永年士多港式車仔麵 (加拿分道)

营业中

休息中

今日在尖沙咀做完義工後，掛住永年士多的車仔麵的辣汁的味道，決定再吃多次。因為是下午四點幾去到，還有座位。車仔麵是香港的美食之一，而我身為典型香港人都好喜愛吃車仔麵。吃過數十間車仔麵，最愛還是永年車仔麵。 因為在尖沙咀來說，39元就可以有三款餸一麵，算平易，還有味道啱我口味 ，中辣湯底，辣得來好味道。如果不能吃辣的話 可以選不加辣。今日點了時菜（ 菜煮得OK, 保持青綠色）蘿蔔 （燘得好淋及入味）枝竹球 （ 好有口感，不錯呀）粗麵，算爽

今日與友人去了尖沙咀永年，自從元朗食過之後就愛上了它的車仔麵。見到現在尖沙咀都有永年分店，實在應該要常去試試。以下是我ordered的三餸車仔麵:蘿蔔 (永年必食)豬腸 (永年必食)雞翼油麵微辣作為永年的粉絲，一定知道永年有3寶是必吃，就是蘿蔔、豬腸及豬紅。蘿蔔煮得十分入味，而且很熟透，很清甜，完全不會有一丁點苦味豬腸清得十分乾淨，不會有黑色及多餘物質附在豬腸入，而且滷得十分入味至於豬紅，我本來就不太喜歡它有種血腥味，所以我沒有吃，但友人說它十分好吃，沒有腥味，十分爽口至於辣度，建議從微辣開始吃，永年的辣醬是整碗麵的精髓，但決決不可以輕視它的辣度。曾經有位好食得辣的朋友挑戰永年的中辣，結果最後入醫院，因為太辣，把胃弄傷了總括來說，尖沙咀永年決對不輸元朗的永年，味道保持得很好，很有水準！？？

放工突然朋友約吃飯，話食一間好出名既車仔麵，對於我咩都食既人當然係無問題啦，對我黎講間間都一樣，無話抱住咩感覺去，去到朋友話難得唔使點排隊，首先揾位，然後就分開去櫃檯買啦，買完在後d既位拎野食，因為無叫號碼或電子牌，所以就過去等下，會有人大叫號碼。叫之要諗好清楚，先堂食定外賣，然後記得講要咩辣，叫埋杯野飲成件事就好順暢。細細個托盤，唔會係張枱d盤撞黎撞去，好欣賞。我叫左個魷魚，豬腸，蟹籽丸米粉，小辣，個湯底好入味，個米粉軟硬剛好，重索哂個湯，個豬腸簡直係必叫，瘦得黎有少少脂肪，勁入味，超想再叫多一份，個水魷係認真的，份量唔係得一兩條朋友再叫多個腐乳生菜，d腐乳多到嘩左出黎，平時邊有咁多架，正不過整體份量，認為男生吃了會餓女孩子剛好

元朗實在太遠喇🙈所以永年咁正都一直冇機會食😝依家有TST分店終於有得食啦😝唔知同總店質素有冇分別，但已經覺得好好食🤤.#三餸車仔麵　（魷魚雞翼冬菇米粉小辣）真心高質😍食完即刻入左我心目中既車仔面top3～ 雞翼好入味肉質好滑，魷魚爽口新鮮，冬菇亦食得出鮮味！🤤湯底好濃夠入味，加埋佢個辣汁好正，小辣已經辣得好爽🤪而且每碗都有兩條菜，幾好～.#樽仔奶茶 🥛🍵除左車仔麵，呢到既樽仔奶茶都好高質😋好香好順滑，茶味都濃🤤解辣一流👻

