永年士多港式車仔麵 (加拿分道)

营业中

休息中

在尖沙咀搵食，離不開人多同貴，突然記起有間車仔麵由元朗進駐了尖沙咀，於是立刻搜尋地址，竟然在我們所在地不遠，便決定一試！到了門口，見到一條短短的人龍，我們便立即排隊，但呢條隊又唔似係入座隊，於是朋友便入店內看清楚，原來這店是自助形式，自己搵位，再到收銀點餸。當時是下午一點多，有不少單丁位，兩人位就沒有，等了一會，有位了，我點了紫菜+魚蛋+牛肚 米粉。還有一碟油菜，菜就不淋，還偏油了一點。原來每碗都會附送小量菜，不錯。魚蛋是陳皮魚蛋，正! 紫菜都比較小有，幾好，至於牛肚呢，略嫌硬了少少，但都入味，湯底好好味，整體來說是不錯的友人的，辣，他說，這兒的辣有點點沙爹感覺，他有點不太喜歡，至於雞翼似滷水，還好，其餘的，他沒有評價了。整體來說，在鬧市中都有$39的午餐算是于錯啦

下午四時半，來到永年士多吃下午茶。記得這裡原是甜品店，果真是好陣子沒在附近閒逛！.店內不算太多人，不過座位有點窄，整體而言較擁擠。加上食客要自行去點餐，感覺像是連鎖快餐店。.麵的種類選擇不多：油麵、粗麵、幼麵、烏冬。剛巧沒我想點的即食麵，唯有點幼麵。不過配菜五花八滿，而且可選三款，不錯。.點了幼麵，配牛肚、蘿蔔和雞翼。雞翼特別咸。牛肚味道不夠濃，蘿蔔還可以。麵有點硬。.特飲為奶茶紅豆冰，有超多冰...總結而言，雖然這間餐廳人氣挺高，但食物沒有特別好吃。很多車仔麵店的食物水準更好，不會再來這間吃。

▶️星期六下午行街 見到永年專門食車仔麵在店裏聽說元朗以經很有名氣 終於都在尖沙咀開舖👻▶️上過不少雜誌訪問 介紹地道美食 原來每一日都很多人排隊等候真誇張😛▶️ 餐廳廚房內玻璃貼上香港地方名稱 設計上好有心思細膩😯▶️電腦螢幕上介紹香港地道小食 價錢都算經濟又實惠😲▶️一到中午晚上 放午餐或晚飯人群多不勝數 到要排隊等候😐▶️最後點餐叫了油麵豬腸蘿蔔豆卜配上腩汁 蘿蔔非常軟林 聞到淡淡麻油香味 油麵軟熟 味道剛剛好 十分好食到停不了口😌

我記得呢間係元朗好出名 跟住呢間係佢既難得既分店👅感出名 我就緊要食下啦😘😘我就嗌左魷魚菜芯同蘿白米粉我就廢啲 食唔到辣😞蘿白就大約有4舊 魷魚就有4舊都啦 份量都ok但係朋友嗌左貢丸同餃子 每樣都係得2舊 好似有啲小😟講番啲味道先啦個湯底有小小似杯麵啲湯底😐有啲味精感😟蘿白就ok既 都算吸哂個湯既味而魷魚就麻麻地 食落爽口但無咩味😟整體麻麻地 無咩特別😟食完唔夠1個鐘就肚餓番😟

星期六，難得今早出到嚟尖沙咀，就試吓咁出名的永年。基本上至少一定係配3個餸,我就揀咗豬腸、蘿蔔、牛肚配小辣。估唔到都頗辣，我哋一路食，一路流鼻水，唔知係咪個辣蓋咗個湯底，我就唔係好食到湯底味，同埋湯底有少少薄。而個豬腸、蘿蔔都幾好食，蘿蔔都清甜冇渣。小寶仔就點了魷魚、魚蛋、牛筋。佢就覺得魷魚好普通，而個魚蛋牛筋都唔錯，尤其是個牛筋。暫時來講，我都鍾意食深水埗文記多啲，可能佢嗰個秘製辣汁同埋個湯底都唔錯，不過平時文記我都係食微辣，咁就可以食到湯底味，或者我都會俾多次機會永年，揀佢嘅微辣，咁可以再做多次比較。三個餸最後每人＄37 , 價錢都算合理，而家食車仔麵都係呢d價，仲要喺尖沙咀區。

