永合隆飯店

营业中

休息中

今日坐車經過, 記得有一次阿爸同的士佬講起太子一間出名的燒臘店, 雖然的士佬說已經大不如前. 但都不阻我去試試佢.7點多入到去, 外賣的人頗多, 燒味已賣得 7788. 沒有叉燒, 改了燒排骨乳豬飯. 兩位師父都手不停, 瘋狂斬斬斬. 但不知是否水尾, 燒味感覺普通. 而且樓面阿姐是否入錯單, 乳豬飯乎???, 食落似燒肉多D, 不過好嫩口. 當日的士司機的話沒錯, 這裡的燒味已經大不如前, 門口仲掛著成龍在此訂乳豬......自我宣傳而已. 好味的燒味? 至少, 我不覺得.

上次來的時候是年初的三月,已經加了價,由三十元一碟雙併飯加到三十二元,今次又已經加到三十五元.下午二時半,店內有五六個客人,阿姐如常冷冷的把筷子,匙更和豉油碟拋下,最令人討厭的是把匙更和筷子放在污穢不堪的枱面上而不用豉油碟擱起.一想起別人把骨吐在枱面,口水,肉渣和和式穢物,令人嘔心.也罷,既然來了,也早知她們的待客態度,為了吃一口像樣的燒肉,唯有啞忍.叫了燒肉义燒飯,五分鐘有得食燒肉是頭頭尾尾的部位,是一早知道了的,但是比起坊間不知所謂的作品也還勝一籌.因為有炭燒的香味和醬料的味道,加上少許肉汁,是別處沒有的.根據隣枱的客人問阿姐,燒腩要賣130元一斤,其他部位則要110元.可以想像碟頭飯吃的是什麼了.义燒方面,只是普通之極的料子而已.飯的方面是硬實像沙石一般,難以下嚥,算了罷,本人的飯量不大,吃不到一半便放棄了.口痕起來,還是會來的.

今日(16/8)既趕時間，又想食好o野，諗住食燒味飯應該冇甩拖。見食評唔錯，決定o黎呢度試下。一o黎到就收到壞消息，冇晒湯！？食燒味飯冇湯，就好似食薯片冇可樂一樣。同太太倆個叫o左碗燒肉飯同义鵝飯。燒肉飯真係好掂，皮脆肉鬆軟，而且有肉汁keep響裏面，唔會太乾太硬，正！义鵝飯就相對地失色不少，雖然係鵝脾，但食唔出鮮味。义燒偏肥，而且蜜味不足。兩樣都欠缺火爐味…燒肉可以再試(笑笑口係俾佢！)，其餘兩樣就唔會再浪費 quota 啦！

家住附近﹐有時會到此買燒肉。價錢較貴﹐若要燒腩則更加貴。建議要燒肉﹐因為燒腩不會是平常酒樓所見的五花腩﹐。若揀得一件好燒肉﹐抵得過燒腩有餘。又因是舊式燒味店﹐味道偏咸。但炭燒香滲滿芝麻皮﹐久不久來一次﹐是值得的~

永合隆開業四十多年，小臣的老中青三代朋友中都有它的粉絲。有位同事對我說，上次刮颱風時因在太子地鐵站擠不上車，便跑出來買一斤燒肉才回家，結果在永合隆輪候了一小時才買到，再返回車站時人群已散去，正好再次上路。永合隆每天都有排隊買燒肉的人龍，過年過節時就更誇張，每天由開店到晚上豬不停燒，幾乎任何時間都可購得新鮮出爐的燒肉。畢竟以炭火在店內工場自行烤豬的食肆，永合隆已是碩果僅存。不過老店自然有老店的性格，要來吃飯的話，就得忍受濕滑的地板和殘破的裝修，也要準備整碗／碟飯都是斬剩的「頭尾」，而店員自然沒有一個是善男信女。不能接受這些的話，勸大家還是去太興、甚至美心快餐吃好了，只要你以後都不吃永合隆的燒肉，不然我寫包單你一定會後悔。由於外母大人住在附近，很多時都會以永合隆燒肉「加料」，所以很久沒有去光顧。不是小卡說想吃燒肉飯，也沒想到要去永合隆吃。去永合隆，例湯和燒肉一定少不了，想吃好一點的燒肉，最好另點一碟，可自行決定份量，最少要七十元。例湯是永恆的白菜乾煲豬肺，沒有味精的清潤湯水，非常有住家菜的味道。我和小卡分別要了燒鴨飯一碟及燒鵝飯一碗，不少店早已鴨鵝不分，這裡一望而知碟上的是鴨，碗上的是鵝。

原本我和屋企人想去志記海鮮飯店吃晚飯，但是沒有位。我們中途行過永合隆飯店見到很多人排緊隊，原來細看之下發現之店最出名炭燒燒肉的，於是我便立刻排隊，原來此店的燒肉平均要成80元一斤的，我當日一口氣買了三條燒肉骨和20元半肥瘦的叉燒，全部承惠 $220，這是我人生第一次買了那麼貴的燒肉。我和屋企人立刻去附近的石岐佬開餐。燒肉皮脆，肉吃入口便知道是新鮮貨色，不是雪藏貨色，而味道沒有很咸的情況出現。因為有些燒肉的味道是很咸的，而該店的燒肉吃時還是熱騰騰的，真是貴得有道理。

4月18日中午那天同一位舊同事來這裏食午飯, 選擇來這裏最主要係要來試試這裏出名的炭燒燒肉, 而我那個舊同事其實係不知情, 只係為左食餐飯.環境方面, 可能間鋪比較細, 加上中午比較多人, 所以坐在這裏吃午飯的話會有點兒擠迫的. 如果可能的話, 我覺得到這裏叫外賣會公司食的話, 會比較舒適一點. 我地叫了兩碟飯:1. 叉燒燒肉飯 2. 燒餓燒肉飯在賣相和份量方面, 我覺得都不錯, 有很多餸, 但係如果可以多D飯就更好. 在味道方面, 我覺得個叉燒同燒肉都好味的. 個燒肉一啖食落去, 我就食到佢那種炭燒的味道. 總體來說, 這裏的燒味飯, 比起一般十五, ,六蚊的燒味飯和快餐店的燒味飯好味一些, 但未至於十分好食. 而我那個同事, 則覺得這裏的燒味飯只是一般, 而且佢覺得很貴. 說到價錢方面, 在旺角來說, 都不是便宜的. 因為一個雙併燒味飯都要成$32元, 但係沒有飲品或例湯送的, 全部都要另叫.

