永年士多 (寶城洋樓)

营业中

休息中

今日我同媽咪去左元朗食lunch，黎到一向好多人既永年士多，咁啱12點開門，門口已經排左十幾個人，還好唔洗等位，今次我地點左兩碗三送一麵（$36），牛筋雞翼豬紅米粉牛筋炆得好淋好入味，正，雞翼好重鹵水味，入晒味，唔錯，豬紅爽口，味道正常，菜心煮得啱啱好，唔好過老，蘿蔔豬腸墨魚丸幼麵蘿蔔甜到不得了，甜到好似浸左糖水一樣豬腸入味彈牙，正，墨魚丸味道正常，不得不提就係餐廳既獨門辣汁，辣味恰到好處，客人可以自選辣度，個人覺得佢既小辣都已經幾辣下，足以過足癮。