$37自從食過永年嘅車仔麵之後 一直心思思好想食多次 💁🏻‍♀️今次除咗豬紅蘿蔔之外 仲嗌咗魷魚 我覺得呢到嘅魷魚好爽口 幾鮮甜的 但係最正嘅絕對係豬紅同蘿蔔 真係必嗌 帶住甜味嘅豬紅同超清甜嘅蘿蔔 同甜甜地嘅湯底係絕配 👅

知道呢間野係元朗幾出名，同老公拍拖個陣，同埋阿妹之前幫襯過，確係唔錯，可惜嘅係佢成日排長龍又早收鋪，所以元朗只係試過兩次竟然俾我發現喺尖沙咀開鋪，正吖😱嗱嗱聲過黎試吓啦，相約契仔一家來食車仔麵，不過係要自己搵位同去櫃檯買嘢食，如果你一個人就唔可以又等位又買嘢食，談不上有服務，不過係車仔麵不用太大要求我覺得佢地好味係個湯底，甜甜地咁，尖沙咀店都不變。朋友推介豬紅，都真係唔錯。仲有啲豬皮豬腸都係好入味，不過想話個菠蘿冰同埋個多士，冇元朗咁好食，菠蘿冰D菠蘿好細粒，元朗個邊D菠蘿好大粒㗎，仲有個多士，唔熱嘅，暖都談不上添，小小失望

朋友推薦文記以外必試嘅車仔麵!尖沙咀店舖頭細細不過返枱速度快，雖然我哋係lunchtime去食都唔難揾位。三餸麵盛惠$37，喺呢個地區黎講算係抵食之選。我揀咗魷魚、蘿蔔、流心蛋加幼麵。魷魚味道一般，蘿蔔頗為清甜。最值得一讚係個流心蛋夠晒滑🤤 湯底就算揀唔辣都夠晒濃同入味。食嘅途中唔小心倒瀉咗朋友杯凍檸茶，喺我諗住去排隊買過杯嘅時候，侍應即刻抹返乾之餘仲俾返一杯我哋👍🏻

元朗區的街坊相信無人不識永年士多，甚至有不少區外客亦慕名而至，日日排長龍。最近，永年士多進駐尖沙咀開分店，人氣依然旺盛，所以剛好在附近，一於試試。店裡的枱與枱之間比較逼，位置較少。採用自己出去下單，自己取麵的形式。在車仔麵方面，我個人偏好米線，但永年沒有米線的選擇，於是我選了油麵。車仔麵的份量剛好，味道湯底對於重口味的本人，略為淡，不過不失，但我不會再有第二次，有點失望

係尖沙咀行街經過但又未餓，諗起之前試過新出既樽仔奶茶好香好滑都幾啱口味，就入去坐低飲返杯即沖既奶茶，順便休息下。原來都真係唔同，樽仔奶茶既茶味更濃，呢隻即沖既就甜啲，不過都飲到黑白奶味同茶香味。兩種比較下，樽仔奶茶更啱我口味

寒冷冬日，一人晚餐選擇與永年共聚。三餸一麵$37在尖沙咀區超超超值! 這次點了豬紅、豬腸和牛筋，配油麵，辣度當然是我最愛的大辣三餸中最出色的是豬紅，最入味豬腸牛筋對板，份量滿意。遠近馳名的招牌辣汁沒讓人失望，絕對能滿足像我此重口味之人湯底不會死鹹，沒有令人想不停喝水的感覺。餐飲加$15轉 抹茶紅豆冰外表顏色討好，抹茶味不夠濃，底層紅豆有質素煮得夠淋又不失粒粒口味，不錯。欣賞永年的出品速度及質素，也許亦是這元朗名物能屹立尖沙咀的原因之一。

