永年士多 (寶城洋樓)

营业中

休息中

黎到元朗一定要黎食呢個馳名車仔麵裝修得幾靚 不過略為人多 所以繁忙時間冇咁易搵位首先叫左碗 豬紅豬腸魷魚幼麵朋友叫左蘿蔔豬皮牛肚幼麵湯底要左少辣 湯底好鮮甜好味餸就豬紅重味 蘿蔔鮮甜十分出色其他一般...$35有3餸1麵 而且份量足料 夠飽肚又有幾多車仔麵檔做到?

好耐冇打食評啦！不過食完永年又好想讚一讚，所以打番一篇先首先睇下食左咩先墨丸牛丸幼面，評分：7.5/10面餅都好大個，我食到好飽，面質唔錯，個湯似係豬骨湯，其實我食面一向唔會飲湯，所以我一向好少理，最緊要個湯底唔會勁油，同埋夠味就可以，而呢個湯係做到呢一個要求，而且濃味得黎唔會油，值得讚。另外，有大份菜，好食，不過墨丸就失色，其實唔係墨丸，佢比的係花枝丸，所以冇爽口的墨魚味，另有牛丸亦一般般啦！普通街市買到的質素，佢冇入到最好食最爽口個隻牛丸的貨。利申：好鐘意食丸，有多年食丸經驗，食勻好多香港的丸。整體黎講唔錯啦！紅腸豬腸油面，評分：8.5/10紅腸正，佢係厚切，唔係勁薄身的紅腸，豆卜都有4-5粒，豬腸爽口，而且亦唔係1-2舊的份量，有番咁上下份量，呢碗係小辣，說真的，雖然小辣但我覺得都幾辣，不過味道係幾唔錯，加埋杯奶茶，正！整體黎講，呢間野我會再去食，我對車仔麵的要求係：唔油膩，湯夠味，唔貴，大碗夠飽，乾淨，佢符合晒以上幾個原則，不過下之再黎我唔會叫牛丸墨丸，因為一般般啦！呢幾個原則好似好簡單，但其實係香港要搵到都唔係易。

我住左30幾年元朗，永年聽就聽得多，真係咪試過。見到流心蛋係推介，一於試試車！同熟蛋冇分別，睇相啦，唔係呃你地唔係難食，又唔係講到好好食，咪又係車仔面一碗，走果時，個呀姐唔知係唔係更年期，搬凳勁大聲，好似特登咁，全場人都望左一望

之前為左慶祝尖咀開左分店，就出左呢杯綠茶紅豆冰，元朗都有得飲，過下綠茶癮，無乜特別😆唔知係咪店主睇到網上既訴求，定加左價？d 餸多左又大舊左，豬紅約6粒，蘿蔔都約有6舊，重點係我愛既豬腸大舊左好多，起碼有兩節手指咁闊，依舊洗得乾淨又好入味，呀，朋友偷左我少少辣汁，平時佢唔食辣，試完話好食好多，從來食永年要辣，加豬腸汁係必須，缺一我會抑鬱兩麵一凍飲$85雖然好多人話裝修左之後味道大不如前，但我自己覺得差唔多姐，一樣見到高佬兩老婆係廚房，不過唔同既係無左親切感囉，無左高佬一齊講衰野，無左老闆娘黑住面咁送我兩粒魚蛋#門口仲有當年鋪頭既模型懷念一下，其實當年朝早有腸粉食都好正架，希望不久將來有返啦

話說上一次黎嘅時間係星期六，非常多人，睇到條人龍都驚最後都無食到。咁啱今日行開元朗，真係要試一試，去到見到平日真係少好多人，等咗5分鐘，終於到我買野食喇！睇到個餐牌，個人好㷫，事關對於一個有選擇困難症既人黎講，車仔麵的確係無從入手，突然間，我見到左下角有一個大碗麵嘅字眼，睇真啲原來已經有幾樣餸幫我揀咗，唔洗諗下，就呢個喇呢個餐有豬肚，魚蛋，蘿蔔，豬紅，豬皮，鷄翼，鷄翼尖，魷魚，紅腸同菜，都幾多料下，等緊嘅時候都幾期待終於拎得喇，呢個就係大碗車仔麵，以賣相黎講其實係幾好嘅我叫咗小辣，食落唔太辣，幾啱味，麵質唔差，唔會軟硬度適中，個湯底有少少黏性，可令食麵嘅時間啲麵吸埋啲湯配料方面，豬紅唔會散，有質感，好食，魷魚唔會好硬，出奇地軟同爽口，正！最記得係個鷄翼，個鷄翼佢係有炸過之後先放落去，有兩個唔同嘅口感，外脆內軟，好食，其他嘅配料其實都幾好不過係個蘿蔔差少少，我係覺得佢唔夠入味，除此之外都好滿意食下食下，原來都有少少辣架，咁當然係要飲一飲個紅豆冰解一解辣喇，個紅豆冰做得唔錯，粒粒豆分明，但又唔硬，豆味濃，唔太甜，正最後食咗71蚊，係幾好食嘅，不過有少少貴