由佢開張其實一直都好想食，但次次經過都好好好多人係度排隊而放棄😂😂😂今次終於食到了，而我都係order左我既車仔麵必食item: 豬腸，牛孖根同埋雞翼🤪🤪而麵底呢就揀左米粉🙈 其實諗左好耐要河粉定米粉（次次食車仔麵都要諗一餐😂😂😂🤭🤭🤭） 因為我本人唔鐘意食什麼油麵，幼麵等...辣度：小辣（我個friend話好辣的 所以我試下睇下小辣到底有約誇張啦啦啦） 第一樣要做既乾係試下個湯！咦...咁特別既？ 有小小藥材既味道？問我個friend佢話出唔出🤦🏻‍♀️google一下就發現我原來佢地真係有用藥材去熬的我覺得幾特別喔豬腸既味道都不錯不錯👌🏻👌🏻👌🏻而牛孖根同雞翼就相對遜色嚕...但牛孖根同雞翼都淋既，但唔算太入味：）而個辣汁呢，就咁食都有小小辣 但如果撈埋一齊食就冇左嗰隻味🤭🤭🤭🤭🤭整體黎講都不錯吃喔，下次有機會會再試佢其他食品🤪🤪

午市時間，黎左永年食車仔麵...要係收銀處到睇餐牌，有少少唔方便。。$39有三送同面。價錢方面，$39算係好抵。叫左蘿白，豬紅同牛肚。。少辣。。。買左之後就排隊拎面。。。拎左面，之後就搵位坐。。。不過座位就好少，午市市間如果想2-3個人一齊食，就要預先搵位，如果唔係就多數單人位多。。。蘿白好甜，豬紅同牛肚都好入味，好軟熟，醬汁好惹味，要少少辣都好辣。。所以唔食得辣既人，就要叫定野飲，或者不辣啦。 整體味道不錯，會再幫襯。

車仔麵可以做到幾出色 永年可以話你知 作為一個對車仔麵其實並無特別喜愛既人 覺得呢間車仔麵都幾好食既話 證明呢間車仔麵都應該真係唔錯 蘿蔔真係好甜好入味 完全就係車仔麵應該要有既蘿蔔 魷魚同豬皮都無想像中咁好食 因為個人比較鍾意爽啲既魷魚 所以呢個稍嫌太稔 如果魷魚係新鮮魷魚既話 個麵應該會出彩很多 豬皮又係偏稔 無左豬皮應該要有既 豬皮既口感 但係偏偏媽咪話好食 好啦 咁俾曬你食 媽咪嗌左佢最喜愛既雞翼尖 我諗應該老人家都係鍾意食呢啲頭頭尾尾 個湯底真係唔錯 呢個麵被我稱為車仔麵代表 最主要原因都係 呢底幾好食 然後個麵又製作精良 講緊唔係米線呢啲咁索味既麵質 但係食落唔會太稔又唔會硬 真係幾唔錯 下次應該會嗌啲普通既餸 我應該會更加喜歡 如果唔係等位搵位的話

今日一早食完早餐後到中午都冇食飯, 3點去做物理治療搞到5點先走...好鬼餓又約左人8點先開飯, 唯有去醫醫肚....心諗.我終於可試呢間喇.. 之前係FB 見朋友講好好食..咪想去試下有幾好食..點知......................好似中左伏!車仔面一定要叫3餸, 最後叫左牛筋, 尤魚同雞翼~羅左碗望望, 點解冇左雞翼, 搵到底都冇就叫店員去問問, 佢成碗收返入廚房加..其實可以畀個碗我分開裝都得啦~好喇加返畀我, 重加多2粒魚蛋~唔知係咪我期望過高, 食落D麵好硬身, 好似未煮好咁, 牛筋未炆林都係硬既...有3件... 我都係食左1.5件就食唔到, 太硬會唔消化~尤魚同雞翼都正常~唔差, 湯底係好味, 小辣已好夠辣~~~~ 唯一諗係咪我5點呢個時間未準備好D野未夠入味呢?!最後我食淨左一半冇食到喇...... 個胃唔好唔可食太硬既野... 只會搵自己笨~~~

返工經過見到永年士多招牌我心理上是不是元朗的那一間果然係呀原來已經唔使去到元朗食尖沙咀就有實在太方便我呢個九龍人啦入到去上幾級樓梯 就會見到個收銀處先點菜叫咗雞翼 牛筋 魚皮餃 幼面 加個凍檸茶小冰只係＄50係尖沙嘴來說 不貴呀！先俾錢後落單都好方便先講個雞翼好大隻好入味肉質好嫩滑牛筋好軟好骨膠口感 正呀配埋凍檸茶正

