永年士多 (寶城洋樓)

营业中

休息中

元朗地標 ，點會唔提一提，基本上大部分元朗人都食過 ，人龍圍住間店，起碼排20分鐘，一開門做到關門一定有佢獨特之處。湯底用了好多藥材淆製 ，包括果皮，當歸甘草，等材料。 幾乎次次必食豬腸，半肥瘦香滑冇蘇味，魚蛋配埋秘製咖哩汁(可自行選擇辣度) ，大大舊蘿蔔食落冇揸，仲有好甘甜味，傳統車仔麵餸料水準極之高。見到個餐牌仲有好多新穎嘅食物，例如奶油多， 間央多，紅豆奶茶，菠蘿冰等等。建議如果兩個人以上去，一個就排隊order,一個就搵位,分配工作。

由細食到大嘅車仔麵，以前讀書時期就成日嚟食，每次都要排好耐好耐嘅隊，條龍超長。我好耐都冇嚟食啦，今次嚟食，這裡變咗好多，下午四點半來食，都係咁多人食，車仔麵係香港人好鍾意食嘅食物其中之一。我哋買咗兩個四餸，叫咗豬腸，豬紅，魷魚雞翼，牛筋，牛肚加粗面，叫咗個熱奶茶同埋熱咖啡。因為我同朋友都好鍾意食豬腸同牛肚，所以兩個人都有叫，食車仔麵，每次都必定叫豬腸就好乾淨， 好好味呀，個豬紅，超好味，有小小甜，豬紅入晒味，超鍾意食，個雞翼好好味呀，好入味㗎，個魷魚猶就好爽口 ，牛筋都好入味，但就無牛腩， 我個朋友都鍾意食，她第一次，她是外國人，她覺得好好味。 我們食少少辣，都已經好辣，個汁好好食，車仔麵個水準同以前一樣都係咁好食。個奶茶同咖啡都有茶餐廳嘅水準

每次去永年都要排一陣先可以入去落Order，其實見落Order嗰位小姐已經摩打手咁㩒個Mon，好快已經落哂Order。叫咗兩個車仔麵6個餸share食，兩個都係油麵，餸分別有牛肚、牛栢葉、雞翼、豬腸、豬紅、魷魚，再加個可樂同紅豆奶茶𣲙。先講講啲豬腸，一食就覺肥美，好淋及肥膏還在。其次魷魚都入味兼煙靭。牛肚一樣做得好好，味調得都幾濃，加上煮得都係好淋。牛栢葉只用熱水灼過；雞翼冇乜鹵水味，兩個餸味道都普通。紅豆奶茶冰都算有驚喜，奶茶味濃同紅豆都落得多。反而我覺得永年落啲餸好似比以前少咗但食物質素依舊維持好味道~

車仔麵係香港越黎越多, 但真係有好味既, 有老香港味道既真係賣少見少,聽聞係元朗有好出名既永年賣車仔麵賣到出去尖沙咀, 我同女朋友就特登都要入元朗總店試下, 食完又可以順便去埋南生圍D間永年離西鐵站約有6-7分鐘路程, 平日我唔知, 但星期六日食飯時間一定要早D黎排隊, 因為我12點正黎到已經好長龍入到去坐滿晒係必然, 估唔到咁多人等位, 未試過食車仔麵多人成咁湯底: 夠味而不算太咸太油, 夾米粉食一流；米粉: 量多, 男人老狗都夠份量；蘿蔔: 清甜, 冇渣, 甜甜地好好味；魷魚: 都幾大塊下, 索湯同辣汁好味；豬皮: 好索味, 必點之選；豬腸, 爽口彈牙女朋友唔同係有魚旦: 陳皮魚旦黎, D個我地都好鐘意；流心蛋: D黃真係流出黎, 超正腐乳生菜: D隻腐乳幾好, 唔算好咸, 混埋生菜食幾惹味奶茶紅豆冰: 奶茶同埋紅豆冰都成日飲, 但放埋佢地一齊又真係未試過, 估唔到咁夾, 又特別又好飲總結黎講, 永年冇令我地失望, 特登入黎食都抵, 下次黎元朗會再食!