我搬左去元朗都有年幾啦，每次經過都排長龍，甚至未開舖都有人係門口等佢開舖，心唸究竟咩料呀！真係咁堅料!咁今次夜晚晚見到無咩人就當然要試下佢啦！咁係門口就叫左d經典嘅車仔麵餸啦，叫左個油麵，豬皮，蘿蔔，魷魚同可樂啦，第一啖就試下啖清湯先，啖湯好清，夠熱，跟住就到d餸啦，豬皮都好爽口，而且都好有豬皮味。跟住就係蘿蔔啦，蘿蔔係我成碗麵最欣賞嘅地方，蘿蔔煮到好林，非常入味，而且無話煮到爛晒，之前有d舖頭食蘿蔔都會好入味，但係就煮到爛晒，夾唔到，今次就真係幾好味，跟住就到魷魚啦，魷魚係標準野，無咩特別，油麵都係無咩特別，煮嘅時間剛剛好，唔會太林，都有口感。總結黎講，佢唔係真係d人咁講話好好好食，我相信都係俾人吹到上天，但係都唔係太差，價錢都唔貴，總結都唔差。

早排食完尖沙咀分店，見好多篇食評都話元朗總店好食D，所以山長水遠特登由九龍入來，為咗食呢碗傳說中的神級車仔麵。當日旁晚6點去到，無人排隊又大把位。 我叫咗豬皮、豬大腸、魷魚、蘿白米粉，另外叫多個鮮油多士和凍檸茶。食落去其實味道同尖沙咀分店無乜分別，都係無乜驚喜，豬皮好入味，不過細塊咗D，豬腸好入味，魷魚好爽口，蘿白索晒D湯底唔錯。反而多士做得比尖沙咀點失色，多士唔夠脆、而且有D凍。總括來講，都算係一間唔錯的車仔麵，但亦不至於是甚麼神級，總店的質亦不見得比分店好，所以期望過高之下有點失望。

大約8、9歲時我就住響永年士多附近，由於當年附近除左有間好正茶餐廳外，就無咩特別美味食物，所以有段時期無論早餐（以前有豬腸粉魚蛋食架），抑或午餐都會幫襯永年士多，因為貪佢又近又正想當年永年士多午餐時間已經大排長籠，假日時間仲試過誇張到有名貴跑車響士多旁出沒，所以我一般會揀11點就落樓下買，當時一般由高佬負責夾餸，真係快而準，雖然當佢遇到猶豫不決的客人時會有不滿態度（因後面一大堆客人大排長籠），但間中佢會額外俾多幾粒魚蛋雞翼尖請你食，人情味極濃，每次落樓一定必叫豬腸時至今日舊地重遊感覺完全唔同，又有特飲及套餐，仲要電腦化，門口有收銀姐姐收錢，裡面有一大堆職員夾餸，雖然少左份人情味，不過豬腸配少辣汁依然超正，不過份量真係少左好多，始終「往事只能回味」黎形容

晚上行街經過元朗教育路的「永年士多」是提供多類膳食的特色食肆， 見配料湯麵有很多餐款選擇，直食食看。叫左辣魚蛋魷魚瑞士雞翼粗麵，辣多蛋連咖喱湯底粗麵條吃當然會開胃，連同其他配料如瑞士式雞翼及鮮味魷魚等，自然會更好味，再加上幾條清鮮菜心潤腸胃，整碗吃落肚會更鋪上添花。鮮油多士，是多士爐盪熱出來的熱辣爽脆香味細多士方飽，中間再夾上一塊厚切(約2-3mm厚度)的鮮牛油，整塊多士咬落入口真爽脆兼充滿香牛油質感香味，惹味無窮。飲了紅豆冰有奶香。

行過元朗食晚餐，見到多人排餐叫餐後再取食物在店內食於 "永年士多"，好奇地入去食飯因多人食應該有一定水準。叫了魷魚雞翼魚蛋粗麵，魷魚像剛煮時夠鮮嫩再配秘製辣辣的湯汁夠野味，雞翼很入味像瑞士雞翼般好味道，魚蛋肉很似鮮魚般彈牙。一碟通菜食出蔬菜的清爽口感，加腐乳醬是不可少的配搭。飲左紅豆冰令人口渴解決了，紅豆好夠甜。我覺得呢間店的車仔麵水準是數一數二，特別是食物跟粗麵都配合得好正。我見仲有菠蘿冰、柚子檸水.... 當再來食時要叫來飲。

