永年士多 (寶城洋樓)

营业中

休息中

永年我一向很喜歡吃它的車仔麵，間中也會約埋好朋友一起去食返碗面。難得今日放假，當然要去食返轉啦 12點開門，已經排緊隊，成日去食嘅我們當然知道，早少少去就唔使等三餸麵要＄36 ,我習慣加多1、2樣餸，今朝早未食早餐，所以叫多啲😎餐廳乾淨，多數都是櫈仔，卡位數目少，好彩我今日霸到😼識咗咁耐咁多次，難得依然可以保持水準！我最喜歡就是它的辣汁👍🏾👍🏾👍🏾特別是炸魚皮沾一些湯汁，好嘢味撥開少少炸魚皮，啲餸就出返晒嚟最鍾意就係同老死互相交換餸食，就可以食多幾款！特別想介紹下下面幾樣餸😋😋😋永年的豬皮是必點！咬落彈牙，唔會煮到太淋身，而且吸晒湯汁的味道！絕對推薦！ ！其次是蘿白，食車仔麵無理由唔食蘿白！蘿白入晒味👍🏾牛肚蚊到好淋，陳皮魚蛋唔會*粉*！流心蛋夠滑，蛋汁流出來，加少少湯汁就更完美雞翼又是例牌會點，入味但肉質不會淋晒絕對要加埋呢杯奶茶紅豆冰，勁多紅豆！出面搵唔到，飲飽食醉滿足晒😋😋😋

自從新永年嘅服務改善咗我都去多咗，因為佢哋車仔麵係好食嘅，湯底唔錯，尤其喜歡佢既辣。而且餸既選擇又多，同朋友仔一齊嚟到永年開心share食就更加興奮。今日好豐富，食咗好多款餸呀: 時菜、雞翼，腸仔，墨丸、鳳瓜，九菜餃，豬紅, 支竹球，又人人都叫既紅豆奶茶， 再加個腐乳生菜😋。有點可惜係流心旦售罄😣大家都讚支竹球嫩滑吸味能力高，一d都唔油; 又愛鳳瓜，好似去埋茶樓咁，有傳統風味; 嘩，呢個墨丸簡直一流，一咬就有墨魚肉，仲見好几條墨魚係粒丸裏面到，好抵呀;？雞翼就必食啦！

永年士多店內佈置新潮，條龍一樣咁長，而最緊要係店員比想像中有禮貌！店內座位多，同時亦好多人，覺得客人都好識做，食完就走，唔會坐好耐！ 所以都唔算排得耐我哋叫既餸有: 豬腸、雞翼、流心旦×2、支竹球、牛栢葉、芝士腸，湯底係清湯，聽講佢個辣汁好好味，但因怕辣，所以未能品嘗！ 覺得佢各樣餸都几好味，特別喜歡支竹球(好吸味，一層層好有層次感)、豬腸(又爽又重豬腸味，好懷舊feel)、雞翼（好入味,好大隻）、流心旦(旦汁慢慢流出，好香旦味)😋！一般車仔麵通常飲汽水，但呢到可以配綠茶紅豆奶茶，感覺特別。兩樣嘢mix埋既口味好唔同但好夾。綠茶味香，紅豆煮到起沙，成杯飲品唔太甜，必定要試吓，而朋友唔飲綠茶，就叫左杯都紅豆奶茶。永年士多車仔麵同飲品新潮美味，唔怪得之咁多年都人龍不絕，果然係區內名店，名不虛傳。必定再來光顧

之前經過幾次，每次都被長人龍嚇親而不敢排隊，今次朋友特別帶我來，原來人龍雖長，但好快散去，因為客人都食得快散得快，排隊點食物再付款，之後自行去取食物及自己搵位，其實等左一陣就有位。【車仔麵3餸一麵】$36我揀左豬紅、蘿蔔、牛肚、幼麵微辣。朋友也是一樣，但加多了牛筋。湯底味道濃郁而且好清不膩，但食完全日都口乾。豬紅值得讚下，滑溜味濃有口感，絕無異咪。反而蘿蔔唔夠入味，係幾清甜無渣。牛肚份量多煮得夠軟腍易咬，也夠入味。加左微辣剛剛好，少少刺激又帶起個湯底味。【抹茶紅豆冰】跟麵+$15，幾抵飲，大杯夠凍，抹茶味突出，有1/3杯大粒香甜紅豆，拌勻飲味道超正， 不會太甜， 兩者味道平衡。我諗奶茶紅豆冰應該都吸引。排左15分鐘就有得叫野食都幾快，價錢合理。

由中學已經開始食永年車仔麵， 它由一間好古老嘅舊鋪轉換到而家已經行電子化嘅新鋪， 最近仲開多咗間分店㖭。雖然裝修格局已經唔同咗，但食物依然保持水準。我今日叫咗一碗車仔麵，裏面有魚蛋，蘿蔔，豬腸， 雞翼尖， 油麵底和微辣。 魚蛋好香魚肉味， 蘿蔔好鮮甜， 夠淋身。 而豬腸一d腥味都冇, 仲好香滷水汁味。 雞翼尖一啲雪藏味都冇同夠鮮甜。 油麵煮得剛剛好，唔會太淋和太硬， 再配埋微辣真係好嘢味另外再叫咗個奶油多， 牛油厚切再加練奶同麵包烘底， 又香又脆又甜真係冇得頂!最後叫多碟菜心， 菜心唔會太油，仲好爽口，好鮮甜， 煮嘅時間剛剛好。另外再叫咗杯凍好立克， 食完真係好滿足,好飽