永年士多依個名相信大家都唔陌生。諗起係尖沙咀開左分店，同媽咪兩個撐枱腳就即管過去試下。果然名不虛傳既人山人海，配上具有特色既裝潢已經好吸引。雖然店面唔大但座位一啲都唔逼。簡而精既菜單，好似快餐店既點餐方式夠曬特別。先叫左一碗油面，配上尤魚，雞翼，牛栢葉及芝士腸。湯底方面就係小小辣，相信好多人都係同我一樣。食面一定係先試啖湯先，本身湯底清甜再加上每種食物加埋既香味，頂級。尤魚清爽，雞翼唔會過份重味，雞肉唔會太老剛好。牛栢葉煮既時間岩岩好唔會太實，配上涷柚子密開胃。食完成碗都唔會感到太口乾不錯不錯👍🏿另一碗都係油面，牛肚牛栢葉及墨魚丸😋媽咪食過無數既車仔面都對永年讚不絕口，牛肚牛栢葉既味道爽口入味不在下話，墨魚丸唔會有重雪味不錯，媽咪話紅豆奶茶冰好耐無飲過，回憶湧現。出面既車仔面大部分都係為求快，面令到食物質素有所下降，好正常亦好合理。但永年就相反，同樣時間快但保持到食物質素，依一點好重要。永年士名金漆招牌果然名不虛傳

某晚要去尖沙咀GU買Hello Kitty聯乘系列的產品，購物前去永年士多吃晚飯。窩夫與蝦子餅很久之前光顧過元朗的永年士多一次，身為深水埗文記忠實粉絲的蝦子餅覺得它不及文記，現在給尖沙咀分店一次機會。三餸一麵售37元，窩夫的三餸選了豬紅、牛筋和枝竹球。窩夫很久沒有吃過豬紅了，覺得永年的出品非常好吃，難怪是成為推介的經典配料之一。牛筋做得不錯，煮得夠入味，軟硬適中。窩夫一向愛吃腐竹類的食品，枝竹球也沒有叫人失望。蝦子餅選了魚蛋、魷魚和蘿蔔。魚蛋選用了陳皮魚蛋，口感較結實。蘿蔔是吃車仔麵不可缺的配料之一，清甜無渣，水準之作。蠔油生菜($18)像一個反轉了的碗，生菜很新鮮，菜味很濃。

自己一個係尖沙咀要食個快lunch，通常都揀茶記車仔面食，食完就走，夠快呀嘛我叫左個牛筋，九菜餃，雞翼，米粉，小辣，我通常都一定食牛筋同雞翼，呢兩款都好入味，牛筋好淋，會食完想再食今次就加埋九菜餃，個餃就麻麻地，冇咩特別，皮厚同埋細粒，叫多份雞翼會好啲。呢度既辣唔洗多講啦，好食，同湯都夠濃味，呢樣野係我覺得碗面最好食既地方，就係湯同辣汁佢仲送兩條菜心我覺得個份量中規中矩啦，我估男仔食完會唔夠飽呢度既奶茶我都覺得好飲既好大杯，茶味都夠濃

尖沙嘴區好少有車仔麵食，咁岩經過呢間永年士多，唔算太貴入去試吓，坐低先發現呢間店原來係元朗幾出名嘅車仔麵店，我覺得一般衝出新界區嘅老字號食店，都係挾住個名，加啲新潮裝修，收貴啲，食物份量少啲，質素又會下降番啲。不過呢度三個餸一個麵都係＄37，加多杯飲嘢＄15，都唔算太貴，而且裝修都算新潮，座位比較逼食客都唔少，當經濟快餐麵食，食完走都無妨，不過諗住食完慢慢嘆番杯飲品先走就唔太合適，至於食物質素就算中規中矩。