永合隆飯店

营业中

休息中

工作順利，可以提早收工，主人與奴隸獸決定晚飯斬料加。途經『永合隆』，見到有我們期待已久的金錢雞，可惜只剩少量，給我們全數購買（HK$20）。燒味師傅告訴我們，他們是用瘦肉疊著豬用蜜汁串燒。每天只燒一串，賣完就算。怪不得我們經常買唔到喇！叉燒肉質爽滑，煙韌有咬口，口感好似豬頸肉，加上肉邊燒得地，好惹味。豬雖然結實，但有質感，不黏喉，味道甘香。我們一邊津津有味地食著金錢雞，一邊津津樂道另一種食物–金銀。

今天是中秋節，家裏一早己造了節，是以各散東西，兩點半來到，只見買外賣的人龍有十人八人但店裏郤只有兩三個客．入店裏時差點給地上的油水滑倒，幸好己有心理準備，步步為營，小心坐下之後，叫燒肉乳豬飯，阿姐泠然說沒有乳豬，於是改叫燒肉雞飯，阿姐把單拋下，發覺已加價兩元至32元一碟.五分鐘有得吃,燒肉一定是用火燒的,因為又焦又黑又咸,又沒有肉汁,雞是隨便在坫板面撿的,因為件件都是不同部位; 有雞胸,腿，和不知名的位置．這樣的店，這樣的服務，這樣的食物．我以後都不會再幫襯．

下午2:30一踏進店內, 差點滑倒, 不知是否地面太油.一坐下, 漂白水味擁鼻而來, 也許是剛洗完地吧想叫乳豬, 已賣完. 算了, 不是它的錯.轉叫叉燒燒肉飯(碟).也許已被寵壞了, 期望能送上一條菜心也沒有.叉燒沒有指明半肥瘦, 來了全瘦叉, 一點蜜汁也沒有, 很乾, 趙到牙骹軟.燒肉, 皮不脆, 很韌, 太鹹, 竟也咬不開.目睹一名顧客更有趣, 叫例湯, 已賣完, 一言不發就走了. 難道這店就只有乳豬和例湯能下得肚?以這種普通得不能再普通的叉燒和燒肉, 即使有再多明星光顧也不能叫我再回頭.

想吃乳豬飯，不期然又走嚟呢度...先例牌要個例湯，又係菜乾南北杏豬肺湯，好家常，完全無添加，非常足料，一飲而盡...今日乳豬偏肥，有D失望，但咬落依然炭香十足，皮依然脆トト，掂...燒肉皮又係脆啪啪，肉亦夠鹹香....流晒口水...

尋日同女友兩個食lunch, 本來諗住去和花亭食壽司, 點知都係食同佢試下d新野先, 於是乎咪黎左呢度啦! 呢度燒肉已經係相當馳名, 所以去到門口都幾驚佢冇晒架, 知道有先入去坐! 其實師傅我都係第一次黎呢度坐底食飯, 之前都淨係試過下佢地d燒肉咋! 坐底就二話不說叫左一碟叉燒飯同埋一碟燒肉飯, 叉燒飯首先奉上, 跟住燒肉飯都到, 由於都幾遲下先食lunch, 所以師傅非常肚餓, 等都唔等立即食左啖飯先, 嘩! d飯都真係幾唔得架, 好鬼死濕, 落左好多水下好黏口, 要扣分啦; 叉燒份量都算多, 不過賣相唔靚唔吸引, 而且叉燒比較乾身, 冇用蜜汁黎燒不過都幾鬆下, 可以接受啦; 至於燒肉就真係好得呀, 燒肉皮脆肉鬆, 半肥瘦就咁食又得, 送飯食又得, 真係好得, 一流呀!總括黎講呢度燒肉真係一流架,叉燒就一般啦, 如果兩者要比較的話, 燒肉暫勝一回; 其他就唔敢講住, 不過據聞乳豬都唔差架, 有機會都會再黎試下, 但係d飯真係有待改善! 環境就唔算好架喇, 個地都幾滑下, 好易跌到架, 真係要好小心! 廿幾蚊碟飯又唔算特別抵食, 一般啦! 個笑面係比d燒肉!