今天我們放工後在元朗找晚餐吃，來到在大馬路附近的永年士多，因為很多人都說這間車仔麵很正宗很好吃而且歷史悠久，於是一心來試試這個車仔麵的味道。一去到在門口大概要排隊大約5分鐘，才機會買嘢食，店員落單時的服務態度不算好黑口黑面，入到去排隊拎食物嘅時候嘅服務態度都係差唔多。也算粗魯。但真正令人失望的卻是最關鍵的食物質素，我哋分別叫咗一碗豬紅魚皮餃糖心蛋粗麵，仲有另一碗係豬皮配生菜車仔麵但卻都差強人意。配料上豬皮豬紅魚皮餃都冇乜味道，麵食方面先講油麵，油麵嘅感覺還可以。但車仔麵嘅幼面就做得好差食落去好似鐵線，而且所謂嘅辣湯底味道都好差只有一股死辣味並無香味，完全係唔好食。小食嘅咖央多士亦都好細份，而且有偷工減料嘅感覺，食完好似食咗陣風咁。要食車仔麵，元朗其實仲有其他好嘅選擇。我唔知點解咁多人話好食，有咁多人喺網上面做推介，但係食物質素先係一間餐廳嘅靈魂，如果你將間餐廳重新包裝度想成為一款香港品牌，但係你嘅食物質素並沒有達到可以代表香港車仔麵那麼誇張，那麼請你好好檢討是什麼原因！😡

每次來元朗經過都見到呢家車仔麵店好多人排隊！仲每次都大排長龍⋯裝修前係咁多人，裝修後都一樣咁多人！仲裝修到有種懷舊的香港風令到我終於都忍唔住去試一次啦！排隊，叫餐，再拿埋食物，其實都唔係好左好耐時間～一睇就覺得好咁，仲要好香～湯底味濃，仲要原來叫碗3餸都幾大碗我就叫左少辣～對我來說好夠了🤩味道岩岩好，辣辣地幾過引～麵底爽，豬紅超滑！！呢樣真係激讚，現在好少地方整豬紅整得咁好食了～（有些地方整得好嚡脷⋯)仲有流心蛋係堅流心😭😭😭😭😭😭😭😭😭真係好正丫喂⋯⋯冇得輸⋯出面食一定唔只呢個價啦⋯另外仲有雞翼同蘿蔔都好值得一提！雞翼大大隻～又夠晒入味～但唔會「淋」晒！入面仲係滑滑的，有咬口的正蘿蔔又係入味得黎，又唔會冇晒蘿蔔果種清甜～～唔好睇少呢杯菠蘿冰！我覺得值得一試！佢唔會只有糖水甜味！一定是有調過味的～會有一種特別的酸味（個人認為係加了檸檬汁🤔🤔🤔）yummy🤤🤤奶茶紅豆冰都好正，茶味濃！又夠滑，溝左紅豆之後多左陣陣的甜味！（個人建議先飲一口奶茶先再搞，咁就飲到兩種不同的感覺！正）

好耐冇去永年食車仔麵，因為好多年前去舊永年食嘢，由開始叫嘢食已經好驚，叫慢d都比人串，服務態度差到冇朋友! 今次見到佢新裝修咗一段時間喇，開始網上有人稱讚，所以都不妨去再食一次! 估唔到樓面嘅人應該係換曬，服務態度非常十分之好，收銀唔會畀壓力你去揀餸，而且出面張貼哂有關資料等你排隊嘅時候揀定食物， 再入到餐廳，店員小姐見到有小朋友嘅人，會主動問客人要唔要碗仔，仲幫你排隊去攞食物，讓你覺得更加享受，真心讚service改變咗好多好多!我哋叫咗1。芝士腸，流心旦，雞翼，紫菜，時菜米粉； 2。豬腸，牛栢葉，枝竹球，凰爪，流心旦，粗麵，小辣，抹茶紅豆冰；3。豬紅韭菜。 勁好味既食物係…好流心既流心旦，旦白唔老；入味同滑滑既雞翼；唔肥同爽口既豬腸；爽脆既Albert yip；入哂味既支竹球；冇可坑拒既鳳爪, 大量既紫菜；好甜好林既菜心；連韭菜都有少少甜味，可能係個湯底吧！仲有好得既抹茶紅豆冰，見枱枱都有叫，所以我都落單啦，果然好香綠茶味，宇治抹茶變成飲品，我LIKE

作為尖沙咀永年粉絲，入到元朗都要食車仔麵！例牌叫個雞翼，豬腸，枝竹球油麵微辣，湯底好似比尖沙咀較為重口味，落辣都比尖沙咀重手，但作為粉絲都一樣咁鐘意食！但食完真係要飲多啲水...

