永年士多 (寶城洋樓)

营业中

休息中

永年真係由細食到大 由未裝修直到宜家我都係小粉絲 味道咁多年都依舊 因為又唔算貴 味道又正！經過元朗試一下啦 我個人覺得同出面個間唔太同味！三餸麵or四寶麵揀！通常我都會咁叫 -豬腸 乾淨同入味-蘿蔔 好甜-豬皮 入味同爽有時會揀埋魚蛋 都入味 唔係無味個種咖央多士 $16第一次係到試 無失望 包的皮脆 珈央唔流 份量剛夠 可能貴左小小 因為唔大件 但試下都無防奶茶 舊式香港奶茶味道 但我平時就喜歡小甜 茶味濃啲 先試到味有時中午都要排10至15分鐘隊假日就好多人排架

經過看見永年士多，便想進去吃碗車仔麵。店內還挺多人的，等左一陣才有位。看見如此多選擇餐牌，對於有選擇困難的我而言，的確花了點時間選擇，最後我選擇了蘿蔔、雞翼、豬紅油麵，蘿蔔很入味！

我諗永年士多係好多元朗人年少的回憶，中學時代一定會黎食過。永年士多的車仔麵最出名就係佢既辣，我以前細個唔食辣但點左個小辣黎試都辣到我傻。大個左之後好耐無食永年，今次算佢重新裝修後我第一次黎食。我點左豬腸、雞翼尖、豬紅同蘿蔔，當然點左小辣再挑戰下。豬紅同蘿蔔勁好味，滷得勁入味而且蘿蔔無渣仲有甜味。配上小辣成個車仔麵勁惹味，唔會剩係死辣而係香辣，咁耐無食果然水準仲keep到。而且宜家大個食得辣仲覺得好味左～～更多更新美食資訊，到我IG睇睇：gemini_moffatts

每次想食車仔麵基本上都會專登來元朗永年排一排隊， 重點推介、重點推介、重點推介要講三次的一定就是暫時沒有一間車仔麵比永年的豬紅入味好食, 今次再來比較特別，就是店員建議將我地兩個麵的魚皮另外上碟，這個安排建議比以前一個魚皮放入湯已林哂的變得更好食。而豬腸與雞翼食咁多次而來仍然是我們必配的餸菜之一!其實...一個車仔麵要計CP 高與低真的是見仁見智, 因為我發覺每次來臨食親都忍唔住叫左四五十蚊餸....格外豐足

難得入元朗搵朋友諗住可以一試好出名嘅永年朋友話好好食所以開頭排隊個陣都有D期待去到我叫野食嘅時候先發現竟然無米線鍾意食米線嘅我見到佢無米線已經有D失望最後係無選擇嘅情況下叫左油麵

原本我都好少打差ge食評，心諗人哋都係打份工je, 算la, 但依間野今次真係過份左。首先，落order個阿姐已經串串貢，我叫完餸心諗可能唔夠飽，最尾咪加句加底lor, 個阿姐就話："下次講左加底先。", 跟住佢就重新打過d order, 我心諗："鬼知你個system咁醒，唔可以後尾先講ge咩。"平心而論，野食係唔錯ge, 牛筋、蘿蔔都冧，韭菜餃足料，辣醬夠辣又唔嗆，成碗麵質數好高，唔怪得咁多人like.但可惜ge係，服務態度有待改善。我叫左加底，我朋友見我份量多，咪食慢d就返我，而我都知人哋就收工，盡量食快d。點知食到大約09:30, d員工係咁走過嚟，想收走我fd碗麵，未食完ga大佬。d員工見未收得碗麵，就開始搞清潔，喺我哋四周不停拖地，仲話要噴殺蟲水，我心諗："唔係呱？我仲食緊ga wor, 我食完賴死唔走就話je! "最過份ge係，d員工要拖地，自然要將d凳放上張枱度，唔知佢哋係咪咁心急收工，d凳放得唔穩陣，有張凳翻返落嚟，一野打左落我朋友個背脊度，有冇搞錯~~~~!我都知我哋係好夜先嚟食，員工心急收工都唔出奇。但理論上，你一日未到收鋪時間，一日我都仲有權坐喺度食野ga ma

