影片
更多
2018-01-08
1945 浏览
星期六天氣開始涼，天上灑著雨粉，一心諗住十二點開門準時到達就冇死，點知人龍排到轉角，唯有叫兩老搵位坐底再同老公乖乖地等下喇~不過點解士多又會賣車仔麵呢？上網搜尋不難發現答案始於1962年爺爺劉永年係屏山推車仔賣中式早餐開始，到七十年代尾頻頻被小販管理隊驅趕，嬲嬲地就上舖用自己個名開咗間士多，除咗糧油雜貨仲賣埋粥粉麵。點知到1988超市彈起，士多執下又一間，就到爸爸劉偉雄把心一橫接手轉營做車仔麵，成就今日連市區朋友都慕名而來既永年士多直到今時今日已經唔係當年紙皮石地板、用即棄餐具、摺枱摺櫈、街坊味濃既車仔麵店，新一代接班人深明不進則退既定律，終於係2014年嚟個華麗轉身，食物煮法不變，新增水吧包辦飲品，裝修變得時尚光潔，餐具特別訂造，尤其托盤用上國泰航空商務客位的同款用品，特設防滑功能，不易倒瀉食物，又不惜工本購入英國製造碎冰機，不用外面現成的，確保衞生。 除咗實際改變，點餐方式亦有改進。以前即點即夾，講慢兩句都俾老闆鬧，而家跟足快餐店模式，電子屏幕一目了然，諗好先點餐，收銀處點菜俾錢，俾完錢就可以到廚窗等食物，攞完食物就可以埋位開餐!先嚟個咖央多士，厚多士內外都烘到金黃，咖央醬薄薄一層
始於1962年爺爺劉永年係屏山推車仔賣中式早餐開始，到七十年代尾頻頻被小販管理隊驅趕，嬲嬲地就上舖用自己個名開咗間士多，除咗糧油雜貨仲賣埋粥粉麵。點知到1988超市彈起，士多執下又一間，就到爸爸劉偉雄把心一橫接手轉營做車仔麵，成就今日連市區朋友都慕名而來既永年士多
直到今時今日已經唔係當年紙皮石地板、用即棄餐具、摺枱摺櫈、街坊味濃既車仔麵店，新一代接班人深明不進則退既定律，終於係2014年嚟個華麗轉身，食物煮法不變，新增水吧包辦飲品，裝修變得時尚光潔，餐具特別訂造，尤其托盤用上國泰航空商務客位的同款用品，特設防滑功能，不易倒瀉食物，又不惜工本購入英國製造碎冰機，不用外面現成的，確保衞生。
除咗實際改變，點餐方式亦有改進。以前即點即夾，講慢兩句都俾老闆鬧，而家跟足快餐店模式，電子屏幕一目了然，諗好先點餐，收銀處點菜俾錢，俾完錢就可以到廚窗等食物，攞完食物就可以埋位開餐!
先嚟個咖央多士，厚多士內外都烘到金黃，咖央醬薄薄一層味道普通
湯底用豬骨、雞腳調製，加入果皮、當歸、甘草等提味，加埋秘製辣汁，少辣已經好醒神
豬腸澈底洗淨，連肥膏都去埋，彈牙又唔肥膩
平時食豬皮最怕有毛，呢度整得乾淨又爽口
最愛雞翼生醃過夜再即日滷水煮到起膠，滑溜入味
溫泉蛋唔同拉麵店會滷水煮過，白烚吸收湯汁辣味，蛋白軟滑、溏心香甜
奶茶濃滑，茶餐廳水準以上
抹茶紅豆冰，紅豆煮到起沙，抹茶香濃，就算食完先飲都唔會因為冰粒溶化變得淡茂茂
論味道相似既車仔麵大有店在，要保持原有味道再改良工序增加效率，由客人角度出發確保食得安心，絕對要讚下店主既細心，難怪可以接手幾年就係尖沙咀開分店而仍然客源不絕
张贴