我唔係一個特別鐘意食車仔麵嘅人，雖然住係元朗區，但其實永年都只係食過幾次， 但佢俾我嘅印象係一個好味嘅車仔麵。 咁啱經過附近見到有人排隊， 個心就想試下佢質數有冇變到，。兩個人排左陣隊order野食, 之後好快就揾到位坐老婆食嘅係翼尖， 紅腸同墨丸油麵中辣。 墨丸有墨魚肉係入面，咬舊去有彈性，唔會成舊粉。 翼尖入哂味， 未去到話一入口就爛哂， 保留到個咬口。 個油麵都好得， 唔鞋口， 好滑同冇澀味。而我就叫左牛筋， 豬紅同蘿蔔加流心蛋。 牛筋有彈性，加有小小念口， 一定都唔硬。 蘿蔔夠清甜，冇渣，但又唔會話好似浸到糖水咁死甜。 豬紅： 一流，一啲異味都冇，又唔會一夾就散， 好耐冇食過咁好味嘅豬紅。 除左兩碗麵，仲叫左兩個小食， 韭菜豬紅同炸魚皮。 哈哈，又係豬紅，叫完返黎先醒起重覆左， 但呢個小食都要叫， 因為佢個韭菜都係好清甜。野飲就叫左樽裝奶茶同抹茶紅豆冰。 個奶茶茶味夠濃， 唔澀口又唔太甜，個人覺得比起太興個冰鎮奶茶仲好飲。個抹茶紅豆冰都好飲，飲得到綠茶味, 紅豆又夠多同大粒。 唔怪得在場都咁多人飲。好耐未試過食車仔麵都咁滿足， 俾佢撩起左條癮，攪到又想去食多次添

我嗌咗三款餸，豬腸、蘿蔔同埋冬菇，配幼麵，微辣。個湯好重味精，好甜，食完碗麵之後好頸渴。蘿蔔雖然好林好入味，但其實甜得好過分，唔知落咗幾多糖。唯一好處係豬腸，覺得幾乾淨，不失水準。＄39一碗車仔麵實在唔平，因為味精太重，又冇乜特別，我短期內唔會再食。

天氣都幾好，去元朗行吓街shopping ，見到呢間車仔麵啲裝修都幾懷舊吓，就入去坐低食碗車仔麵，諗住學人懷舊一下，喺門口排隊落單，叫左一碗粗麵加豬皮丶蘿蔔丶魚蛋丶牛筋，要腩汁，比左錢跟著入去攞嘢食，好快先飲左一啖湯底，又鹹又味精，跟著食左一啖麵，咬落口就知道係用精製麵粉造嘅，唔係唔好，不過唔係我杯茶，蘿蔔夠淋夠甜，可惜食得出啲甜味喺味精嘅甜味，最後冇食完就走了，因為真係唔想自己食完佢之後覺得口喝又要去飲返多啲水。

一早去完南生圍玩，玩完順手过元朗食tea, 拍好車見到呢間人多排隊，跟風跟手排隊，間歺好似好出名，排左5分钟，中於落得單，一共叫一个介央多士，2个車仔麵 ，1杯咖啡 ，1杯奶茶，1杯凍央，2个附乳通菜，甘就兩舊水，附乳通菜勁多附乳，几好，反而介央就無乜介央味，重要得兩舊仔，而且無歺跟，車仔麺就好spicy 至於服务同環境，可以话差，人迫，通道俠窄，服务員勁寸，同姐姐话等埋所有菜出再另埋位，出菜呀姐话無位吾好買喎，我無出声，但不会再来

