永年士多 (寶城洋樓)

营业中

休息中

車仔麵又黎喇😍🤟🏻元朗人絕對唔會唔識呢間以前中學年代食要光速嗌餸依家間舖重新裝修，依然好多人排隊㗎！心血來潮又可以食返碗👍🏻三餸一麵 $36以車仔麵嚟講唔算平💁🏻‍♀️💁🏻‍♂️但就勝在有三款餸可以揀多幾味！湯底偏甜，但佢嗰辣汁攞返好多分辣得好過癮🥰🥰建議唔食得辣都係叫返微辣淺嚐一下🙈餸就試咗豬皮、蘿蔔，豬紅，大腸，魚蛋、腸仔推薦食蘿蔔👍🏻好甜好腍，索汁一流😆其他其實無乜特別🤭整體覺得最正係辣汁永年士多係尖沙咀同銅鑼灣都有分店☝🏻想試下嘅朋友唔一定要入到元朗咁遠㗎🐂好味指數：

平時食得太多味道濃郁既野食，今餐想食返普通少少，一於就食車仔麵！講起車仔麵，第一時間諗起的，就係永年！雖然我唔係住元朗，但永年呢個名都不時聽到朋友推介，今次就一於試試有幾好食！離遠望到餐廳，就見到一條長長人龍，於是我以九秒九速度跑過去排隊由於我第一次食，所以排隊既過程中可以諗諗車仔麵既配搭。車仔麵既配料有好多，價錢三餸一麵$36，另外加餸就每份$8，由於我唔食得辣，所以叫了清湯底，至於配料就叫左豬紅，雞翼，冬菇幼麵。等左約十五分鐘，熱辣辣既車仔麵食得了！第一啖食既係麵既湯底，雖然我叫清湯，但由於吸收了餸菜既味道，所以湯底甜甜地。另外幾樣餸都十分入味，份量岩岩好，對於大食既我黎講都夠食，下次會再來！

去元朗必食的永年!!!其實明明唔餓但係都要去食...食個淨送都好呀至愛的蔔白(超甜,點解可以咁甜,完成又無根~ 整得又夠林10分有11分)豬紅(勁入味, 點解可以咁入味? 個人極力推介)牛根(只係個人鐘意食,沒有別的HAHA)點解蔔白豬紅牛根加2條菜配佢個辣可以好食成咁~~~~~~~~~甜辣甜辣, 越食越上隱癮幾多人敗係佢個辣流晒汗同鼻水HAHA (搭檯最鍾意睇)未食過既人, 如果又唔係好食得辣可以試下小辣先一黎就中大辣真係幫你唔到HAHA試過見個叔叔唔知原來係咁辣,邊食邊出汗就黎辣到喊咁濟,因為佢食大辣(最後我比左紙巾比佢)

今日行過元朗去咗永年士多食車仔麵，叫咗三個餸:雞翼 牛筋 流心蛋 烏冬先講烏冬口感煙韌爽彈，滑溜而不糊口。味道要有麵粉香，沒有太多酸味，代表防腐劑含量不太多。煮嘅時間拿捏得幾好。流心蛋 溏心蛋有別於溫泉蛋，軟滑的蛋白 ，一切下去，半熟的蛋黃流出，味道算好。蛋黃味濃郁香，一咬下去，兩種口感。牛筋筋黏，咀嚼口感較軟，再搭配上有咬勁的烏冬。雞翼非常入味 口感好 不太熟 煮的時間掌握得好不過好彩入去食個時八點幾 所以唔使等位 如果好遠入嚟仲要排隊食就唔好啦試過一次就得