諗起連歐陽應霽的推介的乳豬燒臘第一家差d入錯左起旁邊既廣東燒味餐廳...入左去見唔對路走返出黎! 聽聞永合隆好早就冇晒乳豬, 睇見佢重有先入去坐低. 亞姐好快咁走過黎放低茶水筷子, 但係好直接咁放起桌中心, 因見到格離枱亞叔食到成枱都係吐出黎既野...心中一陣悅!! 叉燒乳豬飯! 雙拼一次試晒2樣, 我諗住起度食, 佢唔會比D差既我掛, 所以冇ORDER肥叉, 點知一黎到就估到佢係棄之不可惜, 去茶餐廳食既叉燒就可以係過夜老晒姐, 但你係出名燒臘既, 而且我堂食你真係無理由做壞自已個名掛! 我食咁多年叉燒都未見過燒臘店可以做得咁差, 佢又唔係鞋口, 但就真係一d汁都比唔出! 我叫既乳豬醬全部都係用晒起幾舊叉燒身上! 乳豬呢?! 炭燒又真係唔同d, 食得出佢燒左出黎好耐, 但係d皮都重係好鬆, 連帶d飯都香口左! 肉質的確唔錯, 不過我食落真係唔覺係乳豬, 同平時食晒靚既燒肉差唔到幾多......自已就唔會再黎食飯, 買返去都可能既, 不過好食既燒臘何止幾十?

本身不是燒味愛好者, 但好吃與否總能分辨得到吧! 今天回娘家吃飯, 我同老公揸車經過, 亦早聽聞此間乳豬是天下第一, 五點幾去到, 門口既叔叔已指住無乳豬, 再問有無腩骨, 又指住叫我自己睇, 唉...真係細路女唔識世界, 我又點識分, 於是問斬燒肉既叔叔, 佢拎左一舊唔太肉燒腩既俾我睇, 我話有無肥少少, 佢就話, 無嫁啦, 我唯有死死氣地買左一斤多少少, $110, 見到啲金錢雞(未食過), 要左半斤, $30, 有六set (孖件), 返到屋企, 我覺得俾人欺騙, 因為啲腩肉好"鞋", 塊皮又唔脆, 金錢雞面頭塊肉都幾腍, 但下面塊豬潤又係好"鞋", 我唔知係我唔好彩, 定係我唔識食, 以後都係幫襯荃灣既聯發, 甚至少少既檔仔, 兄弟燒爉, 仲好味過佢!

這金牌老店實在有慢慢執埋的道理,兩間鋪縮至一間，數十年的字號,貴還貴,以往人山人海,排長龍,口碑不絶.以至今天門可羅雀,是有原因的.下午兩點多去到,人客不多,有三枱,約五六人,待應都懶洋洋的東歪西倒,叫燒肉乳豬飯,阿姐泠泠的說沒有乳豬,但柜面郤掛著兩隻.沒好氣跟她理論,改要燒肉雞飯.飯來了,燒肉是些頭頭尾尾的碎片,又燶又鹹又乾又瘦,皮又不脆,明顯是枮板面的下欄．雞嘛，是大半隻雞翅膀．整碟飯是吃又難以下咽，不吃又浪費，三十大元一碟垃圾，這些職工，著著幫老闆倒米．難怪生意越做越差．我就以後不會再來了．想這店摺埋的日子也不遠了.

可以說這裡的燒豬一定係炭火人手燒製，因為多多事幹的跑到這裡的燒房，睇著由叉豬殼到入炭爐到出品，利害非常，另燒豬亦是新鮮豬醃製，故食味及炭火香味四溢。這裡經常性供貨不足，唔係燒豬賣清就係燒乳豬售罄，是日中午早點來到，點燒豬并乳豬飯及例湯。是日例湯是菜乾羅漢果煲豬肺，雖然火候未夠，但勝在清清甜甜；燒豬是保持水準之作，但略覺偏瘦，若是三七肥瘦相間才是人間極品，不過已經不俗；是趟的燒乳豬跟燒豬相若，是厚身肉多的那款，跟薄薄一片的乳豬件不一樣，若這種模樣的就不合格了，不過整體都是可以。自知碟頭飯絕對清不掉，來碗雙并飯就剛剛好，而埋單三十六皮，說實在永合隆三字已佔了一半價錢了！