雖然聽過唔少區內人話唔會食永年，咁我唔係元朗人，年幾兩年前食過一次，都覺得可以。加上分店多左，基本上都唔洗等位。2018年最後一日冇節目，唔想愁就兩條友食碗麵過左。地方企理，先點菜後排隊自取，唔小心帶左杯飲品入去(笑)，阿姐都有善意提點下我。三餸一麵定價 $36，加底加餸每款 $8，跟餐飲品十零蚊杯。麵餸一貫款式，另有油菜、豬紅、多士雞翼、蘿蔔、魚蛋幼麵 $36/中辣雞翼尖、豬腸、流心蛋幼麵 $36/小辣油菜心 $18湯底油份唔高，點左中辣，有啲料到，完易入口，但都食到流哂鼻水。幼麵爽身唔會腍糍糍。雞翼兩隻，滷得幾入味嘅。豬腸清理乾淨，爽口冇異味，豬腸汁加分。雞尖同魚蛋正常野，蘿蔔甜到不得了，完全無渣，好食凍凍地食碗車仔麵，小小辣又幾過癮，唔洗排隊都可以。不過買完先俾我見到大眾點評有優惠券，蝕左

相信好人都聽過或者直頭去試過永年士多嘅車仔麵，曾經令好多追隨者粉絲們好失望，以為䇄立多年嘅永年士多要結業，最後裝修重開。上星期同朋友去食永年（午餐去，仲專登避開中學生同打工仔放飯時間），尋找返學生時期吃永年嘅感覺🤣，嗌完個三豬（豬紅豬皮豬腸）油麵加杯嘢飲，好快就搵到個靚位坐，永年其實最出名嘅唔係車仔麵，而係佢嗰種辣汁，好多人都為左吃佢個辣而來！甚至見過有啲唔怕辣嘅朋友仔叫佢落左一大pat辣汁喺面頭，見到都驚！價錢方面當然做唔返以前咁啦，但四五十蚊食到依啲美食都好難架啦，仲可以食埋嗰種懷舊風味！

💭由於細個住喺元朗，對於永年車仔麵根本一啲都唔陌生，可以話係由細食到大！仲記得當時個檔口好細，叫完餸之後要自己用手捧住碗發泡膠兜裝住嘅麵，行過去隔離張枱仔度食，諗返起呢種簡單都幾令人回味。自從永年裝修咗之後，都好少話特登過嚟食，加上喺尖沙咀同銅鑼灣都有分店，就更加少機會喺元朗食。✨河粉+雞翼、蘿蔔、枝竹球（$40）🌶微辣雞翼同蘿蔔係車仔麵唔可以缺少嘅兩個餸，水準依然，蘿蔔好林無渣，雞翼滷水汁味道正！如果你鍾意食腐竹，我都好推薦枝竹球！✨油麵+豬腸、豬皮、流心蛋（$38）🌶微辣豬腸乾淨，豬皮爽口又唔會有毛痴住，油麵令成碗麵加分！‼️‼️‼️辣汁係永年車仔麵嘅精髓，我地覺得微辣好似唔辣咁，建議想食辣嘅朋友一黎可以叫小辣！🌶‼️‼️‼️✨流心蛋好有誠意，等到最後先食都仲係流！🥚‼️✨腐乳生菜（$25）通菜超受歡迎，去到已經賣晒，唯有叫生菜啦。比左好大pat腐乳，食到尾都仲有！味道啱啱好，唔會太鹹。👍🏼✨紅豆冰（$15）唔可以自訂多奶少甜個d，不過都好好味！✨凍檸茶（$12）味道ok，本身都唔算太甜，不過有d滿，篤左檸檬落去就瀉左出黎。雖然永年翻新左，味道依然係好好食，不過價錢比以前貴左好多，不過冇計啦，翻

由細到大都好鍾意食車仔麵，飽肚得黎又可以食好多種類既餸，而且唔會話熱氣或者唔健康。係元朗一直聽過永年既名，但好耐都食唔到，冇計啦，出名野自己人多排好耐，今次終於把心一橫，點等都要食到。留意番永年: 要排隊先俾錢落單, 再拎野食, 要自己搵位, 都幾多人。叫左個三餸，條菜洗得乾淨，魚蛋係陳皮魚蛋，豬大腸唔會有騷味，雞翼肉質嫩滑夠入味，蘿蔔好甜冇根。車仔麵賣依個價其實都唔過份，最緊要值回票價，但人真係太多，下次唔洗等先再考慮！