Fd住係元朗，有時我都會入去搵佢食野。呢間永年士多係元朗好出名，雖然名為士多，但係賣既係車仔麵。今日岩好要去元朗，就約左Fd食永年，為左避開lunch time既人潮，我地11點幾就黎左排隊，點知已經有十多人在出邊排緊隊。不過好在流動性都快，大概等15分鐘就有得食。呢度採用排隊買飛既形式黎order,order完拎左飛就可以排隊拎麵然後搵位坐低。因為選擇困難症，我揀左58蚊大碗麵。有齊豬腸、魚蛋、蘿蔔、豬紅、豬皮、雞翼、雞翼尖、魷魚、紅腸同菜，Total 10種配料，每樣都係一兩舊，但就比正常3餸貴20蚊，其實我覺得好似同幾個fd一齊叫三餸麵跟住再交換會抵d。呢度d餸全部係永年自己工廠每日統一製造，我個人就中意招牌豬腸，口感彈牙肥美又夠入味；另外蘿蔔都好味，清甜入味又無渣。聽講雞翼都係招牌，但係覺得肉有d散，但鹵得幾入味既。呢個係朋友既最標準既三餸一麵，揀左牛肚、芝心丸同冬菇加粗麵。佢話個辣汁好正，牛肚同冬菇都炆得好腍好入味，芝心丸就普普通通。另外我地加左份淨餸豬紅，其實豬紅就軟身唔削口既，亦唔會一夾就散，但係未必岩我口味，因為我覺得太甜。唔知係咪期望太大失望都會大呢，確實永年既豬腸係

昨日傍晚入元朗探朋友，可惜朋友未返到屋企，我唯有向佢屋企乎近周圍行下，個肚古古古好餓，見到X姐蠔餅又怕油，見到X仔甜品又唔俾客坐得耐，轉入條街仔見到間幾大嘅舖頭，個名好得意，名不其實，士多唔賣士多嘢係賣車仔麵，後來至知呢間永年士多看似光光鮮鮮，原來年紀大過多㗎，只係近年全面裝修過，至變左依家咁摩登，以前佢哋真係做士多，後來賣埋滷水嘢，D滷水出衆，慢慢演變成依家嘅車仔麵檔我望左兩望，越嚟越多人排隊，我唔理咁多又排上去，叫左時菜冬菇豆卜蘿蔔米粉，個收銀姐姐一見我咁落，問我係唔係食齋㗎？要唔要我幫你走豬腸汁？我其實都消化未到咩叫豬腸汁，我本能有兩個，第一唔好執輸，因為咁特別一定係招牌野，第二原來我自己都唔發覺我叫齋左，所以我後多加韭菜餃；碗米一到手，第一啖飲湯，哦⋯⋯我明白咩叫豬腸汁，成碗湯有好濃嘅豬大腸嘅香味，令到我碗素米一啲都唔齋，我最鍾意個韭菜餃，入邊好多韭菜，韭菜多過肉至稱得上韭菜餃㗎嘛。不得不提樽奶茶，好掂，飲到茶味，甜度啱啱好

以前讀書時間，最鍾意去食既一間車仔麵，就是永年士多！以前中學的時候，仲要是未裝修！門口係好普通，唔起眼的，入面有點舊，地方不大，有點迫！但過左幾年之後，一樣的地方，不一樣的感覺！因為中學時期，是男朋友帶我來食的！但今時今日己經是我的老公！到現在老公亦會久唔久會帶我來食，食的是從前的味道，係好sweet 既！呢到的味道都沒有改變，改變的是裝修！我們去親都會叫咖央多士，同三餸麵！呢到的蘿蔔一定要叫，因為真係好甜無喳，好好味！豬腸好乾浄，肥而不膩，而且好入味！牛柏葉，爽口彈牙，份量十足！我通常都係食小辣，湯底真係不得了，甜中帶辣，十分惹味！必要小辣班蘭咖央外士，外脆內軟，醬唔會太甜，食落好香班蘭味！

星期六天氣開始涼，天上灑著雨粉，一心諗住十二點開門準時到達就冇死，點知人龍排到轉角，唯有叫兩老搵位坐底再同老公乖乖地等下喇~不過點解士多又會賣車仔麵呢？上網搜尋不難發現答案始於1962年爺爺劉永年係屏山推車仔賣中式早餐開始，到七十年代尾頻頻被小販管理隊驅趕，嬲嬲地就上舖用自己個名開咗間士多，除咗糧油雜貨仲賣埋粥粉麵。點知到1988超市彈起，士多執下又一間，就到爸爸劉偉雄把心一橫接手轉營做車仔麵，成就今日連市區朋友都慕名而來既永年士多直到今時今日已經唔係當年紙皮石地板、用即棄餐具、摺枱摺櫈、街坊味濃既車仔麵店，新一代接班人深明不進則退既定律，終於係2014年嚟個華麗轉身，食物煮法不變，新增水吧包辦飲品，裝修變得時尚光潔，餐具特別訂造，尤其托盤用上國泰航空商務客位的同款用品，特設防滑功能，不易倒瀉食物，又不惜工本購入英國製造碎冰機，不用外面現成的，確保衞生。 除咗實際改變，點餐方式亦有改進。以前即點即夾，講慢兩句都俾老闆鬧，而家跟足快餐店模式，電子屏幕一目了然，諗好先點餐，收銀處點菜俾錢，俾完錢就可以到廚窗等食物，攞完食物就可以埋位開餐!先嚟個咖央多士，厚多士內外都烘到金黃，咖央醬薄薄一層

