永年士多 (寶城洋樓)

营业中

休息中

今日我同媽咪去左元朗食lunch，黎到一向好多人既永年士多，咁啱12點開門，門口已經排左十幾個人，還好唔洗等位，今次我地點左兩碗三送一麵（$36），牛筋雞翼豬紅米粉牛筋炆得好淋好入味，正，雞翼好重鹵水味，入晒味，唔錯，豬紅爽口，味道正常，菜心煮得啱啱好，唔好過老，蘿蔔豬腸墨魚丸幼麵蘿蔔甜到不得了，甜到好似浸左糖水一樣豬腸入味彈牙，正，墨魚丸味道正常，不得不提就係餐廳既獨門辣汁，辣味恰到好處，客人可以自選辣度，個人覺得佢既小辣都已經幾辣下，足以過足癮。

🔻斑蘭咖央多 配樽仔奶茶 （$28）咖央多得兩小舊😪雖然睇落幾得意😆但其實#🍋👧🏻 覺得有啲吾抵😶呢隻味同深水埗維記嗰隻好唔同😕可能係因為呢個係斑蘭味😗但斑蘭味不特出😟多士邊切得不太好👎🏻仲食到少許麵包皮🥪技巧有待改進樽仔奶茶請參考之前嘅post⭐️評分：3/10-

中學第一次來元朗，第一次食既元朗美食就是永年。當年只係普通的車仔麵檔，沒有華麗的裝潢 簡簡單單用發泡膠盒裝著熱辣辣的車仔麵 時至今日，永年同元朗緊緊相扣著 成為地標性的美食店。每個假日 香港四方八面的人都黎一嚐一碗車仔麵。我個人覺得車仔麵 絕對可以食出一間舖是否用心制作。每一味菜都用心料理 煮得入味絕對係平民美食既表表姐 豬皮 冬菇 生菜 幼麵 $36 豬皮爽口夠入味 冬菇用蠔油炆過 麵底份量夠飽肚，但對男士來說可能相對較小。雞翼 韮菜餃 魚皮餃 米粉 $36雞翼鹵得入味，有兩隻都覺得唔夠喉

雖然好多人都覺永年大不如前，但我真係由細食到依家，都覺得豬腸羅白同雞翼無第二間做得到咁入味同好食不過辣汁係差左，無以前甘辣，不過依舊好食推薦:::豬腸，羅白 係必食

今晚嚟到元朗搵嘢食，唔知食乜嘢好，所以就去咗永年士多食車仔麵啦。呢間餐廳裝修過後環境坐得舒服左好多，依然不減嘅就係佢有好多人慕名而來。我哋兩個人分別叫咗兩個車仔麵，我嘅選擇係米粉，配蘿蔔，雞翼，流心蛋，辣度就揀咗微辣，三個餸嘅話就係$36，飲品另外加錢，$11蚊就可以加凍飲，我地加左有一杯凍檸茶。另外一個車仔麵我哋就揀咗四個餸，配粗面麵，分別揀咗牛肚x兩倍，豆卜，魚皮餃，辣度就揀咗唔辣嘅！呢度嘅蘿蔔真係超級甜，我覺得微辣嘅話適合啲唔係好食得辣嘅朋友，譬如好似我，哈哈！但係又有啲味道喎，好惹味不停係咁食！流心蛋真係流心㗎，不過我一啖食晒，我就覺得味道係正常，唔係好大驚喜，下次我會寧願叫第二樣餸可以食多啲！

