道永年的存在，我近年上openrice才知道永年是如此有名氣，對於要排隊好抗拒，又是提不起勁去試,今日同屋企人在元朗行街,屋企人問我有咩想吃,想起未吃過永年,不如去吃下,我同屋企人來到永年門口時候，真是有人龍，反正我們不趕時間就排,我負責搵位,屋企人負責点食物，永年的地方真是好迫,我等了10分鐘就有位了,我坐下之後等屋企人所点食物到來,屋企人話它的辣汁夠辣 ,湯底稍為咸咗些小，蘿蔔夠淋,味道幾好,豬紅都不錯，因為湯太咸,真是要叫飲品,粗麵稍為硬咗,基本上係餸比較好吃，粗麵同湯好一般,收銀冇咩笑容可言,永年試過就算，它的環境真是好迫,坐得亦不太舒服，應該冇下次

過見到呢間野裝修算唔錯望入去點知係車仔麵，又走入去試試。你都算唔錯，我叫左個米線配雞翼魚蛋菜心，選用嘅魚蛋都幾彈啊冇雪藏未，雞翼係滷水味好入味，個菜就冇乜特別，但米線煮得唔太夠有啲硬身，個湯底叫咗職員加牛腩汁，變得非常濃味。另外帶咗杯凍檸茶少甜小冰，杯凍檸茶都有四篇檸檬。個茶底都唔太差。食完之後同返朋友講返依家野原來係元朗間野都叫做好出名。

新裝後,地方明顯乾淨衛生左好多，以前會見到有小昆蟲的情況明顯改善了，冷氣都好足，你知啦食辣野，冷氣唔夠好窄架嗎。選了牛筋，雞翼，豬大腸同蘿白，米粉。牛筋好淋好入味，但未係成日有，同米粉一樣好快會無哂。雞翼同豬大腸都好好味，好肥美，而且明顯落左酒去煮，尤其野味。紅豆冰都唔錯，紅豆夠淋夠甜，夏日必選。

一入到去收銀姐姐已經問我：要咩麵？我理直氣壯反問她，唔可以食其他野架？哈哈，無錯大家都知道永年出名食車仔麵。但係小姐今次黎只係想食個小TEA飲杯野，所以叫左個多士下午茶餐。多士餐$22包野飲，有牛油，煉奶同Kaya俾大家揀. 小姐貪心，叫左無敵組合奶油多！加多$2。即叫即製，多士剛剛哄起，微暖帶點點焦香。牛油係多士既餘溫內慢慢溶化，再同甜甜既煉奶結合，香甜又帶點咸，完美既組合，多士雖帶厚度，但一咬落去也是十分鬆軟，真係此品只應永年有呀～配埋杯標準香滑凍奶茶，茶味濃郁，正！

其實幾年前已經黎食過o個時對佢o既腩汁湯底驚為天人夠濃夠辣, 好好味事隔幾年再黎, 裝修靚左好多枱面都乾淨左, 多左店員清潔但味道就退步了叫左哩碗乜都有d黎試, $5x, 價錢算合理但我最看重o既湯底竟然退步了雖然唔可以話唔好食但以前我真係搵唔倒第2間個湯底有佢咁濃而家, 佢一定唔係第1位, 有點失望

聽人講話永年日日都要排隊，以為佢好掂啦，咁咪跟埋去試下囉。價錢雖然合理，但份量偏少，講到底就係唔太抵。碗面個湯底食得出用左好多心機調出來，辣而鮮，帶少少甜，不過實在太咸啦，好重口味！不過面裡面既餸都基本吸到辣汁入去，幾惹味，所以都到”ok”既。

放左工又肚餓就去左永年食個車仔麵。雖然係元朗番工,不過都好耐無野,對上一次都係裝修之前既事。今日叫左個 豬肚,豬腸,魚蛋油麵 食落去個味道無乜大變,個湯依然夠甜。最值得讚既就係快左好多,以前大排長龍等好耐都未有得食,宜家換左個新layout同order system好快就有得食。雖然加左少少價,但都值得既。

裝修過後，永年既面食明顯調味重左。不過秘製辣汁仍然係佢鎮店之寶。其實永年係預備食物方面真係好用心，蘿蔔聽講要熬十個鐘先咁lum，仲要索晒d汁入去，令舊蘿蔔辣得來有d鮮甜。得罪講句，絕對完勝我食過既車仔面！其他就唔多講啦，反正都係以汁取勝，咩都咁好食。