收工入左黎元朗做d野順便就食埋個dinner先唔太熟元朗既我就上open rice睇下有咩好食見到永年士多評價唔錯仲係老字號，就一於試下。都幾多人排隊，一邊排一邊睇店既顯示器清晰咁show晒有咩野食出黎排左幾個字終於叫得啦叫左碗3餸1麵$35～牛柏葉、豬紅、魚皮餃粗麵加份牛油既多士。湯底有辣，但我就無叫辣啦，湯底無簡水味幼麵硬度適中，牛柏葉亦唔會太淋多士有烘底👍🏼兩小件，岩晒細食既人食完就走啦，出面仲有好多人排隊但其實算排得快，食客都食得比較快就有位有機會黎元朗又想簡單食，就會再次黎食啦

今日區外朋友入黎元朗，我作為東道主要帶佢地去食下元朗名物-永年士多!做左幾十年元朗人，永年士多係我由細食到大的車仔麵。即使早幾年重新裝修，味道都無變，咁多年都係咁受歡迎。近年元朗多左好多車仔麵，不過我都係喜歡永年既味道。新裝修後呢度有門口有排大玻璃，店內格調灰藍光鮮，非常潮，坐位比從前更舒適。先在門口同店員店餐。如果你碰上一位木口木面無咩反應但又幾靚女的點餐姐姐為你點餐，千萬不要不開心，因為佢本來個樣就係冇表情的，非常有性格。然後排隊到出餐區取麵。途經開揚廚房，可見見永年流水作業式，乾淨企理的為大家執餸煮麵。先來展現下我們的飲品。而家永年的飲品多左好多新嘢，而且凍飲係用碎冰上，好貼心。今次的飲品有:紅豆奶茶冰紅豆大大粒，唔會煲到爛哂，同奶茶個味又幾夾喎菠蘿冰，好多菠蘿肉，清清地唔會過甜，好解渴抹茶紅豆冰冇諗過係港式車仔麵店都有日系飲品， 抹茶味岩岩好唔會太濃跟住就睇睇我們的主角。呢度有幾個餸我要推介:豬紅: 滑得來，入味有咬口。有得叫就好叫，因為有幾次晚上七點幾去，都會賣囇。鎮店之寶也豬腸:要整條靚豬腸幾考心機功夫。永年的豬腸乾淨係必然，滷得夠淋，夠入味。蘿蔔:清甜無渣，軟硬適中。靚麵

其實本身我唔鍾意食車仔麵，有得選擇一定唔食今次幫襯純屬廣告效應晚市嚟講車仔麵應該好靜，但而家仲好多人排隊講真永年收費係貴咗少少，但又未至於貴到唔合理。等咗一陣終於到我永年採取快餐店形式，先付款後取餐。招牌入面講永年聯繫三代人，但呢種快餐店感覺上少咗啲人情味到主角出埸，湯底都👌至於麵都係普通油麵咁受歡迎嘅祕密就係餸菜度?我點嘅係三大推介豬腸,豬紅和蘿蔔。唔怕貨比貨，因此工作關係有時公司午餐只有車仔麵，相比下永年車仔麵蘿蔔食落清甜，豬紅都好正至於豬腸食落唔肥，食出材料方面有下苦功不過有一點要留意，原來排隊點餐和攞抬霸位係兩回事，分分鐘有機會有得食無位座評語:車仔麵係好食，不過未到神級如果唔使排隊都會食，但就唔會特登排隊(我又唔係鍾意食車仔麵)評分ok純屬個人因素和服務態度，如果只係評價車仔麵會比好評

其實永年士多已經好多年~小中學已經陪伴我成長~10年前要排隊，10年後也是一樣~朋友入元朗辦事，所以今天帶她一試~裝修後我第一次去~1:00去到已經是排長龍~我點了一碗大什米粉小辣（這家的辣不是一般的辣），抹茶紅豆冰~份量很足~有豬紅，魚蛋，豬腸，魷魚，雞翼，蘿蔔，雞翼尖~豬腸彈牙，不會是煮耐了皺皮的~雞翼滷水味濃，雞肉是嫩肉，蘿蔔大件又淋~$50多元價錢合理~那個抹茶紅豆，有輕微抹茶味加大粒紅豆~清甜可口~朋友也點了一個，豬紅，豬腸，雞翼尖，魚蛋~和朋友一起再加點一份菜~食完朋友好滿意，我說很少有車仔麵可以保持水準或者不斷進步來經營這麼多年~

已經唔記得咗第幾次來呢度食同樣嘅餸同樣嘅車仔麵...但係依然咁好味！ ！ ！佢嘅豬紅豬腸同滷水雞翼係我嘅首選。豬腸乾淨、口感豐腴；朱紅鮮甜嫩滑；雞翼就普普通通純粹係我鍾意食😂😂我次次都嗌小辣，因為辣汁加埋啲湯真係好正。