話說本人真係麻麻地啦，不過佢又唔太難食啦，咁呀家姐鍾意食，咁我哋間中都會買嚟食，真係唔覺得有咩特別囉，湯清無味得個咸字，鹽水湯低咁，豬腸都算乾淨，剪晒肥糕，但係就唔入味!菜心就卜卜趣，因為未熟，尤魚都可以夠熟不過又係無味，豬皮不過不失，最叻就係捉到人剌激心理，一味得“ 辣到阿媽都唔認得“嘅感覺比人咯，都唔知係未名氣營業係易做d,唔落辣汁就玩剌激，無分開上辣扮型，真係慳番係屋企煮虾子麵加蠔油仲好食，服務一向都不敢恭維!不過車仔麵一碗啫，又唔可以要人笑口笑面嘅，食就食吧，唔食就過主就緊嗱，不過今次玩外買就又有新奇趣，外買無嘢可裝，另外上辣，算!你有運好生意!又可能你地簿利得濟，另外上辣帶走，會蝕到不似人型，不過可以外加辣加三蚊，反正你地都唔係街坊價車仔麵。不過奇怪事，咁好生意，分湯上外賣都識加3蚊嗱，比多一蚊白銀你地，裝辣走又如可，好過外買想分開d辣都無得ok ，最攪笑，買腐乳通菜，係先落腐乳醬後來懶靚咁掟幾粒紅辣椒落去上面嘅，你又唔問下我要唔要辣就拎落去，叫都叫唔住，我叫妳 撇走啲辣椒揼咗佢，妳就懶可愛咁話，唔知掉d辣椒絲去邊，就一下冚蓋唔理我，咁人應該唔食屎㗎，我當你食，係你碗飯到加d

由中學嘅時期已經開始食永年 每日嘅lunch都係排晒長龍 個陣佢仲係舊鋪車房嘅裝修 但係食到而家依然覺得咁好食雖然而家裝修左係舒服左但無可否認價錢亦都貴左感覺份量都少咗 不過佢哋嘅車仔麵最重要嘅靈魂個辣汁依然保持左水準 繼續令我食佢地嘅原因 如果大家真係第一次食建議試小小辣先 因為佢嘅辣真係唔係講笑 但同時亦都會令人食上癮 令到佢個湯底非常正！！！！推薦嘅餸有雞翼豬腸豬紅蘿蔔同埋紫菜雖然車仔麵食紫菜係有啲嘥錢 但因為永年嘅辣汁太好食 每一啖紫菜都索晒啲辣味 正啊

入黎元朗嘅人除咗識得B仔應該都識得永年。永年以前係好港式嘅車仔麵檔，通常都係外賣，因為入面簡陋。即使係咁，每日開檔前都已經有一條勁長嘅人龍等買車仔麵。但係有趣嘅係個陣時落單即時就會執堆俾你，每一個員工負責嘅野都唔一樣，後面又有好多人等緊，所以叫個陣絕對唔可以出錯，如果你落單先黎諗唔單止會俾後面等緊嘅鬧，仲會俾啲員工串你。雖然每次都要係排緊隊嘅時候諗定食咩，承受嘅壓力都唔少㗎，但係黎食嘅人從來冇因爲咁減少到。我認為佢裝修咗之後少咗啲人情味，但係店面靚咗，衞生咗，坐得舒服咗。野食方面仲維持到，份量冇點變到，價錢就貴過之前10蚊左右。不過依家三十幾蚊食到個好食嘅車仔麵都好合理嘅。必食嘅餸包括豬紅，雞翼，牛筋，紫菜。其他餸基本上都冇中伏之選嘅，即使係丸類佢都係入最好食個啲丸，蟹籽包、芝心丸都唔難食㗎。另外一樣就係一定要嗌辣，因為佢啲辣汁真係可以帶到啲鮮味出黎，但係我唔食得太辣，所以只係叫微辣。有次唔小心叫咗小辣，又唔記得叫野飲，真係食到流哂鼻水。

永年在元朗無人不曉，加上不少區外人慕名尋食，店子門外總有長長人龍。由簡陋裝修食到大，到依家食小辣都食到流哂鼻水，不過每次食完都好過癮，總係令人念念不忘而前數年 裝修後，店舖服務員態度要改善店鋪靚左好多 感覺光猛摩登了，而座位同衛生情況都好左沒有了「士多」的感覺，改為現代化企理管理。入去是要先點餐及付款，然後去取食物。而無變的 就係食物質素 同永年出名的辣汁，識食的，一定會加招牌咖喱辣汁，讓唇舌感受發麻辣勁，為豬腸、雞翼尖等做得出色的餸料錦上添花。

平時好去元朗, 今次黎到就要試下永年士多總店~因為係尖沙咀就食過~想試下味道係味一樣!晚上大約8點左右到達餐廳門口, 見到人龍就知道搵岩啦等左10分鐘就入到去叫野食同搵位坐今次叫左三餸麵~豬腸, 雞翼同魚蛋~佢地D豬腸真係好好味~好喜歡食佢地既豬腸!