某日小編同友人去左永年士多 下就兩點去到門口已經排晒隊 點餐哥陣店餐叫我地是但一個去搵位先 服務幾好 新裝潢 唔似平時去開既懷舊冰室 相反既係有d似快餐店既裝潢小編叫左永年士多幾出名既 豬皮豬紅大腸加辣汁 以上三樣共通點都係甜甜地 有砂糖既甜味 豬皮既份量比平時食開既車仔麵分量較多 好爽口 而且結實 但 有種甜味。  豬紅 冇平時出面食到既蘇味 但都係甜甜地 大腸都係 冇乜蘇味 都唔錯 辣汁好正 夠辣   個雪櫃係拎餐處既下面 幾得意 夠慳位

今日同友人到元朗行街shopping~由於友人佢好少入元朗，所以我就帶佢去食元朗好出名既「永年車仔麵」去到果然有條長長既人龍，所以我地就分頭行事，我去排隊叫野食，佢就入去搵位～條隊雖然好長，但實際都係用左7-8鐘到就落到order我的車仔麵：紫菜、豬皮、魚蛋、芝心丸配油麵最緊要緊係要埋辣汁，加一罐忌廉食後感：同天瑞個檔車仔檔比呢度冇咁油膩，但餸菜份量就有點少，整體黎講都同細個食既味道差唔多，冇咩點變啲豬皮索左辣汁, 口感當堂唔同曬變得入味友人車仔麵：芝士腸、豬紅、豬皮、墨魚丸配油麵，一罐可樂友人食後感：除左搵位難搵、冷氣唔夠大之外, 同佢係深水埗差唔多喎

<永年士多>都可算係歷史悠久…我係中學時期已經識得…因為佢就係學校既不遠處…無論返學放學都會路經此地…最鍾意就係食豬腸粉…可以任落多多花生醬、甜醬、芝麻…^o^...不過時至今日已經面目全非…據聞係新一代接班人既意思…將舖位全面裝修…實行大改革…改革後…乾淨左…整齊左…電子化左…有系統左…人龍依然絡繹不絕…只是最大改變既係>>無左豬腸粉食…T.T...幫襯開既人都知…呢度主打既係咖哩汁配車仔麵…雖然我唔係咁食得辣…但招牌貨總會試下…今次就order左小辣…但係都辣到飛起…但感覺無上一輩做得好味…依家既汁無咁多咖哩味…反而偏重左係辣方面…遮蓋哂原本應有既咖哩香…至於食物方面…人流多去貨快…都好新鮮…要炆既食物…亦唔會唔入味或唔夠腍…總算有d水準…

因為係情人節去既關係啦，完全唔洗排隊。再上一次黎已經係6年前，宜家既永年裝修得好靚，但我認為冇左以前既大排檔既風味，變左好機械式既落order 同煮面模式我覺得永年車仔面同以前唔同，碗面冇禁大碗，但味道依然唔錯，佢個辣汁真心好辣，但鍾意食辣既人，一試就鍾意。但令我最印象深刻係個流心蛋，因為食車仔面好少食流心蛋，我就諗住試下，一咬落去，所有蛋漿出曬黎，好好味。

我初初同男朋友拍拖既時候, 第1次去元朗就係食永年。佢話我DD九龍人一定冇食過永年, 有幸可以係佢裝修之前試一試...果然好味!!闊別2年, 再去已經裝修完, 有D連鎖式經營既感覺, 比以前求其用幾塊膠布擋風, 幾張接櫈既環境舒服好多。條隊都排得好長, 不過排左5分鐘就到我地。食車仔麵, 識食一定食豬腸, 蘿白, 雞翼尖DD索味又軟腍既餸。的確2年之後再試都冇令我失望, 豬腸係瘦腸, 好入味, 蘿白冇渣又腍又入味, 雞翼尖唔會炆到爛, 岩岩好, 而且每樣餸都有反一定既份量, 油麵亦唔會煮得好脹身。湯底腩汁味濃, 帶甜味, 我食得辣, 叫中辣都已經好夠辣。永年既辣唔會油膩, 而係用佢地特製既辣椒醬。32蚊雖則唔係好大碗, 不過真係好正!! 而家環保好多, 以前係用白泡膠碗, 食完就掉。 

永年士多車仔麵個腩汁湯底真係堅正， 夠辣， d豬腸都好乾淨 永年都幾多人排隊， 12點先開門，但12點已大排長龍， 其實位係有o既， 主要係老細要剪d食材剪唔切 自己買完, 自己拎住碗麵行返個位，每人一個車仔麵(只叫左淨送, 冇叫麵)