中午一個人食飯，老遠由沙田到旺角去幫趁好矛盾面對永合隆食我燒肉拼燒飯。因為佢燒肉非常之好食。但地方就污糟到不得了，尤其是後巷燒爐附近，如果大家幫趁要唔影嚮胃口，就唔好走去後門啦。佢亦就咁將匙羹同筷子放幾污糟面，同埋曾經好幾次發現匙羹上有飯粒，所以伙記比杯茶，只好用洗匙羹同筷子。如果唔叫例湯或者飲品，咁就要乾骾啦。我食燒肉飯要拼埋燒，因為試過多次剩叫燒肉飯，發覺碟面上全頭尾同下欄搭夠，可以食都無幾件，故叫定拼燒買個保險，佢燒水準就差啦。

睇到有關呢度嘅劣評，有D surprise，係唔係真係水準差咗呢? 反正有一陣子冇嚟過，今日就來驗證一下...有時候覺得，嚟幫襯往往不為什麼炭燒火腩或化皮乳豬，目的只求一喝嗰碗無添加嘅菜乾豬肺湯...水準依舊，喝得極過癮...乳豬賣清光，就叫义燒。一時唔記得叫半肥瘦，師傅就切咗個全瘦嘅，食味大減。好在肉質算不俗，絕冇食柴皮feel，還可以；反而燒肉就差了點，皮頗韌，肉偏硬，係有點退步了...臨走前睇見金錢雞出爐，晶瑩欲滴，睇到流晒口水...還會再來，只為例湯...還有...金錢雞...

這間惡店,本來已發誓不再幫襯,它的可惡法請見在下以前的食評.想食好燒肉,就要委屈點,用農婦食友的方法,在柜面指定要腩的部份,待他用發泡膠盒裝好,付款後,才行入鋪內吃.這樣才可以得心應手,不用吃砧板面的頭頭尾尾食料.敬告各食友,這店專把外賣人客不要的頭頭尾尾燒肉供應碟頭飯的顧客,不想吃垃圾,千萬不可吃他的碟頭飯.

無得傾...雖然又要排隊又唔係平, 但農婦依然覺得永合隆係至正的燒肉店...乜o野大酒樓的燒腩仔都要行埋一邊...皮脆, juicy, 爭唔到連皮的...齋食肉都好味溫馨提示: 1. 不要堂食燒肉飯...寧可買"一條"腩", 再站在門口食...堂食燒肉飯d燒肉無甘靚2. 買完...請站在門口偷食一兩件...一來這樣最好味, 二來"疏下氣"...else, 有d皮會"韌韌地" http://hk.myblog.yahoo.com/iwishiam-farmer

可能食懶屋村十幾蚊一盒燒味飯，原來太子區貴咁多，呢度一碗叉燒飯都要廿六蚊，灣仔再興食一碟雙拼燒連例湯都係廿五蚊，不過呢度講味道可以話同再興有得揮，叉燒偏瘦而且又淋，飯都算煮得好。但講其他野，地方真係好差，成間鋪都好多烏英仲要好大隻，我碗飯個碗仲要崩o左兩忽，廿六蚊黎其實真係唔多抵食......

係大記訂完糕之後，順便係永合隆外賣半斤燒腩($60)，話就話係想孝敬下屋企既老人家，其實咪又係自己胃食。燒腩:皮是燒得香脆的芝麻皮，皮下肥肉厚薄適中，肥肉再下一層的瘦肉夠嫩滑，最底層的連軟骨瘦肉夠鬆化。四層的炭燒四層肉，可借真的吃不出什麼炭香。不過這已經是吃過最出色的燒肉之一了。連不嬲食野超高要求既公公都大讚永合隆既燒肉，需然貴是貴一點，但是我都覺得十分值得了。

I lived around that place 20 years ago...So called..正宗炭火燒豬..but so what? 炭火, by itself, is not and should not be the winning card, people are not trying to 燒炭.燒肉is always a multi-dimension thing..Admittedly, 永合隆was good, but no longer. 燒肉and 叉燒were good.Back 20 years ago, they used fresh pigs for 燒肉.then they switched to ..probably because their business was too good and, even they used frozen pigs, people DID NOT NOTICE!!!~! GEEZ~!To put it short, they don't use heart to make their stuff, peopl

上次去已經覺得唔好食,今次打算再去食多次,唸住可能上次d人心情唔好先斬d頭頭尾尾比你食..今次都係唔例外,叫左盒燒肉半肥瘦x燒飯...d燒肉都係斬d頭頭尾尾比你食,而且仲要係一粒粒咁食.好過份,dx燒要半肥瘦,佢夠膽比全瘦,同佢講.係到扮聽唔到,唉..都算,食dx燒我係未試過咁難食,無味同埋好"un",呢盒飯都收人$32,真係食d普通$15雙併既燒味飯都好過佢多多聲,永無下次!!!!!!!!!