一讚再讚既永年💕 服務好好個日同朋友lunch time黎永年食永年既lunch time真係好多人我地攞埋野食 都未有枱係咁細既店仔 攞住兩盤野食真係有啲煩係無助之制 突然有個永年員工係好遠見我地話'2位嘛？ 坐呢度啦！'勁好 幫我地搵左個位！之後 我同我既frd享受永年既美食我叫左中辣 依照我最愛既枝竹球 蘿蔔 豬紅加多左杯凍檸茶(必叫)凍檸茶佢個茶底好香茶味又唔會澀 正！係我frd同我傾計傾到手舞足蹈既時候我個frd掃跌左杯檸茶永年既員工即刻9秒9跑黎幫我地清潔 (完全無西面)我個friend超唔好意思 因為倒哂左我最鍾意既凍檸茶佢諗住去買翻杯比我 點知永年既哥哥話你去攞過杯凍檸茶啦 補翻比你地我個下諗: 明明係我地大意 仲要補翻比我地 太好了吧！一定要寫篇食評表揚永年既服務！ 哈哈

永年係我最鍾意食嘅車仔麵。 受歡迎程度睇係佢永遠唔會斷嘅人龍就知道！以前我不吃大腸及豬紅，但這裏的大腸及豬紅是我必叫的餸！豬紅直情要打孖上， 喜歡去濃濃嘅蒜味豬紅！ 今次亦係雙份豬紅，可惜有啲可能煮嘅時間唔夠耐，唔夠入味。 豬腸軟熟煙韌好味， 另外叫了蘿蔔送了雞翼尖及魚蛋，變咗好豐富嘅車仔麵，雞翼也不錯。 紅豆冰紅豆不會軟淋淋，有咬口粒粒分明又大粒！

冒名而來食呢間老店，網上話屹立元朗五十年，又話傳o左幾多代咁。首先，從外面睇裝修就好新穎，好現代o既感覺，似乎同老鋪唔太扯得上關係……不過外面超多人排隊，咁就寫包單起碼一定好食！有樣o野要提一提，條隊係排收銀機點菜，位係自己搵的，所以記住確保有位先好排隊啊～裡面也是人頭湧湧，不過佢個turn over 都快o既，同埋好多排隊o既人都係take away，所以搵位其實唔太難。坐低o左，從裡面睇，雖然間餐廳表面好新式，又快餐店式自取運作，但仍可發現唔少陳舊o既端倪。牆身同地板都係粗獷o既水泥質感，一邊牆掛o左面白底紅字、仿手寫毛筆字體o既麵鋪招牌，另一邊直情係成塊波浪鐵皮鋪出o黎，營造上一個年代o既感覺。豬腸蘿蔔流心蛋米粉(三餸麵$35)，我叫o既三款餸都係佢menu 上寫o既推介配菜。先講湯底，同出面食開o既車仔麵唔同，出面食我都興叫佢加d 腩汁提味，但佢呢個湯本身已經有個唔錯o既肉味，而且唔鹹。蘿蔔無渣，外層帶少少咖哩味，裡面好甜，講緊自然o既甜，兩者balance 好好，超鍾意！流心蛋更係無估過食個車仔麵都有得點，亦都係層次好分明，有齊蛋白、比較熟o既蛋黃，同成型中會溢出o既蛋黃。爸

好似幾岀名所以就去試下 但係食落就唔覺得有咩特別 同埋個人認為車仔麵係街坊野 所以覺得$35唔係太抵 尤其係對我呢啲鐘意食cheap餸嘅人😂 同埋好多人 要排隊等 入面又窄 行同坐都迫 冇野值得我再食 試過一次就夠

食物品質 辣度仍然保持，另外 點咗碗清湯俾小朋友 魚蛋有辣味嘅 小朋友係食唔到。前線 服務 需要改善 女收銀 化都新娘咁厚嘅妝， 笑容欠奉 講嘢冇尾音 全程黑面。 希望前線員工可以改善！

很久很久沒有寫食評了, 除了懶惰，另一原因就是沒有心情。近來發生了很多事情，幸好還有另一半明白我, 她今晚帶我去她推介的車仔麵店吃過飽，我當然奉陪到底一踏入店, 感覺好像去了台灣的麵店, 和平常去的車仔麵店很大分別，我個人很喜歡在這種環境用餐，不但氣氛和諧，而且食欲增加不少。由於我十分肚餓，我點了油麵三個餸再加底，$35+8 都是$43, 價錢都可以，我很喜歡蘿蔔，入口融化，而且入味又很甜, 另外，流心蛋不用說的, 大家試過一定必點另一半點的都是油麵三個餸, 沒有加底，豬紅都不錯，有一點想提醒大家，不吃得辣建議不要點辣, 因為小辣已經很辣, 辣到我差點著火, 食到成身汗，好刺激我們還點了菜心, $15都算公道，食車仔麵加碟油菜先為叫做識食我們今餐吃得很飽滿, 多謝另一半介紹這間車仔麵店，車仔麵來說cp值很高，無懈可擊，一定再來光顧!