永合隆飯店

营业中

休息中

今次係我第二次寫"永合隆"的食評.正如我上一次所講, 我第一次食"永合隆"的燒肉係嚮1987 年, 果一次係我第一次認識到乜野係頂級水準的燒肉. 當時我真係唔知可以用乜野形容詞去形容, 但今日我終於想到了, 就係某足球評述員成日講的--"有今生, 冇來世". :-p可惜, 從九十年代中期開始, 我覺得佢地燒肉的水準不斷下降, 基本上每次幫襯, 我都失望而回. 記得有次睇"飲食男女", 有一個"永合隆"的員工表示, 近年飼養豬的方法不同, 肉質也因而不及以往, 唔通呢個就係水準下跌的原因?我最失望那一次係嚮1998年, 當時我女朋友的爸爸很喜歡食燒肉, 而我認為很多上年紀的人都對"永合隆"留下不錯的印象, 於是我就去買燒肉孝敬未來外父. 當時燒肉$90一斤, 我買左$60, 即超過半斤了. 果一次"永合隆"雖然冇呃秤, 但入面放左好多豬頭骨, 燒肉就只得十舊八舊!!! 而且肉質好韌, 女朋友的爸爸話冇可能咬得開. 其實當時年青的我, 亦都覺得D燒肉好韌好難咬.雖然失望, 但之後我仍堅持定期幫襯"永合隆", 期望佢地有日能夠回復水準, 只是每次我也失望而回......日前出開太子, 我再次

今日又去太子,突然想吃燒肉就走黎呢度。好細個時同老豆黎過,好有童年回憶;呢度應該裝修過,企理過以前但都係一般燒臘店一樣---地下幾扇。食左燒肉叉燒飯+例湯。燒肉脆卜卜唔太肥,叉燒都幾靚但又唔係太入味咁,最正係d黑媽媽豉油! 搞到非洲飯咁,正!!例湯永遠係菜乾豬肺湯!!味道同以前一樣,呢間既例湯好似味道特別香,唔知點解?? 食完呢餐飯都幾有感觸,食物同以前一樣,只係食野呢個人已經唔係以前既細路女,好懷念以前既燒腸,唔知而家邊度仲會有??

Too much ingredients will spoil the orginal taste of the Roast porks ............. and these people knows whats "Right to do". Although it's a little expensive compare to others , but it really worth a try......... a simple Roast Pork Rice.

佢d 燒肉真係好正,皮好脆,有一d 好豬肉味,係食過最好既?!

give them a chance !!because this 3 years i brought whore roast pork at here,so far all is good !!so expensive!$2900 whore roast porkbut good taste

先講講故仔......1987年, 我屋企人幫襯呢度, 燒左成隻燒豬, 再包兩架的士, 去拜剛去世的外曾祖母. 嘩! D燒肉好食到不能形容! 記得在山上, 我地叫那兩名的士司機一齊食, 起初他們唔好意思, 但食過之後就停唔到口. 現在回想起來, 真想流口水呢!只是近年水準下跌得非常嚴重, 真係"判若兩人"......但我仍定期會去, 期望會有奇蹟......

今晚偶然六時半行過望一望, 碰巧有一大件剛斬出來的燒肉, 於是急急買了一條骨, 說時遲那時快, 前後特然之間出現幾個人排隊, 好大嚿的燒肉一瞬間就賣哂! 一條骨要$45, 半斤有多, 急急就邊行邊食。燒肉還是暖的, 正宗芝麻皮, 肉又有味還帶有肉汁, 和一般的機燒真是有好大的分別。一般酒樓供應的微波爐番丁燒腩更加不值一晒! 都未行過街口, 成包燒肉就食哂!

呢度的確係燒肉好吃.... 以前中午插針都插唔入o架.... 但現在就今非昔比喇... 由於現在很多茶樓都有類似的燒腩, 而且唔算貴, 呢度D 燒肉都幾貴o架, $27.00 碟燒肉飯, D 飯仲係"米碌"...很難找到粒米係完整, 真係算食水深... 我現在很少去了, 因為越來越覺得唔值.....望見碟飯...D 飯真係唔開胃><

呢度D 燒肉脆卜卜,唔太鹹好甘香,真係好正.另外燒排骨都唔錯,夠蜜味.但飯就質素參差,有時叫燒肉飯,D 飯腍pat pat 0架,叫人點食?

呢間老字號的燒肉店, 都叫做出名, 這間店除了賣燒味外還有設堂食, 前幾年這店在中午食飯時段經常人山人海, 但近年就很少爆滿,很easy 就有位坐, 因為它們的碟頭飯, 質數很參差不齊, 碟飯D 米好似米碎o甘, 口感唔好, 而且馳名的燒肉飯很多時都搭埋晒D 肥到你唔食或搭埋D骨頭落碟飯處, 實在食水深, 唔怪得近年生意衰成o甘啦~ <br>由於這些老店通常都比較無管理, 有時更有"中午劇場"看吵架, 伙記和伙記之間的吵架會鬧出大堂, D 客人焗住要聽佢地嘈, 但坐在收銀櫃的老細, 竟然視若無睹,唔出聲阻止, 任他們自由對罵, 我都唔知幾驚他們大打出手.<br>但我覺得這店的例湯很好飲, 通常都係叫碟飯加例湯, 因為它們的菜乾湯很好味!!