有聽過尖沙咀永年士多嘅人都應該知道總店係元朗係經歴三代人嘅車仔麵檔已經係第四次黎食平日午飯時間去雖然要排隊但好快就有得食點餐要跟住指定動作最緊要講左要咩麵先今次試左時菜流心蛋雞翼米粉個時菜菜芯好有誠意份量就只係同出面嗌碟油菜份量差少少推介佢個秘製雞翼、肉質嫩滑佢個湯底都好鮮甜至於流心蛋就一般般朋友點左豬腸同牛肚都好好味鐘意食辣嘅朋友一定要試佢嘅自家辣汁小辣已經覺得好夠味記得做好心理準備帶定紙巾另外一定要試佢紅豆冰奶茶一試難忘

由佢裝修之後我都無食過🙈啫係好多年無去😂😂教育路而家太多各式各樣的餐廳選擇，今次終於都想回味下永年🍜·成日聽人講無以前咁好食、店員服務態度唔友善，不過成日經過都仲係要排隊😂我去食果日啲店員又正正常常喎，都幾有禮呀👍🏻👍🏻（可能仲未冧檔🤣）··三餸麵💰HKD36蘿蔔、魚蛋、魚皮餃粗麵、小辣·蘿蔔係我食親車仔麵都必點既，呢度啲蘿蔔甜甜地、煮得好稔而且無渣👍🏻👍🏻平時好少會揀魚蛋，見佢係用陳皮魚蛋先點喳😍魚蛋、魚皮餃都係平時食開果種，無特別🥟🍢🥟🍢·湯底小辣，永年既小辣都唔小喎🙈我取餐果陣仲心諗，點解咁少辣汁既，點知一食原來都好夠辣😂😂厲害厲害！·唯一不如意既就係粗麵煮得太硬了😟我平時都已經係食開硬麵既人，不過都嫌佢太硬🤭見到隔壁位食幼麵食得好滋味，我果下好羨慕囉😭·題外話我新登記做左會員，有杯野飲送比我，慳返$11杯凍檸茶😆

同男朋友入元朗大球場睇波，咁近永年於是行入去試吓，最出名嘅車仔麵。企喺永年門口忍唔住停留左一陣，因為有我好鍾意嘅迷你模型，迷你嘅永年士多模型呀！真實嘅永年裝修保留左舊香港嘅風格之餘又好創新喎！門口收銀機嗰個水牌，已經睇得好清楚有邊啲面同埋餸可以揀，落單之後排另一條隊已經可以攞野食同飲品。我嗌左蘿蔔豬大腸豬紅米線，飲品叫咗柑桔檸檬。個湯底真係令我好難忘，係回甘嘅甜甜地嘅中藥味，豬腸軟腍，豬血薄身索哂湯汁，蘿蔔無渣爽甜。柑桔檸檬清甜開胃，係我好少喺出邊茶餐廳或者車仔麵檔飲過嘅飲品，而且仲係用好碎好碎嘅冰添！最後要講下嘅係價錢，一般車仔麵來講永年係算非常之貴🙈

永年士多係元朗應該好多人都識～次次經過我都見到有條勁長嘅人龍係到等買車仔麵。 永年係一間以自助形式運行既車仔麵店，需要自己去收銀既位置落單買野食，自己拎埋，再自己搵位。 今次我食左三餸既車仔麵，韮菜餃蘿蔔豆卜米粉，三個餸加杯凍檸茶總共$47。湯底我揀左中辣，建議唔食得辣既朋友可以試左佢既小辣先～ 佢既湯底對於食得辣既人黎講係非常正的，絕對係會令人上癮既湯底。 蘿蔔都幾多下，非常清甜入味。臨走我仲叫左個外賣，外賣分湯要收$3，都幾貴下～

排隊店，星期六兩點去等半小時，位子太少，需要自己在桌與桌間等位，由於要先買食物後再搵位，再等15分鐘。豬紅必吃，超好食！豬皮、豬大腸同蘿蔔都唔錯！湯底好好味，小辣惹味再配咖喱魚蛋一流，麵條一般，整體懷舊味道突出！不過招牌冰鎮奶茶無乜特別，下次可試其他特式飲品，或者車仔麵配可樂應該是最好！！值得一讚的是店面衛生良好，地面和食桌都清潔得一絲不苟，吃罷馬上有店員清潔桌面，10個讚店面裝修都好吸晴，令人眼前一亮，乾淨企理