呢個星期日，我外父又有提議，話想去元朗， 佢想懷緬一下……，元朗大馬路，恆X餅店, 真X蛋捲, 大X 餅店 …… 佢話好多年都冇入過去， 於是今日我決定還佢心願我們一家揸車入去元朗，剛拍好車時望見對面有一間叫永年士多小店，中午十二點鐘人龍己經圍著門口排了一大圈，於是我們好奇過去看看，主要都是食車仔麵，人龍起碼有二三十人我哋本著元朗要排隊的，都是好食！於是叫了些車仔麵， 飲品先醫個肚奶茶很滑，茶味芳香馥郁，顏色深度恰當，夠水準！車仔麵小辣剛好，沒有搶過食物的味道。雞中翼很入味，冬菇夠大粒夠爽口，魷魚夠彈牙 ！這些食物，好食之餘再加上一份懷舊味道！難怪排到人山人海， 又一證明香港人都係識食的！

難得夾到幾個一齊放假，梗係要食我的最愛啦❤️我哋五個一齊去食港最好食嘅車仔麵永年士多😎難得咁熱鬧一齊食🤭梗係要食好啲啦！我就帶咗正餸：有雞翼，豬腸，陳皮魚蛋，豬皮，蘿蔔，糖心蛋，豬血，牛肚同抹茶紅豆冰🍹❤️雞翼一直以來都係好入味啦林身嘅❤️豬腸就係必食嘅個個朋友都會叫❤️帶豬皮呢都係餣得好入味，唔會係白”十”❤️蘿蔔好甜同埋好林新同無渣❤️糖心蛋呢度第一次食😝🤣豬紅都係有啲蒜蓉浸過咁竟然車仔麵都有咁多特色野飲，平時飲開紅豆冰菠蘿冰😏今次試吓抹茶紅豆冰啦😎不過真係冇諗過佢哋咁創新😳抹茶紅豆冰喺香港真係從來都冇見過🤨出乎意料好味，正呀😁

永年士多好出名呀😍😍😍所以特意黎朝聖😂😂呢個係招牌大碗麵裏頭有佢招牌嘅十種最出名嘅嘢食我哋眼見就有1.豬紅 2.蘿蔔 3.翼尖 4.雞翼 5.豬腸 6.魚蛋 7.豬皮 8. 魷魚 9.紅腸 10.油菜 11. 麵底👉 粗麵 我地揀咗微辣講下碗嘢先：※ 份量👉算唔錯幾多下，一個人當lunch食都夠飽（食量大嘅男士可能唔夠飽）※ 湯底👉算無味精，同比較濃郁※ 麵底（粗麵）👉算爽口，但食落口就有d鞋口※ 餸+辣汁（整體）👉都唔錯，不過d辣汁就擺賣一 邊，唔均勻，有d配料就好辣，有d就無味😂😂間舖佈置得好又文青風🤗同招牌大大隻清晰可見好容易穩❌最後有两樣嘢個人覺得要改善嘅地方1. 冇調料架👉想問有無醋，店員係冇嘅2. 座响趟門附近嘅人（由於當時店內人多只有這個位置，也明白地方淺窄）當每一個人出出入入，坐喺趟門隔離嗰個人都要借一借，唔借嘅就好容易整到😡總括嚟講，本人覺得有小小失望價錢較貴:2.5/5環境迫:4/5食物質素:2.5/5