上文講到要改天來吃燒肉,今天專程下午兩半便到,見還有幾件掛在玻璃柜內,大喜,想也不想便叫燒肉乳豬飯;怎料哥哥仔冷冷的說乳豬冇．惟有改叫燒肉义燒飯，五分鐘便有得吃．真是不得了，飯給燒肉义燒鋪滿了，吃來吃去也吃不完．义燒甘香有蜜味，燒肉雖然不是最好的腩部份，也很脆皮，肉也入味．雖然稍為瘦，也算ｏｋ.當天見到一奇景;在斬燒味的柜位內,待應的哥哥仔,師傅和阿姐可以隨意入內取起斬好在坫板面的肉來吃.師傅行開,一位阿叔入去跟柯打斬燒味,師傅返來便行開,坐在一旁挖鼻孔．一位老太太入來坐在他的對面，叫了燒肉飯，他便手也不洗的把飯端上，嚇得我連隔夜飯也嘔了出來．於是匆匆埋單走人．笑面仍然只是給食物的味道.

專誠來吃燒肉,怎料下午三點三去到,一入門口已經有點奇怪,除了門口的柜枱前掛著兩三隻燒鵝和幾條义燒之外,就空空如也,入內見有幾枱客,只有圓枱和摺櫈.阿姐拿來一杯温茶，想也不想便叫燒肉飯，阿姐想也不想便答無，於是錯愕了一會，因為其他的客也在吃著燒肉飯．惟有改叫乳豬飯．因為看見一隻完整的乳豬掛在柜枱前．想叫例湯，只是四週的食客也沒有，於是費事開口．五分鐘後，飯到了，份量不差，賣相甚佳，一試之下，果然有料到．皮脆，肉滑，肥膏很少，有肉味，不像其他用急涷豬的口感，稍咸．是頂級之作．飯這配角亦不差，夠熱，軟硬適中．ｏｋ．吃不到燒肉也不太失望，但居然吃到一半時，一位阿叔揪了一隻熱騰騰的燒豬出來．只可以嘆一句緣慳一面，唯有下次再來了．有一事要提醒大家小心，是看見店員把食物由廚房取出鋪面時，任由汁液和油滴在地上而不清理，怪不得地面滑溜溜的．提防跌倒．由是可以聯想，在這裡要好服務嗎？不要奢望了．笑臉是給食物的.

乳豬第一家,來到沒乳豬.早上時晨未到,多樣燒味紛陳,唯獨乳豬未有,轉去吃燒肉,燒肉拼燒鵝飯,$30一碟.這個時間來吃碟頭飯的人,實在不多,反而外賣已經開始排隊.碟頭飯未必吃得出真締,但是燒肉亦不是頭頭尾尾貨色,芝麻皮的外皮近乎即化,中間的肥肉很甘香,瘦肉部位鬆化得來,亦隱約帶點炭燒香味.燒鵝不是脆皮,吃落油份滿佈,足以用來作鵝油撈麵.肉質較實,鵝肉味道濃,亦吃到炭燒的香氣.真正蔗渣價錢,燒鵝味道,這趟吃不到乳豬,下次定必再來.

隔咗好快又嚟幫襯，今次帶埋太太嚟...依舊係乳豬燒肉飯，依舊係菜乾豬肺湯..乳豬皮依舊脆卜卜，一D肥糕都冇，雖因而欠缺油香，但水準依舊不可多得；燒肉仍然出色...湯依舊老火，絕對冇味精添加...以後仍然依舊幫襯，五十年不變...

對上一次响度食乳豬已係多年前嘅事。睇開阿霽嘅新書介紹佢哋，流晒口水，馬上去回味吓...先嚟例水，菜乾豬骨豬肺。夠晒老火，一D味精都冇，料又夠多。呢排冇乜湯水，馬上成碗清晒...主角乳豬及燒肉當然亦冇失拖。皮脆啪啪，肉亦夠鹹香，份量舖滿晒成碟飯...飽晒^0^

五點幾去到, 仲有骨剩, 要了三條骨, 和太座襯熱一人偷食左一件, 好食! 返到屋企加料, 雖然凍左, 不過依然好食。由於去買的時間比較晏, 剩番D骨都一般, 肥廋適中的只有一半, 下次都要早D去買。