從十幾歲開始食慈雲山44座既車仔麵開始，到而家都食左好多年。今日經過呢間元朗咁出名既車仔麵緊係要試下。其實佢未裝修前就成日因為工作經過，但就未食過。叫左一個3餸一麵餐，36元唔係好大碗，比我去旺角肥公同深水埗食既都細碗，猪紅都好實唔易散，猪腸都幾入味，牛筋很淋。不過中辣都不算很辣，而且份量不多，一般女仔應該係ok, 男士可能要加餸啦。

元朗區最有名車仔面星期一12:00pm也有很多人排隊的港式車仔面店一位住在元朗的朋友今日放假，說要帶我試一下好好味的車仔面!行到了店11:45未開門，嘩！已經有人排隊～在外望入店內,裝修時尚，有設計。牆上有部電視有餐牌可以看定喜歡什麼食物。他們推介大碗面，奶茶，多士，流心蛋，紅豆冰等。我們選擇了大碗面，奶茶，流心蛋，腐乳生菜。我覺得整體是可以的，用料新鮮但湯不夠濃味。價格我也覺得偏貴，而且位置比較遠。不過車仔面來說，他們十分衛生，食物選擇十分多👍🏻但如果要試傳統港式車仔面，我推介以下的：如果大家去開深水埗，可以試這家：文記車仔面 （沒有訂位）地址: 深水埗福榮街123號地下C鋪

講起元朗嘅車仔麵，大部份人都會諗起永年同埋許祥昌兩間車仔麵檔，許長槍嘅價錢比較實惠不過味道就唔及永年，但係都會有人覺得永年無特別，甚至係味精重。其實自從永年裝修咗之後，我覺得食物嘅質素同埋食肆嘅環境都有所提升，而且食物種類同飲品種類都多咗好多，以前只會得罐裝樽裝紙包嘢飲，而家多咗啲港式飲品同埋特色嘢飲，比客人多個選擇。食物方面，我覺得永年必食嘅一定係佢哋自家醃制嘅食物，例如豬腸同蘿蔔，如果係要食嗰啲冰鮮嘢食例如丸類或者腸仔，根本就唔需要俾貴啲嘅價錢去幫襯永年

終於可以試好出名既永年士多，係出面排左一陣隊，好快就可以落order 入座。叫左個三餸車仔麵，小辣。 個辣味好惹味，中意食辣既朋友可以一試！😋😋 價格仲好平！值得一試

永年自裝修後門面企理好多，舖內整齊乾淨！執枱嘅哥哥姐姐都好快手清潔，運作都有規模左不過自助形式唔滿足到我地d懶人，自己排隊買飛、搵位、取餐🤨，如果改埋叫號入座就perfect！朋友仔download左個apps叫Storellet，係一個會員制度，有得儲分同每個月都有唔同coupon，今個月係送罐裝汽水🥤！其實永年嘅車仔麵選擇唔算多，普通丸類同腸仔豬紅蘿蔔嗰啲，每次來永年must have item係豬腸，豬腸洗得乾淨同好香好入味同必點佢個辣汁，之前挑戰佢個大辣，辣到喊咁際，今次安份啲叫個小辣，一樣咁惹味！加杯飲品，非常滿足！

一個人去諗住可以快啲食到，其實係唔得架，因為門口有一大條長龍係等緊入去既😂😂😂不過個收錢姐姐其實都做得好快，話咁快就到我買野食喇，好彩一早諗好食咩姐，因為埋位，叫野食，比錢，拎飛，歷時可能十秒就完左。睇得到佢地既速度有幾快💨💨💨叫左三餸麵，價錢唔貴架，味道仲唔錯添。怪唔得咁多人都岩既，平民價錢但有質素既食物，香港真係唔係成日有架👍🏻👍🏻👍🏻但如果可以增設其實比錢方式就好喇。