一係食野求其嘅我都覺得唔好食啦，唔落辣汁完全唔使有味， 辣汁都係玩刺激，唔香唔好味，得個辣字捉你啲人玩刺激食得辣好勁咁咋嘛!係豬腸剪得幾乾淨，不過都唔入味，尤魚都爽不過清烚嘅水味都幾濃!豬皮無驚喜，魚蛋叫番嚟都可以係 淥得唔夠彈牙，實心咁，不過我又覺所間間車仔麵都差唔多，唔怪佢，唔食汁就要靠真功夫，靠汁又要有真本事，如果两樣都無，玩下心理捉客玩剌激都好嘅!一碗車仔麵都唔雖要講咩嘢好服務，但係唔好hea成咁!我三碗麵有两碗走辣㗎嘛!我要另外上辣又話無，分湯上都識加三元，點解又無得分開上辣，但係 腐乳通菜係先上腐乳醬後尾加幾粒辣椒點綴!咁你問下我又同我加，叫都叫唔切，睇唔睇到張單有两碗走辣!叫你 撇走啲辣椒c,又懶可愛咁話撇咗唔知掉去邊，跟住一手冚蓋就包比我， 咁我可唔可以喺你碗飯到家啲腳皮叫你食咗你碗飯？監人乃後冇服務

車仔麵，好多人會推介永年士多話係最好食嘅車仔麵於是，過開來元朗就朝聖一下點知係伏嚟?！大太陽，見住有廿幾個人排隊就照排，諗住叫多人食，實好味啦入到去，環境好逼，人好多，要企喺人地後面，等位嗰種等左10分鐘，終於有人走，可能因為我企喺佢地後面，有壓力一坐低，好唔舒服🍽三餸車仔麵＜蘿蔔，雞翼，豬皮，油麵＞$36一入口，超濃味未食過咁甜湯底的車仔麵好似糖水一般，濃味得過份🥕蘿蔔超淋，淋到完全唔使咬都融左而且超級甜，完全冇蘿蔔味，唔清甜好似糖水煲出來一樣🐥雞翼不過不失，但冇豉油味而是一種特別香料嘅味道🐖豬皮好淋，唔爽豬皮唔係食爽㗎咩？🍲油麵同出面食，冇太大分別偏淋🥃紅豆冰＜跟餐+$13＞紅豆軟硬適中，有豆味但煉奶味十足，超甜😑😑😑😑😑😑😑😑😑😑好失望，究竟點解咁多人覺得好食?糖水死甜和味精感十足的車仔麵湯底，同埋淋到冇牙都食到嘅配料＜除左跟麵送嘅一條菜心超硬＞完全食唔到食物的原味無下次

是日跟同事們一起午餐，見到Storellet App永年士多的8月份優惠券咁吸引就搵同事夾份買超過$50，為的就是一碟原本要加十幾蚊才有的炸魚皮~~~永年車仔麵其實唔算係特別，但個人喜歡食豬腸，貪佢夠好食，個湯都幾咸吓，好在個魚皮唔咸，夠脆又好好食，我就喜歡當薯片咁食，有同事就喜歡浸湯食~~~原來依家like and share facebook專頁的post有匙扣送，我就拎返個紀念品，雖然我係元朗大，但其實我在翻新後才開始幫襯永年 個人覺得永年叫麵加$11才有飲品就貴咗DD，不過如果大家有App儲分，可以遲D用分換領飲品，感覺就會抵好多

可能佢地就收工 叫野食好似軍訓咁(有啲維記feel) 可能生意好得滯 唔稀罕 態度勁差 真心 以後唔會再去。。食完一肚氣 臨走仲衰 有個金毛短頭髮話鎖左門噃呢邊 我問 咁姐係點 好衰態度話行 果邊囉 。。食物咩都冇 可能太夜賣晒 味道都唔係講到咁好食 ..

I’ve heard about this place for a long time but never had the chance to go as it usually commends a long queue. Happened to walk by when there was no line and decided to try. You have to order and pay first before sitting down and the cashier asked what I wanted. Since it was my first time there, I’ve asked the cashier what she would recommend. She simply asked what I wanted again. I then ask again for recommendation and she simply pointed up at the menu and gave me a very sarcastic look. The no