匿間餐廳行過好多次,但都無食過,今日因為陪人所以試咗。間舖唔大,得十幾張檯。要先上少少樓梯然後點餐,點完餐過左手邊等攞野食。唔想諗食咩餸可以叫大碗麵,其實唔係真係好大碗,只不過係多d餸,每樣餸兩三件咁,一個人可以食得晒。餸方邊有豬紅,豬皮,蘿蔔,韭菜,魚蛋,豬腸,雞翼,紅腸。用料係新鮮既,但唔要係話非常突出。唔洗等位,尖沙咀平平地食一餐可以考慮。另外仲叫左韭菜豬紅,因為小妹好喜歡食豬紅。菜本來想叫腐乳通菜但賣晒,所以揀蠔油生菜。

永年士多車仔麵🍲————-其實我原本係諗住去海防道街市食#馬來豬扒麵 🐷或者去星座冰室食#茄牛通🐮 但真係黑開有條路😣點諗到兩間竟然都無開......真係黑到癲咗🧟‍♂️由於真係太肚餓，所以就求其搵咗呢間之前勁紅嘅#永年 ，試吓佢地個車仔麵🍜係咪真係傳說中咁好食❗️第一次嚟，我地叫咗呢款#大碗麵，貪佢有十款料，咩都可以試下嘛😂咁多款料之中，蘿蔔最好食，軟腍入味又無渣👍🏻豬紅都好味，食落微微帶甜，幾過癮😆不過佢粒陳皮魚蛋就有啲失望，唔夠彈牙之餘，陳皮味都唔係好夠，有啲扣分....其他配料其實味道都👌🏻，唔差嘅，不過就唔太驚艷😅未至於傳說中咁好食....碗麵埋單要$63，以尖沙咀區嚟講，我覺得性價比都可以！而且環境乾淨，如果以快食嚟講，都算係一個唔錯嘅選擇🙌🏻

Glad we came to try this after looking at reviews on open rice.Unlike regular 車仔麵 places, this place is meant to attract a hipster crowd. Order at a front counter before picking up your food then head to find a seat.Ordered fishball, squid and lava egg with yellow noodles and asked for slight spicy sauce.Portion was generous and I love the lava egg! But the spicy sauce was really spicy! Unless you’re a real spicy eater, slight spice will be good enough.Also tried the kaya toast. Okay but not fan

本人住港島區 之前尖沙咀分店未開 每次入親元朗都要去食 今次咁岩黎到尖沙咀 當然要黎回味下 晏就4點幾都有一定人流 今次叫左3餸米粉 有我最愛既雞翼尖 豬腸同蘿蔔 其實我仲想叫埋豬紅 不過驚食唔哂 湯底好夠味 蘿蔔好淋身 鮮甜 而雞翼尖滷得好入味 豬腸唔會有臭味 份量岩岩好👍👍

永年士多聽左好耐一直未有機會試，happy hour完經過就試吓啦。時間唔早，好多野都賣哂，最後點左牛肚，牛柏葉，流心蛋米粉。牛肚幾淋身夠入味，牛柏葉普通啦，不過流心蛋就失望...根本係熟蛋....不過有兩條菜，都抵讚既。仲叫左韮菜豬紅，湯底帶甜幾惹味，分量都唔少，豬紅滑滑的。下次早d黎想試豬腸，牛筋吖

今日去左尖沙咀搵個朋友食lunch, 咁就去試下永年啦。雖然我地差唔多一點正正係lunch time 嘅時候去到。雖然都坐滿曬，但都唔算太難搵位，因為啲人差唔多食完。但係等車仔麵條龍都係非一般嘅長咁我就叫左油麵， 係我嘅至愛。 然後我叫左蘿蔔、豬腸同流心蛋。平時食車仔麵好少有流心蛋呢個餸，所以決定試下。值得一讚嘅係佢會送幾條菜心同兩粒陳皮魚蛋，感覺上好似多餸左。 不過佢都係比較辣，我叫左少辣都比平時食嘅小辣辣，所以唔食得辣嘅人要留意。佢豬腸洗得好乾淨無臭味，蘿蔔就好鮮甜。 得地仲叫左個咖央多人，不過正正常常不太特別，不過總括黎講係幾好食嘅車仔麵。