這家店自己一直都很喜歡吃！誠意推介給大家！由他只是一家小店到而家在九龍香港也有分店，莫名有一份感動！😜元朗這家裝修過後，地方整潔了，位置多了，食物質素一直維持水準！最常吃的是豬紅蘿蔔雞翼尖，今次額外點了一份炸魚皮！叫餐要一早想好要什麼，先選面，堂食外賣，選餸，辣不辣，辣度，飲品！它也大推車仔面4寶，豬紅蘿蔔豬腸豬皮，大家可以一試，豬腸很有名，心機之選！豬紅有彈性，很入味，蘿蔔甜甜的，煮至很淋，很易入口，雞翼尖份量很足，滷水汁，很滋味！今次還有炸魚皮，很脆剛炸起，吃不停口！值得一吃再吃！😋喜歡辣的你們可以一戰，很過癮！😎😎

次次入元朗一定會諗起元朗b仔雞翼尖同永年但今次入去親係食永年每次黎食都要等下但依家佢開左唔少分店係其他地方等嘅時間都冇一次黎個陣食咁多人望入去舖頭啲位置都算多但撞到放飯時間同朋友黎嘅話真係要搵定位坐先再叫野食喇如果唔係買到都冇得坐雖則啲人都好快食完就走但好多都唔係😂😂😂講起永年個車仔面我勁鐘意佢個辣呀辣得幾過癮第一啖嘅辣冇咁出嫁但佢會慢慢咁樣出黎之後繼續食個辣道仲會係個口到徘徊好正呀！雞翼係滷水雞翼🤤好入味食落仲有少少甜甜嘅味道魷魚浸住啲辣湯到更加惹味咬落幾脆韮菜餃一般個皮有啲厚冇乜韮菜嘅香味出黎不過都可以接受嘅但下次會試食其他餸唔會簡韮菜餃不過第二間分店嘅永年真係比元朗個間差啲啲因為cwb tst個邊個間啲辣汁甚至係最經典啲餸菜嘅味道都係比總店差咁啲整體來講依間係幾高質嘅車仔麵文記車仔麵同元朗永年士多係我最鐘意食嘅車仔麵🤤🤤🤤

到底呢間店幾時先會冇咁長嘅人龍😂相約咗朋友在平日入元朗一日遊 黎個美食之旅 見個個都撐呢間餐廳 而我又非常鍾意食車仔麵 所以見到人龍有成20人我都心甘情願排 佢係自助式餐廳 你要排隊點餐再搵位再拎餐 一個人食都幾麻煩車仔麵我地選擇了油麵小辣 配料我個人認為非常充足 應有盡有 最好食的車仔麵配料莫過於大腸 呢度嘅大腸處理乾淨 毫無臭味 亦都冇過烈的酒味 因為一般大腸會用走處理去僻走異味 好好食！！！另外值得一讚的是蘿蔔 稔熟之外好入味 仲要無渣 真係想追加 因為我好喜歡籮蔔架😋第三樣必食既就係水魷魚！正 又係好入味另外我都試咗一啲唔係咁大路的車仔麵配料就好似流心蛋 覺得試一次就夠🤗樽仔奶茶亦然

車仔麵黎講佢就唔算平架喇，$38蚊有3個餸，不過而家like Facebook post 就有多一個餸，都幾好。叫左（小辣）雞翼、蘿蔔、魷魚、牛筋配粗面。個蘿蔔好入味，好甜同埋冇渣嘅。滷水雞翼炆到好淋好入味，牛筋都有好多舊，又係好入味同埋炆到起膠。相反水魷魚就比較普通，冇咩味但係爽口。雖然叫咗小辣，但係都幾辣，但係嗰種辣係好惹味嘅咖喱味。

永年士多⋯⋯元朗出名既車仔麵三十幾蚊，三餸一麵，價錢上都幾吸引，仲要啲餸無細分價錢初初諗住咁既價錢，一定份量好細和服務麻麻。但完全係錯晒，收銀姐姐服務語氣幾好，唔會覺得你諗得慢，覺得你郁住晒食物方面，麵類選擇不多，如果要河粉仲要加錢。魷魚、牛筋、流心蛋、雞尖、豬腸、魚皮餃，樣樣餸都份量十足整碗車仔麵水準都好高只係一樣可以改善，就係叫小辣都好辣同提提大家，店舖比較細，所以會坐得迫啲哦！